Daisypath Anniversary tickers
澳洲新南威爾斯昆士蘭向南半球出發之旅DAY 3*
雖然去澳洲9日, 不過其實留在sydney的時間不多, 只有頭頭尾尾2日半而已~ 今天, 我們就要去sydney市郊最有名氣的地方 - 藍山Blue Mountains了! 其實之前對blue mountains沒什麼認識, 只是聽過個名和知道是那些山山石石而已~ 還有就是"藍山咖啡"啦! 不過那藍山咖啡非此藍山啦! haha!! 有名的藍山咖啡是在牙買加的 XD
昨晚算早睡了, 不過今天又要早起, 6am起床, 7am出發! 去central station乘7:18am的cityrail blue mountains去Katoomba~ 雖然澳洲的物價很高, 不過sydney來回katoomba的車費卻便宜得驚人, 只是AUD 11.6 (HKD$ 81), 單程都2小時wor, 仲平過hk去廣州呢, 真係好surprise呢 *0*
因為rail是intercity的, 所以是在另一邊的月台, d train舊好多~ 哈哈! 不過舊火車, 更有風味呢, 我喜歡 =p

cityrail blue mountains line

上車喇, 出發喇


由sydney去katoomba, 需時2小時多一點, 在日本搭慣JR的我, 很輕鬆啦~ 火車的位置非常闊, 好好坐~ 因為酒店是在agoda book的, 沒有早餐提供, 所以出門前我們在便利店買了件手卷做早餐, 不過這手卷超級難食! 像放了幾天的隔夜貨! so bad! 果然, 在外國是不應該吃非本土的食物的! 哼哼!
車程不短, 今早又早起, 他基本上一開始就睡著了! 我好一點, 訓了20分鐘左右吧~ 都不太敢入睡, 怕過站呢!

好難食的手卷!

9:30am, 終於來到katoomba了! 大部分來blue mountains的遊客, 第一站都會是katoomba~ 因為這兒是藍山地區最熱鬧的小鎮, 亦是大部分交通的集散地~ 在katoomba一出車站, 就是藍山觀光巴士的總站了~
一落車, 噢, 市郊地區果然比sydney涼不少呢! 今天weather forecast話得6-18度~ 所以今天都穿定長袖衫和絲襪~ 剛剛好! (當然還準備定大衣啦~)

welcome to katoomba

寧靜的小鎮~


其實一出katoomba station有少少lost, 因為我們只見到觀光巴士, 那是十幾AUD然後任搭那種, 不過我們不需要呢, 我們打算行行山路, 最多只是搭2程巴士, 實在不需要用到觀光bus tour~ 幸好左問右問之下, 終於找到普通local bus 686~ 可以直接搭車去scenic world, 車程10分鐘, 車費AUD 2.2 (HKD$15.4)~ 不過沒什麼人搭的~ 哈哈! 又或者這樣說, blue mountains沒想像中多人 =p (其實應該說澳洲的遊客不算很多, 可能因為是淡季吧! 不過強國人還是佔了不少 =p)

local bus 686~~

很快就來到scenic world了! scenic world是blue mountains最受歡迎的景點~ 因為這兒可以遠眺到藍山地區最有名的the three sisters三姊妹岩, 而且這兒也是吊車、纜車等的總站呢!
來到scenic world的正門, 就見到三姊妹和巫師的雕像~ 相傳katoomba部落有三姊妹Meehni, Wimlah and Gunnedoo, 她們三人同時愛上了山下部落的三名男子~ 後來因為他們的戀情而引爆了兩族的戰爭~ 當時有一位巫師為了保護三姐妹就把她們變成石頭, 不過最後巫師戰死, 三姊妹永遠不能變回人, 並守在山谷成了石頭, 這就是有名的the three sisters了 =p 所以, 這些雕像也是blue mountains的標記呢! 我們當然要跟三姊妹和巫師拍照, 哈哈!

scenic world!

彷彿雕像的動作是指定動作啦 =p

巫師和三姊妹像~

其實d雕像好醜樣 XD


來到scenic world, 這兒有2款吊車一款纜車, 我們買了套票, 3款都能玩到! 套票才AUD 35 (HKD$245)~ 真的不貴呢! 在HK, 那經常失靈的360, 都要200蚊啦! 來了2天, 發現澳洲的物價其實不算太貴, 可接受! 比想像中好! 只是車費貴, 飲品貴, 食物沒便宜貨而已 (其實世界好多地方都係咁) 可能剛巧我們兌澳元是7, 幫補了一下吧!
首先我們要玩的是纜車Scenic railway~ 是scenic world歷史最悠久的一個觀光設施~ 1880年代便已落成了, 本來是用來將山下的煤炭運上山, 再經火車運到市區, 在1930年後才改變成觀光用途的呢!
我們來得早, 基本上不用排隊就能上車呢! 太爽了! 不過因為我們要拍照, 又想坐第一排, 所以就再等下一班列車吧! 才15分鐘左右就一班了! 在月台時已能望到大半個blue mountains山脈的景色呢! 好正!

第一樣玩的是scenic railway

已經見到一部分blue mountains的山脈了~


scenic railway全長415米, 最特別的是它是全世界斜度最高的纜車呢! 位置有成52度的啊! 全新的車箱, 乘客還可以將座位自由調節多額度20度, 即是有64度咁斜呢 =p 我們見人不多, 所以就等下一班列車, 打算要坐最驚險的第一排呢! haha~
車未到時, 工作人員會跟我們吹下水, 問我們哪兒來之類, 等車時還可以在黑板上寫低自己的名字 =p railway車身非常新淨, 紅色的, 很醒目靚仔呢!

scenic railway~

紅色的車身很醒目令仔~

在黑板寫下字先~

就咁睇, 都唔係好斜姐....


終於上到車, 坐到第一排真係爽! 上到車, 有人幫我們拍照~ 然後我立即把座位調至最斜的64度啦! 喜歡刺激的我當然要去到盡 XD 坐到上位置, 才看到原來條路軌真的很斜呢, 好似有成90度咁! 心情都有一點點緊張! 哈哈! 不過如果係玩過山車一定更正更刺激, kakaka* 不過架車行得慢, 車速不高, 所以都不會很可怕! 是一開始時都會驚呼幾下, 但車在走時, 要用手扶住上面的扶手啦~ 唔係好易跣走 =p
車程很短, 穿過一個岩壁的隧道,就進入了valley的底端了~~ 都幾好玩呀~ haha!

預備出發了! go go go!


要扶著上面的扶手呢! 左上角的圖就看到路軌有多斜了~

這段路已經近尾聲, 不會很斜啦


落到底, 山下車站旁有一座古時列車的模型供大家拍照留念~ 當年那架"纜車"真的非常簡陋呢! 不過如果可以坐呢架, 應該好刺激 XD

古時列車的模型

落到山谷, 我們就來到了Scenic walkway了! 在scenic world就是walkway最為靜態了~ walkway位於藍山熱帶雨林地帶, 是條人工步道~ 全長2.8公里~ 途經的全部都是自遠古時代便存在的rain forest, 還有早年採煤礦時期的舊礦洞~ 本來我們是想行最短的路線, 由railway行到cableway, 不過見有時間, 就走畢全程喇~ 都是1小時左右吧~ 其實全部都是平路, 都好似行~ 我都係穿短boot之嘛 =p 路上都有指示牌介紹下d樹木, 我覺得幾有新意幾特別, 不會太死板! 他說那些奇怪的樹木, 很像他喜歡看的discovery channel那些野外求生節目呢, 所以他幾喜歡 =p
在行walkway途中, 有個迎面而來的外國女人, 看到我的絲襪, 突然樣子很激動, 又讚嘆說"oh!! gorgeous!! the tights are so gorgeous, so nice!!".... 還說了很多遍呢! 好攪笑!!! 繼昨天有人讚我條裙令, 今天又有人盛讚我的絲襪! 嘩哈哈!! 想當年我在意大利venice也被讚very very beautiful呢! 嘩哈哈!! 我就是常常在旅行中被讚呢! 在HK反而不多, HAHA!! 心情大好 =P

一開始的路段有不少擺設介紹當年的歷史~

SCENIC WALKWAY~

路中間常有突出來的樹~ 人家的政府當然不會因此砍掉啦!

都是平路~ 很易走啦~


然後我們終於走到了去cableway, 是於2000年才啟用的呢~ 是scenic world最新落成的觀光設施~ 都是跟railway一樣, 接送遊客來回Jamison Valley和車站~ 車箱是斜斜的樓梯式設計, 確保車箱內每個位置都能無遮無擋乎看到窗外的風景~ 在吊車內, 可以看到最有名的the Three Sisters, 還有Orphan Rock, Mt Solitary和Katoomba Falls呢! 景觀不錯呢!

scenic cableway

車箱是斜斜的樓梯式設計

上山了

窗外風景不錯呢~~


回到總站都已經12:30pm了~ 是吃lunch的時候~ 我們在scenic world的餐廳"EATS270"吃午餐, 那兒有點像food court啦~ 有asian、australian & italian food選擇~ 我們點了一個chicken pizza (AUD16/ HKD$112)和一個burger with chips (AUD16/ HKD$112)~~ 價錢OK啦, 在hk disneyland吃也差不多~ 而且味道都很不錯呢! 不似在吃fast food~~ 可以看著270度的Blue mountains景色lunch~ 好正!

lunch吃burger and pizza~ 不錯!

有270度blue mountains美景呢!


lunch完, 就去玩最後一個設施 - scenic skyway~ 這個skyway也是吊車, 不過跟cableway不同, 它是接送遊客來往高270米的峽谷過對面車站的呢! 最特別的是車箱的地板有電子操控, 當吊車走到峽谷上面時, 本來不透明的玻璃地板會立即變成透明, 可以在車箱內360度全方位地欣賞峽谷呢! 又可以見到從另一個角色見到Katoomba Falls, the Three Sisters and Jamison Valley!
因為這個skyway很高, 下面又是差不多高不見或的valley, 所以景色真是非常壯觀呢! 我都有睇到嘩嘩聲! 是3大設施中, 觀景最漂亮的一個呢! 正呀!

scenic skyway~ 入閘要"嘟"手帶 =p

skyway車箱內

當skyway行到峽谷上時, 車箱底部的玻璃會變透明呢!

右邊的是katoomba falls~

180度blue mountains美景呢!

SKYWAY的outlook, 幾令仔 =p


下車後来到skyway的瞭望台lookout,可以看到茂密的森林以和echo point呢~ 在lookout可以看到我們剛從對面過來的山頭~ 也是看完整個skyway索道的最好位置!
而lookout旁邊就是blue mountains national park了! 人地澳洲d national park勁大, 我見到個牌就已經好興奮 =p blue mountains在2000年已被列入了世界自然遺產的名目之中呢! national park入面有mountains, rainforest, plateau, rivers等等, 好多以前在geog堂學過的terms呢, 哈哈!

在lookout也看到skyway~


blue mountains national park~


在cliff view lookout的景觀非常極佳! 可以看到一大片valley和山脈呢! blue mountains之所以叫blue mountains, 是因為這個地方盛產尤加利樹 (樹熊最喜歡這些樹葉 XD), 當太陽照射在充滿油脂的尤加利樹葉時, 就會反射出藍色的光線, 而峽谷又經常被薄霧濃罩, 所以藍山常出現獨有的藍色薄霧呢! 在這個lookout, 就能清楚見到眼前這片山脈就像有層藍藍的霧, 很有趣呢!

blue mountains的景色, 可以看到很遠呢!

在cliff view lookout~

今天很多雲呢~ 但幸好都見到藍天 =p

真係有層薄薄的藍霧呢!


然後我們由車站旁的小徑, 沿著Prince henry cliff walk慢慢步行至echo point~ 路程不長, 半小時左右~ 連小朋友都可以行! 這段路沿途的風光一級正! 又有好多奇形怪石! 在hk行山時見到的風景完全不同啦! 廣闊很大、視野更好、空氣更清新呢! 我又再次覺得自己在拍旅遊特輯, 尤其是在宏偉壯觀的大岩石前, 吹著風、望著峽谷和深淵時, 真的彷彿把人生切煩惱都掃光! 個心靈都放輕鬆左咁~ 就好似拍緊現代塵世美、向世界出發咁! 好認同人們說在大自然面前, 感受到自己有多渺小! 我真係好享受同大自然接觸的機會呢! 陽光、風吹, 都令人身心舒暢! 而且澳洲的hiking trail都很好, 有好多lookout, 中途又有很多椅子給人坐下休息、享受美景呢!
剛好, 我們身後跟住帶著一大班小朋友的couple, 他們每次見到我們拍照, 都很主動地幫我們拍照呢! 澳洲人真的很不錯 =)

好正呀... 好近距離地感受大自然
好正呀! 好鍾意d風吹埋黎, 頭髮亂了的效果

好多奇形怪石

還有很多瞭望台給人拍照~

澳洲人熱情地幫我們拍照~

真係有淡淡藍色的薄霧

開始見到the three sisters了!

沒有景觀的一段路~ 好似普通行山咁


一直行就走到了echo point lookout~ 是另一個有名的展望台~ 來blue mountains必到的有the three sisters, 要觀賞three sisters, echo point就是最佳的位置了! 它位於three sisters正對面而且距離很近, 是欣賞三姊妹的最理想地點~ 這個lookout有2層, 下層的lookout叫queen elizabeth lookout, 因為當年queen elizabeth亦曾經於1954年來到訪過呢 *0* 都說啦, 澳洲真係很多東西都以英國的國皇、皇后而名言架! 下層叫queen elizabeth lookout可以最近距離看three sisters~ 上層的觀景角度就最廣闊~ 各有各優點~ lookout還有180度的展示牌, 為旅客介紹眼前的山脈和自然環境等等~

echo point的景色好壯觀~

好近距離地見到the three sisters啊!

很有觸手可及的感覺呢 XD

such a nice weather

好曬好曬呀!

下層叫queen elizabeth lookout~ 上層的觀景角度則最廣闊


最後, 我們就行埋the giant stairway~ 可以經山道和樓梯直到達three sisters的下方~ 這絕對是與three sisters距離最近的地方呢 =p 梯級的數目真不少呢, 大家都行到索曬氣, 哈哈! 不過這是值得的, 因為可以從另一角度觀看three sisters, 三姊妹平排成一直線, 所以只看到大姊而看不到其他呢 =p

the giant staircase, 要行很多樓梯呢!

三姊妹岩連成一線, 只看到大姊呢 *0*


在giant staircase最底處, 有一條鐵橋可以通往三姊妹的正下方~ 幸好吊橋很闊, 所以就算很商但都不會很害怕啦 =p 來到這兒, 當然要拍照留念~ 剛巧我們來時人不多, 所以可以獨享此休息小區, 在大大舊岩石中間拍到好照片呢 =p 置身在這些石頭間, 總覺得自己好像在拍discovery channel呢! 因為真係好有外國national park的感覺啊 XD

橋上不太闊, 拍照也不易呢!

過橋了~

下面是萬丈深淵呢

This is so nice! 壯觀!

奇形怪石~

ready to say goodbye


在blue mountains待至3:30pm左右, 我們就行回echo point了! 搭番local bus 686回katoomba~ 藍山一日遊就此結束了 >.<

echo point, goodbye!

搭番local bus回katoomba station~


回到katoomba station才4pm~ 我們的train在4:26pm才到呢~ 回sydney又是2小時的車程, 回程時累了, 因為central站是尾站, 所以可以放心睡呢 XD 不過我都只是睡了1小時左右就醒了~ 旅行搭車時總是不能很放心地睡呢 =P

goodbye KATOOMBA station~

火車也是有兩層的!


2小時後, 回到sydney central station已經6:30pm了~ sydney真係暖好多呢 =p 時間尚早, 我們又覺得central沒什麼好吃, 所以又去了搭cityrail去circular quay dinner~ 又來到circula quay, 沿著海邊又行到opera house那邊看看附近的餐廳~ 見到sydney的夜景, 當然, 忍不住又要再拍拍照啦~ 哈哈! 昨晚的夜景是在近harbour bridge那邊拍的, 都係近opera house這邊影的較漂亮 =p

opera house night view~


都係近距離看opera house令d~

還有harbour bridge~ 不過遠距離也好看!


最後, 我們揀了間近railway station的西餐廳dinner, 貪佢平平地、近station、有wifi (我們酒店wifi要付錢的! 我們都沒用!)~ 食物點了一個steak (AUD32/ HKD$224) 和一個linguine with prawn (AUD21/ HKD$147), 還有lemon sqush一大杯~ 埋單AUD 59 (HKD$413) 不過食物一般啦~ 不是不好吃, 是沒什麼驚喜啦~ steak還好, 但linguine好像沒什麼味道似的, 要自己落salt & pepper才可以....

dinner有steak, linguine with prawn和lemon squash~

回到酒店9點多, 想起我們酒店有個室內泳池呢! 剛巧就在我們房間的樓層! 由我們房行幾步就到! 所以他回房換條ball褲就落水游了一會啦~ 我就嫌麻煩, 而且10pm都快關門了, 所以就沒換衫下水, 只是浸浸腳啦~ 不過, 我對個jacuzzi都有d興趣架, 可惜可惜~

他自己在indoor pool游下水

我就沒換衫, 所以沒下水啦!


明天要很早起床, 一早要搭internal flight, 離開new south walves去位於queensland的gold coast了!!! 所以今晚都要早點睡呢!
環遊世界 | Comments:6 | Trackbacks:0 | 2013/08/31(土)
澳洲新南威爾斯昆士蘭向南半球出發之旅DAY 2*
昨天在機上訓得非常一般, 不過都預左了, 在飛機上, 怎會睡得好呢 >.< 7am左右吃早餐, 我覺得飛機餐就是火腿奄列最好吃了! 飛了9小時, 我們終於來到sydney了! yeah! 雖然累, 不過好興奮呢! 呵呵! sydney比香港快2小時, 下機時間是9:20am左右! delay了差不多半小時, 幸好沒什麼影響!
香港去澳洲要visa, 不過網上apply很方便, 9成都即時ok, 只是AUD 20 (HKD$140), 算很便宜了! 不過個visa是不用print出來的, 它說會自動link去我們的passport, 當局可以看到的! 只有一個reference number給我們, 所以過海關時我都有一點點擔心, 始終沒有確實的東西拿在手上嘛! 幸好沒事, 很快就過了海關、拿了行李喇! yeah!! 終於放下心頭可石, 可以自由活動了!! 澳洲, 我終於來到了!!

sydney aiport離市中心很近, 又有railway直達, 只是15分鐘左右的車程! 非常方便! 不過這程15分鐘的車程, 已經要AUD 15.9 (HKD$111)!! 嘩! 好貴呀! 澳洲的物價, 尤其是車費真是不便宜呢! 不過我也有安慰自己, 平時在HK搭airport express, 由青衣去機場15分鐘都要60蚊啦... 澳洲都唔算太貴姐 XD
我們由airport station坐到去酒店所在地central station, 3個站而已! 澳洲的cityrail很大架, 好乾淨又好多位, 比hk和歐洲的新淨好多, 而且是有兩層的! 第一次見, 幾得意! 坐在裡面有點像在坐巴士呢 =p 不過我們拖著gip, 沒有上上層啦~ 哈哈!

在sydney機場搭cityrail去Central站~~~

cityrail是2層的呢, 第一次見!


一落車站在月台上已經好興奮! 好開心! 終於來到一個又陌生又熟悉的地方了! 陌生是因為未來過, 熟悉是因為sydney周圍的建築、設施其實都幾似英國呢! 不過不是london啦, 是似英國的小城市, 真係好懷念啊! 總是就是很"外國"! 好正呀!
我們的酒店在central站~ 在站內看地圖找出口, 看看出哪個exit, 不是站了很久, 就有人主動走過來問我們去哪, anything can help? 噢, 立即對sydney的印象好好呢! d人好nice啊!
一出站, 就感受到冬天末sydney的溫度~ 都幾涼wor, 不過我只是住著條背心裙, 哈哈! 都ok既~ 空氣很清新、又有陽光, 天氣好好呢, 好開心呀! 我們的酒店是The Sebel Surry Hills, 離central站只是5-10分鐘的路程!! 一出站行左一陣就見到! 非常近呢! 而且環境寧靜清幽, 好正!
來到酒店才不到11am, 但好lucky地有房ready, 我們可以預先check-in呢! yeah! 立即上房放下行李, 簡單梳洗一下補下妝! 酒店房不是很華麗那些, 不過很大簡約乾淨, 床和toilet都很大, 正!
在agoda book只是HKD1060一晚咋! 我覺得好抵呀! 日本的蚊型東橫inn, 名古屋的一晚都要8000 yen啦! 所以呢間真係好抵! sydney wor! 咁大咁近wor! 真係好滿意, 呵呵呵!

我們在sydney的hotel - The Sebel Surry Hills~ 住2晚! 真不錯!

在酒店小休了半小時左右, 我們就出發了! 把握時間玩盡佢呢! 行番去central station~ 沿路都已經好興奮了! 就算見到d建築都很開心, 我已經好久沒有試過如此有新鮮感和興奮感地在一個地方旅行了! 當年第一次去日本自由行試過、和第一次去英國時都試過! (九州時都ok =p) 一個全新的國度, 真係好值得去下呢!
個central station係百年大站, 又是cityrail, intercity rail, lightrail等的中轉站, 所以很大的呢! 選在這兒的酒店都是因為方便啦!
central station近我們那exit是小小的, 不過是紅磚的style, 好令呢! 我們在拍照, 又有澳洲人主動來幫我們影合照, 真係好nice! 仲讚我條裙very nice呢! 嘩哈哈!! 看來我的打扮在澳洲都幾吃香呢 XD
入到個Station, 好大呢! 剛才在flatform上看不到... 很像歐洲傳統那些station呢, like! 之前以為澳洲歷史不長d野好modern, 但原來都有好多舊建築的呢!

好traditional的railway station

好有歐洲feel呢!


今天第一站, 我們要坐lightrail去sydney fish market!!!! light rail就像輕鐵那樣, 車都是行得慢慢的, 在地上走動~ 不過就貴好多了, 由centrail去fish market station, 幾個站就要AUD4.5了 (HKD$31.5)! 好貴呢!! 沿途在看sydney市的周邊環境, 真係好有外國feel, 好喜歡呢!
在lightrail上已見到很多華人, 不是遊客, 是移民的人! 很多都在說廣東話的, 哈! 在lightrail上我們在研究AUD coins的圖案, 跟住就有人和我們搭訕介紹了 =p 原來sydney有casino的, 很多人都是坐lightrail去casino的呢~ 下車後我們要行在路軌上過另一邊, 好得意~ 哈哈!

搭lightrail去sydney fish market了!!

過對面, 要走在路軌上呢!


落車後按指示, 行左5分鐘就來到sydney fish market了!!!!! 這個fish market是我來sydney其中一個很想去的地方呢!!!! 因為我是個seafood lover嘛!!! 海鮮是我永遠的最愛啊!!!! 所以安排一落機就要來食lunch! 去旅行有海鮮、有魚市場, 我一定會好興奮的! 平時成日見d人在fb post fish market既相, 見到勁多生蠔、龍蝦, d蠔勁平, 睇相都已經睇到我口水流了!! 今天, 我終於自己親身來到了! super happy呢! 今天天氣很好,好好天,又藍天又有陽光,這樣才是澳洲的寫照啊!

Sydney Fish market!! 我終於來到了!! yeah yeah yeah!!

藍天配合著fish market藍色的外牆, 好和諧呢!!

睇相睇到多, 今次到我親自來了! yeah! SO EXCITED!!!


Sydney fish market是南半球最大、亦是繼東京築地魚市場後, 交易種類第二多的魚市場! 在1945年開業, 都是分為交易區和遊客區~ 交易區是做魚產買賣的~ 不過不是日日都有拍賣啦, 而且也要付錢才可參觀! 我們只是去了遊客區~ 過去去過很多漁市場: 東京築地、首爾鷺梁津、釜山札嘎其... 日韓的都差不多~ 不過Sydney呢個最吸引我的, 是有很多本土產, 又平又抵的生蠔呢!!!!! 悉尼出產的sydney rock, pacific rock等, 一打才AUD15-17咋 (HKD$105-119)!! 真係好抵呀!! 見到好多蠔, 我真係流曬口水, 好感動呢!!

好多oysters呀!!

真係睇到我口水流!


fish market的海鮮款式的確非常豐富! 色彩繽紛, 我睇到已經好興奮好緊張! 成個人呈現著亢奮的狀態, 心花怒放, 哈哈! 由細到大行街市都已經好為食, 更何況是sydney的fish market, 有很多蠔、龍蝦、蝦、泥蟹、三文魚、tuna、魚刺身、鮑魚.... 太多, 不能盡數! 特別的是這兒熟食也有不少: 焗蠔、芝士焗龍蝦、燒帶子等等, 當然還可以加工啦! 除了蠔之外, 價錢都不算非常便宜, 跟hk差不多吧~ 不過人地d野新鮮好多啦! 而且在澳洲這物價驚人的地方, 真的算是很便宜了 =p
澳洲的華人多, 華人遊客也多~ 很多海鮮檔都有講國語的華人staff, 又有中文字呢....

好多海產呀!!!!!

蝦、蟹、貝是我的最愛!

見到呢d蟹和蝦, 呢d顏色! 已教我心花怒放了!


我們左揀右揀,揀了不少海鮮料! 有d買左少少試下,可以自己揀份量,真不錯!我們買了帶子一大粒 (AUD3/HKD$21), 熟青口幾粒 (AUD1.53/HKD$11), 三文魚刺身 (AUD8.9/HKD$63), 大大隻刺身蝦 (AUD14.7/HKD$103), 芝士焗龍蝦 (AUD22.5/HKD$158), 還有Sydney rock生蠔一打 (AUD17/HKD$119), 所有野埋單Aud 68/ hkd$476~ 咁多海鮮, 抵啦!
海鮮檔有提供室內的座位給食客即買即食, 不過我卻堅持一定要坐在室外座位, 望著藍天白雲, 對著個海和碼頭食, 夠曬外國feel夠曬寫意!! 中午時份太陽猛烈, 一點也不涼呢,好舒服! so nice!!

室外座位, 好正

fish market是臨海而建的呢


放下食物, 影左好耐相, 終於食得喇!!! 我們有蠔, 青口, 三文魚, 大蝦刺身, 芝士焗龍蝦! 首先選選我夢寐以求的sydney rock生蠔, 上網見人家都是推薦sydney rock的呢, 因為sydney才有! 其實蠔不是很大隻, 是細細隻那種~ 不過很甜很鮮呢! 好吃! 一d都唔漏! 每人半打都easy job (不過其實他不是很喜歡生蠔 =p)
不過我得到最好食是那大大隻刺身蝦呀!!!!!! 有驚喜! 殼很硬的! 成隻小龍蝦咁! d肉很甜很鮮很膠呢!! 真係好正! 好似過d牡丹蝦好多! 真係貴得值呀!

我們的lunch!!

sydney rock一打, 青口, 三文魚, 大蝦刺身, 芝士焗龍蝦

在優美的環境下食我最愛的海鮮, 真係好幸福~

set機!

勁大隻蝦呀! 呢個最好食! 真係好甜好膠好鮮好正!


我們邊吃的時候其實是很忙的! 因為要趕海鷗呢! 周圍勁多海鷗對著我們的食物虎視眈眈呀! 成日想飛埋黎又唔係好驚人咁! 對面枱有人食完野唔執, 跟住d雀十幾隻, 好瘋狂地圍在枱上食野lor! 太可怕了! 嚇死人!


咁多海鷗, 真可怕!!

露天

和海鷗對望 =p

goodbye fish market! i will come again very soon!


食完野, 就行去Darling Harbour, 都行左20分鐘呢! darling harbour達令港, 聽個名就覺得是個浪漫的地方 =p 這兒本來是倉庫和船廠集中地, 是近年才發展成旅遊區的~ 這兒有很多特色餐廳, 酒店, 商場, IMAX, exhibition center, 還有好幾個zoo & aquarium等~ 我們今天只當是passby咁隨意逛逛, 之後最後2天如果有時間才來參觀景點呢!
期間也經過national maritime museum, 有大大隻軍艦停泊在musueum前面呢~

pyrmont bridge, 橫越darling harbour兩岸~

橋上兩邊都是旗

national maritime museum

好大隻軍艦呢~


來darling harbour真的只是隨意逛逛~ 其實個harbour小小的~ 不會很大, 我們就拍拍照, 散步一下~ 其實環境幾優美的呢~ 很多澳洲人都在寧靜地坐著欣賞風景, 又有很多海鷗飛過~ 這片寧靜真係好難得, 是我所嚮往的! 在hk, 走到幾遠都係咁多人, 個人好燥呢!
harbour附近還有個公園, 不少人都躺在草地上曬太陽、看書! 成個畫面真係好relax! 這些畫面, 在電影才能看得到呢!

darling harbour~

沿著seaside都是食肆~

看到我嗎? 我在右下角 =p

darling harbour

附近的公園, 人和鳥很和諧地在一起


我們要去的下一個, 就是circular quay! 是opera house & harbour bridge的所在地~ 本來想行番去最近的railway station, 不過好遠呢~ 剛好路過information center就入去問問, 原來在這兒可以直接搭船去circular quay呢!! yeah, 真的太好了! 之前一直想搭船看悉尼港呢! 都唔知有船直接可以由darling harbour去, 真係意外 =p
我們乘的船公司叫captain cook, 我想起近期大熱的captain cool! 哈哈哈... 而且船費只是AUD 6.3 (HKD 44), railway都要AUD 4啦~ 都幾抵搭... (雖然HK, TST去中環只是幾蚊 =P)

我們搭CAPTAIN COOK的船公司

上船喇, 由darling harbour出發!


我們坐在船頭的位置, 好大風呀! 很有乘風破浪的感覺! 哈哈! 成個船程很短, 10分鐘都不用! 比我們由TST去中環耐少少啦~ 船一轉彎, 我們就見到世界聞名、也是SYDNEY的地標之一的harbour bridge了!! 每年1月1日count down電視都一家會播這條harbour bridge的畫面, 哈哈! 之前都不覺得這條橋有什麼特別, 不過在船上, 一轉彎第一刻見到harbour bridge時真係覺得好amazing呢! 可以那麼近距離地欣賞到這條橋, 真係好正呢! 都幾震撼! 原來條橋係咁令架! 還可以在橋底下經過! 哈哈! 我們都在船上高呼好正呢!! 好開心呀! 還有好天氣陪襯, 成個畫面真係好令呢! 把我迷倒了!

sydney landmark之一: harbour bridge


可以在船上近距離見到harbour bridge呢, 正

橋底

預算穿過橋底了! go go go


穿過harbour bridge, 很快就見到sydney的最大地標 - opera house了! 不過其實我一向不覺得opera house很漂亮很特別! 哈哈! 反而頭先那harbour bridge更漂亮, 很令我震撼! 哈哈!

終於見到sydney opera house了

悉尼歌劇院


好快就下船了, 下船的地方是circulr quay環形碼頭, 是sydney市中心最重要的交通轉運站之一, 又有cityrail又有碼頭~ 一下船, 我們就向opera house方向行, 行10分鐘就到了sydney最最最具代表性的建築 - Sydney opera house了!
其實sydney harbour這一帶感覺很像TST海旁和碼頭一帶呢! 哈哈! opera house感覺有像點我們的文化中心, 旁邊又是食肆跟我們的星光大道差不多, 而sydney harbour則好像維港呢! 哈哈!
終於來到sydney opera house, 這個歌劇院於1973年建成, 是最年輕的世界文化遺產呢! 雖然我說過不覺得它很漂亮特別, 不過見到它, 真的很有來到澳洲的感覺呢! 畢竟它實在是太signature了, 哈哈!

sydney opera house!

終於來到了! 很澳洲吧 =P

其實真係好似tst海旁, 哈哈!


來到opera house, 當然要近距離觀賞一下啦! 不過近距離又很難拍到照片~ 哈哈! 其實opera house的外形都幾得意, 不過唔太識形容, 像一個個貝殼嗎? 又好像一層層的洋蔥? 哈哈!
我們也入了opera house看看, 不過沒有付錢行tour遊整個opera house內部~ 覺得不需要啦 =p

sydney opera house

聽說屋頂的瓦片是特別設計的


nice pic =)


之後去左opera house旁邊的royal botanic gardens, 是澳洲最具規劃的植物園之一, 佔地24公頃! 我來這兒, 不是想看植物, 而是因為知道這兒有大量綠化空間, 綠草如茵! 我很喜歡草地,我就是特意要來躺草地的呢!這是我來澳洲的一大目標,哈哈!綠色令人很warm很舒服呢!
入到Garden, 果真是有一大片草地呢,也有不少人在看書,訓覺,曬太陽!好正呀!草地在澳洲是多麼的common呢,雖然香港也是有些地方有草地,不過草地卻是奢侈品,而且肯定勁多人,每次picnic行兩步就有一大班人,跟澳洲完全不同,這兒的空間大好多呢!而且一切都是如此normal不造作!
我們在這兒還可以望到opera house, 真係好正呢!這時已近5pm了,陽光的密度剛剛好,躺在草地上,陽光灑在我身上,非常舒服!這才是生活,才是人生呀!

royal botanic garden

很多人都relax地躺在草地上

我真係好喜歡一大片草地啊


沐浴在陽光底下,真的很幸福

Such a nice afternoon

美景令人著迷

有大草地,身後還有opera house

再見了


在Garden hea左陣就走了,不過非常滿足。我們打算在opera house那邊,沿著海邊行到近harbour bridge那頭,都幾遠架! 要行20分鐘! 今次記得在opera house影番對面的harbour bridge, 都很美,雖然開始收太陽了, 不過有少少背光呢 >.<
沿路才細心看看周邊的風景, 對住個海真係幾正呢! 不過真係好似TST海旁, 但是少人版, 哈哈!

harbour bridge好令呀....

goodbye悉尼港

近碼頭一段路的欄杆很有英國style呢!

在circular quay~

太陽開始要下山了

opera house另外一邊就是harbour bridge了


行去harbour bridge時, 會途經the rocks岩石區, the rocks是sydney現代文化的起源地, 當年首批由英國前來的軍人就是在這一帶登陸! 所以現時the rocks仍保留了很多英國style的百年建築, 不過大部分都改建成食肆和小商店了! 都說sydney很有英國的味道, 建築物、地方名和街名都是, 如geroge street、Elizabeth street, royal xxx、呢d字眼就是英國常用的呢! 在the rocks一帶遊走時, 更覺得很像英國呢! 哈哈 (不是像london啦, 是我們以前去的那麼scotland小城市和小市鎮)

the rocks area

很有英國的味道


終於行到去harbour bridge橋底, 附近有一個叫bridge climb的玩意, 是全球首創的大橋攀爬行程, 可以走到bridge最頂處, 腑覽整個sydney harbour呢! 而且爬橋時是無遮無檔地在戶外的呢! 應該幾刺激! 我們都有一點點興趣, 不過費用都幾貴, 不同時段收費都不同, 最平都要近AUD 200, 而且連briefing要3小時! 所以我們都考慮, 看看過幾日回sydney時要不要玩呢, haha!

harbour bridge - bridge climb

然後我們走到大橋的入口, 就可以登橋了! 剛好快要夕陽了, 天都變成橙紅色的, 好令呢! 這座harbour bridge在1932年通車, 被譽為是世上最美的一座金屬拱橋呢! 每年除夕煙花倒數, 它都是世界注目的焦點! 所以感覺對此橋也有份熟悉感呢! 哈哈!
登橋前, 可以從高角度欣賞整個sydney harbour的景色, 真係好令呢! 加埋夕陽, 幾romantic, 哈哈哈!


預備登橋了

高處望整個sydney harbour~

180度的景色

橋身上層是8線行車, 下層是火車路軌, 還有行人路和單車路呢


條harbour bridge不算很長, 1200米左右, 不過我們沒打算行畢全程啦! 因為是要走回頭路的嘛! 所以決定只行到去拱橋位的底下就算了! 別以為橋的行人路沒人行, 事實上是蠻多本地人行的呢! 不過他們都要有目的地要過橋對面! 也有人在跑步啦! 單程徒步應該要行30分鐘左右的, 他們都行得好快呢! 我就行得非常慢 =p
橋的行人路兩旁有鐵網保護, 但也能看到橋底下的景色啦! 好正! 來到拱形底下, 看它的結構, 幾得意~ 而且可以見到bridge climb時的路線, 嘩, 真係幾高呢! 如果真係爬橋應該都幾刺激 =p
不知為何, 我想起當年我們在london時走在tower bridge底下呢! 可能是因為也沒什麼機會走在一條橋的底下看吧 XD

harbour bridge

我們的目標只是行去拱形下

sydney harbour令景

終於行到其中一座塔了!

身後的樓梯是bridge climb的路線呢!

徒步上橋應該都幾刺激, kaka!


落番橋, 我已經好累了! 腳很痛呢, 畢竟我的鞋不矮啊! 在the rocks見到旅遊書介紹的德國餐廳LOWENBRAU KELLER, 說是sydney最佳的德國餐廳和酒吧~ 我們見到不錯就去試試了! 基本上我在一個國家旅行, 很少會吃不是當地菜的, 不過澳洲不同啦, 因為澳洲的飲食文化其實跟英國歐洲差不多, 所以只要是吃西餐, 感覺都很ok, 哈哈!
我們不用等位, 太好了! 見到全場差不多fullhouse呢! 我們都餓翻了! 畢竟今天在fish market吃海鮮, 也沒有吃得很飽呢, 哈哈! 我們點了德國菜最signature的咸豬手, 腸併盤, calamari.... 還有一公升的德國黑啤! 聽說澳洲人都非常愛啤酒, 其啤酒的消耗量是繼德國和比利時兩個傳統啤酒大國之後排第三名的呢!
食物是不錯的! 豬手好吃呢!! 我很喜歡皮脆的豬手, 而且肉不乾柴呢! 埋單共AUD 107 (HKD$ 749), 很合理吧! 在香港吃德國菜點3個dishes + 1公升啤酒的話也是差不多吧! 澳洲的物價是貴, 不過吃西餐的話我覺得其實跟hk差不多 (當然, 我是說好一點的西餐廳啦) 酒水的價錢也是差不多呢! 不過, 澳洲不可以平食就是了, 因為像英國一樣沒有廿幾蚊碗的雲吞麵 =P 最平的越南pho也要AUD8-10一碗 =P

德國餐廳LOWENBRAU KELLER

1公升德國黑啤! 好大杯呀!

咸豬手, 腸併盤, calamari

終於有得食喇!

FIRST DINNER IN SYDNEY~


dinner完, 由the rocks行番去cirrcular quay~ 沿路就見到opera house和harbour bridge的夜景~ 又是另一番美景, 著了燈的harbour bridge好令幾浪漫呢, haha!
天色入黑, 開始冷呢! 幸好早已準備了外套! sydney的溫差很大呢! 有成10度哦! 就算是冬天末, 白天也有23-5度, 但晚上卻只有15度左右呢! 所以外套是必須的!

晚上的opera house


在遠處眺望opera house

晚上的harbour bridge~

伸手可及 =p


最後, 在cirrcular quay搭cityrail回central station~ 車程10分鐘3個站已經要AUD 3.6了 (HKD$25)~ 在車站仍可見到sydney harbour的美景~ 不錯!

在車站仍可見到sydney harbour的美景

sydney cityrail


回到酒店9點多, 今天活動了一整天, 昨天又在飛機上睡不好, 所以今天很累了呢! 早點沖涼梳洗! 明天又要早起了!
第一天在澳洲, 感覺很好! 蠻喜歡這兒的生活節奏呢! 還有天氣和大量綠化! 希望之後的行程繼續happy! good night!
環遊世界 | Comments:8 | Trackbacks:0 | 2013/08/30(金)
澳洲新南威爾斯昆士蘭向南半球出發之旅DAY 1*
只計劃了一個多月, 我就出發去澳洲了! 7月底才用mileage換機票, 用了一個多月就KO左呢個為期9日的澳洲之旅的schedule, 都係上個星期才俾錢book好曬d local tour, 真係幾厲害! 好好彩, 近來澳元大跌, 由8蚊跌到7蚊, 實在為這次行程慳唔少! 因為有得換機票, 所以成個trip都唔係好貴, 比當初expect的平不少! 不會比2月新年時去日本中部7日貴太多....

我的旅行伙伴, 是我的男朋友.... 對, 我們前陣子又走在一起了! 這幾個月, 發生了很多事, 不過都算過渡了吧.... 最差的時間已經過去, 未來只會更好吧! 相信未來仍有很多挑戰, 不過我們定能一起走過的 =)

8月29日, 我們搭晚機直飛sydney, 中午時, 我就為收拾行李作最後準備! 行李其實很早就get ready, 之後攪下部單反相機, 換下SD卡, 跟住.................. WTF!!!! 部相機又再次話我張SD卡"防止寫入保護狀態"!!! 換了幾張SD卡試過都係咁!!! 但我把SD卡放入其他DC是沒問題的呢! 真是WTF! 咩事呀! 我仲有幾個鐘就出發喇! 單反又出事!??????????? 我上次去檳城前一天都是這樣的!! 同一個問題呀, SHIT! 上次拿去樓下的電器舖幫我reset過部機又冇事wor, d staff話可能有時係d電器撞左所以咁wor.... 今次我自己都照做, 不過還是不ok呢!!!
最後我又喇喇聲再拎落去樓下的電器舖攪攪, 人地又係幫我再reset, 跟住好好彩又ok番呢! 真係好莫名其妙呀! 我剛才自己都有試過reset但唔得呢!!! d電器真係好奇怪! 又是同一問題, 又是去旅行之前又這樣!? 洗唔洗咁邪呀!

現在的我們, 住得很近, 7:15pm從奧運站出發去機場~ 機場, 我又來了! 8月已是第4次來了! 真是很誇張! 9:50pm的飛機去sydney, check-in時妄想過可以upgrade, premier economy都好呀, 不過最後當然是什麼都沒有啦, 哈哈哈!
在大快活吃過dinner, 就入閘了... 本來, 我們去年曾經打算一起在這個時間辭掉工作, 去new zealand 1-3個月, 不過中間出了不少變化, 大家的工作是沒有了, 但目的地改了、只是去9日而已! 不過, 人沒變, 還能去南半球, 已是萬幸了, 我還是很快樂 =p
以前讀書時, 對澳洲沒感覺, 感覺都是自然野, 很悶! 但近年可能是人大了心態變了、也可能是因為很多地方都去過去, 彷彿對大自然越來越喜歡! 所以澳洲、紐西蘭都成了我很想去的地方!
出發前, 閘口的指示牌是check-in的必到之地, 立即打卡拍照! Sydney啊! 好遠呀! 夢寐以求的澳洲, 我終於來了! 好興奮呢!!

夢寐以求的澳洲啊!!!!!

如期上機, 不過班機delay左半小時才起飛, 近來我搭飛機常delay呢 =_=|||| 幸好明早的行程不算很趕, delay少少都還可以接受! 一上到機, 見到個display地圖, 香港飛sydney, 向下咁直飛, 好新奇! 因為從未去過南半球、從未見過條航道是這樣飛的呢! 好正呀!!! 我又很excited了! (之前去dubai是向西飛, 以前去英國也是這樣, 條航道更長呢! 哈哈!)
起飛後, 立即看看有什麼電影好看, 然後發現........ 還是沒有什麼update! 還是我去福州、上海、杜拜時的節目和電影!! 慘... 求求其其地選了些日本的綜藝節目來看, 介紹食物、地方那些, 輕鬆一點嘛, 也可以啦!
很快就上飛機餐了, 食完, 睇下電視, 2am左右就睡了... 不過當然是睡得不好啦! 明天一早下機就要玩full day, 最怕唔係攰, 係個樣殘呢 >.<

好新奇, 因為從來未試過這樣飛的呢!!

機上的合照令我想起當年去london那程機上的照片! 6年了, 好久沒有一起坐過長途機呢!


香港飛sydney, 要9小時! 比上次去dubai長一點, 比當年去英國短幾小時! 6年前, 也是跟他一起搭10幾個鐘長途機一起由香港飛london, 再由london飛aberdeen的.... 6年後, 一齊再發掘真地方!!!
這個行程, 說是去9天, 但其實今天8月29日就是第一天了, 2個多小時都是在飛機上渡過的 T^T 計埋頭頭尾尾的時差和機程, 其實得8日玩咋, 未去都覺得唔夠喉 >.<
明天早上悉尼時間9am左右到sydney, 要玩盡佢, 好期待呢!

PS* 呢篇其實冇野睇冇行程, 不過我有很多碎碎念, 所以才分了一天來寫啦! 哈哈!
環遊世界 | Comments:8 | Trackbacks:0 | 2013/08/29(木)
向南半球出發!

休息左9日, 我今天晚上機去澳洲悉尼了!
杜拜遊記未寫完, 真係抱憾 T^T
一個月內2次長途trip, 真係好奢侈 XD
9小時的機程, 希望易捱d!
希望到步後日日好天啦, 好緊張呀!
我好耐好耐冇去過只講英文的國家了!!
這次我們的首次踏足南半球之旅啊, Yeah!!
希望今次旅程, 甜甜蜜蜜啦 =p

「天空海闊我共你 再領略人生的美
雲外看 新生趣」

生活點滴 | Comments:2 | Trackbacks:0 | 2013/08/29(木)
第一次接機
咁多年黎, 第一次去機場接人機咋, 哈哈
你真是有面子 =p
2日後又要再來過了

仲有2日就出發去澳洲, 睇黎我都係完成唔曬杜拜遊記
目標是完成day 4啦! 最後一日day 5, 可能係飛機上寫? haha!
生活點滴 | Comments:0 | Trackbacks:0 | 2013/08/27(火)
我的最愛shocking pink!
又係時間整指甲, 今次快左D, 上次做只係3星期前左右
D指甲都未生曬出黎, 所以都有D唔捨得...
不過過2日就出發, 都係做下好 (反正一早join左package唔洗再俾錢既)
今次都係做番shocking pink
我真係好鍾意粉紅色呀!
每次見到佢, 都好開心, 買d野忍唔住又會揀呢個色系d野!
為左唔好令自己咁悶, 我已經成日忍手,
迫自己買其他顏色既衫, 汗!
上年去cebu都做過shocking pink, 今次再加左d圖案貼紙
真係好令呀! 好滿意, 好sharp好出!
我本質都係鍾意d浮誇野架喇 =p

整埋今次, 我要俾d手指甲休息下先得呢!
時裝美容 | Comments:0 | Trackbacks:0 | 2013/08/27(火)
五變四的飯聚~
上個月已想約小嘉、小透、ketu & anmary飯聚, 不過anmary & ketu很忙, 所以約到今日先約到.... 我們選了去"大都烤鴨"~ 訂枱訂了在8pm, 不過6:30pm的時候, 小嘉突然whatsapp來說不舒服來不到呢! 想必她應該真係好辛苦, 否則以她這種性格的人是不會缺席的 XD 我們前幾天whatsapp才說到她非常想試"大都", 因為聽朋友說過很好吃, 而且北京烤鴨也是少數她自小就喜歡吃的食物呢, 哈哈.. 無啦啦冇得食真係好慘, 仲要枱是她訂的呢, 汗!

就這樣, 今晚的聚會由5變4, 得番我, anmary, ketu & 小透~ haha~ 我們點了一隻烤鴨! 四個人, 一隻的份量才是剛剛好呢 =p 這兒的烤鴨是不錯啦, 鴨皮沒有很油膩的感覺~ 不過如果以推介菜來說, 我會有點小失望, ok咁啦, 最多只是中上之選~ (所以小嘉唔洗太可惜, 哈哈 =p) 其他食物都非常快上枱, 味道都是一般~
說到烤鴨, 我吃過最好吃的, 是在北京的"大董"~ 還記得當年吃的時候, 有點驚為天人! 因為那種才算是"入口即化"的鬆化感覺呢, 第一次吃這樣的口味, 很impress, 哈哈哈!
影相時, 因為d燈光問題, 所以有很多效果詭異的相片呢 =_=||||

小籠包 (一般), 水晶鴨舌、扒翡翠、荷葉飯~

推介菜: 北京烤鴨~~~ 有2碟咁多~

d燈光好詭異呀! 尤其是揸機的我, 好可怕 =_=|||

小豬, anmary, 小透 & ketu~
食店: 大都烤鴨
地址: 尖沙咀河內道18號K11購物藝術館2樓221號舖


dinner時聽anmary說了很多美容界的事~ 我都好想脫毛呀!! 不過失業中的我冇錢洗住啦, 之後真係要考慮考慮!! 畢竟毛髮問題真係好麻煩 >.<
dinner完, 其實時間都不是很早, 不過我們都去了棉登徑飲番杯野~ 去了Dijaya~ 地方很不錯呢, 是我喜歡的feel, 三五知己坐在cushion上促膝長談~ 矮枱上放著蠟光和cocktails~ 我們談了很多啦~ 朋友、工作、關係、集郵、能力.... 一直談到近1am才散場~ 其實都傾得未夠喉, 不過大家明天要上班呢, 所以都要回家了 (except me, wahaha!)
其實我們都至少認識8年了, anmary常常說睇住我地大變成熟, 睇住我地拍拖、結婚, 好攪笑 =p 不過這呢年, 我都自覺變了很多, 有些東西是收歛了 =p 不過我可不想完全擺脫自己那份真我和直腸直肚的性格呢 XD
人生旅途上, 人來人往, 有人是過客、有人會留下~ 當初相聚時, 大家開心過、付出過就夠了~ 人與人之間的感情, 不必太執著~ 學習放低執著, 才能放開自己, 才會活得快樂吧 =)

nice chat =)
食店: Dijaya
地址: 尖沙咀棉登徑3-4號地下
識飲識食 | Comments:2 | Trackbacks:0 | 2013/08/25(日)
Hot Pot Party @ My home~
星期六, 約了eva poon, eva woo & ingrid去了我家打邊邊~ 因為早2星期同事上黎我家有3枝酒同好多asahi飲淨, 所以身特意叫她們上來再飲過, 哈哈哈!
下午跟2個eva去旺角街市買餸, 我發現我們3個人今天都是不約而同地穿了牛仔短褲呢! 我們都在猜想ingrid今天應該不會穿牛仔短褲的, 因為這不是她的style, haha.... 之後在奧海城匯合ingrid~ 發現她今天竟然都是穿有lace的牛仔短褲呢! 嘩哈哈!! 真係好鬼arm呀! kaka (雖然ingrid的打扮很誇, 差點看不到她是穿短褲, 哈哈!!)

回到家已經6pm了, 攪攪下, 好快, 7pm就開飯了!! 去街市買餸真好, 買左好多在supermarket買不到的東西~ kaka~ 有手切肥牛、桶蠔、花甲、豬紅、水魷、豬潤..... 正呀! 開飯前我企左上張椅子度, 拿著大機拍照, 裹把腳橫跨在枱上, 她們笑死了, 哈哈哈~
今天的飲品, 好多酒精, 有apple cider, asahi啤酒、白酒, 嘩哈哈... 爽呀! 不過主要得我和eva poon飲, 另外2人都唔飲既. 哼哼 =_=||||
今天的主題很多, 慶祝工作、愛情~ 呵呵呵~ so happy! 今天食左勁多野, d食物食都食左8成, 打邊邊來說算係咁啦~ kaka... 好怕食剩勁多野, haha~

打邊邊@ my home~ 好多野食呀!

金菇、秀珍菇、花甲、丸、豬紅、手切肥牛、水魷、豬潤、肥牛、唐生菜、豬肉、白蘿蔔、冬瓜、魚皮餃

ingrid, karen, eva woo & eva poon!

開飯了.... 大學畢業5週年快樂!

CHEERS!!!

apple cider, asahi啤酒、white wine....


打完邊邊, 之後坐去大廳繼續吹水, kakaka... 有人飲到wing wing地係咁傻笑, 嘩哈哈! 不過這不是我, 我今天很清醒! 距離醉酒仲有一大段距離 XD 我們說了XYZ, 嘩哈哈~ 好正~ hahaha~ there is nothing to hide啦~ kekekee.. XD

不約而言地, 大家都穿了牛仔短褲呢!!! 嘩哈哈....

希望中秋節再gather~ hahaha!! 希望下次可以去其他人屋企, kaka (起碼入一轉赤柱啦 XD) 之後想想, 今日唔記得打麻雀呢!!!! =_=|||
娘家派對 | Comments:0 | Trackbacks:0 | 2013/08/24(土)
待業的女人s...
在家幾天, 終於打好了杜拜day2的遊記 (請支持)~ 下午跟同是待業中的Shirley一起出了cwb~ shirley比我早一個月quit了份工, 已經在找工作了~ 今天就有interview, 真好呢, 我就什麼都沒開始呢, 哈哈哈! 我們兩個同年同月同日生的朋友, 又再次有d野是同步了~ 哈哈!
待shirley interview完, 我們在sogo等~ 之後去shop了一會兒, 不過咩都睇唔arm呀..... 去澳洲d野仲未買完, 好煩惱呀, 果邊天氣怪怪, 都唔知著咩好 >.< shirley說我去旅行就像fashion show, hahaha~ 梗係啦! 我要去影相架嘛, 次次都準備得好認真架 =P
我們在阿波羅買了shirley最愛的西瓜味乳酪雪糕吃, 我很久沒去過CWB金百利了! 驚覺那間阿波羅還未執呢 XD 這杯阿波羅乳酪雪糕充滿著無限的回憶... 十年前的中學時代, shirley已經好鍾意食... 以前我們在cwb、葵芳shopping時都成日食的! 而我食過咁多次, 基本上都是跟她在一起才會吃的 =p 而這乳酪雪糕的價錢, 亦由十年前的十幾廿蚊, 加到而家三十幾蚊啦! 真的是很多年前的事了, 但好多事還是歷歷在目呢, haha!

之後去了times square dinner~ 終於睇到高達和渣古的大大個model~ 梗係影番幾張相~ haha~ gundam我淨係睇過gundam seed同gundam seed destiny咋, 以前N年前的其實唔識~ HAHA

高達和渣古~~

本來想去近來好hit的school food度食 (不設訂位), 不過要等成30張枱, crazy... 最後去左SML, 之前聽過, 第一次試食~ 點了羊架、nachoes、lobster risotto~ 忍唔住, 我都點番杯Rose先~ 哈哈! AE卡埋單有8折, 真好呢~ 呵呵!
我們update了大家的近況, 工作上的事、last day、旅行、婚姻、感情、鑽石、人工、儲錢....... 雖然我們是同年同月同日生的白羊座, 不過其實我覺得我們的性格和價值觀其實都幾唔同, 嘩哈哈....

lamp chop (好un!)、nachoes、lobster risotto (好食)

shirley & karen~

待業的女人s XD
食店: SML
地址: 銅鑼灣勿地臣街1號時代廣場食通天11樓1105號舖


之後去左sogo同東角行, 都係冇收穫 =_=||| 最後去左starbucks坐低慢慢傾 =p 不知待業的日子還有多久, 希望我們都可同步找到工作吧 =p (不過我應該會慢d既.. haha)
識飲識食 | Comments:0 | Trackbacks:0 | 2013/08/23(金)
失業的日子
從杜拜後回來第二天,
我已經失業近2星期了
不過其實我好忙
昨天回氣、睇戲
今天全力在落實澳洲的行程和上網book local tour!
上網係咁碌卡俾錢, 洗左勁多錢呀
張AE卡都over左個credit amount, 要提早交上個月的卡數, 汗!
今個月入帳的mileage應該都幾和味, 仲係計海外消費wor...
不過都希望之後有人sponsor下我啦 =p
d local tour同行程總算準備得7788~
好多新奇既野玩, 好期待
仲有一星期就出發 =)

仲有7日, 我希望可以完成到我既杜拜之旅遊記! it is possible! 得4日行程姐, 加油!
生活點滴 | Comments:4 | Trackbacks:0 | 2013/08/21(水)