Daisypath Anniversary tickers
Angel & Gabriel's BIG DAY!
今天是angel結婚的大日子, year 1識到而家, 已經8年了! 記得以前住hall時我地成日一齊去唱通宵k飲酒, 那時候真是很青春呢! 得那時候angel已經跟gabriel在一起, 中間其實真經經歷了很多, 又變了很多, 今天她倆修成正果, 真是很替他們高興!

下午angel在石硤尾聖方濟堂舉行wedding ceremony, 我, eva poon, ingrid & erica都有去觀禮~ 今天除了看angel, rainbow和cindy也是姊妹, 所以我們CUS的陣容都不少呢! 哈哈! 未開始行禮時, 我們已經可以抓到機會跟新娘子和姊妹拍照, 呵呵呵!!

eva poon, ingrid, cindy, rainbow, karen & erica

eva poon, ingrid, cindy, angel, rainbow, karen & erica


wedding ceremony是天主教儀式, 第一次參加! 聖方濟堂都是第一次入呢! 勁大呀! 好多排椅子, 樓底又很高! 正! 還有彩色玻璃窗呢! 真係好grand好正! 真是羨慕可以在這兒行禮呢!
儀式開始, 新娘和爸爸march in, 之後交新娘俾新郎一向是我最喜歡的一part, 哈哈! 因為angel生得高佻, 有前有後有腰有腳, 所以穿起禮服時好好看呢! ceremony都是讀經, 唱歌, 高潮是宣誓, 他們終於結成夫婦了~ 太好了! 恭喜曬呢!! 衷心替他們很高與!

聖方濟堂, 好grand好令呢!

angel很大方呢! 穿wedding gown很合襯呢!

進場了

簽紙...

出禮堂了!


之後落樓下拋花球, 花球拋"咩"左, 內定的接花球人選接不到呢, 比另一個人接左, 好好笑 XD 之後終於再找到機會跟一對新人拍照, 呵呵呵! Angel手上的紅色心心花球是她自己弄的呢! 厲害啊!

eva poon, karen, angel, gabriel, ingrid & erica~

3點幾睇完ceremony, 仍有很多時間, 我們4個就打的去了又一城食野hea了3個多小時! 之後就再搭的士去紅磡8度海逸酒店! 我們7pm左右就到了, 很早呢 =p 我們坐第11圍, 同枱的是8個圍內的同屆CUS朋友, 我, cindy, erica, ingrid, isaac, kenus, philip, rainbow! 還有4個是angel以前在LU時film soc.的朋友, 其中一個是我們CUS上一屆的師兄威威! 嘩, 好多年沒見了呢! (雖然在fb常常見到他的足跡, 我都成日like XD)
未等齊人前, 我們幾個女仔先去跟新人拍照! angel穿了條紫色的晚裝, 裙擺好令呢! 又要說, 高挑的人實在太令人羨慕了, 穿什麼都好看! 然後我又成功搶了在新娘旁邊, 拿起手機自拍呢, haha!!

sweet & photo corner~

erica, karen, angel, gabriel, ingrid~

又可以同新娘自拍, 呵呵呵


等齊人, 我們再出去同d backdrop拍照, 好耐冇試過CUS咁齊人地在星期六開開心心食餐飯, 一年好像只有在christmas時大家才約齊人去BBQ呢, haha!! 今次angel結婚可以齊集不少平時很難約的人, 太好了呢! 大家都很高興! kenus超好呢, 又帶了很多禮物給我們! 勁開心呀!! 嘩哈哈!!
桌上都有很多props給我們自娛拍照, 好正呢! 我喜歡這些攪鬼野呀! 可以參考下, haha!!

新人的backdrop

有嘴唇和鬍子的props... so cute!

cindy, philip, rainbow, kenus, erica, isaac, karen & ingrid


開席了, cindy是MC, haha~ 以前大學上庄時, cindy都成日幫我們攪的function做MC的呢, haha! 之後新人進場, 切蛋糕, kiss, 播片... angel穿的婚紗是早上那套, 不過拆左一半露長腿呢! angel條腿真係好索, 哈哈!

切蛋糕, kiss~ haha

開席時, 大家勁吹水, haha!! 笑死人, 有和頭酒, hahaha!! 仲有我又係度語出驚人, 我的腦筋真係轉得幾快, haha! 今晚講左2句金句:
1. 我呢d唔係刁蠻,係野性
2. 我覺得我講野收歛左

第一句事小, 講完自己都想笑! haha!! 第二句講完, 勁俾人評撃! 首先是本來很靜的ingrid先說"我唔覺lor"; 之後連病病地講唔到野的rainbow都忍不住說"你可唔可以舉例"...... 好好笑, 我諗我個人真係好鬼厚面皮 XD

敬酒, 換紅色晚裝! 有金豬哦!!

食埋甜品, 又可以出去同新人影相~ HAHA~ 終於CUS人可以成班咁同新人影相了, yeah! 本來我把相機給了威威, 完全忘記他也是CUS人, haha!! 迎賓的晚裝, 又是給新娘露兩手的露腿裝, 條腿真是好正呢!
影完相, 大家high high地, 又不斷自拍, 仲有人幫我們打燈, 哈哈哈...
我們不斷在吹水, 因為我都飲到high high地了! haha! 一直等到angel送曬客再走過來找我們呢! 又可以一齊影D不同的backdrop相, 嘩哈哈! 正!

威威, karen, erica, isaac, kenus, angel, gabriel, philip, rainbow, cindy, ingrid

大家自己自娛, 勁影相!

自拍... rainbow今日都好令呀!

紅唇烈焰 ^3^

cindy & rainbow換曬衫lu

又可以同新娘自拍, kaka!!

還有木馬backdrop, 夠colorful, 令!


之後去了TST下場, 成日去完朋友婚禮, 都自己一班friend去after party, 好攪笑, haha!! 飲飲飲, 真係好經典, 笑死人 XD 就好像回到大學時的"那麼瘋癲過"的階段呢 =p
12月, 聖誕再見! love u guys!
生活點滴 | Comments:0 | Trackbacks:0 | 2013/11/30(土)
Birthday dinner with Ariel~
台灣之旅, 今天才book hostel, 網上申請入台証 =p 行程雖然大概想好, 不過因為仍在等天氣預報出來, 可能會有一些調動, 所以還未confirm好, 不過都算七七八八了~

晚上約了aberdeen之友吃ariel的生日飯! 今日超級齊人呢, aberdeen同人全員出席, 我, ariel, ben, bill, grace, jacky, ken, yiu終於8人齊集呢, 好開心啊!! 已經有一陣子沒見大家了, 今天還要人齊, 好難得呢! ariel真是很有面子呢!! 對上一次齊人, 已經是2011年2月時jacky生日的時候了呢!! 實在太過份了! (其實我們在uk時都好唔係好多機會齊人, 哈哈!) 不過沒辦法, yiu常常也不在hk的, 近年先正式stay在hk呢~
我們去了tst吃日本菜, 餐廳叫"響葫蘆", 不過好多人都說錯, ben說成"畫葫蘆"、bill說成"響蘆薈", 哈哈哈 XD 我們挑了坐室外的位置, 因為覺得是圓枱, 8人好坐一點, 不過好冷呢! 我今天還沒有穿外套呢 *0* 照樣子點了刺身和壽司併盤, 不過亦點了很多鍋物拉麵暖身, 哈哈哈! 三文魚頭鍋好食呢! 大家都不斷飲熱水取暖呢, kaka =p

牛舌, 壽司併盤, 刺身併盤, 三文魚刺身, 雞軟骨, 炒飯

豬軟骨拉麵, 牛肉鍋, 海鮮鍋, 三文魚頭鍋, 牛肉飯


大合照, 凍死人了!


最近電視在播"三個小生去旅行", 大家也有看! 大家都很懷念當年在bacelona的旅遊! 真係好想跟大家一起再重遊, 一起看次看guadi的建築呢...!!! 再有機會, 一定不會再miss掉任何景點, 過而不入 XD
然後說了很多攪笑事, 澳洲奇幻show、泰國人妖show、去年的濟洲攪笑事、jacky對bill的復仇、yiu幾時開飛機載我們、電視女神.... 哈哈哈! 還有工作進展和新update, 大家都要加油呢...
之後就切蛋糕, happy birthday to Ariel!! wish u all the best~ 當年2007年11月, 我們就是第一次在英國的hall中跟ariel慶祝生日呢! ariel是我們當中唯一一個可以在uk過生日的人, 真係羨慕! haha!! 那時候大家才認識2個月呢~ 如今已事隔6年了! 每年在慶祝ariel生日的日子時, 我總會覺得我們又回到原點, 好像一個cycle一樣呢~ 雖然跟大家只是去了英國生活了4個月, 不過那段日子真的很開心, 是我們的快樂時代, 也是我人生中最值得紀念的一章之一! 謝謝大家那些年來, 跟我在英國一起"共患難, 出生入死"!! 當年困獸鬥,只可對住大家,哈哈,不過大家就是共患難過,又流落異地,有種特別的情 :p love u guys~

happy birthday to Ariel~

ben, ken, bill, yiu, grace, karen, jacky & ariel~
食店: 響葫蘆 燒物 . 居酒屋
地址: 尖沙咀亞士厘道17-19號4樓


然後ken提議我們下次旅行可以去tasmania!!!!!! 嘩!!!!! 呢d一班人去, 大家分擔下開車時間, 真係好正! 勁想去! 如果去得成當然好啦, 大家舉腳贊成!!! 不過, 不知道有沒有可能呢!!?? 希望唔洗得到"八個小生去旅行"變曬公公婆婆時才再有機會啦!!
識飲識食 | Comments:0 | Trackbacks:0 | 2013/11/29(金)
<逃亡大計> (Escape Plan )

導演: 米高希夫斯敦
演員: 史泰龍, 阿諾舒華辛力加

美國國家安全局秘密實行一個終極計劃,由局內頂尖越獄高手、技術非凡的安全系統設計專家雷保龍(史泰龍 飾)精心設計出一所極為嚴密、具備先進科技的大型監獄「墓塚」。他曾經親自挑戰世界各地多個監獄以進行精密分析及觀察,保證無人能逃脫由他設計出的任何監獄,而「墓塚」更可謂他的完美之作。可惜雷在一次行動中被奸人所陷害,竟被當局囚禁於自己所設計的「墓塚」之中。被囚於「墓塚」的必定是大犯罪家且各國政府的眼中釘,雷在獄中他認識到高深莫測的伊曼諾文(阿諾舒華辛力加 飾),二人惺惺相惜,決定攜手合作逃離「墓塚」。雷經歷多翻折磨並絞盡腦汁,誓要找出陷害自己的人以及設法離開這個他最熟悉卻又是他花盡心思、幾乎沒有任何漏洞的最強監獄。


睇逃獄, 好緊張刺激!! 逃獄真係要好考智力和策略 , 又要觀察, 又要結黨搵幫手~ 仲有要好好體力tim!! 真係睇得好入神~ 第一下走出監獄時我也很surprised呢!
阿諾和史泰龍好有火花~ 2個大隻中佬,腥腥相識,一個眼神、一舉手一投足已經很有默契,交足戲,很有味道呢!
劇集電影 | Comments:0 | Trackbacks:0 | 2013/11/28(木)
灣仔lunch~
中午出了灣仔, 約了在灣仔番工的shirley & kelly食lunch~ 平民地只是去了吃牛腩河~ 我點了半肥瘦的~ 又幾好味, 牛腩好入味又幾稔, 不錯 =p
只是1個多小時的lunch hour, 我們都在說shirley的婚禮, 哈哈! 仲有over 1年, 好似好耐咁 =p 由wedding banquet, 到pre wedding, 再到propose ring和wedding ring~ 哈哈!

清湯牛腩河~ 我的是半肥瘦的哦~
食店: 新仙清湯腩
地址: 灣仔軒尼軒道302-308號集成中心地下3號鋪


食完晏, 她們二人各自回office, 我就出了太子shopping行下, 其實都沒買什麼, 主要是買了絲襪, 用左少少錢啦 =p
識飲識食 | Comments:0 | Trackbacks:0 | 2013/11/27(水)
上班前最後一擊!

上星期五有job offer, 我還有2星期才上班,
所以打算去番個短trip去台北 (其實我一早已有部署)
不過他還在等job offer, 有時又要job interview
所以就冇人陪我去, 我本來都打算自己去的!
打算呢2日都要book機票了, 但看看最後他有沒有offer
星期六已立即座言起行地買了旅遊書開始研究行程了
今天他也有job offer了! 恭喜!! yeah!
沒想到那麼快就有offer呢! 他的搵工時間比我還短呢!
我們又同步找到了工作, 太好了!
於是我們就立即改為2人同行! 晚上即時用mileage換機票
因為是台北, 太多選擇, 所以也能選到最合心水的航班
去4日, 早機去晚機返!
台北我已經去過2次, 不過今次主打台北近郊, 全部都未去過
十分、菁桐、北投、陽明山..... 還有近年大熱的上引水產! 和無數夜市!!
不過今次會是個平價之旅! 應該會住hotsel!
而且我都有2千幾台幣sponsor下! 都唔錯!
放足4個月假, 在上班前... 我真是玩到盡呢, 嘩哈哈!
謝謝你肯陪我去這最後一擊呢! 有你真好 =)
生活點滴 | Comments:3 | Trackbacks:0 | 2013/11/26(火)
「當風箏遇上風」之大東山變鳳凰山!??
秋高氣爽, 一早約了大家今去郊遊~ 本來有我, 小嘉, 小透, ketu, bonbon 5人~ 之後我們決定了要去行山~ 因為去行山, 小嘉就提議攜眷出席, 叫埋雲生, 古古力和ben, 因為有男人安全d... 不過ketu昨天發燒了, 今天來不到, 小透又說一對對她就不來了, 那我和小嘉就臨時在昨晚叫另一半不用來了, 反正他們也不是很想來, 哈! (真不好意思呢 >.<) 不過男人方面, 雲生還是有來的~ 反正大家也認識他 =p

地點是我想去了很久的大東山, 之前eason來過拍唱片封面後就更多人來了! 加上秋天11-12月11月是芒草的季節, 一直恨去左好耐 =p
天氣預告說今天會有陣雨, 昨天還擔心又去不到又改去high tea, 不過今天勁好天呢, 藍天白雲又有風, 正! 我們先在東涌集合, 之後搭巴士往伯公坳, 搭車時小嘉和小透多付了車費, 司機很緊張的叫我們不要再嘟八達通, 補番d錢就可以了, 笑!
在伯公坳下車, 然後我們跟著人行, 沒多留意就沿著右邊上鳳凰徑, 開始行山了....

起點是伯公坳....

一開始就是石梯級, 行了一陣子就上到一個涼亭~ 景觀不錯, 望到機場~ 大家都停下來喘喘氣拍拍照 =p

遠望機場

景覲不錯呢~


休息了幾分鐘就繼續上路, 一開始就是石級, 真是令的恐懼呢 *0* 不過沿路就快就見到一些芒草了, 真係好令呢! 大家雖然都行得氣喘喘, 不過見到芒草都不忘拿起相機拍照呢~ 加上藍天白雲有陽光, 真係正呀! 不過頭一段路沒什麼風呢, 所以很熱呢, 行左一陣就出曬汗了 *0*
我們翻越了一個又一個的山路, 見到前面出現一條又一條的石路, 真係好正呢! 我好喜歡行山看到一個個山頭, 很有征服的感覺, 哈!


好令呢...

有芒草, 又有好天氣

其中一個小山頭~ 哈哈!

bonbon, 小嘉, 小透, 小豬~


因為今天只有雲生一個男的, 所以常常被我們叫他幫我們拍照, haha =p 然後行到一小個山丘上的平坦之地, 往下看景色優美, 有一個不知道是什麼的海灣呢! 而且那正是個當風處, 涼風吹埋黎, 真是很舒服呢! 正呀!
而我們就開始見到更多密集的芒草, 又有一個又一個的山頭! d芒草真係好正呢, 好好feel, 好秋天哦!

這個位置好好風, 好舒服

好多芒草呀!

最喜歡行山見到後面一個個山頭!

好少行山咁好天

密集的芒草出現了!

隨便影都好令呢!


之後的一段路非常辛苦呢! 有很高的石級, 一級樓梯有我的小腿那麼高啊! 真可怕, 每上一級都要停一停呢! 呢段路真是行得很辛苦! 大家每行十幾廿級都要停一停休息一休息! 而每次攀到山頭的"盡頭", 又會出現一個新的"山頂"! 真是一山還有一山高呢 *0* 幸好我有寶礦力! 它真的很有效呢! 一飲己feel到它能補充我在流失的能量! haha!
這時bonbon和雲生已經殿後了~ 我在坐在樓梯等埋他們上來再一起行~ 之後跟小嘉和小透在一張椅子上, 打算邊休息再等bonbon和雲生~ 之後雲生自己上來, 說bonbon上不到來呢 *0* 真想不到bonbon是第一個放棄, 因為之前覺得她是最sporty的一個呢, 哈哈!! 平時都見她常常去郊遊去踩單車之類的嘛! 可能是這些梯級實在是太辛苦了!! 哈哈!

呢d石級太難行了

見不到山頂和盡頭!


坐石梯影山頭, 好正!

bonbon在放棄前都征服左好幾個山頭的, haha!

我們三人在這兒的椅子上等bonbon


雲生傳遞bonbon的訊息說不上來了, 他們折路折返, 我們三人就打算再上多少少看看~ 上到那"盡頭", 幸好有一片小平地~ 行得舒服少少! 就算有石級亦沒有之前的那麼高! 而這兒更有一大片芒草呢!! 陽光灑在整片芒草田上, 一大片金黃色的, 真係好令! 好像田裡的稻穗呢! 加上風把芒草吹得一搖一擺的, 真係好「風箏與風」feel呀! 我覺得用這個term來形容都幾唔錯, 因為這完全是「風箏與風」的feel呢, hahaha! (完全沒解釋過, 大家只能意會吧 XD)
我們三人都有踩入芒草叢中拍照拍沙龍, 好多芒草好正! 不過大家對相片的要求都不同, 好好笑 XD

芒草田啊!

扮望天 XD

埋沒在芒草中

金黃色一片!

S型的石路, haha!

藍天不見了 T^T

後面的人士在努力登上, 但這是我行得最高的地方了 XD

大頭, 塊面成塊包咁 XD

當風箏遇上風 XD


行上左少少, 我們就沿路下山了! 下山要落樓梯, 也不易行呢! 尤其是那大大級的石梯, 個人要很聚精會神地balance好自己呢 *0* 而且腳落山時都開始軟了啊! 但幸好落山都很快, 也沒想像中辛苦!
下山時見到粒粒的雲, 很令~ 近來都常常見到這些雲呢 =)

落山了, 粒粒雲好令呢...

芒草close up~ haha


下山後在伯公坳匯合bonbon他們, 他們說看了地圖, 原來我們行錯山呢 *0* 伯公城左邊是大東山, 右邊的是鳳凰山, 難度有4級星的呢! 大東山只有3粒星, 難怪平時行3級星的山路時, 沒那麼辛苦! 大汗! 都難我們一下車時, 就跟住人行, 而且又見到有行山徑沒多想, 無啦啦竟然行左上鳳凰山 (行左少少啦), 真是很7呀 XD 但大東山都是一直上樓梯的, 而且又是有芒草, 沿路我們見到的景色, 也和網上見到的大東山真是差不多的呢, 所以一直沒覺得有問題, 哈哈!
鳳凰山是香港第二高峰, 我們今次無啦啦去左一半, 也不錯啦, 反正要見的芒草也見到了, 哈哈哈! 如果是去錯了一個沒那麼厲害的山, 那就更醜人了, 哈哈!
雖然我行山經驗不多, 不過都近年每年都有行2,3次架, 都有行路不少最大路的地方~ 這個鳳凰山都算是我行過的景觀都真係算數一數二, 因為秋天有芒草特別嘛! 真係正! 明年一於再戰真正的大東山, 我要再去睇芒草, 睇爛頭營的石屋呢! 哼哼!

其實我們今次只是行了2個多小時, 鳳凰山應該也只是行了小半左右, haha! 之後我們搭巴士回東涌, 在citygate食番少少野飲下coffee補充下體力, 坐了個多小時, 說的是每況越下的電視劇~ haha~ 以前明明都有續集甚至去到4,5緝, 不過都好睇呢, 而家的劇真係好膠呀! 不過原來大家都對黃子華幾有期待, haha~ 其實主要都是我們4個女人在說, 小透還見到雲生差點恰眼訓呢, hahaha, 好慘呢 XD

然後6點不到, 我們就dinner去, 本想出商場找餐廳呢, 不過這時竟然下大雨呢 (天文台原來是準的, 哈), 於是我們就番在citygate, 隨意地進了金滬庭吃上海菜了~ 食物都不錯~ 雲吞雞好吃! (其實我幾個月才去360時才吃過呢 =p)
因為早食飯, 所以談了很久都仍是很早呢~ 我們說起歐洲, 真係好懷念~ bonbon和小嘉都說paris好難頂, 幸好我當年在paris, 真的沒有任何不愉快經驗呢, haha!

雲吞雞, 小籠包, 雞絲粉皮, 擔擔麵, 上海炒年糕, 鍋貼, 清炒蝦仁, 四季豆

bonbon, 小豬, 小透, 小嘉
食店: 金滬庭京川滬菜館
地址: 東涌達東路20號東薈城1樓211號舖


回到家, 父母說他們已在計劃新年去歐洲定澳洲旅行好呢! 還問我去不去!!! 我今天才見到他們, 所以他們今天才知道我已找到工作啦... 真可惡!
我建議他們歐洲啦, 對他們來說特別d嘛.... 又在說歐洲, 我真係好掛住歐洲呀! 好想再去呀! 不知什麼時候才有機會!? 不知再去西歐前, 是否有機會先走一趟東歐呢? >.<
香港足跡 | Comments:5 | Trackbacks:0 | 2013/11/24(日)
請食飯!
昨天有job offer, 今天就立即要請ingrid和eva poon食飯了!! 不過都係開心事黎既.... 但其他人請不要仿傚, 等我過左probation後才找我吧 =p
晚上又去了諾士佛臺, 本來是想去吃葡國菜的, 不過灣仔那餐廳好像關門了, 然後我又心血來潮想吃京川滬菜, 便選了去"鳥籠大城小廚"呢~ 店內很多鳥籠, 幾得意~ 而"大城小廚"則令我想起了Jamie Oliver, 嘩哈哈!
明明約7pm, 但有人7:45pm先到, 真係好離譜囉 =__=||| 我們點了幾款菜式, 味精都不錯~ 有些有幾有新意~ 黑松露龍蝦伊麵幾fushion, 好味! 這餐廳有很多特別的cocktail, 有d還有花雕的! 而且名字也非常chinese, 像"夜上海", "武則天", "愛妃", "齊天大聖"等, 哈! 不過我們今天沒飲酒, 只是飲茶, 一壺又一壺的鐵觀音呢! 好健康呢! 不過飲到成肚水, haha!
我們的話題一來就切入重點! 不斷迫供和罵人, 又在話當年和經驗分享... 不過其實都冇得救了, 只能看那人自己的造化, 希望你好自為之不要行差踏錯, 但願成魔之路還可以受到一點控制 =_=||||

鳥籠大城小廚

花雕華梅醉雞, 鵝肝醬餚肉, 片皮鴨, 芝麻蝦多士, 胡椒豬肚湯, 黑松露龍蝦伊麵

karen & ingrid
食店: 鳥籠大城小廚
地址: 尖沙咀諾仕佛台15號2樓


之後去左"甜牙牙"食甜點, 好多人呢! 等左一陣就有位, 好彩~ 我們點了一個pancake, 一個waffle, 一個木康布丁~ 味道都不錯, 價錢都合理~ 我們繼續話題, 然後說起男人看女人主要是看樣、胸、腰、腿、臀5樣... 我們就以男人的標準, 每樣一分, 最高五分地給女人評分, 我比自己2.5分, 哈哈哈哈哈!!! 評了很多人, 真係笑死我! hahahaha!! 仲要講鎖骨, 死都話自己有 XD

banana tiramisu pancake, 鮮果waffle, 冰火木康布丁

nice dessert~!

karen, eva poon, ingrid

ingrid, karen & eva poon~
食店: 甜牙牙
地址: 尖沙咀加拿分道46號地下


有個idea在心中形成~ 我真是個坐言起行的人呢! 只是1日, 我已經在籌備了 *0* 還未下決定, 要再左計右計再考慮看看先...
識飲識食 | Comments:0 | Trackbacks:0 | 2013/11/23(土)
我有job offer了!
昨天2nd in了一間公司, 未in前覺得ok
但1st in後感到公司culture真係好麻麻, 直到昨天2nd in見到個GM, 感覺ok番少少,
因為覺得佢好有retail經驗同幾有charistma (雖然我未必直接under個GM)
google過, 人家在retail界都有點名氣的!
今天收到HR打來給我offer, 我接受了!
人工升幅不錯 (我最concern人工, 基本上都比我minimum可接受的高不少, 同埋幾開心, 即係我在市場的確在這個價錢, 因為in過幾份工都沒特別壓價)
年假比舊公司少了幾天, 不過都很acceptable! (少幾日假很ok, 我寧願要錢)
title升做senior officer了!
工作了5年, 由co-ordinator、到asst. officer、到officer, 再到今日senior,
都算是平步青雲吧! 對自己亦有交代了!
其實這個offer不是我的1st priority,
不過這個post主要是做hk + macao market的, 所以對我來說是個新的exposure
實在有助將來的發展,
而且我很明白, 做中國市場, 我要永遠station在HK,
除非我肯投放更多時間和精神在國內, 否則如果想再promote上去真的不容易
這亦是我當初想要轉變的其中一個原因!

本來還在等另一個覺得很有機會的offer
那position是跟我之前的工作差不多的
晚上忍不住send email去問
不過HR說department restructure, 而家想請個另一個post =_=|||
即係冇機會啦
那是我最胸有成竹的一份工呢
人生真是很有趣
你真的很難想像下一刻會發生什麼呢!

雖然下星期仍有幾個interview, 不過基本上都沒什麼興趣
如無意外, 都係疊埋心水做呢份的了
反正,經過了一天的思考
我已經很有心理準備和很樂意去面對這新挑戰了,
我的適應力真不錯,哈哈!

我做的這個行業, 其實不是每個公司都必需的,
所以, 我更覺得自己需要嘗試更多,
此刻我要的, 是更闊的視野和更多的經驗
未來這1,2年, 我會盡力更吸取更多養份
好為未來鋪一條更易走的路!
人除了要有方向,更要行動力,這樣才會有改變
只想但不做地等運到,那永遠都只是空想,永遠得不到自己想要的
其實我都好proud of自己敢去嘗試行這一步
我用了5年所cultivate的種子, 是時候要有一些收穫了!
希望在新position可以大展拳腳發揮所長

相信過2個星期新入職時,
我又會再經歷一次5年前那什麼都不懂, department只有我一人而且沒人可以請教的狀態
不過我當年也是這樣熬過來的, 沒什麼是不行的
我相信自己的刃性會適應得到的! 哼哼!

臨近年尾搵工, 搵左一個月多D就有offer, 算係咁啦.... 畢竟其實我真係send得唔多application, send得的related的, 基本上都有得in~ 其實有2份我in完HR都覺得有好機會, 但最後都因為internal原因冇show我 =_=||| 以後見工唔好信HR, haha!
我想起, 大學一畢業時, 沒有事業心的我希望30歲前人工可以achieve到某個數, 雖然近年我已比較貪心且實際地把當初那target set高了, 不過, 還是要說, 當年22歲畢業時所set的target, 我achieve了! 呵呵! 希望我今天所set的30歲target, 亦可以achieve到! 哈哈!

晚上和他去了大角咀食飯, 簡單地hea hea地食番餐... 之後去左做massage! 呵呵! 之前一直想按, 不過因為沒有收入所以一直忍耐著, 今天有好消息, 就獎勵自己一下 =p

食店: 山田屋台和食料理
地址: 大角咀大角咀道199號
生活點滴 | Comments:6 | Trackbacks:0 | 2013/11/22(金)
Dinner with Rosians~
呢幾日都在很努力的在整tintint的遊記文庫本, 已完成但未出版的已經有7本了, 包括2008-13中國出trip x 3本、2012宿霧、2012濟洲、2013日本中部、2013檳城.... 今天在整2013杜拜, 之後仲要整埋2013澳洲 x 2、2013越南, 就可以出版了... 不過因為10幾本, 所以金額龐大, 最後不知何時才肯付錢出版, 哈! 今年去旅行真係去得很瘋狂, 真係好正, 呵呵呵!

晚上約了Rosians dinner~ 不過最後得我, crystal和loretta 3人出來, 有些人放飛機, 唉... 我選了在諾士佛臺新開的the salted pig, 店子主打豬肉的料理, 而裝橫都充滿著很多豬的身影, 像menu、餐巾、鏡, 很可愛呢! arm曬我啦, 我是小豬嘛, 見到豬也特別有親切感 XD
一坐到, bar tender就請我們飲野! 勁正呀! 一人一杯sangria, 3隻不同味, loretta的是strawberry、我的是peach、crystal的是passion fruit~ 幾特別~ 食物menu都不錯, 不少特別一點的菜色, 不是普普通通歐洲菜的grilled豬、牛、雞~ 我們點了個pencetta scallops、salted pig starter sampler, prawn pasta, 味道都不錯哦! 最後還點了個甜點~
可能因為今年實在在fb見到太多中學同學結婚, 所以大家的話題都忍不住圍繞很多舊同學的八卦, 好好笑 XD 然後講下情史、經歷、工作, 哈哈!

好多Piggy呀! 好可愛!

上: salted pig starter sampler (pork belly, ribs, crispy pork cake, pork cheek),
左下: prawn pasta
右下: pencetta scallops (煙肉帶子卷, 好吃! 帶子煎得剛好! 鋪底的是peas & broad beans mash! 好吃! 幾新鮮的味道)

左: 免費的Sangria, 呵呵!!loretta的是strawberry、我的是peach、crystal的是passion fruit~
右: chocolate fudge cake with sundae

crystal, karen & loretta~
食店: The Salted Pig
地址: 尖沙咀諾士佛臺1號地舖


其實我現在仍然跟十幾個rosians有聯絡, 不過都是幾分group的, 有些又是common重疊的, 畢竟有form 4/5和form 6/7兩大班呢~ 而且又有很多朋友在不同時間去了外國讀書! 所以經過多年的變化, 有d會combine左, 有d由唔熟變熟, 都幾得意... 就像loretta, 以前讀書時其實不是很熟, 不過她跟我很多朋友都很熟, 所以近幾年大家都會一齊出來, 咁就熟左lu, 都幾得意, 哈哈! crystal就唔洗講啦, 小學三年班識到而家差不多20年喇! 真係好誇張呢! 不過我們三人這組合, 當年讀書時真係冇出現過 XD 世事真係好奇妙, 當年怎會想到今天會這樣呢 =P
因為loretta明天要很早起身, 所以我們很早就走人了! 下次, 已說好要上我家飲酒, 哈哈! 12月見啦 =p
識飲識食 | Comments:0 | Trackbacks:0 | 2013/11/20(水)
世界很小
世界真係好細, 工作圈子更細
真係唔好得罪人!
好彩我有個熟的舊同事通風報信!
工作既野真係要好來好去啊!

近來天氣涼了很多呢!
還未執冬天衫出來, 又未買新的冬裝
11月尾都快來了, 哎呀!
要買衫了喇!

因為D頭髮短到去膊頭, 所以好"hill"呀!
今日忍唔住去左電番個負離子,
好少少啦!
又冇左幾百蚊, 真係慘....
生活點滴 | Comments:0 | Trackbacks:0 | 2013/11/19(火)