Daisypath Anniversary tickers
Gregory Porter Jazz Concert @ Cultural Center Concert Hall*
他有2張免費的JAZZ concert飛, 所以晚上就跟他去了文化中心,都不知幾年沒去過文化中心了,記得以前中學間唔中被迫要睇舞蹈畫劇等文化節目,哈哈!今天周圍的都是外國人,感覺很中產呢,哈哈!
我們看的是Gregory porter的jazz concert, 沒文化的我當然對他沒認識,不過心想是聽音樂的話也ok吧!

Gregory Porter的jazz concert~

還有back drop的~ 好久沒去過文化中心 =p


第一次去concert hall, 環境不錯,我地張飛要成400蚊的呢~ 我們還坐頭幾行 *0* 旁邊很多ABC很多老外呢,今天感覺很中產呢,哈哈!
演奏個半鐘,除了主音Gregory, 還有keyboard, 大提琴和saxophone的樂手,我覺得那些樂手的演出更吸引呢,哈哈!jazz這些音樂,令我有點昏昏欲睡,哈哈!
整晚氣氛不錯,很多老外都很熱情呢,還很積極拍掌俾反應 :p 我們也聽到最後encore部分才離開呢!

第一次去concert hall

竟是坐頭幾排 =p

gregory porter本人~

這些樂手也演奏得很出色~
歌舞劇場 | Comments:0 | Trackbacks:0 | 2014/02/28(金)
Bridal Talk with Shirley~
今天下午又跟客人去了Marco polo hong kong hotel食lunch~ 今次去左西村食日本野! 來了公司近三個月, 我第一次lunch吃日本菜咋! 哈哈!
西村的口碑一向不錯, 今次可以來免費午餐呃飯食真係幾開心呢, kaka! 我點了個碎雜錦魚生飯! 好多刺身呢, 睇見已經好吸引! 海膽好鮮甜呢! 正呀! 最後還奢侈地追加了一份日本空運到港的蜜瓜! 好幸福呢 >w< 做我呢行, 成日都可以去business lunch食好野試新野其實幾arm我丫 =p

碎雜錦魚生飯 + 日本蜜瓜! 正!
食店: 西村日本料理
地址: 尖沙咀廣東道17號海港城馬哥勃羅香港酒店6樓602室


晚上跟同事吹水吹了一小時! 哈! 之後去了apm跟shirley dinner! apm勁多人, 平日dinner都要等位真係太過份!! 最後去左本陣吃燒肉放題, 食物還好啦, 吃了很多肉...
shirley明年結婚, 近月都在忙結婚的事, 先是pre-wedding, 挑地方、揀衫.... 結婚真係一個很大的工程呢! 記得去年底由未propose的疑惑, 再到幾個月前我在越南的火車上收到她的whatsapp說engaged~ 由propose到engage到攪婚禮再到睇樓, 這幾個月shirley都有跟我分享不少點滴~ 她是第一個常常我分享攪結婚資訊的close friend呢! 還要是認識十多年、又同年同月同日生的好友, 感覺真係好唔同, 加上我也年齡漸長, 今次的投入感也大好多呢! 也謝謝您找我做bridemaid~ 我還以為一輩子都未必有機會做人家的姊妹呢, 哈哈! thank you so much! kekee!!
雖然還有一年有多, 不過還是很期待你出嫁那天的感動呢 ^w^

上星期韓燒, 今個星期就日式燒肉!

好多肉呀!
食店: 燒肉の牛太・本陣
地址: 觀塘觀塘道418號創紀之城五期(apm)4樓23號舖


來年陌生的是昨日最親的某某
閉起雙眼你最掛念誰?
祝你快樂and all the best!
識飲識食 | Comments:0 | Trackbacks:0 | 2014/02/27(木)
<華爾街狼人> (The Wolf of Wall Street)

導演 : 馬田史高西斯
演員 : 李奧納度狄卡比奧, 馬修麥康納希, 祖納希爾, 莊法來奧

真人真事改編,金像提名巨星李奧納度狄卡比奧演活華爾街大鱷大起大落的傳奇一生。外號「華爾街之狼」的佐頓貝福,由一個正直的華爾街初哥,搖身一變成為叱吒華爾街的股票推手和新股認購獵人。26 歲已靠炒作仙股賺得百萬週薪,花不完的金錢,讓他任意揮霍豪花狂洗,更沉迷性愛毒品,迷失在紙醉金迷的世界,永遠在追求更多更多和更多,貪婪和權力不斷擴張,金錢遊戲愈玩愈大,因而捲入詐騙和洗黑錢的魔鬼交易,泥足深陷難以自拔⋯⋯


雖然套戲做三個鐘, 又是wall street講股票的情節, 不過因為內容都幾多笑位, 所以都看得幾輕鬆呢! d人真係好瘋狂, 好像進入了一個普通人不能理解也不能接觸到的世界! 如果這是真人真事, 主角出獄之後仍沒有一蹶不振, 真的很令人佩服呢!
雖然leonardo的角色濫毒、濫交、犯罪又癲癲地, 不過他一說話就真的幾有魅力有charisma呢! 難怪真的會發達又sell到客! 他也把角色演繹得很不錯, 很稱職~ 不過令我想起了gatsby! 哈哈! leonardo和Martin Scorses是幾有火花的~ 最後, 我都希望leonardo能拿上oscar男主角呢!
劇集電影 | Comments:0 | Trackbacks:0 | 2014/02/25(火)
馬年利是再創新高!!
2月尾喇! 今個星期收埋細姨、朱bill和果子共5封的利是, 馬年收利是時間收爐了! 今年共收到54封利是! 而金額竟然高達3170大元呢!! (去年收到51封, 金額是3070元!) 去年的利是是我人生中的record high, 沒想到我今年又可以再破一次紀錄呢! 好開心呀! 嘩哈哈!!
因為轉工了, 所以我一早預左今年收到的利是一定比去年少! 怎料原來我在公司逗到的+客人給的, 也跟去年差不多 (其實我只收到一封客人的利是, 就是那500大元的! 不過一封抵幾封啦 =p) 真的沒想過今年會比去年還多呢! 我想, 主要原因是多了幾位CUS朋友結婚呢!! 所以多收了幾封利是吧!
不過今年少了幾封父母朋友給的利是, 否則可能會再多一點點!? 哈哈!



2月很快又完結了! 過得很快呢! 今個月沒什麼大開支, 再加上有利是補貼, 所以能儲不少錢呢! yeah! 終於可以補償一下上個月洗得多的情況!
馬年利是又創了record high! 希望明年羊年會更好! 希望明年可以再下一城啦! kaka!! (我明年都仲會逗利是架!)
購物禮物 | Comments:6 | Trackbacks:0 | 2014/02/23(日)
閃閃星民拜年@果子家~
我跟果子住得很近, 不過那麼多年來, 我們只在奧海城撞過3, 4次! 不過早前竟然差不多一個月撞到她2次呢, 那時間臨近新年, 所以我說今年馬年一定要去她家找她拜年逗利是!! 哈哈!
新年時約定果子, 順便約埋其他閃閃星民~ 當然要上下果子家啦~ 本來今天有7人的, 不過小菲和小透臨時來不到, 最後只有我, 小嘉, KETU, ingrid &果子5個~ 不過人少少, 傾計都唔錯丫 =p

跟小嘉和ingrid由我家行去果子行, 兜左個大圈 =p ketu訓晏左要遲來, 自己上去~ 雖然果子一直說自己家細, 但其實很大很闊落啦~ 我都想兩個人住咁大間屋呀, 哈哈!
一黎到, 果子就用韓式辣年糕來招呼我們! 第一次去人地屋企有這樣的小食! 果然是韓國媳婦呢 XD 然後我和ingrid都跟果子拜年! 到今日還有利是收呢! 多謝果子! 新年快樂呀! 馬年行大運! 身體健康! yeah!
ketu只是遲了一點點上來, 然後我們開始研究果子家的傢俱~ 我喜歡到朋友家作客, 因為一個人的家可以反映出一個人的興趣、個性、品味和生活態度呢! 很有趣的呢~ 果子家有不少家族歷史的古董呢, 都是很中式的! (雖然不是她的, haha) 很有趣呢! 哈哈! 最攪笑是小嘉睇睇下一個花球覺得好熟口面, 果然真她結婚當年果子接到的花球呢, 哈哈哈!

韓式辣年糕, 還有果子的利是~ 謝謝呢!

很多很有歷史的傢俱呢~ 每件都有典故吧! 哈哈

在果子家看我家~ 哈哈!

小豬, 果子, ketu, ingrid & 小嘉


坐到7點多就去商場dinner~ 周圍都很多人呢, 和民、聯邦、板長、自家烏冬都沒位! 好好彩, 那間吃pizza & pasta的Bene在我們拿了飛沒多久就說有位了! 只是15分鐘左右! 呵呵! 呢間我只來過一次lunch, dinner可未試過呢! 它是我今天的心水之選, 真lucky呢 =p 食物都不錯, pizza和蝦肉ravaoli都好吃! 其他一般啦~ 但dessert的確都幾特別! 食埋dessert埋單每人百多元, 算是很合理了~ 收貨!
是日很多都是"韓粉"、追星族、迷上星星的人!! 她們當然說了很多韓國、追星、好難買飛睇show的話題, 我不是那種人啦! 從來沒真正迷戀過偶像, 哈哈哈! 而那套星星因為太hit還令我有點反感呢 (雖然遲d可能都會睇) 哈哈! 反而聽果子說了一套美劇, 劇情好像很不錯, 我有d興趣wor =p
然後說起10多年前果子創立rainbow express (我還記得網頁的名稱架!)的原因! 哈哈! 我都記得當年我form 3時每月等她翻譯zipper中連載的paradise kiss呢 =p 多謝你當年提供了一個好平台, 讓我們認識, 多了班朋友呢 =p

parma ham pizza (很多ham! 芝士味很濃~ pizza也夠脆, 好吃!)、炭燒牛扒、chicken ceasar salad、蝦肉ravaoli (個汁好吃!)、carbonara (呢個最差, 好乾又唔creamy)


小豬, 小嘉, 果子, ingrid & ketu~

甜點有apple tart和passion fruit mousse~
食店: Bene Pizza + Pasta
地址: 大角咀海庭道18號奧海城二期106號舖


散band後行番屋企, 勁快呀! 呵呵! 今天應該是今年最後一次拜年了! 真的要跟新年說再見了 >.<
今個跟KETU一個月見了4次面, 是這個月的朋友之最呢, 厲害! 哈哈!
識飲識食 | Comments:0 | Trackbacks:0 | 2014/02/23(日)
Happy Birthday dinner with Sally Yeung~
連續第3日吃朋友的生日飯了! 12, 1, 2月真係有很多朋友生日呢! 連續3日咁食, 真係好大鑊, 好驚呀!! 我番唔到轉頭, 唔想再肥了 T^T
今天是sally yeung的生日飯, 餐廳在soho之上, 我和sally & janet由中環站搭的士去, 也找了一陣子才找到呢 =__=||| 餐廳是orange tree, 其實見它平時的menu有不少特別的菜我都想試呢, 不過因為sally的AE black card有promotion, 3 course set有折, 所以我們就點了一人一個set了~ 因為之前已知道menu, 所以基本上我都已經想好吃什麼了, 哈哈!
ida還未到, 我們就先點drinks, 我今天主打吃海鮮, 所以就飲rose啦~ kaka! my favourite! 好飲、玫瑰色又令!

先來一杯rose~~

4個人先cheers~ 哈!


雖然ida還未到, 不過我們5人都談得很愉快, 話題當然落在主角sally身上, 嘩哈哈!! 大家都有很多揣測呢 =p 不過八九不離十啦!! 嘩哈哈! 我最憎d人唔講真話 + 唔坦承又唔認, 幸福是靠自己爭取架! all or nothing!!! 反正遲早都冇架啦, haha!!
我們明明約7pm的, 等左ida個幾鐘都未到!!!!!!!!! 太過份, 已經很餓了! 所以我們決定不等她, 先吃了!! 哼!! orange tree其實是吃荷蘭菜的, appetizers我選了荷蘭style的"volendam" seafood platter, 有smoked eel fillets, grey shrimps, matjes herring (pickled fish)... 都是些醃了的海鮮, 感覺真是很歐洲呢! 是歐洲咸魚的味道! 哈哈! sally選了dutch style beef tartar、janet則點了pea soup~
因為昨晚吃得太多了! 所以今晚的main dish我點了最light的steamed mussels in beer!! 清新一點又冇咁飽嘛, 好吃! sally點了kurobuta pork chop、betty則點了sausage with braised beef cheeks~ 都好吃呢! 其實我是第一次吃荷蘭菜, 吃完之後, 再加上朋友們的描述, 我都想去一轉荷蘭呢!! 哈哈!

"volendam" seafood platter (smoked eel fillets, grey shrimps, matjes herring)
dutch style beef tartar、pea soup

steamed mussels in beer (其實還有配薯條和沙律~)
kurobuta pork chop、sausage with braised beef cheeks

karen, sally, janet & tammy

karen, sally, janet & tammy

未齊人架!

betty, karen, sally, janet & tammy


最後ida 9pm才到, 遲了2個小時!!!!!!!! 我們都差不多吃完main dish了 =__=||||| 不過遲到總好過冇到lor! 哼! 齊人繼續可以討論各話題, betty可能今年就移民美國、ida亦可能有機會跟男友去外國... 跟佬走的人真厲害真勇敢! (要看地方, 歐洲、台灣都可考慮既 =p) 我們笑說要儲定錢, 去美國或南美飲朋友餐結婚酒! 仲可以當去旅行! 如果朋友真是在外國結婚都幾好wor, 哈哈! 但請包住宿呢, 嘩哈哈! 雖然唔捨得, 不過老公才是跟你相對一輩子的人, 所以如果朋友要走, 也會很祝福的 =)

最後可以一起齊人吃甜點, 我點了"poffertjes" Dutch Coin Size Pancakes! 是鎮店之寶! d pancakes細細個, 一啖一口! 外皮脆、內又煙un, 甜度適中又有牛油香! 再加埋valina ice cream好好吃呢! 好推介呢! yummy! sally & tammy點了apple pie、ida就點了chocolate cake!
因為set dinner已經有dessert, 所以我們就沒有再買birthday cake呢! 不過都叫左餐廳在sally的碟上寫happy birthday架, 很不錯吧~ 我還帶了特別造型的蠟燭呢, 令d嘛 =p 因為沒買cake, 所以我們也買了張birthday card給sally! kekee! happy birthday to sally~ wish u dream comes true & all the best!!! 幸福要靠自己爭取的, 加油呀!

"poffertjes" Dutch Coin Size Pancakes (好好吃啊!!!)
apple pie、chocolate cake

happy birthday to sally~~

ida, karen, betty, sally, janet, tammy

betty, ida, sally, karen, janet, tammy

食店: Orange Tree
地址: 半山蘇豪些利街17號地下


我真係好想去旅行呀! 唔去東南亞, 我要衝出亞洲呀! 希望今年成功啦!
我們六人easter去唔到西安、去唔到桂林, 好彩都去到一轉廣東省! 2日姐, 哈哈... 希望到時唔好有人甩底啦 =p 這次可能是最後一次齊人去lu...
識飲識食 | Comments:0 | Trackbacks:0 | 2014/02/23(日)
Happy Birthday Dinner with Jacky*
今天真是很累呢! 好眼訓呀! 可能呢幾日好頻撲, 昨晚又飲左d酒吧! 好彩終於捱到今日happy Friday咋!

晚上約了Aberdeen之友吃Jacky的生日飯~ 好好彩, 本來上個月約時大家都說今天ok架, 今天可是Jacky的生日正日呢! 要多謝你把今天跟我們一起過 =p 不過最後有2個人甩底 =_=|||| 今晚得我, ben, bill, jacky, ken & yiu 6個咋.... 哼哼! 早幾年jacky生日去小肥牛打邊邊, 是我們大家回HK後第一次齊人呢, 不過jacky今年冇咁風光了, 哈哈! 但有6個人出席, 都唔錯啦 =p
Jacky鍾意食日本野, 指明要去大喜屋~ 還是他自己打去book的~ TST的full了, 也要book中環, 哈! 這個大喜屋, 我們這aberdeen之友已去過TST店起碼3次了! 是我們都太愛日本放題了嗎? 哈!
我們book了8:45pm的時段, 很晚呀! 7pm收工, 出到中環買埋蛋糕時間都尚早呢, hea了很久, 汗!

早早去排隊上去, 大喜屋真係好人山人海呀 =p 一坐底, 唔洗講, 立即點野食... 雖然今天已是年廿二 (年廿二都要提? 哈) 我昨天特意提朱bill要帶利是呢, 哈哈! 各位, 你們都要感謝我為大家謀福利呢! 哈哈哈! thank you 朱bill & try姐 XD

有ben在巴塞隆納的手信, 還有朱bill的利是, 呵呵!

大喜屋, 勁快手! 勁多刺身, kaka! 一開始真係一如以往的好興奮呢 >w< 大家都要拍下這個盛況 =p 生日+6人以上仲有一板海膽送呢! 正呀! 呵呵! 呢度d壽司都唔錯架, 細細件, 不會飽肚! 我都吃了2,3件呢! 其他燒物都好吃, 我喜歡牛舌、雞軟骨和烤蠔~ 大喜屋都算是日式放題中最好既一間既! 真不錯!! 飲品方面還有我昨晚想飲但飲不到的韓啤hite呢! 哈哈!
不過我們的戰鬥力逐步下降! 到尾還吃剩不少東西呢! 真可怕! 次次食放題都係咁, 一開始係咁食, 到尾就覺得攞苦黎辛, 哈哈!

cheers! happy together!

刺身好強呀! 吃了3轉!!! 第3轉吃不完 >.<

自拍... d燈光好怪lor!!

見到咁大盆刺身大家都要影相, haha

真係好多野食, 亦食左好多野呀!

生日有海膽送~ 呵呵


我們說起當年我們在glasgow回aberdeen當晚, 就去了Jimmy Chung吃中國菜buffet, 勁多炸野好難食, 哈哈! 我們還記得是14 pounds呢! 對當時貧苦學生的我們來說, 是豪食很貴的了, 哈哈! 每次一聚, 總會說起以前在英國的往事, 個個星期去旅行, 真係好鬼爽呀! 還有後悔當年沒有在英國大飲特飲呢!!! (雖然已經飲到入院, 汗!) 以前應該餐餐都要飲啦! 哈哈哈! 不過我們的記憶力是衰退了嗎? 年半前去濟洲旅行時的次序都有d攪亂曬, 我都唔記得邊晚勁同朱bill勁對飲! 哈哈! (其實晚晚都係我2個勁飲啦, 哈哈), 而ken還在記恨自己因為要開車所以不能暢飲呢! 哈哈!

之後就上蛋糕了! 真係好飽呀! 6個人還要share一個cheesecake! 早知買個再細一點的啦, 哈哈! (特登冇買美心喇! 費是有人complain =p) Happy birthday to Jacky~ wish you all the best and dreams come true! 希望你快d搵到女朋友, 下年可以過一個sweet d既生日, 唔洗正日再對住我地班成日笑你既豬朋狗友啦, kaka!!

happy birthday to jacky!

yiu, ben, karen, ken, jacky & bill~~
食店: 大喜屋日本料理
地址: 中環威靈頓街2-8號M88 6樓


好飽, 真係好飽, 飽到上心口呀! 好罪惡!
識飲識食 | Comments:4 | Trackbacks:0 | 2014/02/21(金)
Crystal's Birthday Dinner~
呢幾日都要不斷外出, 累! 都說因為業務的關係, 所以常有機會跟大老闆面, 今天還有機會跟老闆一起出去看店呢!! 雖然人家是前上市公司主席, 不過我又沒很緊張, 因為我全程都是跟班啦, 唔洗講野既~ 哈哈! 不過接觸下d老闆, 聽下人講野都幾好既~

晚上約了betty & crystal吃crystal的生日飯~ 我們去了吃韓國菜~ 這店令我想起在濟洲那燒肉店呢, 都是一個個煙囪的抽氣系統, 而且又貼滿韓式poster, 老闆又是韓國人不懂中文, 成間店很韓式呢~ 個” 煙囪”真係好得意呀!
韓國菜都是那麼東西啦~ 點了牛助骨肉和五花腩! 五花腩好吃呢, 好熱氣但好吃~ 值得既 =P 除了韓燒, 還有我最想吃的部隊鍋! 不是每間韓式店都有呢! 呵呵! 我去過韓國3次, 也不知道為什麼未在韓國吃過部隊鍋, 哈哈~ 其實部隊鍋都幾無聊的, 入面都是腸仔、午餐肉、年糕~ 不過要數最精華的是, 當然是韓國公仔麵啦! 吸曬D辣湯, 湯又煙煙unun夠彈牙, yummy! 而且見到個部隊鍋滾住咁, 已經夠暖心了, 哈哈!
另外還點了海鮮煎餅 (好香口! 好吃!), 還有真露呢! 越飲越眼訓 =p

好korean style呢~

韓式燒肉~ 牛助骨肉和五花腩~ 好熱氣但好吃~

真係好似我在濟洲吃燒肉的店呢~

最精彩的是部隊鍋, 韓式公仔麵是精華呢! 正!

還有韓式海鮮煎餅和真露

Betty, crystal & karen
食店: 韓辛
地址: 尖沙咀寶勒巷27號東匯商業大廈地下


我們3個可是由小學已心認識, 而f1-f7都是同班的呢, 哈哈哈! 真係幾有緣份 =p Dinner完, 成身煙味, 我們轉場去了M記吃蛋糕! 本來betty見到美心推出了新的mickey & minnie蛋糕呢, crystal喜歡mickey, arm曬佢啦! 點知原來個cake只可以一對咁買! 話情侶系列wor!! 蛋糕都有情侶裝!?? 係咪玩野呀 =_= 我們掙扎了很久, 最後都是決定放棄, 3個人點食2個呀! Crazy!
終於就去左paul lafayette買了2件cakes~ happy birthday to crystal~ wish you all the best and dreams come true =)

happy birthday to crystal~

Karen, crystal & betty~


PS* 我今日勁支力呀!! 好眼訓 >.<
識飲識食 | Comments:2 | Trackbacks:0 | 2014/02/20(木)
Hello Kitty Cafe @ Sogo~
早上去了見客, 直接由屋企出發10點幾去到沙田, 之後又去旺角, 回到公司都已經近lunch time了! 下午又出了cwb, 繼續present! 呢排成日出去, 好鬼忙! 好多濕碎野做唔到 =_=|||

不過我又唔太需要晏收工既, 像今天見完客, 5:30pm就能直接在cwb走人! 剛巧在sogo走人, 想起了sogo地庫開了間hello kitty cafe, 就自己去朝聖一番! 其實之前都想去架, 不過之後知道它是沒有座位的, 所以平時根本不會去啦 =p
其實店很小啦, 位置在超市入面不好找! 裝修也很簡單, 不算有很多hello kitty的東西, 沒都太多東西可拍照 =p 甜點方便大部分都有kitty的造型啦~ 鎮店之寶之red & green apple cake~ 認識hello kitty的人都知道蘋果是kitty的signature item啦, 哈哈! 她的體重是3個蘋果、高度是5個蘋果嘛, haha 我點了個red apple cake + rose latte~ 蘋果蛋糕紅卜卜很可愛, 而且不甜不膩的~ 好吃! rose latte上面印有kitty的樣子, 好可愛 =p 而且甜點也印有kitty的樣子, 尤其是macaron最可愛呢!
自己企係度食完野, 6pm走人~ 回家不用dinner了, 哈哈哈!
PS* 我不是Hello Kitty的粉絲啦! 不過我覺得她的東西幾令, 而且我喜歡主題的餐廳/ cafe啦~

Hello Kitty le petit cafe

hello kitty造型的甜點!

點了個signature的red apple cake & rose latte~ 都有hello kitty個樣的呢! cute!
食店: Hello Kitty le petit cafe
地址: 銅鑼灣軒尼詩道555號崇光百貨B2層B12舖
識飲識食 | Comments:0 | Trackbacks:0 | 2014/02/19(水)
不知不覺兩個半月了!
做呢行, 一向都多機會跟客人食飯, 以前舊公司成日同客去酒店食好野, 而家雖然去左紅磡, 不過同客食飯照樣地有機會去酒店又或是特別點的地方! 尤其新年, 就有不少聚餐! 真不錯呢!
之前去過中環廣場的sky lobby, 下個月有得去ritz carlton的ballroom, 呢兩個星期去左2次THE MIRA的國金軒... 一個月內去了MIRA 3次, 哈!
之前一直都想試下國金軒, 不過環境我就覺得一般, 不是很大, 裝修最特別都是那水晶吊燈, 沒什麼特別, 而且午市也有點吵... 上星期五我吃的是business lunch set, 每位$398 + 10%! 好鬼貴! 不過食物果然不錯! 叉燒好好吃呢! 肥瘦適中+蜜汁的甜度剛剛好! 今天又再去, 吃的是每位$268 + 10%的點心任食! 款食不是很多, 最好吃的覺得是鮮蝦菜苗餃, d菜很嫩呢! 還有黑松露野菌餃和鵝肝荔芋角也值得一試的~ kaka!

一星期內吃了2次國金軒呢! 幸好吃的是不同的東西!
食店: 國金軒
地址: 尖沙咀彌敦道118號The Mira 3樓


不知不覺已在這新公司工作了兩個半月! 我感覺已經很久了, 不像才2.5個月呢! 上手的程度比我想像中的還要快~ 都係咁啦, 也沒什麼不習慣! 經過以前的磨練, 其實也沒什麼~ 我不是覺得自己有任何厲害之處, 只是更覺得當年自己要用1年多來適工作應, 是因為我實在太green太fresh了! 如今工作5年多, 工作易上手也是應該的! (但在舊公司那些年來也見過不少新人, 其實舊公司請人的質素真的很一般!)
當年剛大學畢業時對商業社會什麼認識都沒有! 好彩之前的工作有很多exposure、磨練的機會既... 其實如今也是的, exposure也不錯, 是因為行業的問題吧! 雖然我只是個低級員工, 但都不不少機會可以接觸高級一點的管理層, 他們看東西宏觀一點, 不是那些很routine operational的東西! 真正的好運, 應該是當初付碌地入了行吧 XD
其實而家份工多左自由度, 我亦能接觸到更多第一手的market information, 也是好處來的~ 我對於未來的工作, 這2個多月亦有不少想法... 不只是看現在, 也要看將來的~ 再看看吧...
識飲識食 | Comments:2 | Trackbacks:0 | 2014/02/18(火)