Daisypath Anniversary tickers
Home Party @ My home~
連放3日假, 不過都沒什麼活動, 天氣又那麼好, 真是可惜呢! 父母跟親戚今天番大陸玩2日1夜, 所以叫了rosians們上來我家打麻雀兼home party! 不過因為是上星期才約, 所以只得我, betty, janet & sally 4個~ armarm 4隻腳可以開一枱麻雀 =p
我中午時自己去了旺角街市買餸, 真係好pro! 本來約3pm, 但最後要5pm才齊人, 好無奈 =_=||| 我自己在準備好食物切好東西備料, 醃羊架、整veggie salad、pasta salad.... 不過我好enjoy, 因為我真係好鍾意cooking, 哈哈!

D人未到之前, 我自己一個在準備食物....

5pm終於齊人, 立即開枱打麻雀... 時間有限, 唔係打左好耐咋, 2個幾鐘only... 冇ida係度, 我地都有d唔記得次序同埋數邊邊, ida真係好重要 =p
沒想到, 只贏左2鋪的我成了大贏家, 因為有自摸同埋清一色! 哈哈! 不過都只係贏左5蚊, 我們打麻雀打得非常衛生 XD

衛生麻雀, 哈哈!

7點幾, 正式煮野食, 我叫她們幫手set on the table, 然後我就自己煮煮煮~ 好快手地, 煎羊架然後放入焗爐慢慢焗、焗煙肉露筍卷、白酒煮蜆、炒雞軟骨.... 白酒煮蜆第一次整, 特登買左支39蚊的白酒, 落左小半支, 哈哈! 好爽... (不過支酒煮餸就冇問題, 但真係好難飲, haha)

我係度煎羊架, 之後才放入oven焗~

8pm左右, 終於食得喇! what a big feast! 見到自己一手煮得那麼那麼好, 真係好滿足! 雖然減肥ed, 不過我都仲係好鍾意食野呢, haha >w<
今次的食物有三文魚刺身、白酒煮蜆 (第一次正式煮, 平時是煮青口, 今次勁落白酒, 最後落少少cream~)、雞軟骨、煙肉露筍卷、烤羊架、沙律、pasta salad.... 仲有一支rose、一支白酒、一支sparkling wine, 正呀! home party一定要飲酒, 特別high, 哈哈!

What a big feast!! 全部我整架, 好正! 哈哈!

白酒煮蜆 (d洋蔥軟曬, 索曬d汁好正)、炒雞軟骨、烤羊架 (下午時醃的! 有salt & pepper, mixed herbs & rosemary, 7成熟, 好嫩好入味好juicy! 正!)

煙肉露筍卷, 三文魚刺身, 牛油果蕃茄沙律, pasta salad (第一次整, 用螺絲粉, 料有蝦、火腿、粟米、露筍, 最後加dressing和pepper~ 味道好好, 好light唔會漏)

karen, sally, betty & janet~ 開飯喇!

cheers! i love rose >w<

一枱食物實在太正, 一定要再影多幾張相 =p


支rose我覺得幾好飲, 幾十蚊的價錢, 我覺得可以encore呀! 我自己飲了大半支! 支白酒就堅係好難飲! haha~ 沒想到那麼多食物, 4個人, 都只是吃剩一些salad pasta而已, 算是很不錯了! 食飽飽後, 繼續邊飲邊吹水邊酒後吐真言, 真係好開心, kekee* 我最鍾意high high地的狀態吹水, 雖然我個人本身已經有點natural high =p 同埋我又係咁叫人飲and迫供, 我這傢伙可不是省油的燈呢 XD 然後我又一輪嘴咁係咁講野, non stop的, 好攪笑好難頂, 汗!
吹吹下水, 我們還有宵夜, 來自意大利的parma ham & melon, 正呀! 我喜歡parma ham那咸香的味道呢 =p
朋友說我最近自戀的情況很嚴重wor, 我想我要收歛一下了 XD

飲飽食醉...

宵夜有parma ham & melon!!

約定, 如果我今年christmas還是單身中, 我們就一起過吧! 哈哈哈!

完場後, 我收到了一個whatapp message, 我真的很無奈! 朋友一場, 洗唔洗咁! 雖然咁多年黎我都慣曬, 但我都會崩潰的!
娘家派對 | Comments:4 | Trackbacks:0 | 2013/06/30(日)
倒數
其實我做事好少掩飾,所以好多同事都知我就黎resign
畢竟也做了5年,不少比我做得更久的同事也有給我advise, 她們真是好好!
不過我自己本身都睇野睇得好透徹既 =p
好幾個經驗老到的同事,都說我有機會rejoin,哈哈哈!
我自己也不排除架,畢竟這兒有它留人的地方
不過,點都要走一次!

今天同事說的,長江後浪推前浪,真唏噓,感慨呢!
曾經,我都係公司其中一個最後生的員工黎架!

d人真係好冇耐性架..... 都唔知想點!
生活點滴 | Comments:0 | Trackbacks:0 | 2013/06/27(木)
Disney之友Re-union~
約左好耐, 終於都約到disney之友今晚dinner! 有我, chloe, hidy, kari, stanley 5個~ 今次chloe帶埋囡囡出來, 記得早幾年她第一次大肚時我們都是在青衣城dinner呢, 今年囡囡都4歲大了~ 今年chloe又二次懷孕了, 恭喜曬, 已經7個月了呢, hehee~
上星期跟大家whatsapp, update了近況, 然後kari同樣亦說了很驚人的消息, 佢話分左手一年, hahahaha!! 我立即覺得好好笑, 冇辦法啦, 跟chloe和kari已有一年沒見了吧, 係outdate少少 =p

方便大肚的chloe, 所以我們又去了青衣城~ 我很ok, 近嘛, 哈哈! 本來想去"丼丼屋食堂"的, 不過好多人要等位, 又冇得book, 所以最後去了"青悅"吃越南菜, 食物也不錯! 不過d服務質素好差, d單落錯曬, 錯得好離譜lor! 汗...
kari轉了做空姐, 所以我們現在有CX和KA空姐各一, 不過KA都幾辛苦, 一日最多飛3轉or原機返港, stay overnight最多都只是北京, 哈哈哈! 仲有好多強國人事件 XD 最慘是疑似被非禮, 真係好慘呀 >.<
Kari剛剛從歐洲回來, 土耳其、希臘, 真係好羨慕! 我都好想去, 不過唔想一個人去, 好想快d搵番個人陪我去呢... stanley遲d又去國內義教, 真係有heart (雖然我們好賤咁話人地x養山區兒童 XD)
果然, 生了仔的朋友都好喜歡吹人結婚生仔, 我同kari都好無奈, 而家咩都冇, 又唔後生wor! 有得揀, 我地都想交換年紀但換番個老公同女番黎, 哈哈 XD 不過希望下個是hidy啦 =p 然後眾人在推銷stanley, hahahahhaha!! 不過sorry, 溝通不到 XD

雞肉豬頸肉串燒, 海鮮柚子沙律, 馬拉盞通菜, 冬陰功

牛肉炒河, 焗雞黃薑飯, 蔗蝦, 西冷牛扒

long time no see guys =)

Kari, karen, stanley, hidy, chloe & 囡囡~

大家都要同囡囡影相~~ kekee~
食店: 青悅 Lime Garden
地址: 青衣青敬路33號青衣城211號舖

埋單後分手前, 大家仲要企係mtr外面吹水, 我都知我瘦左好多架喇, 哈哈哈! 過多幾個月, 等Chloe生埋, 一齊再去chloe家探佢食薑醋啦~ 哈哈! 今次一定要約得成呢 =p

今天check下今個月asiamiles的最新入帳, 早2日福州番HK無啦啦被upgrade去business class, 嘩, 那程機竟然仲當我是搭business class咁俾左125%的mileage俾我! 呆左.... 平時upgrade都冇可能俾125%架嘛, 所以我真係極度懷疑當日個地勤有什麼出錯呢 *0* 雖然只是比econ class多左百幾mileage, 不過都覺得自己好lucky, 呵呵!
(我仲懷疑過係咪秘書book左biz class俾我! check番張e-ticket真係book左econ之嘛!! 真奇怪!)

雖然只是比econ class多左百幾mileage, 不過都覺得自己好lucky, 呵呵!
識飲識食 | Comments:0 | Trackbacks:0 | 2013/06/26(水)
出bonus了!
昨晚12:30pm才回到家, 立即上床訓了~ 不算很累, 但折騰了很久呢! 今天下午才上班呢, 也好! 時間過得快嘛~

今天是出bonus的日子, 沒有expectation, 也沒有失望, 唉... (只是之前已失望過了,今天沒失望)
當初打算留到7月都是因為等bonus, 不過今次bonus真係好少, 少得可憐!
可算是近年最少的一次呢, 無奈...
有點後悔不早點走! 不過算啦, 好聚好散!
現在一切都已經到位, 我也對得住自己對得住人了...
今天我也提醒下星期會resign
please get ready!
生活點滴 | Comments:0 | Trackbacks:0 | 2013/06/25(火)
即日來回的福州biz trip
本來以為quit前最後一次是飛上海, 但無啦啦竟然殺出一個福州trip, 呆左... 經典的是今次是我第一次出trip要搭飛機即日來回咋, 汗! 原因無他, 主要是因為我就是陪意大利人過去看一個商場而已! 意大利人在上海出發, 所以今次我又是自己一個人出發!

8:50am的KA機, 6:45am要起床了! 昨晚已online check-in了, 8am到機場, 痴線! 平時連床都未下呢! 今早黃雨, 好驚delay呢, 不過竟然冇事, 好彩咋!! 飛機餐只有個芝士腸仔包, 不過是好吃的! 也不錯! 香港飛福州好快, 只是個1小時15分鐘的機程! 班機好多國內人, 更有小朋友在喊了一小時! 好嬲!! 吵死了! 不過班機唔full, 我旁邊沒人, 可以坐得舒服一點~ 在飛機上看看資料, 吃完野, 很快就下機了!

第一次飛福州~ 1小時15分的機程而已

到福州才10:30am, 好早呀 =_=|||| 第一次來福州, 冇咩expectation, 有車直接接我去商場, 也好! 福州是福建省的省會城市, 我也是第一次去咋! 當去多個地方囉, 都好既... 意大利人11:30am才下飛機, 我在商場等他! 自己先看看店和商場, 也跟特意來的同事C吹吹水! 哈哈!

意大利人1點多才到, 忙完正事, 我們就去吃午餐,商場沒什麼選擇, 只有一間中餐和一間"王品台塑牛排", 我們去了吃中菜, 沒什麼特別! 好像飲茶一樣, 因為老外喜歡吃點心... 我也不知道福州菜有些什麼 =p 去了國內不少地方, 我發現很多中餐廳都有廣東菜, 還有燒味的呢 *0*

蒜容蒸蝦, 蝦餃, 燒賣, 菜心, 菜餃~
食店: 雍雅軒
地址: 福州鼓樓區八一七北路268號冠亞廣場大洋晶典5樓


之後去埋另一個商場,逛完才3:30pm, 見時間尚早,所以意人改早了5:30pm的航班回上海,我回香港的航班沒選擇,只能按原定計劃的8:20pm~ 所有我就自己在福州周圍逛逛啦~
即時上網找景點和地圖, 先去了商場附近的"烏山風景區"~ 烏山是福州三山之一, 其實也沒什麼特別的風景, 有園林、涼亭、假山假石等等, 好似行山咁, 散散步就好了~

"烏山風景區"

烏山石~


之後一直走, 就去到"林則徐紀念館", 不用入場費的~ 香港人對林則徐應該很熟悉吧~ 這紀念館是由林則徐的舊居改建而成的, 就在福州的市中心~ 所以是一般清代時的園李景色, 還有展出了林則徐的生平和禁煙的事迹等~ 我在庭園內拍拍照~ 這種庭園幾乎在國內每個城市都會出現的! 今天福州天氣天陰陰的, 其實都幾好, 不熱不曬嘛~ 至於那些資料, 我就沒心機用心看了, 哈哈!

林則徐紀念館

有林則徐的銅像

中式的庭園~~

迴廊...

仲有水池, 入面有魚的~


最後去了"三坊七巷"~ 三坊七巷應該是福州最有名的景點了! 同事C說她昨晚也有來過~ 三坊七巷是福州市南后街兩旁從北到南依次排列的十條坊巷的簡稱~ 三坊七巷起于晋, 成于唐五代, 至明清鼎盛~ 古老的坊巷格局至今基本保留完整~ 是全國重點文物保護單位~ 簡單來說, 就是一些古舊的建築啦~ 不過現在所有建築都已被活化, 一整片的復古建築入面都是賣手信的店, 如茶葉, 燈籠, 小吃等等... 其實中國很多城市都有這些舊街, 盡量保持著舊有的風貌~ 而且中國也有很多重點保護的文物, 這一點, 香港真是比不上呢!!!

福州三坊七巷


很多古舊建築

還有不少民間手工藝...


我來回行了一遍, 然後走之前去了間甜點店吃番碗糖水, 解渴一番~ 不過我吃的是台灣小食芋圓冰, 哈哈! 曾經有一刻都覺得自己身處在台灣呢~ 哈哈! 因為大陸和台灣其實都好似架嘛 =P

街上有很多銅像...

舊建築 + 新型的店, 如M記, watsons, starbucks~

南後街的牌坊~

我的芋圓冰~


之後走回商場去, 期間收到SMS說我的航班因天氣關係delay了大半小時! 無奈 =_=||| 如何也好, 6點多有司機車我出發去機場, 一開始有點塞車, 之後很順, 司機把車開到100-120km/hr, 我真係有d驚... 汗!
7:15pm左右來到機場, check-in了, 原本8:20pm的航班delay到9:05pm... 同事我收到意大利人的text說他的航班由5:30pm delay至7pm再delay至8pm, 我真心希望我自己的航班千萬不要有further delay呢!!! >.<

7:15pm來到福州機場...

delay了大半小時....


8:30pm, 架飛機仲未到, 我心諗有應該又further delay了, 無奈 =_=||| 我的手機快沒電了, 在機場竟然發現中國移動有免費的"手機自助充電站"!!!! 什麼類型的充電插頭都有呀! 而且是免費的, 超正呀! 它真是救了我一命呢!

救了我一命的手機自助充電站, 呵呵!!

9:20pm左右終於可以上機, 我是marco polo member嘛所以好早就上到機 (國內應該不多人是MP member吧)~ 上到機行行下先發現, 咦, 我的seat no.是12A, 嘩!! business class????????????? 我真係上到機先知, 仲行過龍tim! 因為我check-in時require window seat, 地勤幫我調了都沒有告訴我upgrade到biz class、而且張ticket都是econ class的! 我坐下位置時還有點擔心是不是攪錯了呢! 等d客上到機我才安心呢, 哈哈 =p 這次是我人生第二次坐business class呢, 被upgrade了, 真係lucky!
不過福州飛香港也只是1小時15分鐘, 就算坐business其實都冇咩太多時間享受! 哈! 今次的飛機是A321, 新機新座位, 搭飛機能伸展雙腿最爽了! 好開心, 立即抒緩了我要delay的無奈心裡 (不過冇上次由seoul回來的波音747咁大咁正啦)

無啦啦有得upgrade, 真係爽....

我仲要上機先知自己有得upgrade, 哈! 地勤應該一早同我講啦!

好寬敞啊....


飛機最後在9:50pm起飛! 即是飛機delay了個半小時 =_= 機程好快, 基本上一起飛就吃野了! 我選了黑豚肉配馬鈴薯! 真心, d黑豚肉真係好好食, 好嫩好juicy~ 好食過不少餐廳的quality, 真滿足! 食完野, 都差不多落機了! haha~ 好貪心地, 如果係3, 4小時的機程可以坐business就好啦~ haha!
降落時又看到香港夜景, 好久沒看過了! 真係好令, 今次可能是因為自己一人好晚回港, 而且又在business class坐得舒服看得清楚, 所以有少少興奮和感動呢~ 哈哈!

黑豚肉配馬鈴薯

真心, 黑豚肉好吃!

第二次坐business, 坐得舒舒服服咁食, haha!

見到香港夜景, 令~

回到HK 11:15pm... 回到家12:15pm! 好累! 明天下午才進公司吧!

今次最開心的, 是又可以pin多一個城市, 同埋賺番800幾mileage, 意外驚喜是無啦啦upgrade左去business class呢! 哈哈哈!! i am so lucky!

今次出trip, 我收到很多關心的whatsapp, 真意外 *0*
海外工幹 | Comments:0 | Trackbacks:0 | 2013/06/24(月)
Happy Birthday to Grace~
今個星期2次火鍋1次烤, 仲有酒, 今天一起身, 塊面勁爆瘡, 好想死lor >.<

一早約了aberdeen之友今天去行山, 不過覺得天氣會不好下雨, 所以早兩日就改約今天3pm去打bowling.... 今朝早上起身竟然見天氣ok, 所以想即時再改約番2pm去行山, 不過有人要同外母飲茶唔得呢, too bad!!! 總是只差這一點回, 今日又唔可以去行山了, 好失望呀! 上星期又係約左又行唔到, 真係好黑仔! 今天更飲恨, 天氣很好又不熱勁適合行山! 但又去不到了, 嗚.........

下午活動只有我, grace, bill, jacky & ken 5個~ 去到bowling球場, 勁多人呀! 要等好多條lane先有位, 好無奈! 最後, 大家轉左場去唱K, 汗! 我今天的首選是hiking, 之後是bowling, 最後才是sing k呢 >.< 不過算啦, 唱K都OK, 我都勁耐冇唱過了, 已有近1年了呢! 汗!
幸好的是我自認今天的歌喉好好wor! 聲線好開, 唱得唔錯 =p 同埋唱左好多想唱的歌, 真不錯呢, 抒發內心感受, 哈哈!
ken唱了很多懷舊金曲, haha~ 不過最過癮的是朱bill, 第一次見佢拎起支咪唱k咋!! 第一次聽他大開金口, haha! 好surprise!! 真不知他以前為什麼死都不肯唱呢, 明明很正常的 XD 亦不知道為什麼最近他終於肯唱了~ HAHA!

BILL, KAREN, GRACE & KEN~

BILL哥大開金口~

我都好耐冇唱過K~ haha!

bill, karen, grace and jacky


唱到7pm cut歌, 時間armarm好, 因為我們book了枱7:30pm食飯~ 在荃灣廣場的Oliva~ Dinner時Yiu收工後都來了~ 之前也來過oliva, 食物ok, 不貴~ 上菜上得勁快, 哈哈!
說到yiu的飛機牌照... 希望你快點拿到, 要快d載我們坐私人飛機飛呀!!!!

墨魚汁墨魚仔risotto, 海鮮risotto, 菠菜汁豚肉意粉, 蜜汁豬手, 千島海鮮pizza

開飯了 =)

yiu, bill, ken, karen, grace & jacky =)


食完野之後是"盡訴心中情"和蛋糕環節~ cake是yiu買的~ 流心strawberry我都試過呢, 好吃的! 我想試那個melon味的呢, 哈哈! happy birthday to grace! wish u all the best~ 她很快就去東歐旅行一個月了, 好羨慕呢! 我都想找個伴跟我一起去呢 >.<
之後的"盡訴心中情", 好好笑~ jacky喜歡我的質和grace的量, 仲要加D其他興趣 XD 抱歉, 我就是咄咄逼人把你迫死 XDDDD 仲有之後的宗教和嫖睹飲吹, 真係笑死人了, HAHAHA!!
同埋我又問大家我個樣似唔似wet妹~ 其實我自己都覺得似架喇~ 不過我覺得係索女多d囉 XD 同埋, 各位老友, 係朋友記得"幫"我呀!!! XDDDD

Happy birthday to grace~~

wish u all the best~
食台: Oliva
地址; 荃灣大壩街4至30號荃灣廣場3樓343至345號舖

呢個summer, 可唔可以攪d戶外活動! hiking, cycling, 咩都好啦 >.<
識飲識食 | Comments:0 | Trackbacks:0 | 2013/06/22(土)
TGI Friday!
happy friday... 6:30pm成班同事又在pantry來個TGI FRIDAY, 10個同事開左2支酒慶祝happy friday, 真係爽 =p 多謝director T帶呢個傳統來公司 XD

今天有同事wechat約飯局, 第一次有這樣的組合! 人地約我, 我一定比面出席架! 反正我都好得閒冇野做嘛... 而且她們都很funny! 先去了giordano, 因為有同事話要睇monster university的公仔wor *0* 電影快要上了, 我都想看! 知道times square又有display, 我都好想去睇去影相呢...

monster university!

本來想去妹記dinner, 不過勁多人排隊, 即時轉場去旁邊的"聚手工火鍋"打邊邊~ 這星期已是第2次打邊邊了, 汗! 不過這家"聚手工火鍋"的食物不錯! 牛舌、豬潤和水餃都好好吃呢!
班同事真係好好笑, 其實有2個都係第一次正式一齊食飯, 平時都是網上交流的 =p 講講下意大利人, 跟住轉了話題變左2揀1, 2揀1的當然是公司的同事, 揀情人和終生伴侶, 好爆笑....

一星期打兩次邊邊, 太離譜了... 好熱氣!
食店: 聚手工火鍋
地址: 尖沙咀金巴利道45至47號金巴利廣場1樓


之後下場去諾士佛臺飲野! 繼續2揀1人生交差點, super funny, 笑到肚痛! 同事K找到了她的女神, 贏曬, 真係笑死!
今天最深體會, 女人要俾人揀, 就係靠果2分青春同埋靚唔靚! (雖然性格都好重要, 鬼馬是一個優勢 XD) 我被揀, 都是因為仲有2分青春同埋靚... 所以真係要把握時間趁30前多努力把自己推銷出去 XD

今天飲白酒...

不公開同事們的樣子 XD
食店: Tutto Bene Ristorante Italiano
地址: 尖沙咀諾士佛臺7號地下

在公司做了快5年, 我就黎resign喇... 其實真係會唔捨得d同事, 因為她們真的很funny, 同埋, 我願意相信, 我是蠻受人歡迎的 =)
最近飲得好多,雖然無醉,不過要收斂下了... (雖然我覺得, 飲完酒第二日通常會輕d!)

我都真係幾佩服自己, 各方面都做得算係咁幾唔錯.... 我雖然堅強, 不過當中的心路歷程又有幾多人知道 (我現在這樣說, 心境是很平靜的)~ 走過了, 想得通, 知道自己想點就ok~ 我一向自持自己做得非常好!
當初說的, 都應驗了吧! 因為我不是在睹大小, 我是靠觀察和感受去了解的~ 因為, 我有用心過, 而且, 我的信念非常堅定... 決定了的, 就不要再三心兩意~
同埋, 我個人真係好善良! 真係好到冇人有lor... 傻傻地的....
識飲識食 | Comments:0 | Trackbacks:0 | 2013/06/21(金)
Dinner with Sally Kwan*
星期四了, 約了sally今晚在公司附近的al dente dinner~ 公司行過去5分鐘而已, 很方便! 之前lunch來過, 不錯丫, 不過dinner真係麻麻, 車! sally下星期去旅行, 其實我對人都真係好好, 我借曬DC、充電器和SD卡俾sally呢!! 哼哼!
點食物, 每人2杯ROSE + 1支白酒, 再來2個set dinner! 雖然食物價錢正常, 不過食物真係麻麻地! 仲有好大隻fly來飛來飛去! 汗!! 真係好少可會在西餐廳見到啦!
因為飲了不少酒, 所以我們大大聲地勁說東說西! 喉嚨都痛了, HAHAHA~ 很多分享, 好happy! 朋友, 能如此輕鬆交談的就是最快樂的~~ 很慶幸身邊有很多好朋友! 不過, 我亦深信這是我deserve的~ 因為我一向都是如此的用心待人嘛~ 哈哈!
其實呢, 我雖然看似理性精明, 不過對於人性人情, 有時我真係覺得自己幾傻架, 不過唔緊要啦, 我還是會繼續去信~ 縱使是傻, 也值得的! 不過, 我有點意外的是有些事有朋友都發現了!!!!!!!! 沒想到呢!!! 即係唔係我多心啦!! 不過算啦, none of my business!!!! 反正, 我己找到了應對的方法了, 哼*
知道很多同年的rosians們都快要結婚了~ 我在fb也有like她們~ 真係正! kekee* 我也要努力努力! 要再去SD多認識認識~ haha!
另外, 雖然我體重ok, 不過, 我都想再努力減多5lb左右, 我要再創新低, 變做個更索的女人! 哼哼! 不過到時可能冇人敢追了 XD (有位朋友這樣說的)

每人2杯rose + share一支白汁!

頭盤有mozzarella cheese stick & ceasar salad~

main dish is lamb fillet & lemon sole~ 還在dessert~

索女 =)

karen & sally~~
食店: Al Dente
地址: 尖沙咀寶勒巷21號地下

離開時, 好wing.....

PS1* 真心覺得我人品真係好好!!! 仲幫人講好說話, 我真係太好, 仲想點先......
PS2* 頂, 希望你唔好講大話!
PS3* 其實我的同事真係好可愛! 我真係會好唔捨得你地 =(
識飲識食 | Comments:0 | Trackbacks:0 | 2013/06/20(木)
國內同事來香港
星期一, 有2位國內同事來了HK, 那我們收收工後就陪她們去dinner~ 第一天就去了打邊邊~ 第一次去在加拿芬廣場的"南燒北鍋", 飲飽食醉, 不錯!
之後同事要買ipad 4, 我幫她碌了AE, 正呀! 可以儲mileage啊!!

食店: 南燒北鍋
地址: 尖沙咀加拿芬道20號加拿芬廣場2樓


星期二, 收工後去harbour city, 同事要去幫人買化妝品, 之後我又幫她們用AE碌了一部ipad mini一部ipad 4!!! 正呀!! 我今個月碌夠了, 可以有extra mileage呢! 勁開心 >w<
今晚去盛八吃燒肉, 就像昨天把放進火鍋裡的肉, 換個形式地放進網上燒而已, 哈哈!



食店: 盛八日式燒肉店
地址: 尖沙咀亞士厘道23-25號雅士利中心3樓

識飲識食 | Comments:0 | Trackbacks:0 | 2013/06/18(火)
哀我嶺南

我在嶺南文化研究系畢業, 我感到很驕傲! 說真的, 中學時, 有邊個唔想入HKU入中大, 那時候自己AL考得唔好, 入到嶺南入到大學已經偷笑。
尤記得第一年入嶺南, 陳坤耀校長在UOP時就大力提倡博雅教育, 教我們「學識要博, 做人要雅」, 我很impress, 一直銘記於心, 終身受用!

嶺南在學術成績上肯定不是香港最好的, campus也是最小的! 但陳坤耀校長不只focus在學術成績, 更重視人文教育、通才、通識教育、訓練學生的思考和獨立思考理性辯論, 目標培養學生發展成全人, 還規定學生一定要三年一宿, 讓學生融入校園生活, 真係好warm~ 讓我真正明白small is beautiful!
校長仲會每星期同學生食早餐, 又親自教econ, 雖然我未有跟他親身接觸過, 不過一直都很喜歡這位校長這間大學! 因為校長有熱誠, 有抱負, 校園裡處處有愛!
這是香港啊, 嶺南大學簡直是現實殘酷社會中的一個清泉! 工作多年, 我更深深體會到一個「全人」, 比一個專才更容易融入社會和「襟撈」! 更佩服陳校長在香港這商業社會中身體力行地推行這理想化的博雅教育!

記得校長在UOP話好多畢業生「當日喊住入嶺南, 三年後喊住咁離開嶺南」, 作為畢業生, 我深深明白了! 因為那三年, 我絕對是笑比哭多 (雖然我是一入去已經笑)

近日FB被嶺南人洗版, 個個都話「哀我嶺南」, 因為來了位不受歡迎的梁粉校長! 其實自陳校長離開後, 博雅教育作為嶺南人的核心價值已逐漸被瓦解, 看得令人心痛!
新校長已成定局, 新校長說要追上中大港大, 他不了解亦不認同博雅教育, 根本不明白嶺南的精神, 讓這樣的人做嶺南的校長, 這事實是最叫人心痛的!

我很慶幸自己是個嶺南人, 慶幸自己生在那個嶺南在推行博雅教育的年代! 在哀悼未來的嶺南人失去這個城市中的綠洲的同時, 亦希望舊嶺南人能繼續保持著這份嶺南宗旨, 發揚「學識要博, 做人要雅」的精神, 我自己亦會以此身體力行的繼續走下去, 共勉之!
生活點滴 | Comments:6 | Trackbacks:0 | 2013/06/18(火)