FC2ブログ
Daisypath Anniversary tickers
久違了的面試...
收工後, 去了interview
想想, 我已有4年半沒有interview過了!!
CV也是昨天才update的, 汗!
其實對那工作興趣都不大
而且人地係請manager, 我都唔qualify啦,
我最多咪做個senior, 哈哈!
不過是人家找上門, 就見見
而且只是顧問公司嘛

我也是時間操番一下interview的技巧了 =p
平時是我做interviewer,
今日要我做interviewee, 都有d唔慣, haha!
有d緊張,哈
不過是但啦,最重要都係放張CV係個agent度,等工自動送上門姐,哈
生活點滴 | Comments:0 | Trackbacks:0 | 2013/02/28(木)
好彩!
好友F前幾日終於去左想去好耐既埃及遊行!
今日收工時見另一個好友在whatsapp問佢有冇事, 才知道埃及有團出事了!!
不過, 我也沒有為意,
而且一上fb時見到好友F報平安, 知道左冇事就好快安心曬!
之後見好友F其他朋友的comment
才知道原來出事的就是好友F那團呢!!!!!! (想想, 在埃及的HK團真的應該不多!)
好彩好友F沒有自費去玩咋!! 真係嚇死我呀!!!!!!
之後再想都覺得恐怖!!
江大花! 好彩你冇事咋!!!
好彩好彩!! 感恩!!! 快d番HK啦!!!


檳城之旅, 今日差D就book左機票了, 不過而家, 唔知點啦 =_=||||
生活點滴 | Comments:0 | Trackbacks:0 | 2013/02/26(火)
Birthday Lunch with Sally Kwan~
昨晚吃sally yeung的生日飯, 今天lunch就跟另一個sally - sally kwan吃生日飯! 好多個sally呀, haha! 其實sally kwan是1月尾生日的, 我和loretta也約了她1月尾的啊! 不過因為她一早上網買了團購的coupon吃brunch的semi-buffet, 但full booking wor~ 之後又新年我又去日本, 所以我們排到今日才吃這餐飯呢 =p
我、loretta和sally都是東涌線的人~ 我們約在南昌集合一起去TST =p
我們去了諾士佛臺的AMICO~ sally見semi-buffet有lobster和鵝肝很吸引, 所以就book了~ 不過團購野, 我是有一點hesitation的, haha! 但一入到去, 見到食客們真係有大大隻的龍蝦食, 都安心番少少 =p

buffet的食物不多, 我們mainly都是主打鵝肝和龍蝦, 不過食物出得非常非常慢, 而且很少! 我們等了很久很久都"搶"不到龍蝦呢!!! 最後要waiter幫我們拿! 我們每人得半隻咋! 蝦鉗倒是拿了不少! 我很喜歡lobster呢!
鵝肝也吃了2, 3件, 大大件都唔錯! 之後還是多款cheese, 好吃! 我還是最喜歡臭臭的blue cheese =p
另外還有daliy的2款pasta, 一個是truffle白汁長通粉, 另一個是tomato sauce的sphagetti~ 白汁長通粉好吃呢~

好難先拎到的boston lobster!

仲有即煮的pasta~


然後main course有4個choice, salmon, seabass, spring chicken or rib-eye~ 我們沒有吃spring chicken~ main course份量不大, 不過這樣也好, 我都飽了啦! 最後還是semi-buffet中的dessert和melon, 真是很飽呢~
食完個buffet我們終於有時間集合在一起吹吹水, 很多八卦事! 還有一些不能公開的top secret, 嘩哈哈! 好正 XD 有些topic之前和loretta已經說起過, 不過和sally倒是第一次~ 不過其實和我expect的差不多啦! wahahahahaha!!

main dish有salmon, seabass & rib-eye

loretta, sally & karen*

最後仲有melon~
食店: Amico Italian Wine Bar & Restaurant
地址: 尖沙咀諾士佛臺1號7樓

我們吃到3pm, 好飽! 今晚唔洗dinner lu~ 都好既, 哈哈!

旅行回來之後真係好忙, 打遊記啦~ 而且仲有濟州的travel book未整完呢.... 仲要執CV, 真係好多野攪! 哎呀!
識飲識食 | Comments:0 | Trackbacks:0 | 2013/02/24(日)
Birthday Dinner with Sally~
星期六,終於可以透一透氣輕鬆一下。晚上跟rosians們一起去了吃Sally的生日飯!去了諾士佛台的EL CID吃西班牙菜~ 我喜歡西班牙菜, 而這店我多年前也來過一次的呢~
Betty負責買蛋糕, 很遲才到! 我們早已點好食物了! 每次吃西班牙菜都必點sangria, 不過今次點了champagne sangria, 第一次試! 又幾得意~ 只係將紅酒換了champagne啦~ haha! 不過換左之後, 感覺唔太似sangria XD
吃西班牙菜, 必點seafood paella~ 今次點了個ink sauce的~ 好多seafood! 難怪咁貴 =p

mixed platter, spanish pork fettuccine, mussels in white wine, champagne sangria

goose liver penne, ink seafood paella, grilled beef tenderloin with duck leg, spanish omelette

champagne sangria~ CHEERS!!!

Betty, ida, janet, tammy, sally & karen~


席間我們說到betty的歐洲之旅... 哎呀! 我都好想再去europe呀! 好懷念! 不過今晚的重點, 是某人的新進展! 大家有點嘩然很驚喜 XD 希望你得米啦! 攪左咁多年.... 不要做自己後悔的事! hahaha!! 還有很激動的ida的發言, 好好笑 =p 當然, 我也有sharing架, haha!
waiters們很快手地執野, 唔知點解wor... 原來趕住上生日蛋糕! 我們明明沒有叫他們把cake上枱的呢, 汗! 不過算啦~ 還有樂水走過來向sally唱生日歌, 哈哈! 仲問where is your boyfriend, kaka* 不過我們覺得樂手有d煩 XD
蛋糕是betty選的mango napoleon, 好大個呀! haha~ happy birthday to sally! wish you all the best =)

有live band走埋黎唱歌~ haha

Happy birthday to sally

tammy, karen, betty, ida, sally, janet~
食店: EL CID
地址: 尖沙咀天文台道諾士佛臺13號地下

我們吹水吹到到12點先走人~ 埋單, 嘩, 好貴wor.... 唔知點解近2次大家的birthday dinner都升曬呢, 貴左咁多既, haha! 不過一年一次, 算啦! 哼哼!
還有已被遺忘的台中之旅, 唔知仲去唔去得成呢 =p

今天收到幾封父母的行家既大利是~ 今年目前已逗到44封利是! 所以今年應該可以創新高, 3000蚊應該冇問題呢, 呵呵呵!!!
識飲識食 | Comments:2 | Trackbacks:0 | 2013/02/23(土)
Jacky's Birthday Dinner
話咁快就星期五喇, 真係好快! 早上在公司用電腦, 突然FEEL到地下搖一搖, 都幾大震動! 不過絃秒就沒事了, 不以為然啦~ 之後才知道原來是廣東省地震呢! HK很多人都感覺到! 我們的地震意識太薄弱了! 連地震都唔知! 汗!

收工後去了hotel icon的"GREEN"買蛋糕, 之後才去the hart的"熊場"吃jacky的生日飯! 地點是jacky自己指定的, 點名要日本放題 =p 不過今天只有我, bill, ken & edith和jacky 5個! ariel臨時OT來不到、ben又要annual dinner來不到, 所以人很少呢 =p 不過好彩最後try姐armarm考完試都能來! 特別鳴謝朱bill和try姐的利是, 呵呵呵! 祝您們早生貴子, 三年抱兩, 嘩哈哈! (其實都係講下, 我都唔想你地生仔住, 冇得玩嘛 XD)

吃的是放題, 今時今日的我, 已不是很放肆亂吃的, 很快也飽了 =P 吃得最多當然是刺身啦, 回本嘛 =P 有些串燒點了很多次才來呢, 汗!
Jacky坐在我和bill中間, 整晚被我們2人左右夾供! 對面的ken也加把口~ 我覺得我像瘋了一樣, 十分hyper地追問一切呢, 嘩哈哈! 過程真是很攪笑, 好正!! hahaha! 畢竟要從jacky的金口中吐出話來也不是易事! 但我也不是個省油的傢伙呢 XD
然後我們又提到在英國的趣事, 包括jacky在德國hostel時, 因為被其他2個男人玩而把橙汁倒濕了褲子所以鱔脾氣 XD

放題的食物~

一黎是大大盤的刺身!

BILL, JACKY, KAREN, EDITH & KEN~


食到後半段, 突然熄燈了! 原來是waiters們把生日蛋糕上枱呢! 但我們還未叫的呢, 汗! 而且枱上還有很多碟食物呢 =_=||| 今晚有2枱客人生日, waiters還用咪叫其他食客向我們恭賀呢 =p 吹完蠟燭, 我們就繼續吃放題的食物, 等到最後才吃cake呢, haha!
cake是我在hotel icon買的cup cakes, 因為人不多而且又食放題, 所以我只是買了4件而已~ 都幾令架, 味道都是特別的, 都不錯! 好彩冇買美心的rainbow cake, 因為有人嫌美心wor (真係嬌生慣養 =p)
happy birthday to jacky! 生日快樂, 希望早日到你派利是 XD

HAPPY BIRTHDAY TO JACKY~

期間又說起旅行! 自從濟州之旅之後, 真係好想好想再次一起旅行呢! 希望那次不是可一不可再, 已成絕響啦! 東南亞唔鍾意、日本有人唔去、北歐又嫌貴、之後說到土耳其、澳洲.... 都係得個講字! 不如一於就西藏啦, 好型! 同埋一班人去真係好正呢! 趁大家還年輕嘛, 一起征服絲綢之路啦, 嘩哈哈!

多謝朱BILL和TRY姐的利是! 新年快樂呀!
食店: 熊場
地址: 尖沙咀赫德道4號The Hart 2樓
識飲識食 | Comments:8 | Trackbacks:0 | 2013/02/22(金)
開爐了!
放左9日假, 去左7日旅行! 真係好爽呀!
但話咁快就要番工了!
琴晚10pm先落樹, 回到家已經11:15pm了!
執野、試衫、打blog、upload相, 攪到3am先訓...
好彩平時9am先起身, 都岓到6個鐘
比旅行時晚起床很多 =p
不過今天還是很累的!
今天公司沒什麼人, 還以為可以hea hea地過埋今日
點知完全是自己的幻想!
一埋位就要投入工作, 仲要俾人remote, 好煩呀!
不過, 我點都早d收工, 6:30pm閃人 =p

唯一開心的是今天有利是收
不過收穫麻麻地, 今天收到6封咋
加埋之前收到果2封, 宿時在公司收到8封咋 =_=|||
希望陸續有黎啦!!
生活點滴 | Comments:0 | Trackbacks:0 | 2013/02/18(月)
Back from日本中部~

講左over 1年的日本中部之旅終於完結了! 轉眼就玩完7日了 =(
這次和小透去了愛知縣、岐阜縣、石川縣、福井縣,
基本上是每日去一個city, 每日都轉酒店!
地方和地方之間是很遠的, 日日長途車, 日日好貴的車費!
日日都6點幾起身, 辛苦過番工 =p
不過來到高山、白川鄉、新穗高.... 一片片白色的美景實在太正太美了!
這些地方果然是冬天最適合來的呢! 白川鄉的合掌屋上鋪滿白雪、在新穗高看雪山~ 好令!
我們這幾天都勁玩雪, 砌雪人, 訓雪, 拋雪, 真係太正了!
另外, 連續漫了3晚溫泉! 好舒服呀! 我真是super lucky呢, kaka (之後日記詳細寫 =p)
之後在金澤第一次體驗穿和服的滋味! 但好可惜不能出外拍照呢 T^T
在東尋坊又吃了好抵好大隻的"越前蟹", 好開心! 我一見到海鮮就不能抗拒的了 >w<
最後2天在名古屋竟然還可以大shopping, 買的都是幾十蚊至百幾蚊的平衫, 勁開心呀!
最後二人抽著幾袋東西上機回HK!
今次旅程, 集令景、影令相、美食、購物於一身! 所有的欲望都滿足了~ 真是喜出望外呢! YEAH!
PS* 最後要說的, 是日本中部一定是冬天來看雪啊, KAKA*

自2007年起這6年不到的時間, 我共去了日本6年, 東京、沖繩、關西、北海道、九州、中部!
不知下次去日本是什麼時候? 不知下次再去會是什麼地方呢, 哈哈!
環遊世界 | Comments:2 | Trackbacks:0 | 2013/02/17(日)
2013日本中部白色飄雪之旅 – DAY 7*
轉眼, 已來到行程的最後一天了! Plan了一整年的旅行快要結束了 T^T 今天7am左右起床, 還好吧! 執好曬所有行李, 落樓下食早餐~ 都是吃飯團為主, 東橫inn的飯團水準不錯,雖然餡料比便利店的少, 不過飯是軟的, 比便利店的好吃呢 =p

最後一餐東橫INN的早餐了....

東橫inn的lobby還有電腦可上網, 我們本想先online check-in待會兒的航班, 不過竟然冇位呢 *0* 太遲check-in了嗎!? 真是有點擔心!!! 如果機位overbook冇位的話我們可能今天回不了HK呢! 畢竟名古屋和香港的航班不多呢 >.< 擔心擔心, 但也沒辦法了! 唯有待會兒早點去機場吧! 或者有機會upgrade我們去business class呢, 哈哈哈! (妄想 XD)

離開電腦時, 我竟然把手袋漏了在電腦旁! 便轉身去拿行李想走人呢! 那小袋入面有銀包和passport等隨身物呢 *0* 錢事小, passport事大啊! 真是非常大意, 汗!! 幸好漏了之後1, 2分鐘已有人發現, 還問小透袋是否她的, 哈哈! 真係好彩~ lucky! 冇passport就大鑊了!

在東橫inn check-out, 就行番去JR站, 找個locker放低行李, 好彩locker都不是很滿啦~ 好易找到位置! 不過如果帶大gip來就可能不易找了!
放低了行李, 就輕鬆上路~ 去今天的唯一景點 – 名古屋城了! 我們要名古屋城, 要搭地下鐵呢~ 第一次搭, 在名古屋駅, 有好多個鐵路呢, 又近鐵又名鐵又地下鐵, 找到了地下鐵都仲有幾條線的! 我們都找了一會兒, 才行到去我們要去的”櫻通線”呢! 由"名古屋駅"出發到"市役所駅", 車程15分鐘, 車費230yen (HKD$19), 終於可以搭番D平D既交通工具了, haha =P

搭地下鐵櫻通線

地下鐵車箱


出了"市役所駅", 我們就沿路行去名古屋城了! 途中有個阿叔用英文跟我們搭訕呢! 汗! 他跟我們一起行入名古屋城, 說日本、也說香港! 他那麼熱情真是令人吃不消 -__-|||| 雖然他有幫我們拍照, 不過他也問我們可否一起拍照呢, 汗! 咩料呀 =_=|||| 幸好最後他有pass, 走遠了, 我們總算分道揚鑣了, 汗! 經過了護城河, 終於走到去名古屋城了!

合照是大叔幫我們拍的 =P

經過了護城河, 終於走到去名古屋城了!


今天天氣不錯呢, 沒那麼陰天, 又有少少陽光! 作為last day真不錯! 前2日睇過小小的、沒有天守閣的金沢城公園, 今天終於來到名古屋城了! 我想, 名古屋城應該是名古屋市內最有名氣的景點了吧! 名古屋城建於1610年, 以其天守閣城樓上的金色獸頭瓦而聞名~ 城堡是德川家康為其兒子所建造的呢, 風格莊嚴雄偉, 最有名是屋脊上那對「黃金鯱」~ 不過如同大部分的城堡一樣, 在二戰時遭損毀, 1959年經過重建後, 就變成了今日樓高7層的模樣~
除了天守, 還有本丸御殿 (城主所居住的御殿), 不過還在復建中, 還未能進去參觀呢.... 名古屋城不像熊本城般下面在個大大的廣場AREA可以一覽天守, 下面有點兒雜亂呢, 可能是因為本丸御殿在重建中, 有些部分被圍起了的緣固吧!?

終於來到名古屋城~

地面上的area不大呢....

勁背光呀...


名古屋城的入場費500yen (HKD$42)~ 城堡內1-5樓是展示室, 介紹德川家康和名古屋的歷史... 有一些以前名古屋城的裝飾, 設計等等~ 很多都是金光閃閃的~ 有些是復修的展品, 有些則是舊的展品! 也如其他日本的城一樣, 有展示日本國內其他城, 我一如以往的在自己去過的城前拍拍照 =P
另外, 仲有一段3D的小電影, 不過我覺得好悶, 我都就訓著了 XD

一入去就見到大大隻假的黃金鯱

展示著日本國內所有的名城~

我去過的首里城、大阪城、熊本城和名古屋城呢, 哈哈哈!

展示以前的名古屋城...

好多金光閃閃, 應該是以前屏風上的畫?

不過應該是復修的呢, 因為很新淨呢 =P


上到高一點的樓層, 還有些按照以前江戶時代整的場景, 有街景和室內場景~ 幾得意架, 幾令TIM~ 仲有lighting effect的呢 =p

女乘物.... 應該是以前的"轎"!?

這個好像是書房之類

江戶時代的感覺!

御書物處~ 休息室

仲有將軍的裝甲, i like....


最後上展望台之前, 仲有大大隻的金鯱給大家拍照! 仲可以住埋上去的呢~ 背後有天空的BG, 我當然要扮下飛啦~ HAHA~ 很多人都排隊影, 包括一些拿著單鏡機的國內同胞, 汗! 聽說這隻金鯱是代表德川家光榮的象徵呢~ 難怪那麼有價值、那麼有名!

好大隻金鯱啊!

扮飛 =P


天守閣最高的一層, 就像其他天守一樣, 都是展望台, 可能飽覽名古屋市的景況呢! 不過名古屋市沒什麼雪, 機又光禿禿的, 景色沒什麼特別, 一般啦~ haha! 而且都見唔到頂上的金鯱 XD
不過我們都在屋頂留了一段時間, 因為要買手信呢! 我就很簡單, 只買了個名古屋城的miniture~ 當年在大阪城都有買大阪城的miniture呢, 正好互相揮映 =) 小透也買了個miniture, 仲買了set筷子呢~

名古屋城上的風景~

又好背光

樓上有很多手信賣的呢


在名古屋城逗留了個多小時就離開了, 離開前影番張合照, 之後就去了買雪糕吃! 前2日慳住洗, 今天就豁出去啦, 打算用剩10000YEN吧~ HAHA! 名古屋不是很冷, 吃雪糕唔夠高山咁爽呢, HAHA! 都係高山的momo味雪糕過癮d XD
臨走前, 在草地上見到有穿著江戶時代服飾的演員在表演, 雖然聽不明白, 不過好像很好玩好FUNNY似的! 而且日本的觀眾真係好俾面呢, 掌聲很熱烈呢 =) 他們還企定定給觀眾們拍照呢~

GOODBYE名古屋城!

名古屋城前唯一的合照~

食雪糕~

落力演出的江戶演員! 很funny =p


離開名古屋城, 就搭地下鐵回名古屋駅了! 我們坐的是4:50pm的飛機, 大約3:30pm到機場都可以吧! 所以回到名古屋駅, 我們都把握時間shopping一番~ 本來都沒什麼期望的, 不過之後在"近鐵PASSE百貨"入面, 見到很多店都在做冬季的final sale呢!!!! 勁平呀!!!! 小透買了件很不錯的中褸, 而我, 之前本打算留番10000yen不用的, 不過最後見到好多野好抵, 結果我就在狂買! 買了一件褸 (HKD百幾蚊咋!! 原價成千蚊HKD)、一件冷初衫、一件one piece、peach john的under (300yen/pcs)、耳環、絲襪 (1000yen for 3!!).... 買左咁多野都係用左幾百蚊HKD only, 超級開心, 很滿足!!! 沒想到在最後一刻都能最後衝刺買到不少好東西呢, 感動! 而且都是平價減價貨但quality不錯的東西呢 =)
之前打算留番10000yen下次旅程用的, 不過最後都係開埋那張10000yen紙了, haha! 買了那麼多東西, 問sales拿了2個大大的紙袋裝著, 其實拎得很辛苦! 不過心中非常滿足 >w<
Shopping完2pm左右, 時間是有點早, 不過也沒事幹了, 就打算去locker拿行李, 早點去機場也好的! 畢竟我們還未check-in呢! 驚…

在近鐵PASSE百貨大出血呢!! 拖著gip, 還有2大袋戰利品!

在locker拿了行李, 本來我已有一個中型紙袋的了! 不過shopping之後再多了2個大紙袋! 把中紙袋放入大袋中, 感覺那2個大紙袋快要破, 而且危危乎呢!! 我還要背著相機拖著gip啊, 真是狼狽萬分 >.<
中途行去名鐵駅, 仲要拎著咁多野落樓梯, 勁累啊 T^T 小透的gip勁重, 勁難搬! 我的gip雖輕, 不過拎住咁多其他野, 都超辛苦架 >.<
好不容易擠上了名鐵, 一開始去了指定席的車箱, 後來見到冇人先知道有點不妥!! 又要行番去自由席 =_= 終於可以坐定定, 好似打完杖一樣, 累透了!

終於上到車, 好支力!

半小時左右, around 3pm我們去到機場了~ 時間還好! 我們先去CX的counter check-in, 我的心有點怕, 因為早上上網見到econ class full曬機位嘛! 我們去了marco polo的counter, 那個地勤給我們看business class的機位叫我們揀位置!!!! 我們還在心想咁正咁lucky tim, 遲左到仲可以upgrade去biz class, 但原來…….. 車! 原來個地勤攪錯, 以為我們是book biz class才給我們看biz class的機位 =_= 他很快就安排到機位給我們, 不過要分開坐呢! 而且在台北stopover前、後的位置都不同, 看來這班航班真的很full呢!! 不過有機位番hk已經好好了!

Check-in好寄好行李, lunch前先去toilet把裡面的打底脫掉, 熱死了! 我們就在機場吃這個行程最後的一餐~ 此時我們還是兩大袋hand carry呢! 我其中一個紙袋已爛爛地了, 汗!!! 又再次狼狽起來 =_=
Lunch去了吃烏冬, 很普通, 我點了蝦天婦羅烏冬, 味道非常一般, 不值一提~ 850yen (HKD$71), 不過機場嘛, 都預左既~

行程最後一餐, 很普通的蝦天婦羅烏冬

其實這個中部機場很新很大的, 在2005年時才正式啟用~ 連旅遊書都有介紹它裡面的店舖, 食店和機場跑道展望台呢! 不過我們真的沒時間, 所以只能吃個lunch, 再把身上剩下的yen用盡而已! Lunch後, 把握時間, 去了在名古屋很有名氣的「世界の山ちゃん」買雞翼上飛機食, 這個「世界の山ちゃん」, 在hk也有聽過呢~ 之後還有一些日本各縣的食品展銷, 我買了份來自”仙台”的牛舌呢!!! 不便宜, HKD$100左右~ 不過沒機會去日本東北, 在名古屋買也不錯吧 =p
最後, 我們見到有士多啤梨的大福賣 (220yen/ HKD$18), 所以也要一試! 不過, 我們排了好好好好好好耐隊先買到呢!!! 等得好心急, 我們還未過海關的呢!! 之後趕到要跑去登機閘口呢!! 汗!!

很有名的” 世界の山ちゃん”雞翼, 臨走前買到, 真好!

仲有其他攤檔~


提著勁多行李過海關, 跑呀跑, 趕頭趕命, 我們幾乎成了最後才上機的乘客! 就差沒開咪叫我們了! 汗! 上到機, 乘客到坐好了! 我和小透要分開坐了~ 我勁多hand carry, 很辛苦才在行李架上找到位置再把hand carry放上去呢 >.< 好不容易才安頓好, 終於可以好好的坐下來了!!
我們坐的位置, 雖然不是business class, 不過是business economy呢!!! 也很不錯呢!!!! 位置闊得多, 舒服呢! 而且電視螢幕也大得多呢! 呵呵呵! 不過只是這一程而已! 去到台北要調位呢!
因為去年遲了1, 2小時換機票, 所以本來可以搭直航回HK的, 最後要揀這班stop over台北的航班呢! 大汗! 好無奈啊!
飛往台北3個多小時, 我在這3個多小時裡, 吃了很多很多, 首先吃了那個strawberry大福, 好吃! strawberry很清甜~ yummy!! 之後還吃了「世界の山ちゃん」的雞翼, 不過我覺得麻麻地, 太乾了, 而且感覺很多味精, 之前在香港吃名古屋雞翼已這樣覺得了! 最後還有飛機餐, 我照食! hahahaha!! 主要是飲個蕃茄汁和吃些生果解膩一下啦 =p

雖然不是biz class, 不過可以坐business economy, 也不錯呀!!

在飛機上勁食, 哈哈!! 飛機餐, 仲有私伙小食!


8點多來到台北! 大部分乘客都下機了! 但我們拿著太多行李了, 所以我們沒有下機! 搬了hand carry去番後面的economy class繼續在機上坐, 我們仍是分開坐呢 *0*
等了個多小時, 再搭了個多小時的飛機! 在機上又派了個簡單的包包, 我又吃了! 這幾小時內吃了勁多東西呢, 汗! 晚上10點多, 終於回到HK了!!! (如果是direct flight, 8點幾就回到HK了 >.< 再有機會, 真係要早點換機票呀!!) 累.... 明天還要上班呢!! 是次行程, 終於圓滿結束!

台北飛香港, 繼續吃!! 汗

LAST DAY的收穫!


今次行程, 見到好多令景, 見到久違了的白色雪景, 好開心呢! 雖然陽光欠奉, 但都拍了很多很美、令人滿意的照片呢 (不過合照很少 >.<) 這次行程很成功! kekee* 有點可惜的是立山黑部在冬天是關閉的, 沒機會一睹風采, 真不知將來有沒有機會去了!
日本東京、沖繩、京阪奈良、北海道、九州、中部, 都去過了! 但仍是對日本非常迷戀呢! 很想走遍全日本!! 日本東北不能去了, 但我有計劃想去埋四國中國、關西未踏足過的地區、東京近郊、還有夏天的北海道.... 不知是否很快又可以再去呢? 日本, i will be back! Very soon!
環遊世界 | Comments:0 | Trackbacks:0 | 2013/02/17(日)
2013日本中部白色飄雪之旅 – DAY 6*
昨晚早睡, 今天終於能補充番多少少元氣! 今天我們坐8點多的JR, 時間還算不錯呢! 6:30am起床了, 今天要離開金沢了, 所以要執好曬行李拎埋落樓呢!
7:30am落樓下吃早餐~ 東橫inn的早餐, 都是那些啦, 我都是吃了幾個飯團, 也吃了腸仔薯仔, 麵豉湯! 好飽! 好豐富的早餐~ 我真係覺得東橫inn很不錯, 又平又抵又易找, 每人比貴幾十蚊訓double bed舒服好多~ 我好滿意! 哈哈! 下次再去日本city的地方, 我都會再住呀!

東橫inn的早餐~ 簡單的飯團都好好味!

吃完早餐, check out好, 就拖著gip行去JR站了! 金沢東橫inn好近JR站, 行5 mins就到了! 拖著行李上月台, 我們搭8:15am的JR, 列車的名字叫"サンダーバード12号"~ 是去大阪的呢! 我們時間剛剛好! 把行李放了上車, 見仲有幾分鐘先開車, 後落番車影下相先, 不過不敢離太遠, 一陣架車走左就PK! 點知架車真係突然唔知做咩郁左一郁, 真係嚇一嚇!
我們今天的目的地, 只有一個, 就是"東尋坊"! 之前睇旅遊書, 以為要去福井站轉巴士去, 之後自己search到原來可以在早幾個站早10分鐘的"芦原温泉"下車再轉巴士, 由金沢去芦原温, 只是40分鐘, 不過車費都要2100yen (HKD$ 176), 今次個trip真係搭車搭到窮呢...
日本的JR列車分自由席和指定席, 我們都是坐自由席, 因為平D嘛 =P 但有時候車會很多人呢, 我們又有大件行李, 不一定能霸2個位, 今日好彩D, 車上人不多, 可以分開坐一人兩個位~

我們坐的是自由席的列車... 平D~

每人霸2個位, 放埋很李, 很鬆動!


來到"芦原温泉駅", 才9am咋... 我們由石川縣來到福井縣了~ 金沢市雖然天陰陰不是很冷, 不過"芦原温泉"卻落著雪呢! 成個月台都是雪, 連高山市都冇咁厲害呢 *0* 雖然已不是第一次見雪, 不過再見到雪, 都幾開心呢! 哈哈! 之前仲以為離開高山市就不會再見到雪呢 =p 而且芦原温泉明顯比金沢凍好多呢! 前幾日去過白川鄉和新穗高都不覺得凍, 以為福井縣也一樣呢, 汗! 希望一陣去到東尋坊不會很冷啦 =p

來到芦原温泉駅了....

成個月台都是雪! 令!


這兒沒有電梯, 我們要自己搬行李上樓梯! 我還好, gip不是很重, 我一鼓作氣就上到去! 小透個gip本身就非常重, 但幸好有月台職員幫下手抬gip! 輕鬆好多! 到了芦原温泉, 最緊張的一件事就是要找locker了!! 冬天去日本, 其實真係好多野帶架! 但因為今次行程常常要拖gip, 又有幾有要找locker, 之前好怕帶個大gip找不到locker不知怎辦, 思前想後, 最後都是帶了個中gip而已! 之前已expect芦原温泉很小未必有很多locker, 幸好這兒地方小, 人也少! 我們都能找到locker! 仲好大個tim, 但要600yen (hkd$50)呢!! 想換細一個size的又冇位 >.<

找到locker, 安心曬! 不過個locker好大, 要600yen! 貴!

放好行李, 就出JR站了! 一出去, 感覺有D荒蕪, 沒什麼的, 哈哈! 在巴士站買了去東尋坊的巴士pass, 1000yen (HKD$84), 包來回兩程車費, 都算平架喇! 有曬bus time table呢, 不過巴士時間其實很疏, 我們要等大半小時先可以出發呢, 而回程的時間都要想好! 因為我們早已plan定時間今晚搭JR回名古屋呢!
等車需時, 我們都沒什麼好做, 附近又沒有什麼… 不過突然卻下起大雪來呢! 真擔心待會去到東尋坊是什麼景況呢! 汗! 畢竟前幾日在白川鄉下大雪, 我們真是很狼狽呢, HAHA!
我們坐9:54am的巴士, 出發往東尋地坊去! 在芦原温泉駅上車的人很少! 不過之後都有滿座呢! 車外面天氣古古怪怪的! 一時大雪一時又冇雪, 汗!

一出車站, 下大雪呢!! 睇得好清楚!

巴士終於來了! 等左大半小時!

上車時都好大雪! 影到tim!

巴士上人不多呢~


去東尋坊的車程只是半小時左右, 10:30am我們就下車了! 下車的地方, 我們先見到有很多蟹呢! 勁吸引! 想到一陣可以大吃特吃我最喜歡的海鮮就好興奮了!! Yeah!
行去東尋坊前, 要經過條海鮮街呢! 兩旁都是海鮮店, 食店, 手信店, 勁正呀!! 仲有好多炭燒的即燒海鮮, eg. 蟹蓋、帶子、魷魚等等..... OMG! 超吸引! 我們已經在四周望望待會兒要lunch的食店呢! 哈哈!
沿路還有一個東尋坊tower, 高55米, 不過我們興趣不大, 也沒看到什麼人上去啦 =p 這兒的天氣真是非常古怪, 一時很大雪, 一時卻有陽光呢, 一陣陣的 *0* 應該是跟天上的雲的移動有關吧! 剛好有舊雪雲時, 真係嚴重到刮起大風雪呢! 汗! 好恐怖, 仲勁過係白川鄉, 而且勁凍呢! 我們本想直行去東尋坊, 不過因為太大風雪, 所以入店內避左陣先再行呢!

見到好多海鮮, 好多蟹, 勁興奮! 好開心呢!

東尋坊tower, 冇上去喇

即燒的海鮮, 蟹蓋、帶子、魷魚! 勁吸引呀!!


等到雪停了, 我們就立即行去東尋坊了, 其實都係幾步路 =P 東尋坊是日本福井縣最大最有名氣的景點呢! 東尋坊是越前加賀海岸國定公園的一部份~ 東尋坊之名來自於一個傳說, 據說平安時代末年有一個叫作東尋坊的平泉寺和尚, 他與另一位憎人愛上了同一個女人, 因奪愛而大打出手, 有一次他們又打架, 那僧人就把東尋坊丟了入這兒的海中慘死。後來據說東尋坊的惡魂, 在作祟而風浪大作, 當地居民就請了法師來作法, 這兒就改稱”東尋坊”! 但真正令東尋坊出名的, 是因為常常都有發生跳海自殺事件呢!! 東尋坊是日本最著名的自殺地點之一, 而且許多繪聲繪影的靈異傳說! 汗!!!! 之前看介紹都有D驚架!! 不過黎到, 完全沒那種感覺, 就算了, HAHA! 而且也有不少觀光客呢!
看旅遊書上說, 原來”最美麗的第七天”都曾在這兒取景呢! 我們這次行程, 好似係度追尋”最美麗的第七天”既足跡咁, 哈哈!

來到東尋坊了!

這個木牌是這兒的signituare

難得的合照, 這幾天得好少合照呢 =p

外面好大風呢!


來到東尋坊, 真係好凍呢! 又大風, 有時又落雪, 仲有海風呢, 風更是刺骨的呢! 雙手露出來真的冷, 是行程中最凍的一天呢,, 比只有-9度的新穗高仲凍呢 *0* 以為之前幾日係最凍的已經捱過了, 今天就放低了警覺性, 汗~ 不過. 點都冇seoul咁凍既, 哈哈!
之前看東尋坊的照片, 我第一個感覺是有點像濟州的龍頭岩呢, 哈哈! 都是沿海的、都是有石的 =p 不過東尋坊最有名的是它的六角石柱 – 安山岩岩柱, 不過又令我想起香港西貢都可以看到呢 XD

東尋坊的石雕

「東尋坊」三個大字清晰可見~

海風吹埋黎, 好凍架!!!

六角形的安山岩岩柱


我們都有步行落去d石度近距離觀看的~ 面對著日本海, 風好大呢, 而地上仲有些雪的呢! 雖然雖然雪, 不過雪景跟這些地方好像格格不入似的 =p 有些人更走到懸崖邊, 不過我不敢啦! 而且我對鞋跣, 我可不想做第二個東尋坊呢 XD
海風很大, 把頭髮都吹得亂了, 幸好戴了冷帽 =p 風很大, 海浪也很大呢, 幾壯觀! 我喜歡刺激一點的景點, 哈哈!

超大浪呀!

身後就是懸崖了 *0*

仲有模型來介紹東尋坊的地形

好大風浪呢


觀光完東尋坊, 我們就去嘗試今天的第2個重點了! 就是要吃”越前蟹”呢!!! 福井縣對出海域的海產極之豐富, 對於favorite是海鮮的我就最arm了 >w< 而福井縣最出名的, 就是越前蟹了! ”越前蟹”其實就是松葉蟹, 不過只有日本越前海岸出品的蟹才可以叫做”越前蟹”! 而且真正的越前蟹只有在11月初至4月底才有供應的呢! 其餘日子供應的只是一般的松葉蟹, 味道和口感都不同呢! 我們這次真是來對時候了, 感動 >w<
東尋坊對出的那條海鮮街, 兩旁都是海鮮的食肆, 超級吸引, 我真係好hyper呢!! 我們找了一家店進去了, 坐在地上的軟入到去暖笠笠, 好舒服呢 =)

我們左看看右看看menu, 最後點了3樣東西, 首先當然是越前蟹, 聽obasan的介紹點了一客4000yen的 (HKD$ 336), 一聽是有點貴, 不過D蟹一上枱, 我真係覺得好抵好amazing! 因為, 4000yen的份量竟然有2隻蟹呢! 即是每人一隻呀, 每人有成8隻蟹腳和2隻鉗啊! 真係好抵! obasan還教我們吃蟹的方法, 煮熟的蟹殼已經好脆身, 輕輕一啪、一拉已經能把整條蟹腿肉拉出來吃!!! 好正! 好似d飲食節目咁, haha! 之後再點蟹醋吃, 特別鮮味! 不算很甜, 不過有很清鮮的味道! 蟹醋有畫龍點睛的效果! 我吃得好感動呢! 記得當年在大阪, 從未試過在日本吃大蟹, 那時候真係好想吃呢! (大阪心齋橋有間大大隻松葉蟹在門口的店, 我一直好想試) 不過沒有機會!! 今次終能把握機會, 真係好開心 =)
PS* 我由小學開始, 已經好鍾意食蟹!! 那時間, 蟹還是我最喜歡的食物排行榜no.1呢! 我由小時候已經好鍾意吃野了!

和式餐廳~ 感覺不錯呢!

這是一人份啊!! 4000yen的越前蟹, 有2盆呢! 好抵!

一人一盆, 吃得好滋味!

成條蟹腳拉了出來, OMG, 好令人感動了 >w<

大家都實在吃得好滋味! 我們都喜歡吃蟹呢!


除了蟹, 我們還點了份燒帶子 (1000yen/ HKD84), 隻帶子成隻手掌咁大呢!! 即燒的帶子, 燒得剛剛好! 帶子勁鮮甜呢, 而且非常juicy! super yummy!!!! 另外仲點了個這兒的特產 - 越前蟹蓋燒 (1050yen/ HKD$88) 越前蟹蓋上, 放滿了越前蟹羔和日本米, 最上面再加隻半生熟的蛋, 一睇個樣已經非常吸引了, 我真係流曬口水!! 撈埋佢一齊食, 好正! 好CREAMY又有蟹羔香味, 真係好幸福呀!
這是最正行程中最正的一餐!! 我的最愛還真是海鮮呢 >w< 今次來日本中部吃了很多好吃的食物, 好爽呢! 埋單6050yen, 每人3025yen (HKD$254), 食到咁多海鮮, 我覺得好抵呢!!! 日本食海鮮, 實在太正了!!

超大隻帶子呀!! 好鮮甜, 好好吃!

越前蟹蓋燒... 蟹羔一流....

個蟹蓋有我成塊面咁大架! 厲害!!

好豐富、令人好滿足的一餐!!! 正! I love seafood!

同蟹魔王大戰完..... 得番d殘骸 XD


這一餐我們也吃了蠻久的, 因為要跟長腳蟹大戰和搏鬥嘛, 食左個幾鐘先走人 =P 吃東西時外面又在刮大風雪, 幸好食完出來又沒事了! 汗! 真是奇奇怪怪的天氣呢 =P 之後沿路行番出去, 小透本來說想吃雪糕的, 不過選擇似多, 但平價的選擇又不多, 而且又不是很餓, 所以放棄了 =P

我們幫襯的店 - "やまに水產"~

我們就是被店外那些海鮮吸引進來的呢~ KEKEE! 其實檔檔都差不多~

東尋坊外還有很多雪糕店呢! 有很多不同的口味呢~


我們乘1:50pm的巴士回芦原温泉JR站, 時間還蠻充裕的, 我們就在手信店裡最後衝刺! 畢竟待會兒就要回名古屋、明天就要回hk了, 要買點什特色一點的手信, 就只剩這兒了.... 在手信店買了不少食物! 有零食、也有熟食~ 其實我對零食的興趣不大, 熟食反而我更愛呢, haha~

在手信店最後衝刺....

之後搭巴士回芦原温泉站, 沿途又很大雪, 想點 =_=||| 2:30pm左右回到芦原温泉站, 不過我們搭的JR班次是3:30pm, 還有很多時間呢! 本來想周圍逛逛, 但芦原温泉附近竟然沒什麼好行的! 根本連一間商店都沒有! 汗! 而我們回到JR站時, 又下大雪了, 近JR站的位置, 地上都灑水去溶雪!! 所以地面基本上是非常濕的, 而且水深還不淺呢! 我對很薄的毛毛boot基本上已經在泡水了, 汗 -_-|||| 之後落雪更是狼狽, d雪落得很大很急, 落下來的雪非常大粒, 還有重量的呢!! 在不同的地方見過下雪那麼多次, 這次都算是經典了!! haha!

想逛也沒東西逛, 而且又落雪喇! d雪好大粒呢!

又濕又有雪, 我們都回到觀光社內避雪, 而且那兒有個強勁的火爐呢! 取暖事少, 吹乾我對鞋事大呢 XD 休息了一會, 之後就去LOCKER拿行李, 預備上JR回名古屋了!
由芦原温泉回名古屋, 需時2個多小時, OK既, 不算很遠! 不過這程車已要5360yen (HKD$450)了! 日日幾百蚊車費真是非常lar脷! 這2個多小時車程, 幸好乘客不多, 我們都能好好休息~ 小透仲訓得好lum呢 =p

話咁快, 就要回名古屋了 T^T

回到名古屋, 已經差不多6pm了, 天都黑了呢! 就這樣又冇左一日lu >.< 出站後, 就立即回下塌的酒店東橫inn放低行李~ 因為之前住過, 所以好熟路啦!! 名古屋真係暖好多 =p

放下行李, 之後我們就把握時間出去shopping了! 畢竟日本的百貨和商店都很早關門呢! 今次來日本中部, 都沒想過shopping什麼的, mainly都是觀光、影相和吃! 不過今次, 都有一個task要做, 就係買hitachi那部最新的導出導入美顏機! 出發之前, 收到很多朋友order叫我們幫手買, 所以自己也打算買一部!
上網做下research, 知道名古屋JR站旁就有一家大型電器連鎖店”Bic Camera”, 那兒應該有吧! 之前也在想究竟買最新有cooling功能的N1000、定係舊版N810好! 畢竟舊機平少少嘛~ 不過去到, 舊版N810已經冇貨了! 而且新的N1000也只剩最後4部! 我和小透各買了2部 (17905yen一部) 雖然有tax free, 不過這兒的標價好高呢! 聽人家說在東京買會更便宜!! 不過算啦, 一場來到, 就自己買吧! 幸好最近d yen回落了很多呢!

在bic camera每人買了2部hitachi N1000導出導入美顏機!

拿著2大盒機, 見到有些商店還未關門, 我們就在JR站的地下街shopping一番, 見到有間店FW的衫on sale呢!! 勁平! 我最鍾意掃平貨的了! 結果, 我選了4個item, 超平呀! 我買左2件top、1件冷外套、1條裙褲呢! 結帳才3000yen而已!!!! Super happy!! Yeah! 買到平野真係勁開心, 而且日本衫, quality真的很不錯呢 >w< 本想努力再逛再找, 不過店都關門了! 希望明天還剩一點時間, 可以有收穫吧 =p

我們2人提著很多戰利品, 回到酒店附近~ 酒店旁邊有很多不錯的餐廳選擇, 我們就找了間吃豚肉的店, 來個最後的dinner! 我們剛好坐了最後一張table, 之後再有人來, 已經冇位要等了, lucky =p
店叫”活々豚々”, 主要是吃創作活豚料理的! 我們點了個豚肉shabushabu, 這兒的豚肉叫”黄金の豚”, 是入自日本瀨戶的呢~ 不過我覺得味道一般, 肉味不是很濃~ 另外, 還點了個自家制豬肉腸, 和鐵板麵豉豬什~ 上面還有隻溫泉蛋的呢~ 味道不錯, 不過小透對豬什應該沒什麼好感 =p 最後點了杯可樂, 因為店有點焗, 吃shabushabu飲可樂好爽呢~

餐廳內有很多豬的介紹!


先點了個黄金の豚shabushabu

還有自家制豬肉腸、板麵豉豬什

最後的晚餐的地方 - 活々豚々


Dinner完行番酒店才2分鐘, 好方便呢! 今晚回酒店有好多野做, 買了那麼多東西, 要好好執行李才可以呢! 我個gip可是很小的呢, 很多東西都放不入!! 要手提呢, 好麻煩 >.<

今天的收穫! 用了最多錢的一天!! 但最開心係意想不到去買到好多平衫呢, 好開心 =)

今天就要最後一天了! 沒什麼景點, 而且下午就要回香港喇, 很不捨呢 T^T
環遊世界 | Comments:6 | Trackbacks:0 | 2013/02/16(土)
2013日本中部白色飄雪之旅 – DAY 5*
今天超級早就要起床了! 5:30am, 是整個行程中最早的一天呢!! 真係好眼訓! 一小時梳洗, 6:50am旅館的obasan就來set up早餐了! 本來酒店最早是在7:30am才prepare早餐的呢, 因為廚師還未上班, 但因為我們7:15am就要出門了, 所以酒店特別幫我們安排6:45am開餐, 好體貼呢!
上次在九州別府溫泉酒店, 早餐是在大堂吃的、北海道那次也是~ 所以今次是我第一次在和室自己房吃早飯呢, 哈哈! 早餐又是非常豐富, 一碟一碟的小碟子盛載著不同的食物, 溫泉蛋、小魚、豆腐鍋、沙律、麵豉湯、朴葉味噌、果凍.... 這兒比"山久"的早餐多熱的食物呢, 很不錯! 食物也比"山久"的精緻啦~ 溫泉蛋好好味, 還有我們昨天在街上見到有售的蕃茄果凍, 好味呀! 有驚喜! yummy :)

"富岳"豐富的溫泉料理早餐 =)

溫泉蛋、小魚、豆腐鍋、沙律、麵豉湯、朴葉味噌、蕃茄果凍、紫菜

我唔客氣喇~


雖然食物看起來很豐富, 不過因為太早了, 我都不算太有胃口呢, 哈哈! 因為時間很少, 所以我們都吃得好趕呢 =P 執好野, 7:15am就出門了, 就這樣闊別了這個住了一個晚上的”富岳”了~ 整體都很不錯呢~
又有酒店shuttle載我們去JR站, 只是5分鐘的車程啦~出發前寄埋postcard幾張先~ 好少可唔係等出行程最後一刻先寄呢 =p 7:31am的JR班次, 時間剛剛好呢!!

臨走前寄張POSTCARD =)

對面的車來了~ KEKEE~


由下呂到金沢! 要搭成4.5小時呢!!! 真的很久, haha! 是這次行程最久的一程車, 所以才要那麼早出發~ 這程車要8920yen (HKD$750)!!! 超貴的! 也是這行程中最貴的一程....!!! 我們要先乘1個多小時到岐阜轉車呢~ 來到岐阜才9am不到, 岐阜是個大站呢~ 我們在岐阜有半小時的轉車時間~ 等車時我去了趟洗手間, 嘩.... 我真係超好彩, period遲了幾天, day2-4浸完溫泉都冇事, 今日竟然即來呢! super lucky呢! 呵呵呵!
之後在岐阜搭多2個多小時才到金沢呢! 因為我們有大件行李, 所以我們分開坐了呢~ 但之後因為架車太多人, 所以還是有人坐了在我旁邊呢 *0* 中途列車還會反方向行, 全車的人要起身把座位前後倒轉呢, 好攪笑 =p

下呂去金沢, 要4.5小時呢! 坐到暈了!

來到金沢, 已經12pm了! 火車中途delay了10分鐘呢! 4個幾鐘車真係太辛苦了 =_=||| 出到金沢駅, 嘩, 好有先進的城市感覺呢! 去了好幾天鄉下地方, 有d唔適應tim =p (當然, 我鍾意鄉下地方多過城市好多啦~ 哈哈)
一出到金沢駅, 下雨呢 =( 雖然一早睇weather forecast時都知道, 不過還是很失望呢 T^T 最討厭旅行下雨的了!!

來到金沢駅了, 不過下雨又拖著行李, 不是很方便慢慢拍照啦~

我們今晚住的酒店又是東橫inn, 這間東橫inn距離JR站只是5分鐘左右! 真的近, 而且都算好好找~ 不像名古屋那間那麼遠, 哈哈! 下著雨, 又拖著行李, 其實都有一點點狼狽呢, 汗! 幸好雨不算太大呢! 毛毛雨, 也好吧! 今天已不能見到太多雪了, 畢竟我們已回到城市了呢 >.<
來到東橫inn, 時間還早, 所以未有得check-in呢, 先把行李放在大堂~ 之後就出去了! 因為之前申請了VIP card, 所以住房又有折, 每人只是3028yen (HKD$ 254), 仲要有早餐食, 真係抵到爛呀!!!

在金沢住的是東橫inn~

放低了行李, 去了個toilet, 就立即出外了, 下雨, 真討厭 >.< 行番去金沢駅, 今次就有時間影下相了! 其實金沢個站真係幾大! 其中一個建築, 我覺得好似上海世博的設計, 汗! 不過看旅遊書介紹, 原來那是以全新手法縯繹的鳥居呢, 哈哈! 我真的看不出來 =P
金沢市是在日本北陸地區, 特色是新舊交匯, 有日式傳統的茶屋街和兼六園, 也有前衛的美術館~ 金沢的和果子也是十分馳名的呢, 不過我們沒機會吃到 (其實我對和果子都沒太大興趣既, HAHA)
我們先要搭巡迴巴士往兼六園那邊~ 找到了巴士站, 巴士是很特別的顏色~ 基本上金沢市大部分的景點, 這架觀光巴士都途經的呢~ 巴士每程200yen~

設計很特別的金沢駅~

市內巡迴巴士, mainly都是觀光的景點~


老實說, 這7天行程, 我對金沢市的興趣是最低的, 哈哈! 因為好像沒什麼特別的, 而且時間又不多! 來到已經12pm了, 要知道日本的店可是很早就關門呢 =p 不過之後發現有一間店可以外借和服, 立即興趣大了不少了~ 也是我們今天的主打行程! 所以本來是想先去較遠的東茶屋街, 但最後怕時間不夠, 而且下雨呢! 還是先去試穿和服及兼六園一帶呢, 哈哈!

在兼六園站下車, 下著雨很麻煩, 我們都懶惰, 所以冇帶遮呢... 找了一會兒才找到我們的目的地"加賀友禪傳統產業會館"! 加賀友禪是金沢市的傳統工藝品, 加賀友禪起源於500多年前, 當時金沢已流行梅染技藝, 後來加賀藩主請來京都的京友禪大師來到金沢, 將傳統的金沢染法貫通於京友禪中, 成為獨一無二的加賀友禪!
本來我們是打算來, 外借和服穿去兼六園拍照的! 不過那obasan竟然說冬天沒有外借服務呢! (我們懷疑不是因為冬天, 而是因為下雨) OMG!! 真曷超級失望呢!!!! 一心來金沢最期待的就是穿著和服, 去兼六園和金沢城公司影相的了!!! so unlucky, 好無奈 >.<
沒有外借和服, 那我們只好每人付2000yen (HKD$ 168)來在室內拍照囉 T^T

加賀友禪傳統產業會館

和服的選擇看似不少....

不過實際能挑的, 也不算很多~ 哈! 比起京都的, 款式好似少D...


因為對穿和服很有憧憬, 所以一早上網做定research, 去人家的blog睇下在這個"賀友禪傳統產業會館"有什麼和服樣式! 之前已經見到有人穿過一件粉紅色的, 都幾花的~ 入到去挑和服, 我已一早心儀定紅色系的, 所以都沒什麼選擇! 結果! 我勁快手地, 就挑了在網上見過人穿的那年粉紅色的和服呢! 好young架, 底是粉紅色的, 上下、前後都有好多colorful的大花樣, 好看! 是我喜歡的style! 哈哈!
而小透就好像有選擇困難症一樣, 挑了很久都未挑到心儀的 =p 不過obasan已經好快手, 叫我脫衣服要幫我穿和服了! 因為天氣凍, 所以都脫剩件絲襪衫既 =p
穿和服的過程非常繁複, 基本上我都係張開雙手企係度, 等obasan慢慢幫我穿而已, 哈哈! 想起了以前看日本動畫/ 漫畫, 女主角都唔係好識穿和服的! 都是站著等媽媽幫她們穿! 我而家就有d咁既感覺了, 哈哈! 感覺很新鮮有趣呢, 當然立即叫小透幫我狂拍照, 好正呢 =p

脫了衣服, obasan幫我穿了件薄薄的白衣, 仲有條領

obasan在度位對位! 好認真! 和服是把女人身體包到實的, 唯一露出來的地方就是後頸

先穿下身, 再穿上身, 最後在腰身縛縛縛

認真穿著中...


原來穿和服, 是先穿下身的, 之後再穿上身的, 左搭右搭, 最後obasan在我腰身縛縛縛紮緊~ 穿和服真係好繁複呢! 最後, 要自己再挑一條花花的腰帶... 這個其實不算很難既, 因為大概都差不多的, 都是花碌碌的! 最後最後, 再加條紅色的繩, 就大功告成了!
我知道我形容穿和服的過程係有D hea, 不過冇辦法啦, 因為真係唔係好識形容, 同埋我mainly都係企係度only, 哈哈!

戴腰帶...

著好了!

最後上埋條紅色的繩! 大功告成了!


我著完了, 著了15分鐘左右吧! 之後就到小透穿了! 她挑了一件淺粉紅色的, 貪個裙擺有少少花! 但看起來有點素... obasan也是一樣的程序幫她穿~ 我也拿起了她的相機幫她拍拍拍~
穿得七七八八, 仲爭腰帶還未繫上~ 小透也挑了挑腰帶, 試了幾下她終於說出了她對這件和服的不滿, 說和服的顏色好老呢! 和服著上身, 好似老左好多咁! 而且件和服好似女僕呢! 好像昨晚在溫泉酒店那obasan著既咁 >.<
最後, 她決定再挑另一套! obasan當然不是很想, 但都肯給她換, 算不算了! 左揀右揀就揀了件淺黃色的! 旅遊書的model也是穿這件的 =p 都說她其實喜歡黃色 =p 黃色這件young好多呢! 雖然花不算很突出, 但有種清雅的感覺, 好睇好多啦, haha! 之後再了另一個obasan來一起幫她穿, 然後她們這時說不可以拍照呢!! too bad!! 所以沒有這年黃色和服的照片 >.< 不過可以試穿2件和服, 幾好呀, 哈哈!

可以試穿2件和服, 也不錯呀, 哈哈!

穿好和服, 我們就站在鏡子前set頭! 其實都是把頭髮紮了個大髻, 不過我自備了一朵大花放在頭上, 都是shocking pink的! 証明我一開始已經諗定要穿紅色或粉紅色的和服了 =p
穿好了, 再穿上木履, 我們就出外去了, 有個攝影師幫我們拍張即影即有~ 之後我們就拿著相機在店內拍拍拍, 一開始時是很興奮的呢, 畢竟是第一次穿和服嘛, 好令好特別.... 不過, 其實店內都沒什麼景... 只有一個日式屏風和一盞日式座地燈... 其實真係好想影多d相, 不過根本冇景可影 =_=|||| 所以我們mainly都係影自己的全身、半身、側面和背面照咋! 不是很特別~

第一次穿和服的我們~

全身, 側面, 背面

低炒, 我高左好多~~

正面的合照~

我們的背面, 同樣精彩 =p


因為店內實在沒什麼好影, 那我們就問准了obasan, 她可以俾我們在店門外面的街頭上拍拍照, 雖然都係冇咩景, 不過外面有天然光, 同埋自然d既景物, 點都好過在店內拍照啦, kaka!
外面停雨了, 店外有個日式的燈籠, 比較有feel少少... 可以在店外拍照, 很不錯呢! 一出到黎, 就立即再次飲恨為何不可以外借和服到兼六園和金沢城公園呢 T^T 非常可惜! 明明那些景點都只是在附近呢 >.<
也不知為什麼當初在京都沒有借穿和服外出呢!! 非常可惜! 下次如果再去關西, 我一定要穿啊! (見過朋友在京都穿和服去二三年坂和清水舞台, 勁令呀! 而且人地件和服好young好花巧的!)

終於能在店外拍拍照

日式的燈籠, 已是最有feel的景了!

還可以站在馬路中間

加賀友禪....


影了一會兒, obasan已在催我們還衫了.... 反正要影的、能去的地方都影了! 最後, 我們就在店內最後再多拍幾張相, 之後就除衫還衫了~ 除衫也有專人負責的, 畢竟如果你要我自己脫, 我應該也無從入手了, 哈哈!

地壇也是景點 XD

還有女兒節娃娃....

最後一張喇 =(


換上自己的衣服, 一場黎到, 我們都有係咁二地參觀一下這個"加賀友禪傳統產業會館"~ 場內有不少和服的展示, 主要展示各種設計華麗用料講究的著物, 旅遊書上說一件加賀友禪著物要100萬yen的呢! 太可怕了 *0*
不過場內展示的和服, 顏色都比較素, 不是很鮮艷的! 可能傳統就是這樣的? 哈! 但我就鍾意鮮艷的顏色多d =p

展示的著物...

顏色都比較素, 我就鍾意鮮艷的顏色多d =p

加賀友禪傳統產業會館的正門, byebye了~


離開會館, 我們就向"兼六園"進發了! 很近的, 走10分鐘左右就到了! 兼六園是金沢市最有名的傳統景點代表! 它是日本三大名園之一, 而兼六園更是日本三大庭園之首! 名氣最響、入場人數亦最多! 兼六園總面積近10萬平米, 初建於江戶時代1676年, 本來是金沢城的外圍亭園, 後來經過多次擴建, 才成為現時的兼六園呢!
兼六園的入場費用300yen (HKD$25), 據說兼六園四季的景色各具美態, 春季可賞櫻及梅花,夏季有杜鵑,秋季可賞楓,但尤以冬天最具浪漫氣氛! 來之前, 我都有幻想有著白雪的兼六園應該幾令既, 不過! 今天金沢市都不見積雪, 根本沒有白色的浪漫氣氛, 真是令人失望呢 T^T

日本三大庭園之首 - 兼六園!

雖然說兼六園的面積很大, 不過我自覺就不覺得很特別, 哈哈! 就是日式庭園一個啦 =P 就像去到中國的園林, 都不會有什麼特別的感覺 =P mainly都是d花草樹木, 水池咁啦, 隨處可見日式假山與涼亭~ 每個景點都有日文介紹一下的, 我覺得特別少少的, 是有個眺望台~ 我很喜歡眺望台, 因為站上去可以望曬成個金沢市呢, 可以感受到居高臨下的感覺, 也可以感受自己的渺小!

眺望台~

居高臨下看金沢市~ 哈哈!

小橋流水

景色也不錯~

日式池塘~~


除了植物, 還有很多日式池塘, 什麼"霞之池"、"瓢池", 都幾令呢! 如果有埋白雪, 我覺得會令好多呢~ 另外, 兼六園內仲有兩個石燈籠: 徽軫燈籠, 現在日本現存不多於5個呢! 這個燈籠也是兼六園的名物呢~
我們整天只是吃了今天早上的溫泉料理早餐, 而且是超早吃的呢! 所以下午已經好肚餓了! 但整個兼六園內都沒什麼吸引的小食, 真是餓死我們了 >.<

大型日式池塘

難得的合照, 哈哈!

景色不錯的~

瓢池~

走lu~ byebye兼六園~


在兼六園逗留了大半小時, 也不知逛完沒有, 我們就走了, 哈哈! 之後我們就去旁邊的金沢城公園, 不過入去前, 實在餓壞了的我, 在自動售票機買了罐熱騰騰的粟米湯飲 (120yen/ HKD $10) 加上寒冷的天氣, 真係舒服曬~

120YEN的粟米湯, 好飲!

之後轉身就去了金沢城公園, 它就在兼六園的旁邊~ 相距僅一個行人天橋之隔而已! 金沢城最早建於1580年,歷史比二条城還要悠久,本來是個宏偉的城池, 但經過多年的天災人禍, 整個金沢城除了幾道護城門及小部分圍牆外, 其他建築物都被移為平地了!
金沢市政府於1996年開始, 將金沢城原址規劃成金沢城公園, 將部分建築物收復, 包括菱櫓、五十間長屋、橋爪門續櫓等, 不過城內最重要的天守閣卻未有重建的計劃呢
我們在石門川進入公園, 據說這石川門對出是一條賞櫻的步道呢~ 春天時應該幾令呢!

金沢城公園, 石川門入口

金沢城公園


金沢城公園不用入場費, 我們到金沢城市, 落好大雨呢! 又沒有雨傘, 非常狼狽!!! 而且只能低著頭來, 深怕雨水弄濕自己! 而且又要保護著相機的鏡頭呢 >.<
因為沒有天守閣, 所以菱櫓已是金沢市最有代表的建築~ 比起大阪城、熊本城、名古屋城些大規模的建築群差很遠呢....
之前以前冬天來, 可以見到有積雪的日本城池, 看似別有一番風味! 不過又是沒有雪, 仲落雨tim, 太可惡了 >.< 好不容易行到公園的中央, 以為可以入內參觀一下同避下雨啦, 點知原來開放的"菱櫓、五十間長屋、橋爪門續櫓"在冬天時, 4:30pm就關門了! 我們剛好過了10分鐘才到, 無奈 =_=||||| 雖然我也不是很有興趣去看, 不過黎到, 冇得睇當然汗顏啦 T^T
結果, 我們在這兒, 連照片也拍得不多, 仲攪到幾狼狽! 汗!

這是金沢城公園最令的地方!

最具特色的菱櫓...


4:30pm已經關門的"菱櫓、五十間長屋、橋爪門續櫓"


就這樣, 在金沢城公園避了一會兒雨, 不過雨還是不停呢 >.< 我們下一個景點是"金沢21世紀美術館", 因為它6pm就關門的, 所以我們就冒著雨行去美術館呢! 本來以為好近的, 但都行左好耐呢, 仲行錯路又走回頭路! 汗!
最後5點多來到金沢21世紀美術館~ 入到美術館, 成個人濕曬lor =_=||| 金沢21世紀美術館在2004年建成, 外型很新式的, 從高處看下去像粒大藥丸, 所以別名"丸之美術館"! 它還曾奪得建築界最高榮譽之一的威尼斯建築金獅獎呢~ 不過其實我不覺得有多特別! 哈哈! 大概我實在沒什麼藝術細胞吧 XD

金沢21世紀美術館~

這個美術館入場費都幾貴呢! 要1000yen (HKD$ 84)!! 其他日本古典的景點都係幾百yen入場費之嘛 =p 這兒的展品mostly都是3D的~ 來這個金沢21世紀美術館, 主要其實都係看那個最有名氣的作品 - swimming pool! 之前見人家來金沢都是必到之地! (雖然我不覺得有什麼很特別的, 哈哈!) 聽說那套"最美麗的第七天"都有來過取景?! 不過我是一集都沒看過的 =p

1000yen的入場費, 真係貴....

金沢21世紀美術館中最具名氣的作品 - swimming pool...


我們第一時間也是去swimming pool參觀! 平日如果好天沒下雨, 可以站在池邊拍照的呢!! 不過我們來到時下大雨, 所以不能出去! 無奈 =_=||| 只可以從另一個通道走入泳池底! 入到泳池底是絕對不會濕的啦, 因為那些池水其實只是一層薄薄的玻璃! 泳池是空心的~ 落到去, 都真係似去左泳池底一樣, 都幾得意既~ 哈哈! 我們在扮在泳底 =P 如果可以企係上面池邊影埋相就好啦 >.<

泳池底望上泳池面

泳池底仲有燈, 幾得意的

YEAH~

泳池底仲有水波的光呢~


館內除了SWIMMING POOL, 一律禁止拍照呢 =_=|||| 車... 我們付了錢, 當然也把其他展品都一一看清楚! 我覺得好似去左之前阿妹個graduation exhibition咁 =p
其中最特別的一個展品, 叫"perfect home", 真係一間1:1的家, 是用鐵線和紗製作的, 好精緻的, 馬桶, 門鎖、電製、樓梯... 所有details位都有, 好amazing呢! 而且好colorful, 好令 =) 是我最喜歡的作品! 不過這好像是個限定展出的展品呢....
另外仲有個心跳感應的N個light bulb展品, 都幾得意, 好令好好feel, 哈哈!

1:1的Perfect Home (圖是在網上找的~)

在museum留到6:30pm左右, 我們就搭巴士回去了! 本來其實好想去金沢最有名的魚市場 - 近江町市場, 吃個魚生飯或什麼刺身dinner的! 不過因為架觀光巴士竟然6pm已經是last bus了! 汗! 所以我們不懂怎麼去! 再加上落大雨都冇咩MOOD, 所以最後就搭巴士回了JR站 (其實JR站同近江町市場都好近架咋!)
回到JR站, 因為已經好肚餓了! (今天只是吃了早餐咋!!!) 在商場內隨意找了間吃壽司的店~ 去不了近江町市場, 在這兒吃壽司也不錯啦!
"すし玉壽司店", 我們坐在迥轉壽司吧枱, 見到什麼就拿什麼! 真不錯! 我好像是第一次在日本這樣吃迥轉壽司呢! HAHA! 平時吃壽司都係正式的omekase多d, 哈哈!
雖然只是迥轉壽司店, 不過日本的壽司都很有水準, 實在不用擔心! 我們在迥轉帶上拿了些, 也點了些~ 最感動的是那個toro軍艦, 超級大件呢! 一上枱, 好巨型, 從未見過咁高的toro軍艦! 好surprise! haha! 仲有個海膽都好好食, 份量好驚人呢!! 跟HK慳住慳住的冇得比 =P
埋單, 每人1800yen (HKD$150), 價錢合理啦 =)

すし玉壽司店

三文魚、海膽、海膽三文魚子、玉子燒、甜蝦、toro軍艦

仲吃了一個併盤~ 每樣一件!

すし玉壽司店


DINNER完時間還早, 就去了旁邊的藥房行了一會, 不過很快就關門了 >.< 之後在JR站買定明早用的JR飛, 安心曬! 這兒的counter比昨天在下呂的先進好多呢 =p
回到東橫inn, 才9pm左右... 今晚很早就睡了, 11:30pm, 是整個行程最早的, haha!

回到東橫inn.....

在金沢市的時間實在太少了! 只有半天! 很多地方都沒有去呢! 近江町魚市場、東茶屋街都去唔到..... 真係好可惜呢! 不過, 恐怕我都沒有再來金沢市的下一次了!!!
明天已是行程最後一天的full day了.... 唉.... 不捨呢!!
環遊世界 | Comments:4 | Trackbacks:0 | 2013/02/15(金)