FC2ブログ
Daisypath Anniversary tickers
2013除夕夜*
The last day of 2013, 今早收到email, 公司有得放早一小時收5pm, 雖然一小時不多, 不過都好過冇! 而且今次終於是堅的了,yeah! 5pm, 收爐! 下年見, 呵呵!

收工後即上他家, 因為他有個電的鐵板燒爐, 所以今晚打算在家鐵板燒! 他已準備好鮑魚、牛、羊、腸等食物, 本來7pm左右就開得餐了!
開著了爐幾分鐘, 也感覺到它發熱的! 然後.... 竟然..... 跳fuse!!!!! 咩事呀!! 開番電製試過好幾次了, 都唔work呢! 個爐今日第一次用, 但他之前有試過架, 都發熱到丫..... 點解咁黑仔架!!! 想不到2013年最後一天, 也讓我們黑仔到尾, 超級無奈!!! 我可是很想鐵板燒的呢!!! 不知幾期待, 真係WTF!

食物都準備就緒.....

一心打算玩鐵板燒,

不過呢個爐sucks!! WTF!!!!


望著那堆生的食物, 真是完全無奈到極點!! 有看過樓下買不買到新的爐, 不過都沒有、又想過叫外賣, 不過最後還是決定把食物煮了! 反正不難, 都是煎了它們! 都是他負責煮, 幸好他也懂煮食! 而我只負責了一個薑蔥鮑魚煲.... 調味落了XO醬、蠔油、老抽, 味道很好wor! 很惹味, 而且鮑魚的熟度剛剛好! 我真是有煮食天份! 哈哈! 攪了近一小時, 終於在8pm開飯! 好多好多野食呀! 都是鮑魚最正最特別~ 是他特意去街市買的! 幸好我們都識煮野食, 否則面對著那堆生的食物, 都不知道怎麼辦! 雖然冇得鐵板燒, 但作為2013最後一餐, 都很豐富很好吃呢!

芝士腸、薑蔥鮑魚煲、蕃茄炒雞肉、京蔥牛肉、津白、羊架

終於食得喇....

2013年最後一餐!


食完飯, 休息左陣, 他就去洗碗了! 我什麼都沒洗, 超爽! 謝謝你呢 >w< 他洗了一小時呢 >.< 我都在沙發上快要睡著了 =p 差不多11pm出門口, 打算去奧海城湊湊熱鬧一齊倒數 =p 怎料今年奧海城外面的戶外沒人聚集, 都是在商場內而已 *0* 又一無奈事件! 我們之前明明能坐在大電視下的呢 =_=||||
anyway, 在商場內跟很多人一起倒數! 經過那麼多事情, 我們也一起渡過了1314! 希望真的一起走過一世一生! wish all of u a Happy New Year and all the best in 2014 =)
大家都不斷在whatsapp和fb send happy new year的message~ so happy! 行回家的路上, 見到ICC有2014和happy new year的字樣呢! 噢.... 早知在家樓下直接睇count down啦... 明年真的考慮要出去湊熱鬧! 趁著還有幾分年輕, 哈哈!

happy new year 2014!!

2013年最後一天, 我出糧了! yeah! 雖然冇足一個月, 不過趺了4個月的saving account, 總算上升了!! 呵呵呵!
節日慶祝 | Comments:2 | Trackbacks:0 | 2013/12/31(火)
告別2013!
這麼快, 2013又來到最後一天, 轉眼又一年了! 可能我hea了4個月, 所以完全不覺得那麼快就新一年呢! 回望2013年, 我今年的變動非常多, 亦發生了很多人生的第一次, 很多都是人生大事! 2013年, 可以算是這廿幾年來發生了最多改變的一年! 有悲亦有喜, 路不平坦:

1. 3月尾, 人生第一次失戀
2. 7月尾, 我們又走在一起
3. 8月初, 離開了工作了5年的公司, 揭然一新
4. 9月尾, 越南炒車
5. 12月初, 開始了新的工作, 新的開始
6. 放了4個月的悠長期待, 唔洗做, 只去旅遊和耍樂
7. 一年去了6次旅行, 可說是人生的顛峰! 2月去日本中部、6月去馬來西亞檳城~ 辭掉了工作, 8月中去杜拜、8月尾去澳洲、9月尾去越南、因為找到工作, 把握最後機會最後一擊, 12月初上班前去台北
8. 體重創近10年新低, 低峰期時100磅不到
9. 第一次做手術, 又剝埋智慧齒
10. 真實的感受到身邊同齡、一起長大的朋友開始踏入生新階段了

2013上半年過得不好... 剛失戀時真的不容易適應, 尤其很多地方都令人髑景傷情, 雖然我看似堅強, 但其實我很傷, 我只是不喜歡亦不擅長表露哀傷而已... 但幸好自己尚算理智, 之後慢慢recover, 安慰自己, 更積極地生活~ 在這段時間亦了解了自己更多... 有了這段經歷, 更令我定下放棄一切的決心, 毅然離開工作, 想有個新開始... 但當時受打擊的我, 由始終都相信the best is yet to come!
在這裡亦再次感謝所有曾關心過我的家人、朋友、同事, 一直多聯絡的、一年見幾次的、平時少出現的、素未謀面的.... 雖然這段時間不長, 但在這段日子, 我收到了很多private whatsapp/ facebook message跟我說加油! 我不是個完美的人, 謝謝你們包容我的瑕疵, 令我每日都生活在被愛之中, 我真的很感動, 很快樂 =) 雖然平時我份人瘋瘋癲癲、大癲大肺, 不過我每天都心存感恩, 覺得很幸福... 就算是在人生低潮時, 我仍然深信自己是幸運的....
到下半年, 不久, 我們復合了, 過了這一關, 更珍惜得來不易的感情... 我們同遊澳洲, 享受了一個完美的假期, 不過之後又要分隔異地, 到9月尾10月我們再去越南, 因為發生事故所以他也回HK了, 那一次, 我真的覺得世事真的很奇妙, the world is so amazing....

另一大轉變是工作方面, 8月初last day, 其實我真的非常不捨, 我是個用情很深的人, 尤其是時間、回憶和經歷更是我的死穴! 我的理智令我有行動力, 但沒人會明白在同一時間, 我的感性是如何拉扯著我的情感! 這5年來, 這公司給了我很多: 自信、朋友、網絡、做人的堅持和做事應有的態度.... 這樣的一間公司其實真的沒什麼好complain的, 升職2次、工資合理、熟手、受上司重用、同事關係良好, i really cant ask for more.... 主要原因是我覺得自己到了瓶頸, 亦不甘心一直待下去 (雖然我也不相信公司能一直沒變化, 能令我待到退休!) 雖然說我是目標清晰, 話就話堅定地要走姐, 不過沒了工作、沒了愛情, 兩袖清風, 其實談何容易! 而且要改變既安穩又不差的現況, 誰會不擔心害怕呢! 大家也別太高估我!
加上之前我的工作都真係幾好, 要轉變, 我也要轉變得意義才值得呢! 但在尋找自己想要的那不具體的什麼的過程中, 內心總會掙扎和質疑自己的決定! 看著市場上沒什麼心水的offer, 看著日日回落的saving account, interview後又沒回音的情況, 怎會叫人不緊張呢!
好好彩, 11月尾終於有offer, 雖然不算很好, 不過還是去嘗試了... 12月初上班, 還好! 新公司似乎有很多新事物值得學習... 當然, 我也看到不好的很煩的東西, 但我應該學習放大別人的優點、縮少別人的缺點, 這樣做人會快樂一點!

總結2013年, 我的路, 一點也不易走! 但總算捱過了! That's just life! 希望大家也跟我一樣, 在失意時繼續向前走! 請相信自己和未來, 路, 一直都在!! Happy New Year and wish u all the best! 希望2014年, 我和我的家人朋友, 大家都身體健康、永遠快樂、世界和平!

2014年, 都set番少少目標給自己:
1. 改下自己的壞習慣, 如說話太直接hurt到人、脾氣不好、橫蠻等
2. 繼續肥減, 重點是手臂和hip
3. 努力儲錢
4. 工作快點上手, 努力
5. 最少去2次旅行, 希望其中一次可以飛出亞洲
6. Work hard, Play hard
生活點滴 | Comments:2 | Trackbacks:0 | 2013/12/31(火)
家家有本難唸的經
今天約了客人4pm在cwb見面, 3pm離開公司, 4:30pm就走得人
我跟兩位interior design去的
沿路上跟他們二人談了不少公司的八卦、是非、人事
呢度的怨氣真係幾重
不過終於都有人明白我的難處, 好感動
大概每間公司、每個部門、每個人都有本難唸的經
都係你睇我好, 我睇你好姐....
其實都番左工三個星期, 我真係冇野做lor, 有時都幾無奈 =_=||||
我都唔想白逗人工架...
可能上面都冇諗過我的角色是什麼, 做什麼....
最有charisma的GM下星期last day了, 都唔知我係咪被人昆入黎的...
且看新來的GM是個怎樣的人, 再睇下怎樣做多一年半載啦~
不過今天遇到知音人, 總算有幾分安慰....

PS* 同埋呢行真係好細, 其中一位I.D.現同事, 原來in過我舊公司, 不過嫌人工低 XD
生活點滴 | Comments:0 | Trackbacks:0 | 2013/12/30(月)
小嘉, Anmary & 小透的Birthday Dinner~
前晚飲酒斷片, 好彩昨天沒有約, 可以休息一整天~ 不過成日都冇食過野, 個肚都凹曬... 不過這樣可以有助減肥?! 哈! 好彩前晚都嘔曬, 琴日冇再嘔lu, 只是係咁訓....

年年12月都會吃小嘉& anmary的生日飯~ 但今年約在29號, 3日後都是小透的生日了, 所以今年就大匯集! 小嘉, Anmary & 小透一齊慶祝! 都幾好呀! 哈哈! 不過就苦了我和ketu, 又禮物又蛋糕, 大出血哦 T^T
早幾日已經去左訂蛋糕, 是上次ketu生日時吃不到, 在"Black n White"買的花花波波蛋糕~ 之後一起去上環站, 再行去餐廳~ 路不好找呢!
餐廳不大, 我們坐上了2樓~ 食物選擇不多, 不算便宜... 要避開有人不吃的牛、羊、魚, 其實也沒什麼好選... 不過食物都幾特別! 而且幾好食~ sear scallops, risotto, lobster pasta, pork loin, roasted chicken~ 都好食呢! 都有少少驚喜~

sear scallops, risotto, lobster pasta, pork loin, roasted chicken

餐廳主動幫我們上蛋糕, 這兒竟然不收切餅費呢! 又幾好wor =p 今次的蛋糕真係好令~ 不過因為插了蠟燭在那朱古力波波旁邊, 所以那朱古力波穿左個窿呢 *0* 所以叫她們三個壽星女立即快點許願吹蠟燭~ 之後才慢慢繼續拍照, 哈哈! 個蛋糕味道非常濃郁, 不過本人對朱古力味道麻麻, 所以覺得一般 =p
happy birthday to carol, anmary & toko~~ all the best~ 希望你地心想事成啦!

小豬, anmary, 小嘉, 小透, ketu

今次個生日cake都好令呢~

小豬, anmary, 小嘉


之後輪流拆禮物, 先是小嘉的睡衣+指定的防曬、anmary的則是我們千辛萬苦才買到的聖誕節特別版小鹿水晶、小透的則是paul & joe的化妝set + base.... 仲要比蛋糕錢同食飯錢, 我和ketu真是大大大出血呢! 每年年尾都好大負擔! 我仲未出糧呢 >.<
一直談到11pm才散band, 護膚品、鐵板神算、紫微斗數、蜜蜂、蒼蠅...... 不過我們旁邊一直有個"security guard"在serve我們, 還說要學下野呢 *0* 笑死人! 下次, 都係約星期六好d, 可以傾晏d呢! 先預祝大家happy new year =)

大家的生日禮物~~
食店: On Lot 10
地址: 中環歌賦街34號地下


仲有2日就2014喇.... 我已開始忘記2013上半年的不快, 因為我今年仍然有很多過得好開心的日子! 過完聖誕等新一年, 再等CNY.... 之後好快又生日又老一歲喇....
我唔係怕老, 但2013年, 過得很精彩, 真係唔捨得佢走呢....
識飲識食 | Comments:6 | Trackbacks:0 | 2013/12/29(日)
LCC Crazy Xmas Party @ my home!
轉眼又過左聖誕喇, 仲又幾日就2014呢, 真係過得超快呀! 每年聖誕/ 年尾, 都總會約CUS buddies一聚, 上個月angel結婚時, 我們早已約好今日一聚啦~ 前年和去年, 我們都去了西貢BBQ, 但大家怕遠怕凍, 所以決定今年要上網order食物算了, haha! 本來想去kenus家, 不過他reject, 最後仲甩埋底tim!! -__-|||| 剛巧我家沒人, 那就叫大家上來啦~
當年剛入uni year 1的時候, 我們很多人都是單身 or 伴侶是在異地的! 所以我們就在2005年時成立了Lonely Christmas Club (簡稱LCC, 我們當年普通話堂的code就是LCC, 哈哈) 主要成員包括我, Isaac, rainbow, eva poon & ingrid~ 經過了8年, 事過境遷, 我們很多都有伴了, 不過, LCC的精神還是永遠不死的, 哈哈哈 XD

今天要上班, 真係完全沒mood做野! 幸好老細都不在, 可以準時6pm走人! 因為要上班所以不能打點食物, 所以我都有點壓力呢! 汗! 早幾日已上網訂了海鮮和凍肉, 叫工人在家收貨~ 還再order了pizza和熱食~ 今晚有我, angel, erica, eva poon, ingrid, isaac, Philip, rainbow 8人~ 跟先到的幾位去超市買野飲, 之後就回家準備食物, 開蠔、準備豉油、刺身解凍 (仲要開埋暖風機來解凍, haha)
大家在9pm左右才到齊呢! 好肚餓了呢 >.< 我們今晚的食物, 有三文魚刺身、海膽、翡翠螺、生蠔一打、泰式刺身蝦、帶子刺身、北寄貝、牛扒、雞翼、腸仔, 還有pizza、飯和意粉! 咁齊人, 當然仲有酒啦! 我準備了4支白酒, 還有angel自備了支紅酒, 哈哈! 一開始當然要餵飽相機先, 我又站了在椅子上拍照, 卻被眾人取笑了 =_=||||
上次angel結婚, 勁多人病呀, 今日終於可以同大家暢飲, 好開心~~ kaka! 影大合照時我迫大家戴聖誕帽和頭飾, haha! 可惜唔夠8個呢, haha!! Merry Christmas & Happy New Year.... yeah!

開party好多野食, 勁開心

lets get start!!

翡翠螺、生蠔一打、泰式刺身蝦、pizza

三文魚刺身、海膽、翡翠螺、帶子刺身、牛扒、雞翼

philip, erica, isaac, ingrid, eva poon, karen, angel & rainbow~~

Merry Chrsitmas everyone!

自拍多張先....

CHEERS!! 開動了!!


食物食得七七八八, 大家high到爆, 講野大大聲, 又話第時生仔定生女, 仲有酒店問題, 哈! erica明天要上班先走, 之後我們再追加酒, 唔知點解可以飲曬成支vodka... 然後我最後的意識只維持到廳的餐桌上, 之後冇印象, 起身已是第二朝在床上了 =__=|||| 聽說我在亂up外星話, up左一大後疑似客家話的說話.... 大家笑到死! =_=||||

影呢張時已醉醉地...

次次係屋企飲酒都實出事, 個人太relax, 冇曬印象, 今次仲要飲vodka, 死得啦! 之後聽大家的口述, 我的醜事真係笑死人, 哈哈哈... Thank you all my 有義氣的 friends for taking care me and my vomit!! 我下次要control下自己先得 =_=|||
對上一次和大家大醉, 應該已經是year 2時在屯門neway K房了! those were the days... and i am really so classic! 呢d事應該又比朋友講一世了, 又多左班朋友見識到"醉娃"的威力... 失敬曬....
Merry Christmas & Happy new year! see u guys in CNY~ 逗利是呀! haha~
娘家派對 | Comments:2 | Trackbacks:0 | 2013/12/27(金)
Merry Christmas之大棠睇紅葉~
今天是聖誕節, 先祝大家Merry Christmas~ 普世歡騰
聖誕節正日, 一早已想好了節目, 本來想去wild camp, 不過怕多人怕凍, 所以最後都係趁著最後的日子, 入元朗大棠睇紅葉! 其實知道大棠在秋冬有組葉已經幾年了, 不過一直等到今天才有機會去呢 =P

在家出發入元朗, 之後再轉輕鐵和小巴入大棠! 元朗真係好多人呀! 好鬼迫, 又塞車, 好煩! 去到小巴站, 見到咁長龍, 真是嚇了一跳呢 *0* 幸好車很密, 很快就可以上車了~ 搭15分鐘就下車了, 之後就開始大長征, 出發睇紅葉去!
大棠這一段路其實好易行, 沒有梯級, 都是石屎路, 不過斜路都不少呢, 都要用力架~ 今天是假日, 所以沿路真是勁勁勁勁勁多人!! 從未試過行山見到咁多人呢! 多人的程度是跟市區差不多的, 汗! 一開始的車路, 很多車都就這樣泊在路中心, 汗! 實在太多車了呢!! 我們笑說好彩今天沒去wild camp, 行山都算啦, 但如果wild camp太迫人真係好冇癮架 =_=||||

開始行喇, 好多人呢!

行了一個小時的石屎路, 終於開始見到幾棵紅葉了, 不過很疏落的呢! 也不算很紅, 可能是已過了最紅的時候? 不過以防之後沒有更多紅葉, 所以我都影住先, 哈哈! 這些紅葉跟日本的紅葉品種不同, 好像是楓香樹, 葉子沒日本的那麼精緻, 大塊好多而且形狀都不同的呢! 咁當然, 日本的紅葉形狀令好多啦, 哈哈!

行了一小時, 終於見到一些紅葉了!

還是很疏落呢, 亦不算很紅~

在機底下拍, 還可以啦~

感覺很孤單啦, 哈哈!


行到入最後一段路, 亦是這次大棠之行的高潮, 終於見到多一點的紅葉了! 車道兩旁, 都有10棵左右的紅葉, 雖然算不上是滿山紅葉, 但這兒楓香樹的樹冠大d, 又高d, 抬頭看都有滿天紅葉的景象呢, 真不錯! 不過亦因為這兒多紅葉, 所以也聚集了很多很多人!! 汗! 我們先去車道上少人的那邊, 可以近距離拍那些矮d的楓樹, 而且少人d~ 近距離看楓葉, 很多葉都已不是血紅色呢~ 可能早2星期來會好一點呢~

超級多人啊!

近距離看楓葉

這樣拍也不錯~

這邊的楓葉偏啡紅一點~

抬頭也能拍到滿天紅葉的景象呢~


然後對面是最壯觀的景色, 在個小山丘上, 有著十幾棵楓香樹! 鮮艷奪目, 都有幾分浪漫~ 我們沒有爬上去啦, 不過只是在下面拍照, 已能拍到漫天紅葉的畫面! 好令呀!! 之前知道大棠有紅葉, 不過都不會太有expectation, 因為知道它不能跟日本韓國相比啦~ 但這次來, 我也覺得不錯呢! 最後一段的紅葉總算比想像中多~ 真不錯呢! 其實也真是個假日好去處呢 =p

小山丘上, 有著十幾棵楓香樹!

很多人都爬了上去~

漫天紅葉, 好正呢!!

鮮艷奪目

在樹底下拍最漂亮了!

真不錯! 不像HK呢!!


最後最後的一段路, 又是有十多棵楓樹~ 紅卜卜, 好不浪漫! 人群在聚集拍照, 也有些人在機底下picnic, 感覺有點像日本人民賞櫻時的熱鬧氣氛呢 =P 早兩年在日本九州看過紅葉, 不過不算很多啦~ 有機會還是想到關西那邊看紅葉, 景色驚人很多呢! 不過他說紅葉其實很多地方都可以看到, 日本、韓國、歐洲也有紅葉黃葉!! 他說對櫻花更有興趣呢!! 其實我也是, HAHA~~ 我始終還是心繫櫻花多一點!!! 希望好快可以跟他去一次日本睇櫻花!! (不過2014都冇咩機會, 最快都要2015啦!)

咁多紅葉真係好正!

成個天染成紅色一片~ 好令呀!

人山人海, 很不熱鬧

樹很高很紅, 好正呢!

自拍也很好呢!

幾浪漫...

聖誕賞楓, 幾特別~ kaka!!


行番一小時回頭路, 回程是下山所以易走很多 =P 搭巴士回元朗, 沒位坐, 好累呢! 本有想過去大榮華dinner, 不過沒位啦! 最後隨意去了一間餐廳吃中菜~ 不過有驚喜呢! 好吃哦! 小菜炒得出色, 份量又大! 又沒有加一, 好吃抵吃!

椒鹽豆腐 (豆腐外脆內軟啊!), 胡椒花甲湯 (勁多花甲, 很甜, 正!), 梅菜扣肉 (是很肥膩, 但好吃)

隨便也吃到好東西, kaka!
食店: 堂記辣蟹餐廳小廚
地址: 元朗水車館街90號榮興閣A-B舖


之後再出番TST, 嘩, 點解TST咁少人既, 跟平時差不多 *0* 相比起來, 元朗更恐怖呢, 勁迫! 汗! 因為我有張lane crawford的1000蚊gift card要用, 下個月就到期了! 所以就去LC看看買些什麼好... 今天還未下手, 但應該都係會買番副名牌黑超卦, 平1000蚊好抵呢 =P

在1881拍了些聖誕decoration, 不過不是很美呢!

最後去the one, 睇9:55pm的哈比人2... 看完已12:30pm了... 回到家都1am了, 今天行了很多很多, 很累呢....
節日慶祝 | Comments:5 | Trackbacks:0 | 2013/12/25(水)
<哈比人 –荒谷魔龍> (The Hobbit: The Desolation of Smaug )

導演: 彼德積遜
演員: 伊恩麥基倫, 馬田費曼

比爾博巴金斯繼續他與巫師甘道夫,及由索林橡木盾帶領的十三矮人兵團,重奪孤山和失落的矮人王國伊魯伯的冒險之旅。

他們在這個不思議之旅的開端逃過大難,繼續向著東邊進發。在詭秘的幽暗密林裡,他們遇到換皮人比翁和一大群巨型蜘蛛。他們擺脫了凶險的森林精靈之後,經過長湖鎮,最終抵達了目的地孤山。他們要在那裡正面迎戰比路上任何妖魔還要可怕巨龍史矛革,過程中不僅他們的勇氣,就連彼此之間的友誼和這個旅程的意義都將會面臨考驗。


2012年聖誕, 我們在機場看IMAX版的hobbits 1; 今年聖誕, 我們就看hobbits 2, 特登等到今天才看 (加上他之前不在hk啦).... 記得上集最後一幕是火龍打開眼睛, 今集一開始因為冇做功課, 所以唔太記得上集, 要用一點時候才能"入戲"~ 今集火龍出場了, 不過感覺牠很蠢很笨重! 哈! 而且我不是很明白, 為什麼火龍要霸著城堡和金的寶藏!??? 對牠來說什麼好處呢? 哈哈哈!
今集都是預想到的劇情, 又更像lord of the ring了, 劇情和目前和組合都是差不多的! 又是trigoly, 難怪很多人都覺得hobbits跟LOTR根本差不多.... 另外是多了精靈的加入, orlando bloom仍然令仔, 感覺仍很young呢!! 真厲害, 而且射箭都真係幾型 =p (不過當年LOTR我其實3集都冇入過戲院看, 只是看dvd的, haha)

第三輯結局篇, 會是2014年聖誕看嗎? 哈哈!
劇集電影 | Comments:0 | Trackbacks:0 | 2013/12/25(水)
自家製Christmas Eve晚餐*
晚上收工立即回家, 他已經在我家中stand by了, 煮聖誕大餐給我吃呢~ 誰叫他還不用上班, 哈哈!! 剛好今天家裡沒人, 在家開餐最arm啦~ 又不用出去捱貴餐, 哈哈哈!

他從歐洲回來2天, 我第天也是第一日見他呢! 哈! 我一番到屋企, 他就剛好準備好了! 話都未多說他就要我除褸坐底食野了, 哈哈 今天的menu是他負責的, 我之前有說過想吃什麼啦~
湯有Chowder soup, 這個是外援, 他買的 =p, appetizer是他在西班牙某個知名的market(當年我都有去過架) 買的黑毛豬火腿! 一包都唔平架! 那些黑毛豬是吃橡子的, 所以那些ham食落口真係有陣幽香, 甜甜地的, 跟意大利的parma ham完全不同
最後的entree是火雞配貝殼粉~ 火雞是我要點的, 他說行過citysuper都只是見到整隻火雞在賣, 沒有火雞胸! 最後在market place見到火雞脾就立即買了! 其實不是特別喜歡吃火雞, 不過還是那句, 聖誕都要應節一下吃火雞先有氣氛呢, 哈哈哈! 貝殼粉他說要特別一點wor =p 另外, 聖誕節, 當然要有紅酒啦
本來我還說想吃羊架的, 不過太多喇, 下星期先啦! 我們最近還有大把節日要過呢, 哈哈哈!

chowder soup, 紅酒, 西班牙黑毛豬

火雞配貝殼粉

食得喇!!

Merry Christmas....!! 要影埋棵聖誕樹 =p


dinner完還有甜點, 是他自己做的黑糖蛋糕! 話說當年在英國, 他曾心血來潮地在ariel的生日party時, 大家準備食物, 他則整了個蛋糕 *0* 我一直"懷恨在心"地串了他很多年! 也在aberdeen之友前說了很多次, 說他竟然整蛋糕比其他人食 =p (那時候我們還未在一起啦) 他每次也解釋那時候在英國沒事做很得閒、flatmate有器皿所以就試下整比大家食、香港家裡沒焗爐....
6年後的今日, 他終於"有機會"整番個蛋糕給我吃了! 哈哈哈! 還是心形的呢 =p 因為他做得疑似有點問題, 所以我估了很久都不知道那是什麼 XD 可能是份量又或是焗爐有問題? 味道好像年糕呢, hahaha!! 我們也笑了很久 =p 他說整蛋糕真是很辛苦很麻煩呢, 現在終於明白我每年整是多麼的困難了麼? 哼哼!

仲有蛋糕食.... 心形的 =p

我們今天都太累了, 我昨日3am睡、他今日頻撲了一天, 所以我們今天都早早入睡, 比平時更早! 哈哈哈! 謝謝你今日為左今餐攪左成日呢, 又買又整, 仲有個蛋糕, 我也知道肯定是非常麻煩的啦, kekee
wish u all have a romantic and warm Christmas eve and Merry Christmas
節日慶祝 | Comments:2 | Trackbacks:0 | 2013/12/24(火)
LOEWE PASEO Bag (Coral)

一知道他要去歐洲, 我就諗定叫他買什麼給我~ 其實最想要是prada包包啦. 不過父母CNY去西歐, 以防西葡不是最便宜, 所以都是叫父母去意大利買最穩陣! 之後就諗住叫他買chanel銀包, 不過覺得我個銀包都仲好地地, 唔洗換都可以 (雖然個"m"會甩, 汗), 而且收包包係開心d嘛~ 之後睇過其他brand都不太arm心水! 又不想他花太多錢, 所以就打算叫他買個平d young d既miumiu.....
他到步後, 導遊推介他買來自西班牙的Loewe! 我一聽, ok wor!! 西班牙原產地嘛! 而且loewe袋少人用, ok呀! 又high過miumiu添, 之後完全想不起loewe! 哈哈!! 上網立即search, 看中了這款PASEO bag, 顏色揀了coral橙珊瑚色! 我覺得幾sharp幾令, 個型和size都是我喜歡的呢~ 可手挽又可側咩~ kekee!!

今天終於收到呢個BB, 是我的手信+聖誕+6th anniversary的禮物啦 雖然係貴, 但有幾重意義 抵送啦~ kaka!! Thank for so much my dear

PS* 如果要我自己俾錢買一個名牌袋, 我目前都係會揀prada的, 哈哈哈!
購物禮物 | Comments:0 | Trackbacks:0 | 2013/12/24(火)
Christmas Eve Party @ new company~
終於等到Christmas eve平安夜了, 以前讀書最鍾意christmas eve, 因為可以上街倒數感受氣氛, 覺得是聖誕假期最有feel的一天~ 不過近年出來工作, 對平安夜感覺少左, 因為要番工呢! 所以只能晚上dinner... 而且舊公司也是近年才有得早放一小時 =_=|||| 昨天lunch, 同事說有得早放一小時的, 仲攪到我都有d希望, 點知今日大家都說今年冇得早放! 實在太過份了 >.< 不過又不是特別失望既, 畢竟只是一小時, 也沒什麼感覺 >.<

Lunch是department Christmas party, 有大食會, 大家負責買/整一款食品, 大家整既野都好pro (好多人有媽媽/ 老婆/ 老公幫手既), 有鳳爪、黑椒豬手、牛柳粒、雞軟骨、韓式炒粉絲、蛋糕、拍青瓜, 仲有買回來的乳豬、滷水鵝、刺身壽司、蝴蝶酥, 真係好鬼認真! 我就好cheap, 只是整菠蘿腸仔和魚蛋!! 昨天lunch大家說得興起和給我壓力, 我也只好在每條腸仔上"界界界"整八爪魚的造型, 昨晚攪到很晚呢! 今朝很sleepy >.<

我的菠蘿腸仔! 開左花架喇!!

黑椒豬手, 乳豬, 蛋沙律盒, 滷水腎, 滷水鵝, 拍青瓜, 啫喱糖

壽司, 鳳爪, 椰汁糕, 蒜片牛柳粒, 雞軟骨, 韓式炒粉絲, 沙律, 蛋糕

好鬼多野食!


最後是抽獎, 每人準備一份100蚊的禮物~ 我買了個一轉四的USB hub, 行野啦... 然後我抽到了bioderma的套裝, 真不錯~ 實用又arm用!! 呵呵呵!! 在抽獎中算是很好彩的了!
最後GM仲準備左份special prize黎抽, 是agnes b的匙扣, 每人抽一張啤牌, 點數大過GM的可以進入下一輪~ 第一round我抽到K, 之後得番我同另一同事; 第二我又抽到K呢! 嘩哈哈.... 我感覺自己好好運呢! 2次都抽到K! 這就是運氣了! 這個agnes b匙扣就順利落入我的口袋裡了, yeah!! 大家都說新人最lucky, 承大家貴言啦 =p (GM買了2個agnes b匙扣, 一個是拿出來互抽的, 另一個則是特別獎, 兩份都是新人抽到, 嘩哈哈)
希這份好運, 一直延續至2014! 呵呵呵!

抽獎禮物....

我今年抽中的禮物! 好野呀!
節日慶祝 | Comments:2 | Trackbacks:0 | 2013/12/24(火)