FC2ブログ
Daisypath Anniversary tickers
Dinner with KETU @ HH*
明天放假, yeah! 今個星期番三日咋, 呵呵呵! 今天跟上司口頭說了我7月要請7日AL去旅行! 完全冇問題呢! yeah!! 機票已hold了一陣子, 再格格價吧! 我想, 我應該可以成行了吧, 好期待哦!

晚上約了KETU在紅磡dinner~ 因為她剛完成了2年的undergrad課程嘛, 之前已經說要一起好好慶祝一番~ 而地點當然是我們都所屬的紅磡啦! hahaha! 不過跟上次一樣, 2次約ketu, 我收工前都出了MK一趟, 即是我要重回紅磡, 汗!
今次我們去了間小店吃西餐, 店很小, 只有十多個座位~ 很多pasta選擇, 有些很便意的~ 我們都選了煙三文魚的~ 好多料! 我的是芝士焗, ketu的是白汁~ 另外, 還點了4隻生蠔! 好開心呀! 我已好久沒吃過生蠔了!! 上星期還說好想好想吃呢 >w<

意蠔屋

生蠔4隻、白汁煙三文魚闊條麵、芝士焗煙三文魚長通粉

ketu & 小豬~
食店: 意蠔屋
地址: 紅磡德民街29號地下J1舖


因為店太小, 又有人等位, 所以吃完就要立即走人了.... 之後去左附近的"松記"吃糖水... ketu好攪笑, 問了2次食左那些古靈精怪的食物會唔會肚痛的, 不過她2次都點了古靈精怪的食物 XD

雪糕紫米露、什果黑珍珠

小豬 & ketu~
食店: 松記糖水
地址: 紅磡明安街5號黃埔唐樓地下C110舖


因為松記又開始多人, 我們9點幾就轉移陣地去M記! 一定有位又冇人趕啦~ 本來都冇買野食的, 不過因為講得太口乾了, 所以最後都是凍檸茶和雪糕! 哈! 早知唔去松記, 直接去M記就算了 =P
我們今次勁多update呀!! 都是工作的事~ 好多怨氣呀! 互相分享! 其實我覺得KETU做左呢份工2年幾, 成熟左唔少, 亦有番d行動力~ 也是種好事呢 =) 而且有決定是好事! 搵錢最重要呀! 加油呀! support!! 有結果要立即告訴我們呢 =p 我都想轉工搵多d呀....
就這樣, 分享、說著說著工作、朋友經驗、男人依靠, 又是談到1點幾才走人呢! hahaha~

吃左3餐! M記繼續!

搭通宵小巴回MK, 之後我再行回家, 回到家已經2am了.... 明天放假, 太開心了 =)
識飲識食 | Comments:2 | Trackbacks:0 | 2014/04/30(水)
Causal Tea with Bonbon~
bonbon最近成了搶手貨, 不斷四出跟大家lunch, 今天終於到我的機會, 霸到bonbon幾小時的時間, 嘩哈哈 =p 本來有想過去酒店, 不過bonbon不想吃甜的, 所以就簡簡單單的去了simplylife tea, 埋單60蚊有latte有beef burger, 幾抵食呀!
好像是第一次跟bonbon二人撐枱腳 =p 講到好多攪笑野, 大家都想像不到大家溫柔地氹小朋友的模樣, 因為在fc2中, 我們對小朋友的熱愛程度應該是差不多的, 都係唔太會變聲同小朋友講野, hahahaha XD 第時可能是個煩阿媽, haha!! 同埋又講下生仔生女的好和壞處 =p
又說說身邊朋友的事, 同埋另一半的攪笑事, so funny =p bonbon剪了頭髮, 感覺孕味更出~ 不過冇肥到啦~~
愉快的tea time, 不知在bonbon懷孕期間還有沒有下一次!? 畢竟我平時的地方不是就腳之處, 哈哈!

我們都點了beef burger~ 我的是caramel latte, bonbon的是lemon water

tea time @ simply life
食店: Simplylife The East The West
地址: 大角咀海泓道1號奧海城3期G19-21號舖


終於肯執下個衣櫃, 拎左1/3左右既夏天衫出黎, 主要是今年買的和去年買的會多著那些~ 留番少量長袖衫.... 不過仲有排執呀 >.<
識飲識食 | Comments:0 | Trackbacks:0 | 2014/04/28(月)
舊公司BBQ同樂日@大尾篤~
舊公司有BBQ同樂日, 可以比同事和親友參加, 我都去趁下熱鬧, 有得免費BBQ, 幾好呀! 以前舊公司攪的活動, 我好像只參加過免費蛋糕班!? =p

一早11:30am就要在九龍塘集合! 好像從未試過要咁早起身BBQ呢! 平時起碼都4,5pm先去燒啦! 汗! BBQ場是在大尾篤, 還有旅遊巴接送, 真揼本 =P
12:30pm來到汀角灣燒烤農莊~ OMG, 我們包的場地不大, 有瓦遮頭的, 不過真係好熱呢! 因為我們的位置吹不到風扇 >.< 昨天天陰陰, 誰料今天陽光那麼猛烈! 真係熱死人了!! 未燒野食都已經熱死了 T^T

汀角灣燒烤農莊

hello舊同事, 雖然很多人是"故人" XD


即時開始BBQ, 我當然是燒我的最愛-燒雞翼! 燒雞翼真係好好食! 不過因為今天實在太熱, 所以我都不能堅持, 只燒了2 round雞翼, 之後就放棄了! 對住個火實在太辛苦! 大家都陸逐把食物放在網上燒, 幸好今天都有一個男丁幫手咋, 唔係自己燒真係好辛苦 >.<
這兒食物都OK, 有很多串燒的~ 我喜歡雞翼、雞軟骨、雞腎 (嘩, 原來我咁鍾意食雞!? HAHA) 除了肉任食, 還有蜆和大蝦是限定的, 都不錯~

食物不錯~

一開始都用叉燒...

之後全部放曬上網燒!


說是同樂日, 很多人一家大細咁黎, 仲帶埋狗來呢! 有隻雪橇呢! 好大隻好cute! 但又好乖, 好正! 大家都要跟牠合照呢 >w<

雪橇呀! 好cute!

之後仲有幾個遊戲玩, 收買佬我地贏左2次, 拎左1000蚊coupon呢, 10個人分, 每人分到100蚊~ 哈哈!! 之後還有爭櫈仔、答問題... 最後一個環節被人攻擊, 慘.... 不過呢個唔好玩, 大家成身已經出曬汗, 都仲要攬埋一舊 -_-||||

kai樣

熱辣辣仲要攬埋一舊~

每人分到100蚊, 都好...


最後個幾鐘先努力再燒燒燒, 這時太陽好像下山了吧, 大家的胃口好像好了起來!? 勁食呀! 哈哈! 今日飲左好多野, 不過一次TOILET都冇去過! 應該是出汗出得太厲害了吧! 中午的夏天BBQ, 真的太辛苦了吧!? *0*

大合照....

燒到5:30pm, 幾個同事搭番shuttle bus出去九龍塘~ 大埔真係好Q遠呀! 車上講是講非好好笑 XD 一追再追, 實際年齡x0.8! 這是人生目標! 哼哼!
請快攪summer activity, no more BBQ again please lol

旅遊巴回九龍塘

我5月還有2次BBQ gathering~ 我立即跟那2 group朋友說今天辛苦死了, 叫他們一定要選擇晚上才可以! 哈!
回到家, 不用dinner了... 次次BBQ完, 洗完頭個頭都仲好臭 -__-||||
香港足跡 | Comments:0 | Trackbacks:0 | 2014/04/27(日)
小慶祝一番 =P
早上去完Elyze, 下午回到家~ 好眼訓, 要休息一會兒....

今日去完Elyze, 証實了自己這一年來沒怎麼增磅, 好高興! 所以晚上想吃好一點的來慶祝 (以為自己有很多quota嗎!? 哈!) 等他踢完波再hea一陣就去佐敦dinner~ 本來我是吃吃日本菜的, 很想吃刺身呢! 不過找不到好餐廳, 所以就轉了去吃西餐~ 店裡只有幾枱容, waiters都是長者來的, 好少見! 應該是特意請的吧, 我欣賞!
點了兩個set, 一個牛小排一個鵝肝risotto, 牛小排好吃! 牛味濃郁, 我最喜歡了! 甜點是梳乎厘, 其實, 我從來都不懂得梳乎厘的, 因為我不太知道自己在食什麼, 哈哈哈 =p

酥皮蟹盒, chowder calm soup, 牛小排, 鵝肝risotto, 梳乎厘
食店: Sante Gourmet
地址: 佐敦廟街269號地下


dinner後由佐敦行回家, 行了40分鐘左右, 消耗了200kcal左右~ 哈哈! 二人一起行, 不會悶 :)
識飲識食 | Comments:0 | Trackbacks:0 | 2014/04/26(土)
Elyze機能再生*第二十八回*
估唔到我還有機會上Elyze減脂! 因為4月是生日月, 所以又可以去找朋友A做free treatment~ 今天一早10:30am就去了, 這是第2次去PP店, 上次去已經是去年的4月了, 也是free treatment呢! 呵呵!
這個4月生日月吃得太多了, 真擔心增磅了不少! 但因為我家有磅, 自己每天也有磅, 所以其實也知道自己沒重多少既, 因為太不可思議, 所以我曾懷疑磅是壞的 *0* 而且我覺得我個hip漲左少少 (之前減完, 有個位好凹)

環境真好~~ 好舒服的~ nice

已有一年沒inbody過, 雖然知道自己體重沒加多少, 不過我還是覺得自己的純脂肪多了的! 這次用的是新的inbody機, 一上磅. 嘩, 我只是重了一點點, 重左0.3kg (0.66磅)咋!! 而最不可思議的, 是我的純脂肪竟然還少了0.6kg (1.32磅) 唔係下fer!? 我真係冇諗過, 完全冇諗過, 真係好surprised好amazing好開心 *0* 哈哈!
一年前其實我是99.xx磅, 而家都係100.xx磅咋! 嘩哈哈! 雖然以我這個身高, 100磅在世人眼中仍是偏重了一點, 不過對這個我由細到大都係肥底既人來說, 真是非常滿意了!
原來我重了0.3kg, 是因為我肌肉和水份多了一點點 (下, 竟然!?), 不過水腫都仍是問題呢!!! 10個女人9個也水腫吧 *0*
這2年, 証明了Elyze d treatment真係冇反彈! 而最開心的是, 我都仲keep到體重同埋飲食習慣! 畢竟我都已是2年前join的呢! 我諗我唔暴飲暴食, 應該都有quota keep到下卦! 其實這2年, 我自己也下了很多苦功, 雖然現在已沒怎麼戒口, 亦仍然非常喜歡吃! 不過我已比以前吃少了很多了! 亦快飽了呢!! 有這樣的成績, i deserved吧 =p

今次的free treatment是accent ultra震解排脂和RF circulation~ 真是久違了! 其實我而家d手手腳腳同條腰都還可以, 不過下身真係仲好鬼肥呀 -__-||| 即係hip同大脾, 尤其而家見番條腰, hip同大腿就更突出, 汗! 所以今次就做上大腿的部分~~

新inbody機、accent ultra and RF circulation

做完機, 而家ELyze仲有mini bar, 仲有蛋糕和茶供應! cupcakes細細件, 是amanda s那家cake shop的出品呢, 茶我選了earl grey! 我做完剛好12點多, 這兒環境又好, 我覺得自己好像在high tea呢! 哈哈!
生日月, 仲有禮物送, 是面部輪廓緊緻serum! 仲有collagen的, 一聽都覺得係好野, 嘩哈哈! 而且填左份review, 仲有mask送! 今天0消費, 真係又食又做又拎呢! 又知道自己冇咩肥到, 好好好好好開心呢! yeah!
其實我有心動想再join架! 我想再減hip和大腿! 如果可以瘦多幾吋就好啦.... 不過我又真係好需要儲下錢, 我要好好考慮一下呢! 夏天來了, 希望我可以再靠自己的力量, 減下肥啦!

有cake & earl grey, 好似high tea咁 =p

仲有mask和serum送, 勁爽!


朋友過幾日上上海喇, 冇得farewell, 6月見啦 =)
擊退脂肪 | Comments:0 | Trackbacks:0 | 2014/04/26(土)
<小三大聯盟> (The Other Woman)

導演: 尼克卡薩維蒂
演員: 金美倫戴雅絲, 莉絲里曼恩, 凱特阿普頓

火辣女律師卡莉(金美倫戴雅絲)決定卸下「情場交際花」的封號,專一地對待新男友馬克,沒想到對方「辣」女無數,劈腿當食家常便飯!卡莉於一次驚喜突擊檢查時,意外發現男友已婚,自己竟淪為「小三」,並與「大婆」凱特碰個正著。正所謂「寧得罪瘟神,莫得罪女人」,她倆把心一橫決定化悲憤為力量,聯手出陰招反擊好色負心男,卻沒想到劇情變本加厲,給她們再發現爛滾衰公暗嗒另一人間胸器――「小四」安芭!三個女人忍無可忍,銳意連成一線,展開史上最爆笑及強勁的復仇大計!「婦」仇者聯盟,男人咪身痕 !


近幾年, 身邊越來越多擁有小三身份、被小三、又或是出軌的人, 男男女女都有, 真係好感慨.... 唔知係而家個社會係咁, 定係人大左先發現呢個就係現實?
因為見到電影是小三題材的, 所以就去看... 之前朋友都有提起.... 不過電影非常一般之餘, 劇情都真係麻麻, 失望!
不過值得一讚的是金美倫戴雅, 以往不太喜歡她, 因為不覺得她漂亮而且我也不太喜歡她的角色... 不過今次個角色做得好, 好有女人味、自信、好charm呢....
劇集電影 | Comments:0 | Trackbacks:0 | 2014/04/25(金)
2014之生日快樂*第12擊* - 日本菜with Crystal & Loretta~
放了4天easter holiday, 今天終於要上班了, 完全冇mood做野呢 >.< 幸好lunch完回來就立即去了港島東, 4:30pm就可以走人了, 呵呵! 因為晚上有約, 我還先回家, 休息了1.5小時才再出去TST, 哈哈!

4月已來到尾聲, 不過今天我仲有最後一餐生日飯呢!! 呵呵呵! 是跟Crystal和Loretta吃的~ 因為前幾天已吃得太多中菜, 所以我今天一家要食日本菜! 我好想吃刺身呢!
TST的中價日本菜, 很多都試過了啦! 最後去了諾士佛臺的白木屋, 笑笑集團的! 在日本很常見啦 =P 店內裝修很不錯, 很日式, 門口還有很多鳥居, 令我想起了京都的伏見稻荷神社呢, haha!
這兒的食物都不錯, 幾好吃~ 刺身新鮮、燒雞有雞味、燒餅加玉子汁幾特別.... 價錢也是合理的 (雖然不知為何埋單會咁貴, 多謝曬crystal & loretta =p) 另外終於一試了kirin麒麟啤新出的frozen beer, 第一次見是去年在台北見到的! 啤酒上面有一層-5c的泡泡, 令整杯啤酒一定都keep住好凍~ 那泡泡的形態好像"米田共"呢 XD 一開始有舊泡在上面好難人飲, 不過之後OK~啤酒果然成晚都好冰呢~

終於試到Kirin的forzen beer~

刺身併盤 (好新鮮, 牡丹蝦勁大隻)、暖暖豆腐配豆腐汁、煎餅配玉子醬汁、炭火燒岩手南部雞, 芝士焗牛油果、炸雞軟骨


今日又有很多update, 真是大開耳界! 真是有本家家難唸的經! 雖然有點sad, 不過這似乎也是現今社會很普遍的事了吧? 唉... 希望大家都能得到快樂!
今晚還有我今年第12個、亦是最後一個生日蛋糕! 我真係好勁呀! 12個生日蛋糕, 好浮誇呀! cake是mira餅店 hotel Coco的出品, 第一次試咋! cake是rasberry的味道, 酸酸的很開胃~ 比想像中好吃呢 >w< thank you so much!
crystal今天還有生日禮物送給我和loretta呢, 我的是一個ballet dancer型的掛飾物擺設! ballet dancer條裙是紅色的呢~ 成個display真係好襯我呀! 而且arm我用呀, 可以掛手鏈頸鏈呢! 想當年中學時代, 我們總喜歡在disney store徘徊, 買生日禮物給對方呢! 近年收到的生日禮物不多, crystal, thank you so much!! u are so so so sweet :)

今年第12個、最後一個生日蛋糕

crystal, loretta & karen

呢d燈光勁奇怪!!

謝謝crystal的生日禮物呀!! thanks so much!
食店: 白木屋
地址: 尖沙咀諾士佛臺1號6樓


我的生日活動已全部完結, 有12擊, 真厲害呢! thank you all my love and friends~ 令我每天都活在幸福和愛之中~
說了那麼久, 終於2x歲了! 唔係怕變老怕樣衰, 是我真的覺得自己還是很"細個"呢, 仲有童真又傻下傻下、大癲大肺、仲好鍾意周圍去玩呀! 2x的人還會是這樣子的吧? 近日在重聽"半成年", 10多年前的歌, 以前中學時代在K房都常唱這歌, 不過純粹喜歡聽而已, 那時未曾亦不懂細味歌詞, 如今10多年後再聽, 真係好感慨呀!
成年了恐怕並無特權吧 年輕沒規矩都會愛護有加 這身份有得拖嗎
我覺得自己仍是"未成年"呢, 但社會就是這樣迫你成長變大人... 雖然我亦期待將來的生活改變, 但我仍常懷緬過去呢, 真的很miss, 很不捨... 希望, 2015年的2x+1遲點來吧... 亦希望上天給我力量, 去距越這個人生關口的界限! 但我仍願相信, 2015年的2x+1, 我一定會活得更快樂更精彩!
節日慶祝 | Comments:0 | Trackbacks:0 | 2014/04/22(火)
享受最後一天復活節假期@西貢
4日的easter假期已到了尾聲, 洗唔洗咁快呀! 連續4天假期都出去了, 日日都幾乎玩足成日, 我真是好魄力! 真厲害! 今天已是假期的最後一天, 一起身已經有點沮喪了 >.<

下午跟他入了西貢, 不用等小巴入去, 太好了! 在MK時天氣還好好的, 不過一入到西貢就天陰陰, 還有一點點毛毛雨, 汗! 我本來還戴了太陽帽的呢 =_=||||
入到西貢已4pm左右, 今天什麼都沒吃過, 我們先去了吃fish & chips, 好吃呢! 魚肉好好味! 都有少少驚喜呢! 在英國時我都沒機會吃到好吃的fish & chips! 反而在澳洲有食到, 哈! 我們還有5蚊的炸魚皮、全港首創的炸oreo~ 哈哈! 就這樣走在街邊吃, 真relax~

西貢的fish & chips~

fish & chips, 炸魚皮, 炸orea~~

加8蚊可以有qoo和粟米, 好抵! 好久沒見過qoo了!
食店: Chip In Fish & Chips
地址: 西貢敬民街9號高勝樓地下11號舖


因為這幾日我覺得非常熱氣, 所以就去涼茶舖飲苦茶, 20蚊的降火茶, 好難飲呀 >.< 他沒什麼事, 就吃豆腐花, 好好吃! 比南丫島的山水豆腐花更好吃, haha!

苦茶好難飲!

天陰陰, 不過一場黎到西貢, 都沿著海旁逛逛~ 在碼頭又見到不少tour, 我們已去過連島沙洲、地質公園, 下次真想去珊瑚島、魚排、釣墨魚呢~ 不過呢d要一班人去先好玩 =p 然後在碼頭見到很多賣海鮮的船仔, 真係好吸引, 我實在太好海鮮了 =p

賣海鮮的船仔, 真係好吸引

晚上book了位去吃斯里蘭卡菜~ 又是很新的cusine, 第一次食, haha~ 我們之前都不太清楚斯里蘭卡是在哪兒的, haha! 斯里蘭卡菜好特別, 食物偏辣, 有點像中東菜、印度菜那樣吧~ 都是香料較重的~ 味精都不錯, 幾好吃! 有時候refresh一下味蕾真不錯呢 =)
最攪笑他有一個來自斯里蘭卡的舊同事, 他在whatsapp問人家什麼啤酒好飲呢, haha!

斯里蘭卡入口的啤酒, 好特別! 黑啤幾好飲架!

黑咖哩羊, 炸魚薯球, 斯里蘭卡蕉葉飯, Gotu Kola Mallum
食店: AJ's Sri Lankan Cuisine
地址: 西貢海傍街14號地下


明天要上班了, 好唔開心呀 >.< 積極一點想, 下星期有一天5.1假期放, 我連續3個星期都是番4天而已, 已經好好彩了 T^T
香港足跡 | Comments:2 | Trackbacks:0 | 2014/04/21(月)
2014之生日快樂*第11擊* - 京川滬菜with Eva & Wallis~
前2天上了廣州玩左2日1夜, 昨晚很晚才回到家, 很累了! 今天一起身, 嘩, 對腳好痛好攰, 喉嚨仲有點不舒服! 應該是太疲累了! 真是年紀大吃不消呢! 幸好休息了半天, 腳舒緩多了、吃了4,5粒龍角散後也好了一點! 傍晚時已好很多了!

雖然4月已過了20天, 不過我仍有生日飯局! 真厲害! 呵呵呵! 今天是跟eva & wallis的呢~ 今天吃京川滬菜, 這幾天吃了很多中菜呢! 早知道可能一早就不會選這兒, 哈! 這2個星期見了eva 4次, 第一次是cus dinner、第二次是前2日捨命陪君子的打邊邊、第三次是昨天在廣州巧遇、第四次是今天, 哈哈! wallis則有幾個月沒見了呢~
可能是easter很多人外遊嗎? 餐廳人不多, 我們都不是很餓, 點的食物都不算太heavy, 蔬菜都不少呢~
說到wallis的新工作, 希望可以少d OT~ 加油呀! 還有希望大家都身體健康 =)

片皮鴨、川三鮮、小籠包、四季豆、上海炒年糕~

eva, wallis & karen~
食店: 儂京川滬菜館
地址: 尖沙咀諾士佛臺1號3


dinner完在諾士佛臺下來, 先去了甜牙牙攞飛~ 因為知道近期大熱的Lab Made x anna sui特別版的雪糕到明天last day, 所以就再去排雪糕, 反正都在等位嘛, 就襯著最後機會要來朝聖一試~ 雪糕製作過程幾得意, 出曬煙的! 雖然人很多, 但不是等了很久就有了! 今期的口味有紫米露、藍莓燕麥乳酪等, 不過我點的當然是anna sui, 是紫心蕃薯的口味! 雪糕是紫色的, 上面還有2隻竹炭味的蝴蝶曲奇呢~ 成杯雪糕真係anna sui呢! 好襯好令呢! 雪糕味道不是很甜, 蕃薯味不算很濃, 不過有蒸蕃薯的感覺, 最欣賞是它還有脆卜卜的紫薯乾, 加強口味~ 不錯呢 =)

Lab made x anna sui

anna sui~ 紫心蕃薯的口味! 真係好anna sui呢 :)
食店: Lab Made 分子雪糕專門店
地址: 尖沙咀諾士佛臺1號3


剛好買完雪糕, 甜牙牙就有位了~ 進去吃甜點, 也食埋我第11個生日蛋糕, 哈! 不過嚴格來說也不是蛋糕, 因為我選了芒果木槺布甸 =p thank you eva & wallis ^3^
eva半年後補擺酒, 真係還有不少東西攪呢~ 攪結婚真係好煩 @@ 之後wallis又說起某人的要求, 真係好好笑, hahaha!!

4月20日, 我仲有生日蛋糕食呀! 哈哈!

thank you eva & wallis~
食店: 甜牙牙
地址: 尖沙咀加拿分道46號地下
節日慶祝 | Comments:0 | Trackbacks:0 | 2014/04/20(日)
廣州復活節6人行的連環走失之旅DAY 2*
晚琴雖然訓地下, 不過都訓得算唔錯呢, 地係硬左d, 不過位置很大嘛~ 大家陸續在8點幾起床, 幸好toilet大, 大家可以一起擦牙梳洗~ 執好曬野check-out, 我們先放低大件行李在酒店, 就搭的士出發今天的行程了!

第一站是”大同酒家”, 這兒不算是很有名, 會選它是因為我們今天主要在越秀區活動啦, 想找間近近地、又是旅遊書中有介紹的酒樓飲茶~ 來廣州, 一定要飲茶吃點心啦~ 這才是廣州的代表嘛 =P 我們進了個包箱, 好靜呢, 咁靜飲茶不是很習慣呢 XD 今天sally終於可以不用只吃素了, 我們點菜也可以肆無忌憚了~ haha~ 昨天飲了菊花, 今天就飲壽眉~ 琴日D茶好飲D呢, 難怪咁貴 =P
我們點了很多東西, 十幾個點心哦! 很多澱粉質的東西, 哈! 不過我個人偏好肉類多一點, 所以我也點了不少 XD 這兒點心的份量很大呢! 起碼比香港的大1/3呢, 抵食 *0* 食物都好吃! 亦有不少是特色一點的, 我們都喜歡呢 =)

大同酒家

腸粉, 韮菜餃, 牛肚, 蝦餃, 燒賣, 菜心, 牛腸, 蜆肉餃

紫心蕃薯卷, 牛仔骨, 馬拉糕, 排骨陳村粉, 鳳爪排骨

Sally, janet, tammy, ida, betty & karen
食店: 大同酒家
地址: 廣州市越秀區沿江西路63號


飲完茶, 我們就打算行去教堂, 行15-20分鐘吧~ 我對腳已經痛了 >.< 教堂就在一條海味街(一德路)的中心, 看到指示轉進去就到了! 所以我們沿路見到好多海味呢 =P

海味街

終於來到"石室聖心大教堂"了! 一來到是有一點surprised呢! 因為沒想到教堂是那麼大的呢! 我還以為是hea hea地的呢, haha!! 誰知道它真的不hea, 都幾令架! 外觀我一見到就想起了越南胡志明市的那教堂呢, 之後就想起在sdyney的st. mary's cathedral =p 這種教堂在外國可能隨意可見, 就算見到也不會拍照, 不過在中國, 就是非常難得一見啦! haha~
石室聖心大教堂建於1863年, 是天主教廣州區最宏偉最有特色的歌德式教堂~ 是由英法聯軍令清延政府建的呢! 因為教堂是由花崗岩建的, 所以就叫"石室"...

石室聖心大教堂

比想像中好大多呢 =p 都幾令呀!


我們也有進教堂看, 嘩, 入面都很華麗呢! 有我最喜歡的七彩宗教玻璃, 也有一盞盞水晶吊燈! 樓底很高, 很美哦~ 大家都在拍照~ 而身為catholic的sally, 在這個easter的日子來到這兒, 當然也有祈禱一番~ 我們都在坐著等她順便休息 =p
PS* 我們在教堂外見到2隻狗在XX!!! 牠們實在太攪笑了!! 所以成了我們今天的話題 XD

我真的很喜歡這些七彩的玻璃哦

我們坐著也要拍照 =)

一盞盞水晶吊燈也很美呢~

教堂對面的街~ 建築也不錯~


下一站是"越秀公園", 我們打的過去的~ 其實這個公園沒什麼, 只是我們見有時間, 就在找旅遊書找個景點3去下啦 =P 越秀公園是廣州的標誌性公園, 被評為廣州八景之一, 內裡有不少景點, 也有不少綠化~ 不過就是公園一個啦, 我也沒什麼expectation =p

越秀公園

見旅遊書介紹, 可以在公園內泛舟湖上~ 這是最吸引我們的地方~ 哈! 在這種國內的湖上泛舟真是很老土但又好襯呢, haha~ 我們租了架6人的小船, 人力動的, 一小時只需RMB60~
我坐的位置是純乘客位 (雖然後面沒圍欄的), 就是我的位置下沒有腳踏啦, 即是我不用用力踩, 嘩哈哈! 坐在我對面的Tammy是個掌舵位, 也要控制左右的, 所以真係我最hea =p 一開始大家不太懂控制船有點怕, 不過之後都沒什麼啦, 被人撞也沒所謂 XD 我們在船上拍下照, 其他4人就輪流地像踩單車一樣狂踩船, 哈哈!
要過橋的時候最可怕, 勁多船在橋的左右兩邊塞住!! 兩邊鬥撞, haha~ 所以湖上有”巡湖”的快艇, 頂番d船出去唔好塞住曬, haha~
最攪笑的時我們被撞, 放在頭頂上的水泡就全部掉了下來, 其中一個還套住了tammy呢, haha!!! 就好像飛機有什麼事, 氧氣罩立即彈出來的模樣 =p 最後我們也沒玩一小時啦, 很花體力的嘛~ 我們大概玩了半小時左右吧 =p

湖上已有很多艇呢

6人船, 哈哈! 很多人都只是坐4人的 =P

坐船都幾好玩丫 =p

坐在船上看風光也不錯~

水泡都掉下來了~

返埋岸了~


越秀公園有一個景點「五羊石像」, 我們想去拍個照就走, 誰知道很遠的呢, 又不想中途放棄, 唯有繼續行啦! 好不容易來到, 見到的就是一個石像啦, 也沒什麼特別 =p 影左兩張相就走了 (枉我們行了那麼多路 =p)
廣州別”羊城”, 就是沿自這個”五羊傳說”~ 相傳古時的廣州因連年旱災, 忽然南海天空飄來五朵彩雲, 五位仙人身拿著稻穗, 各騎不同毛色的仙羊, 仙人們把稻穗和五隻仙羊留下來~ 人們把稻穗撒向大地, 從此廣州風調雨順, 五隻仙羊化為石羊留在山坡上~ 這就是五羊城、羊城之名的由來。這個石像令我想起三亞的”鹿回頭”石雕, 似乎也是差不多的東西, 哈哈!
PS* 本想在公園租那些中國的傳統服飾來拍照, 不過冇時間啦, 而且大家都唔太想show我 =_=|||||

五羊雕像


來到, 點都要影張group photo的~


是次行程最後一個景點, 就是我之前最想來的地方 – 紅磚廠! 是廣州最大的藝術區呢~ 我們分2部的士前來, 我和sally & tammy先到了, 我們就先自行拍照~ 很多有藝術氣息的作品~ 不過等了好久其他人都未到呢! 我們懷疑她們可能在另一個門口下車呢! 我們當中不是人人有漫遊, 我就很無奈的打了個電話給ida, 我可是打了2次都沒人接, 好無奈, 就這樣不知花了多少錢, 汗! 之後換sally sms ida, 終於有回覆, 約好了在某個位置等~ 之後行行下有人大叫我的名字, 原來是她們呢! Ida說她試過回電給我, 不過我飛了線回家, 我工人還在說karen is not here, 她也非常無奈! 哈哈! 應該是我們互打, 撞線了吧!

新藝術區, 紅磚廠

ART & DESIGN FACTORY

藝術與設計工廠

英文名是REDTORY

連指示牌都這樣artistic的呢


紅磚廠前身是廣州鷹金錢罐頭工廠, 工廠棄置後, 搖身一變成為供藝術家租用場地發展個人藝術空間的地方~ 佔地有16萬多平方米的呢~ 自09年開始至今, 已吸引了不少藝術家進駐大展拳腳~
場內有著一棟棟紅磚建成的建築, 非常懷舊, 有點像昨晚去的太古倉~ 不過這兒的磚廠內的都是一個個的藝術作品展覽, 也有一點是賣東西的商業部分, 不過賣的東西都是很artistic的呢~ 而且周圍的建築、裝修都是很有feel的那種~ 街頭上有隨處有一些藝術品、舊機械等, 幾特別幾好feel架~

街頭上隨處可見這些舊機械

一橦橦紅磚廠, 好正

這種懷舊的感覺也很美

店內賣的東西、裝飾都好潮好爆架 =p


我們都有進了一些倉內參觀, 看看人家的exhibition, 有相片、畫等等~ 有d都幾得意架~ 好睇過昨天的1850創意館好多~我正想進一個希臘照片exhibition時, 突然有人叫住我, oh, 原來是eva woo呢! 我知道她也是昨天來廣州, 不過想不到會撞到呢, hahaha!! 真是太有緣了 =p 一場撞到, 我都要立即跟eva woo影番張相呢, 哈哈哈!

不少作品展~

在這個展館外面撞到eva woo~ 哈哈!! 真有緣

塗上油漆的舊機械~

不少現代作品


然後到了一個"廣州小站"的地方, 好像是以前的火車站之類? 環境不錯呢, 影相都幾令~ 還可以走進火車上和路軌上, 我想起了台北的青桐和十分呢~ kekee~

廣州小站, 我喜歡路軌~

舊車站?

假火車?


因為sally今天要早走, 搭5點多的直通火車回HK, 所以我們4點左右就在紅磚廠找間感覺不錯的餐廳吃個tea~ 反正今天行了那麼多, 已很累了呢! sally吃了個沙律, 我們5人就一人一杯drinks, 那麼熱那麼累, 都是喝沙冰最好了 =p 還點了一個pizza, 一人一件, 味道不錯呢 =p
這兒的drink list, 又有blow job了! wahahahaha!! 看來國內很流行? kekee!! (不過我沒試啦)
sally 4:30pm左右趕時間先走, 我們5人繼續hea, wifi下咁... haha~

又有blow job? haha!!

沙冰, pizza & salad~

餐廳環境很不錯~ relax不錯~


我們hea到5點多, 再逛了逛些展館, 我們都要走人了~ 我們在另一個門口走, 那兒的牆上有很多街頭塗鴉呢, 都是紅磚牆/ redtory的字樣, 好令呢 =)

又有舊機械~

有不少街頭塗鴉

好有feel哦~

redtory


本來想搭的士, 不過好像很難找車, 所以我們就搭地鐵了啦~ 回到廣州東站, 我們先買車票, 直通車只有9點多才有位 >.< 所以只好搭和諧號回深圳再回HK啦! 我們去了自動售票機, 試了很多次都買不到飛呢!! 真係好嬲呀! 攪左好耐, 大陸D機真係好suck呀! WTF!
去人手的櫃枱買, 終於買丁, 買了8:17pm的火車回深圳, 終於鬆了一口氣....

買完飛, 我們就行回hitlon hotel拿行李, 之後再到酒店對面的酒家吃我們在廣州的最後一餐~ 都是吃廣東小炒的啦~ 食物不錯呢! 好大碟! 我們一致同意都要點雞吃, 因為大陸雞的確好吃的 =p 還有那碟鵝腸, 超大碟, 好肥呢! 好吃!! 因為不想太飽, 所以我們只點了5個菜啦~~ 埋單也不貴啦~

富越潮式海鮮粥城

蔥油雞, 上湯菜心, 炒蜆, 鵝腸, 燒蠔~~
食店: 富越潮式海鮮粥城
地址: 廣州市天河區林和西横路196號大榮酒店1樓


dinner完, 我們就行回車站等車, 因為再怕有任何差池, 所以我們很早就在侯車室等待啦 =p 上到車, 今次終於有位坐了, 很感動呢 >w< 想當初我們昨天要站1個多小時, 真的太辛苦了 >.< 大家在車上到睡了, haha~
個多小時回到深圳, 很快就過到關, 回到HK了~ 在羅湖大家都有位坐, YEAH!!!! 回到家已11點多了, 今次行程真的好累好累呢! 我對腳好痛呀 >.<
雖然今次只是去廣州, 不過6人行, 飲飲食食, 都幾開心呀~ 而且去的地方, 也不是很大陸的感覺! haha~ 希望將來仲有機會大家一起去旅行啦 =)
環遊世界 | Comments:0 | Trackbacks:0 | 2014/04/19(土)