Daisypath Anniversary tickers
馬年大年初一*
祝大家馬年快樂、恭喜發財、馬到功成、馬上有錢、馬年行大運

好像才剛剛進入2014新一年, 今天又是農曆的新一年的大年初一了!! yeah~ 今年是馬年, 終於都脫離條過得不好的蛇年了, 哈哈哈 希望馬年會過得事事順利啦!
一如以往, 大年初一, 一大班親戚都會上來我家拜年! 我睡到中午才下床, 大家差不多時候到達, 之後沒多久就開飯了!

家人最受人尊重的嫲嫲~

開年飯, 又是一如以往的十分豐富! 都是往年開年飯的菜色, 大魚大肉, 臘味、雞、冬菇蠔豉、豬手、蠔、荀、魚、菜、蝦等等~ 因為廿幾人食, 所以很多食物都分了兩碟, 張枱好長好壯觀呢! 大家都拿出手機相機來拍照, 食飯前要餵飽相機先, 哈哈!
之後還要該家人影相和拍大合照~ 攪左好耐才能開動呢~ kaka! 一共23人的開年飯, 真是很有氣勢呢! 祝大家馬年都身體健康, 事事順利!

臘味、菜、豬手、蠔、冬菇蠔豉、荀

魚、蝦、西芹蝦仁、雞、粉絲腐竹

很長的table呢, 呵呵!

我們這一家和嫲嫲~

吳氏家族, 廿三人 =p

終於開動得, 搶食呀! 哈哈


lunch完的時間通常最無聊, 他們開了2枱麻雀, 有些人包括我在就看電視, J2在播"屋塔房王世子", 之前都柅過, J2今天一連播了好幾集至7pm, 我都有在看, 然後我幾個表姐、表妹、嬸嬸、堂妹都有看過, 我不斷在問她們劇情, 哈哈哈! 看了幾集都幾好看, 且看我之後有沒有mood上網看完整套, 哈哈!
中場休息, 7點幾還有年糕蘿蔔糕吃呢 *0* 中間當然還有很多零食如果仁、金莎、朱古力等啦! 新年是個整天都在吃的日子呢, 汗!

新年有好多零食啊!

之後幾個表妹上左我房, 她們在打機看漫畫~ 之後一上到房, 見到我其中一個表妹很嘆地訓在我的床上看卡通, 真係梳乎! 汗! 之後同幾個表妹吹水, 講八卦, 好好笑 =p 其實我呢幾個表妹細我好多, 分別細我7年、10年、15年!!!!!!!! 我真的太老了! 汗! 最大那個表妹拍拖了, 我很八地八下而家d年輕既的諗法和點拍拖, 嘩哈哈!
其實我d親戚都唔太會趨人拍拖結婚生仔, 今日唯一一個趨我的竟然是那細我7年的表妹呢 *0* 大概是她很想去人家的婚宴, 嘩哈哈!! 好好笑 XD

分別細我7、10、15年的表妹 *0*

今年的dinner竟然等到10:30pm才開飯! 太可怕了! 我們真是由朝吃到晚呢! 汗! 今年沒有生蠔!! 不過也有很多刺身, 也不錯! 也有鮑魚、鴨舌、醉雞翼等....
開飯前又要餵飽相機先, 嘩哈哈! 影左幾張相, 先發現原來華叔去了toilet, 汗!! 之後又要再影過呢 -_-|||| i love my NG's family =) 希望大家都身體健康呢~

嘩, 鮑魚呀!!!!

北寄貝刺身、三文魚刺身、草蝦、帶子、八爪魚、熟蝦!

臘腸、臘味飯、鴨舌、螺肉

成張枱又變得很壯觀呢~~~

Ns's Family~ 我經常都霸到好位置, 嘩哈哈!


吃完dinner, 還有甜點糯米糍, 真是食足一整天呢 *0* 我要收下口, 我不可以再多吃了! 很飽了啦, 哈哈!!

仲有飯後甜點! 很可怕 *0*

今天的收穫, 呵呵呵!
節日慶祝 | Comments:0 | Trackbacks:0 | 2014/01/31(金)
Happy Birthday to my dearly YOU ^3^
終於年三十了!! 早上先去了沙田開會, 10點多才開始, 所以可以遲一點起床出門, 回到公司已經差不多lunch了! 下午知道了一個消息, 有點無奈, 不過well, 唔得閒諗, 話之佢啦! 過完年先算! 今天收5pm, 雖然只是早一小時, 不過都好過冇啦! 哈哈! 終於收爐, 馬年見啦!! yeah!

今天是他的生日呢!! 每年他的生日都臨近新年, 所以都很難外遊! 通常都只是吃餐好的! 本來一開始他是想吃日本放題的, 知道日航和半島酒店都是日式放題, 不過原來人家只做weekend, 只好放棄! 之後有想過吃日本菜, 不過想過想去最後就決定去吃buffet! 話曬都酒店, 又有他當初想勁食的刺身等日本野嘛! 最初想book半島不過full了, 之後試hyatt、three on canton都full (年三十真的太full了! 真麻煩!), 之後試打去Yamm竟然有位呢!!
記得早幾年Mira新裝修好, Yamm被各界盛讚, 我都很想一試呢! 不過當年只是剛出來工作不久, 大家的人工都很微薄, 真的不太想花那麼多錢, 拖拖下, 拖到Yamm的食評都麻麻地, 我也打消念頭了! 哈哈! 其實我一向不太好buffet (不過都會偶爾心動想吃既), 生日和anniversary也會選擇去fine dining而很少會去buffet! 今次就藉著他生日, 喜歡大啖大啖咁食的他提出buffet, 試一試也好的~ haha!

我只去過Mira 2次, 第一次是小嘉結婚、第二次是上個月來過Yamm喝咖啡, 那時候還不知這就是Yamm, 哈~ 酒店其實是我喜歡的hip & cozy的路線, 不過個lobby真係幾細, Yamm的裝修亦一般, 其實有點失望 =p buffet在6:30pm開始, 因為我們都早放, 所以可以準時開始吃呢! 哈哈! 那時候人還不多呢! 而且想不到今天年三十晚, yamm也沒有full booking, 真意外!! 知道其他酒店都full了呢! 不過人不多, 也好的! 可以輕動一點又不用排長龍!

Yamm的環境, 一般啦, 沒什麼特別...

食物都是那些, 有生蠔、龍蝦、螺、蝦、刺身 (有海膽、赤蝦)、鵝肝多士、天婦羅, 熱食都是那些, 不過有很多蠔的菜色... 食物款式不算太多, 不過quality是不錯的呢! 食野最重要都是quality not quantity呢! 所以雖然價錢貴d, 不過都ok都值既! 好彩姐, 之前怕它質素下降, 大時大節又唔full, 真是有點擔心! 哈! 其實一開始見到座龍蝦山已覺得好吸引呢 =p
次次食buffet, 我都是先吃冷盤, 一次過拎了很多生冷的海鮮, kaka! 龍蝦啖啖肉, 睇見都好興奮! 今晚有2款生蠔, 美國的好吃呢!! 海膽和蝦刺身也好吃! 不過我吃得最多的是鵝肝多士呢! 應該吃了7, 8件左右! 真係好罪惡呢 =p
食用都fill得幾快, 又排得幾令, buffet來說這些是很重要的呢!
雖然其實我不是很好buffet, 不過一年1-2次都會既, 因為都有d心癮架 =p (雖然自從我前年減肥後, 其實對buffet的意欲就更小了, 哈)

龍蝦山睇到我流口水

因為早來, 所以見到的食物還是排得很美的呢!

生蠔、龍蝦、螺、刺身、鵝肝多士、熱食

cheese & parma ham, 龍蝦蕃茄粥, 冬陰功, 甜點

見到龍蝦都開心!

影左好耐相先開始吃第一轉呢 =p


今天沒有再整蛋糕啦~ 不過我拿了buffet的蛋糕, 是tiramisu (幾好食) 又自備了心心蠟燭! 砌得令令地先上碟給他架! (本來想嘗試用朱古力醬寫Happy birthday, 不過不太成功, haha) 然後都有唱生日歌、許願和吹蠟燭架! haha! happy birthday to my dearly YOU! wish u all the best~ 祝您身體健康、事事順利、幸運之神常伴左右~ 大家永遠幸福快樂 =p

蛋糕都幾令呀! 蠟燭是心心來的呢!

happy birthday to my dearly YOU!


最後我們吃dessert, 已經很飽了! 特意拿了幾個macaroon, 因為貪得意又貪令, 哈哈! 然後我們拿著macaroon拍了不少鬼馬的照片, haha! 好低能呀!
吃著吃著, 我們吃了三小時呢! 想不到會吃那麼久 =p 埋單當然不便宜, 今個月真係洗左勁多錢! 入不敷支! 不過冇計啦! 生日的人是大王, kekee!! happy birthday to YOU! love u always~ be happy and good luck all the time~ 希望能共您共渡以後的生日, kekee!!

鬼馬的macaroon照 =p
食店: Yamm
地址: 尖沙咀彌敦道118號The Mira大堂


因為吃得很飽, 所以我們由TST行回他家! 當散步做下運動~ 之後我再搭小巴回家 =P 明天就新一年了, 要控制一下食量呢, 我可不想之後又要大減肥呢 XD

PS* 今年沒有準備禮物, 有機會就後補吧 =P 反而自己今日在Lane Crawford用左張giftcard, 買左d野俾自己呢, 哈哈哈!
戀愛記事 | Comments:3 | Trackbacks:0 | 2014/01/30(木)
Dr. Wu玻尿酸保濕精華面霜~

12月初去台灣時買左少少野, 就是台灣品牌Dr. Wu的skin care~ 一心諗住來台灣會買Dr. Wu的皇牌玻尿酸保濕系列, 本來只想買一支精華, 不過因為買多D有特價又有野送, 所以最後買了1支精華+2支面霜! 才NT2016 (HKD$545)! 勁抵!
本來一向用緊origins的精華, 不過感覺麻麻地冇咩料到, 所以回HK就立即轉用支Dr. Wu精華, 咦, 真係幾好wor!! 搽完之後feel到皮膚有d緊繃, 保水之餘仲令皮膚睇落有彈性! 我覺得好好用呢! (當然, 以這價錢來說啦~ 仲平過我支origins呀) 女人的皮膚, 咩毛孔粗、乾、細紋、暗啞、唔夠白, 我覺得都事小, 因為有得遮而且都仲有得救, 最怕就是冇彈性呢! 皮膚冇彈性最顯老呢!
近日用曬origins的面霜, 都轉用埋Dr. Wu的面霜, 其實我覺得之前origins的都幾好用, 咁Dr. Wu的都ok, 不過唔夠支精華咁令人impress啦~ 哈!
這陣子又有用下hitachi部機, 近日皮膚真係好左呢~ 哈哈!

明天年三十, 公司可以早放一小時, 都好呀! 好過冇, 哈哈!
時裝美容 | Comments:0 | Trackbacks:0 | 2014/01/29(水)
牛柳西蘭花貝殼粉~

平安夜吃剩些貝殼粉, 今天晚上沒人在家, 我自己在超市買了十幾蚊的牛柳 (說是angus beef!), 自己整了pasta吃! 加了家裡有的紫洋蔥、蒜蓉、西蘭花, 還有勁落黑椒, 好味!

今日好鬼忙! 一早回公司就要跟d大老闆開會! 之後落左一轉MK, 回來已經lunch了! 2pm又要另一meeting, 番埋位已經近3點幾4點喇! 汗! 不過幸好, 其實這個多月以來, 我最遲都是7pm走! 很ok啦! 不過有人的地方, 就自然有politics..... 真係煩! 唯有見招拆招!
點都好, 今天都已經年廿七了, 番多3日咋! 好快出糧好快新年好快連放4日喇! 加油!!
私房菜館 | Comments:0 | Trackbacks:0 | 2014/01/27(月)
Birthday dinner with Ben & Try*
今天超級累呢! 昨晚整了2個失敗的mousse cake, 攪到2點幾, 因為擔心, 所以整晚都睡不好! 今天是我的last chance呀! 一早8點左右起床, 然後9點多再落街買材料, 再接再厲整cheesecake整到11點幾, 總算大功告成了! 今次成功真是得來不易, 很感動!

晚上又是aberdeen次友的聚會, 過幾日就是ben的生日了, 他想打邊邊, 我挑了幾間, 最後他挑了間在他家很附近, 只需行5分鐘就到的"宴鍋", 個店名玩食字, 幾攪笑! 我因為拿著蛋糕, 所以自己由家裡出發, 一早就到了! 今晚一開始時本來齊人架, 不過最後yiu要番工, ariel和grace昨天才說突然要團年所以甩底 -__-|||| 所以今晚得我, ben, bill, try, jacky & ken 6個而已~

未齊人時, try先幫我打最後一支gardasil加衛苗! 對, 就在餐廳打, haha!! 本來上星期去她家打的, 不過約唔arm時間, 咁arm今個星期又見wor~ 所以就在今日打啦~ haha! 幸好餐廳人不多, 根本沒人留意 =p 話咁快就半年, 咁就打曬3支針lu, yeah! 為方便注射, 我今天還特意穿了短袖衫 =p 不過今次有d痛呢!
jacky遲到, 所以我們先點好菜了! 哈哈! 先來個店的鎮店之寶: "海龍皇湯底"! 真係很豐富很足料呀! 湯底300幾蚊, 不過有龍蝦、虎蝦、鮑魚、花甲、扇貝、長腳蟹等等, 很強勁的陣容呢! 一上到枱大家都很驚訝! 都忍不住勁拍照! haha! 湯底海味十足, 好正呀! 它令我想起我們一起在濟州吃過的海鮮鍋呢! kekee! 今晚的食物都不用點太多醬油味料, 因為湯底味道已經很濃郁了呢!
等埋jacky齊人, 我們都點了啤酒, 男人飲Guinness黑啤、女人飲stella artois, 可以大家一齊啤一啤, 特別開心呢~ 呵呵!
去宴鍋打邊邊

jacky未黎前大家啤一啤~

jacky, bill, try, karen, ben & ken~~ 終於齊人~

海龍皇湯底! 好強! 有龍蝦、虎蝦、鮑魚、花甲、扇貝、長腳蟹等

滾喇! 令我想起濟州的海鮮鍋呢!


食物方面都點了不少, 最正當然是"牛盛合"和"豚盛合".... 雪花肥牛真係好正呢! 打邊邊不可缺少的恩物呢! 正! 另外也特意點了不少可以吸湯的食物, 如竹笙、響鈴、凍豆腐、烏冬.... 吸曬d海鮮湯真是一絕! 最後我都有喝了不少湯呢 =p 其實這店的食物挺不錯, 都幾新鮮, 但可能因為店的位置很隔涉, 所以人很少呢! 成晚得幾枱客, 真可怕 *0*
今晚我們說了很多"高登巴打"的熱門話題, 如近日熱爆的"罪與佛", 不過try姐竟然那不知道是什麼, 仲以為他老公在攪爛gag, 真係笑死人, 哈哈哈哈哈!! 還有火腩飯, 男人的浪漫, 真係好低B呀, haha....
另外, 也有每次見面必提的歐洲話題, 真係超級懷念呀!

牛盛合, 豚盛合, 響鈴, 午餐肉, 鵝腸

鱔片, 珊瑚蚌, 炸魚片頭, 雲吞, 手打四寶丸

竹笙, 魚片餃, 烏冬, 凍豆腐, 唐生菜, 皇帝菜


Dinner完, 當然有我親手做的birthday cake! 不過唔知點解有d鋪在面的焦糖脆脆溶左呢! 汗! 不過幸好溶了也ok, 當面層多層topping, 而且樣子都沒什麼, 反有有種點要漏出來的美感 =p
大概大家都很surprise我有個handmade cake吧! 他們也認為我會在外面買蛋糕! 因為我昨晚11點多第一次失敗時, 開了個group告訴大家 (除了ben不知道啦, 因為打算給他surprise!) 不過完全冇人理我lor!!! 只得jacky出聲, 但說的卻是"咁正日再整過lor, 哈哈", 嘩.... 完全沒人出聲安慰過我, 呢班係咪人係咪朋友黎架 T^T
而try姐也是昨天生日的呢, 所以我也有預備了一支粉釭一支藍色的氣球蠟燭給他們二人架~ haha! 1月之星, 去年ben和try也是一起慶祝的呢, kaka! pre happy birthdy to try and ben~ wish u two all the best~ to my dearest, 過幾日正日再去慶祝過啦! haha! 今年是個很簡單的香橙cheesecake, 我覺得幾清新幾好吃呀! 希望你會喜歡啦! ^3^

my handmade orange cheesecake!!

happy birthday to ben & try~ all the best!

jacky, bill, try, ben, karen & ken*
食店: 宴鍋
地址: 佐敦文昌街41-43號舖


2月, jacky生日再見! 不過更重要的是要逗bill & try的利是呢! 嘩哈哈!
識飲識食 | Comments:0 | Trackbacks:0 | 2014/01/26(日)
Orange Cheesecake*
他快要生日了! 因為正日我們會去吃buffet, 當日不打算整cake啦! 所以就在今天整, 因為跟aberdeen之友慶祝嘛! 一大班人整蛋糕好d既, 否則兩個人一定吃不完! 想起來, 我們第一年過生日時, 都是我弄了個蛋糕, 之後跟大家一起吃的呢 =P

他說今年想吃朱古力or橙味的蛋糕, 咁就一於橙味啦! 我未整過嘛, 而且我自己都like橙汁, 感覺light d輕型d嘛
一心打算整orange mousse cake 因為去年整過lemon mousse cake, 好易又成功, 所以打算今年再接再厲! 昨晚買了材料, 連整了2次都失敗!!! 第一次是完成了, 不過放入雪櫃時唔小心整瀉左 (因為我用鐵圈, 所以個底好易漏)!! 那時已經是11pm了, 我功虧一簣, 真係想去死! 好想喊呀!! 超失敗!
好彩買多左d食材, 可以在11pm再整多次, 不過家裡已沒蛋了, 還要妹妹半夜三更幫我找回來! thank you so much!! 不過非常可惜, 我覺得整得唔多好, 應該是忌廉打得不夠吧... 最cake出來唔夠挺身...

因為不想失禮那麼多人, 所以我早上一早9am起身, 就去超市買材料, 再次改整算是萬無一失的orange cheesecake!!! 幸好今次沒什麼意外, 總算成功了, 很感動! 味道也OK, 如果咁都失敗我應該要哭出來了 T^T
表面的decoration也沒什麼特別, 只是加了幾片朱古力, 還有一些焦糖脆脆... 最特別是買了個很令的happy birthday蠟燭, 夠曬啦, kaka! pre-happy birthday to u! 希望你滿意啦~ ^3^
今年整cake, 我整碎了3次消化餅、打了3次淡忌廉、倒了3次砂糖..... 整蛋糕真是很勞民傷財呀! 其實我不喜歡整甜點, 這些份量要抓得很精準的過程, 跟個性喜歡抓重點、隨意煮食的我完全跟我不合襯呢 >.<

orange cheesecake~ specially for u!!

加左d蠟燭、焦糖脆脆、朱古力片.... 幾令呀! 哈哈!!


唉, 呢個蛋糕, 真係嘔心瀝血! 而且好鬼貴呢.... 咁辛苦又曬錢都唔知為咩, 明年真的要停工了! 罷整呀!
私房菜館 | Comments:4 | Trackbacks:0 | 2014/01/26(日)
Happy Friday Dinner....
今天下午去上orientation, 2小時左右,得8個新同事,其中4個是清潔姐姐,但HR最大粒果個CTO都會來跟我們說話半小時,親民地說公司的mission and vision, 不知道是否好事,不過的確是感受到公司挺重視員工和士氣的。

終於又捱過了一星期,太好了。下星期番多4日就新年了,連放4日,期待!
晚上跟他在大角咀dinner, 本來晚上有近10年不見的中學同學約食飯,但因為我早2日已放了他一次飛機,所以我也不想放他了,所以推了人家,昨天朋友們還叫我不要扮野呢,汗。今晚想吃西餐,找到間不錯吃的呢,吃了鵝肝多士,肉眼扒和羊膝,價錢也合理。

RIB-EYE, 紅酒燴羊膝, 鵝肝多士
食店: Baby Mushroom Restaurant
地址: 大角咀大全街26號


他出雞我出豉油,請他吃糖水,哈哈!冬天吃滋潤的燉雪梨,最適合了! 他想吃的杏仁茶和豆腐花都沒了, 只能吃紅豆沙! HAHA~

燉雪梨, 紅豆沙
食店: 大角咀麥太甜品
地址: 大角咀海輝道11號奧海城一期UG11舖
識飲識食 | Comments:0 | Trackbacks:0 | 2014/01/24(金)
Jelly's Birthday Dinner~
過兩日jelly生日, 今天就吃她的生日飯~ 1月真係好多人生日呀! 哈哈! 本來有想過吃日本菜, 不過想吃的又很貴, 又沒什麼選擇, 所以jelly最後就揀了間泰國私房菜, 也好, 給個固定的費用就有人想好menu, 不用自己花腦筋 =p (雖然都是吃那些東西啦)

先跟Jennifer在harbour cirt買了蛋糕, 之後一起上餐廳~ 餐廳是在一個大廈裡, 每晚最多只有三枱客, 我們早來, 所以可以選自己一枱坐入房, 真係lucky呢, 可以自己自成一角, 仲有獨立toilet呢, 哈哈哈!
我們一共有八道菜, 因為已上網看過, 所以也大概知道會有什麼菜, 併盤、生蝦、鳥頭、咖哩蝦、冬陰功、粉絲蟹煲.... 都是大路的菜色, 沒什麼特別的菜色~ 味道OK的, 不過不算特別, 反而是那個豬頸肉很嫩有驚喜! 價錢其實不是便宜呢~ 所以試過一次便可以了, 哈哈!

很多食物都是這個疑似泰國人主理的...

泰式併盤、豬頸肉、生蝦、明爐烏頭

冬陰功、咖哩蝦、粉絲蟹煲、蒜蓉包、西蘭花

咸檸七和青檸梳打, CHEERS!


tammy, jelly, karen & jennifer


因為是獨立房, 所以談得吵一點也不怕 =p 談學車、電視、檳城、令人生氣的男人、中學時代、st rose的是非.... 原來我係眾人眼中真是很八卦, 嘩哈哈哈哈哈!!
食完dinner還有birthday cakes~ 是在Cest la B買的Ms B bakery~ 令! 其實我地都唔係次次咁sweet都買蛋糕架, 很多時吃西餐都是在餐廳點支蠟燭就算 (其實都已經很不錯很acceptable =p) 不過今次是吃泰國菜, 所以冇dessert可點, 那我們就唯有去買cakes, 剛好又可以試Ms B, 呵呵! 因為人少少, 所以買4件小小的蛋糕就算了, 半磅都嫌多呢 XD 買蠟燭竟然要加10蚊一支!!! 我們沒買! 幸好去到餐廳可以免費提供, 呵呵呵!
Happy Birthday to Jelly! wish u all the best and dreams come true!! 我們要好好珍惜這兩年的生日呢, kakaka!!! 廿幾歲人, 竟有個相識20年的朋友, 真係好難得架!!

Cest la B的環境, 好令哦~ 要找機會來吃吃cakes~

買給Jelly的生日蛋糕~ 好令架~

Happy birthday to Jelly!! wish u all the best~

tammy, jelly, karen & jennifer~~
食店: 私+泰
地址: 尖沙咀寶勒巷13-15號寶力大厦6樓C室


我們由7:30pm食到差不多11pm呢 *0* 私房菜真係食得特別慢, haha~
仲有一個星期就過年喇! 好期待! 我好想要利是、出糧和放假呢! 哈哈哈!
識飲識食 | Comments:0 | Trackbacks:0 | 2014/01/23(木)
臨時的飯局
早上收到sally kwan的whatspp, 說她今天會在奧海城開會, 就順便問我晚上有沒有空~ 本來我是打算跟ben晚上在家吃個家常便飯啦, 不過sally問到, 貪玩的我當然OK, 所以甩了他底, 真是不好意思呢, 謝謝您不介意, kekee =P
本來父母今天在大陸, 所以就打算叫Sally上來我家, 仲講好曬話買刺身上來+大家快手煮飯下意粉牛扒!! 點知下午父母說今天提早回家, 無真奈!! 那我們唯有出去吃囉, 真可惡 >.<
最後我們去了simplylife, 食物不錯呢~ 點了個beef steak和海鮮糙米飯~ 都是set來的~ 跟餐的湯、麵包都好吃! 突然在旁邊的餐桌發現有人漏了部iphone, 我和他前2日才在小巴上執到部iphone呢!!! 真可怕! 是我太吸引iphone嗎!?? *0* 而且也很好財, 2個失主都拎得番部iphone呢! haha!!

beef steak和海鮮糙米飯

今日個樣超殘, 平時番工就是這副衰樣 XD

karen & sally~
食店: Simplylife The East The West
地址: 大角咀海泓道1號奧海城3期G19-21號舖


快快地吃完dinner, 我們再買了2件cakes上我家吃! 順便帶sally參觀一下我家啦~ cake還是sally付錢的, 因為她說要帶2件餅上來呢, haha (明明昨天是她生日 XD) 我家常常有酒, 所以我都開左支cheap cheap的白酒, 邊飲邊食邊吹水! 正! 係屋企飲酒真係平好多, 平時我地在外面的餐廳開1支house wine定價錢, 係屋企可以飲4-5支, 哈哈哈!
我們今晚有好多分享呀! 有d意外呢 *0* 時間真是一個考驗! 其實我地的性格有d地方都幾似, 希望朋友可以找到自己想要的! good luck =p

有酒有cake有quality talk~ 最佳享受! kaka!!

2個快要去歐洲working holiday的朋友, 日日係whatapp度分享london和paris的特價機票價錢!!!!! 頂! 好想去, 攪到我又忍唔住八下 =_=||||
識飲識食 | Comments:0 | Trackbacks:0 | 2014/01/21(火)
可愛的仙人掌*

昨天特意出花墟, 就是要買盆盆栽放在公司! 本來沒打算買仙人掌, 是想買有葉的植物啦 不過沒心水, 又見到這盆"什錦仙人掌"都幾cute~ 有紅、黃、綠, 其實有4棵仙人掌的~ 幾靚呀! 加上他又在一旁慫恿我 (他喜歡仙人掌!! 昨天就是因為我2年前買給他的仙人掌長大了所以要買去泥!) 就買了喇! 這盆仙人掌, 30大洋~ 幾抵丫, 仙人掌可以防電腦複射, 放在公司不錯, 哈哈哈! 而且好打理, 應該唔會咁易種死卦 =P (之前在舊公司小透送給我的盆栽, 一開始生得幾好好綠亦有人讚下! 但種了2年多D葉越來越黃啊! 最後冇得救 >.<)
希望我跟這盆小仙人掌, 一起在這公司, 努力成長

同場加映我公司的座位~ 位置真係幾闊落! 張L型枱多過以前好多呢 =P 不過我的桌子還是挺空曠的 XD 最唔滿意係公司個電話, 冇來電的, miss call又唔知 =_=|||| 呢樣野舊公司好好多.... =p
生活點滴 | Comments:2 | Trackbacks:0 | 2014/01/20(月)