Daisypath Anniversary tickers
Free Buffet @ Kowloon Hotel
收工後, 跟部門同事去了kowloon hotel吃buffet~ 當然, 是不包括老細的啦 XD 前日同事S last day, 今天同事V請我們去酒店吃buffet, 真係正! 正來想去inter-continental架, 不過臨時臨急, 當然book唔到位! Inter-con一向都要1個月前book先有位啦~ 我都好想試inter-con呢, 好想食他有名的花膠呢 =p

不過今次唔洗錢, 就算啦~ 去邊都可以 =p Kowloon hotel我之前好似來吃過一次中菜, 不錯的~ 不過這個buffet一般啦~ 選擇不算很多, 但生蠔、刺身、海鮮、鵝肝也有的! 我當然主攻海鮮和鵝肝, 生蠔吃了4隻、小龍蝦吃了4隻、鵝肝吃了3件、西冷也吃了2塊! 回本了吧 =p

生蠔、小龍蝦、蝦、翡翠螺、藍青口、Blue cheese、西冷扒、糯米飯釀乳豬…..
食店: The Window Cafe
地址: 尖沙咀彌敦道19-21號九龍酒店2樓


席間說到下星期要做的appraisal, 大家也在想用什麼approach跟老細對話, hahaha =p
多謝今晚同事V請客, 呵呵呵!
識飲識食 | Comments:0 | Trackbacks:0 | 2013/01/31(木)
新年禮物
今天在公司收到一份courier來的禮物, 一打開是個Lane Crawford的金色盒子, 一見到是Lane Crawford已經好興奮, 以為是什麼好禮物! 但打開, 好輕, 得一張卡…. Oh, 原來是lane crawford的Giftcard呢! 一收到好開心wor~ giftcard最好了!
不過卡上面沒有標價錢, 找了很久都找不到! 之後同事說要上網check balance的, 一check, 嘩, 成1000蚊credit呀! 超正... 雖然lane crawford d野好貴, 1000蚊可能都冇咩幫助 XD 不過我都有興趣買番個平平地的牌子包包, 新年去睇下先, 呵呵!
這是我收到, 價值最高的禮物! 這個post, 真係有少少油水抽下的 XD


LANE CRAWFORD $1000的GIFTCARD!! YEAH!
購物禮物 | Comments:4 | Trackbacks:0 | 2013/01/31(木)
Happy Birthday....
今天放假, 早上整蛋糕, 好累 >.<
黃昏時去了醫院探嫲嫲, 一去到醫院, 就見到細表姐同姑媽...... 留了大半小時, 之後爸、媽、叔叔們也從大陸趕落黎, 好多親戚係度.... 昨天一收到電話真係好擔心, 好彩今日見到佢都好精神, 問佢琴日咩事佢都好識回應, 放心好多..... 昨天一收到消息, 真是想哭呢 T^T 真係好彩冇大礙, 聽日應該可以出院了.....
快要過年了, 希望一家人能齊齊整整!

心情不是很好, 沒精打采, 不過今天是他生日, 一定要調整過來.... 他要上班, 沒有任何隆重的慶祝, 簡簡單單的過.... 晚上去了”夜上海”吃上海菜... 環境好, 價錢合理, 味道好, 還有我們指定今晚要吃的咕嚕肉! 吃得滿足 =) 我推介的蟹蓋很出色, 受到讚賞, 呵呵!

咕嚕肉, 釀蟹蓋, 小籠包, 咸肉菜飯, 獅子頭
食店: 夜上海
地址: 尖沙咀廣東道3號馬哥勃羅香港酒店6樓


生日蛋糕, 被形容是檸檬夾心味 =P 不過很成功吧, 我覺得好吃呀….
祝你生日快樂, HAPPY BIRTHDAY and all the best! 2013年一開始就有個小小的mile stone! 很替你高興! 大一歲, 大個仔了! 未來, 繼續加油! 一定得架!!!!!!!!!!

happy birthday cake~
戀愛記事 | Comments:2 | Trackbacks:0 | 2013/01/30(水)
Chocolate & Lemon Mousse Cake~
又是整蛋糕的時候了, 今次整的是朱古力檸檬慕絲蛋糕~ 唔洗焗的蛋糕, 其實唔難整!
今次用了oreo做餅底, 好好食wor =p 之後就整檸檬慕絲~ 第一次做檸檬味道的東西~ 超市竟然冇曬檸檬, 害我要行去很遠的街市買! 累死! 檸檬mousse有自己刨的檸檬皮、自己榨的檸檬汁、白酒、蛋黃、砂糖, 魚膠粉, 之後加入打到7成的淡忌廉就ok~
我在oreo上面加了一層朱古力海棉蛋糕! 令口感更豐富! 真不錯~ 雪的時候有d緊張, 因為擔心魚膠粉份量唔arm (因為recipe是用魚膠皮的), 好彩最後outcome都好成功呢 =)

making of………..

朱古力檸檬慕絲蛋糕! Well done!


這次沒有拍很多照片影making of, 有少少失策tim =p 不過算啦, 制成品ok就得~ 哈哈!

食譜來自這兒: LINK HERE
私房菜館 | Comments:2 | Trackbacks:0 | 2013/01/30(水)
煩。。。
工作好煩
好難頂
好想快D唔撈呀!
呢個位, 我交既貨真係俾多你啦

另外,
嫲嫲入了醫院
一收到消息真係好擔心!
早2星期見她還是好好的
快要過年了
希望快點沒有, 早日康復啦

仲有好多麻煩事.... 我的黑仔運, 幾時先遠離我呀!?
生活點滴 | Comments:0 | Trackbacks:0 | 2013/01/29(火)
Bonbon & Mr. Cloud's Wedding~
2013年第一個紅色炸彈,就是bonbon和mr cloud的婚禮了!年幾前已經知道bonbon要結婚了,大家都猜中她是小嘉後一個結婚的,哈哈。等左年幾,終於等到了!
註冊儀式在5:30pm開始, 我、小嘉、小透、ketu約左5pm等~ 在家樓下等了10分鐘都冇taxi, 以為自己會遲到啦, 所以一早講定, 點知都冇事wor, 只遲了2分鐘, 大把人遲過我 XD

婚宴場地~

上到去, 時間還很早呢! 沒什麼人~ 我們先跟花仔花女 – hayley & ethan拍照~ 3歲幾人仔的花仔花女, 穿起小禮服來真係好cute呢~ 不過他們精力十分旺盛, 我們捉了他們很久, 才找到機會跟他們合照呢 XD
ethan今天很chok! 而hayley我們也看出她很開心做花女著令衫呢~ haha~ lala他們還準備了私伙的氫氣球來給雙手冇事做的ethan拿呢~ 而家d父母真係十分廿四孝, 哈哈!!

好可愛的花仔花女~~

終於捉住到佢地, 哈哈!!


等儀式開始前, 新郎哥雲生出來向花仔花女講解待會兒的行走路線! 我們已看到出他勁緊張呢, 哈哈哈!
之後等儀開始, ethan & hayley都行得好好呢~ 慢慢的, 沒有走歪!

花仔花女, well done =)

花仔花女隨後, 就是一對新人出來了~~ 見到MR CLOUD企得好彊硬好緊張, 好好笑 XD 之後宣讀誓詞, 一對新人都好緊張呢!!! 雲生是super緊張, bonbon的話我就唔太分到佢係緊張定感動, 哈哈!
之後就是吻新娘, 和簽字註冊了~ 一對新人正式成為夫婦! 恭喜曬! 祝你們白頭到老啊~!!!

新娘出來了~

宣讀誓詞

好緊張的mr cloud! haha!

簽字了!

吻新娘~~~~


因為有看註冊, 所以可以跟新人來張著婚紗的大合照~ 呵呵! 真係正~~~

大合照~~~~ 我地有花仔花女, 好威 XD

影完相, 新人都回去休息+換裝了, 那時候還很早! 我們都沒什麼做, 只能自娛!! 我在玩CANDY CRUSH, 好難過關呀.... 玩左成日都過唔到LV 35!! 唉.... 之後我們自己拍照自娛~

四朵小花.... (其實都唔小了 XD)

之後BONBON換了套紫色的禮服出來酙茶! 雲生也換了禮服~ 我們又可以排隊上台影相! 我今次超勁呀!! 企到係BONBON陪黎, 已經好正啦!! 跟住我仲採取我一貫作風~ 沒有了相機, 我也把iphone拿在手, 用iphone跟bonbon自拍了一張, 嘩哈哈! 我真係好勁 XD 大家都吵著說我有冇攪錯 =P (其實, 有咩攪錯先?! 不要妒忌了 XD)

套紫色的禮服

我好快手地自拍成功, 勁呀!


之後晚一點, anmary和nana都來了~ 不久就開席了~ MR CLOUD的兄弟MC好funny, 氣氛好好 =p 新人進場前, 先播成長片段, 我們fancy2B有幸可以在screen上面出現, 嘩哈哈! 好開心~ 是N年前的相, 大家都好年輕呢, haha!!

有我地張相呀! yeah!

新人進場了~ 有升起的台, 好攪笑 =p 之後就是說話, 深吻, 切蛋糕, 祝酒...... 一吻時突然播起forever love和有泡泡, 好攪笑, hahaha~ 而且bonbon在台上也有提起我們呢, 好感動啊! 真是沒想到你會說起我們呢 >w<

新人進場了!

深吻, 切蛋糕


之後上菜了~ 我們那枱的waiter不錯, 幾好笑容 =p 食物都是那些, 不過有一人一隻鮑魚! 正~ 我食了1.5隻, haha!

在怪燈之下的食物 XD

中途小嘉婚禮時的攝影師Howard來跟小嘉聊聊, 我們也搭訕一下! 我還很厚面皮的拿了自己的blog俾人睇 XD 之後還交換了FB~ 我覺得howard份人好開心, 這樣的攝影師可以令人笑得更燦爛, 很好呢~ 看看遲些日子有沒有需要找他 =P
當然, 攝影師在, 我們也叫他幫我們影張大合照啦~

第21圍的大合照 =)

之後mr cloud攪了一些小驚喜, 拿著一紮玫瑰上枱送給bonbon~ bonbon又感動了~ haha~ 然後敬酒~ 紅色的禮服最合適了~ bonbon來到我們這枱時, 更跟小朋友對飲呢~ hahaha!

敬酒~~

最後就送客了, 走之前, 我和ketu還拎了6,7個橙走, lala他們就拿了炒飯炒麵, 都係又食又拎呢! haha~ 送客時, bonbon換了套湖水藍的禮服~ 我們say goodbye時, 我又超快手地拿起相機自拍了張相~ 嘩哈哈! 再次引起大家的"不滿" XD 有咩好不滿先, 你們之後也有拍啦, 只不過我最先之嘛, HAHA!!

自拍到~ YEAH! 嬴曬!

見到朋友結婚, 進入人生新階段真的很替他們高興 =) 祝bonbon雲生執子之手, 與子偕老... 恭喜曬! >w<
生活點滴 | Comments:2 | Trackbacks:0 | 2013/01/27(日)
Ben & Try's Birthday Party @ Ariel's home~
一年新開始, 繼續展開1月份生日之星的生日dinner和party~ 今天, 我們就約了aberdeen之友到ariel的家, 攪番個ben & try的生日home party~ 近年真係好鍾意home party呢, 自己整野食, 再在外面order一點海鮮, 夠曬正呀!

先在超市集合,不過一開始得我, Jacky, try and bill, bill & try還帶了私伙的鵝肝來呢!! 好厲害啊!! 真係多謝曬!! 個鵝肝超級大個呢!! 之後收工的Ken和在家收好貨的Ariel才來到,Ben要遲來,買好東西我們就住shuttle去ariel家了~

一去到ariel家, 大家先坐低休息番陣! Ariel已經準備好曬d生日帽和生日banner, haha~ 是去年bill生日時用過的呢!! 今年竟然仲可以re-use呢, 有意義、又可以慳番d錢, haha!
之後才去廚房醃野切野~ 我先喇喇手醃我最拿手的雞上脾! Jacky就負責切蒜頭, 份量超級多!! 他不斷在complain! Bill負責剪煙肉和火腰扒粒, 不過好唔掂lor! 完全切唔斷的, 好離譜呀 =_=||| ken也在刨薯仔皮....

birthday party is ready~

我醃雞上脾~

朱bill切野好唔得lor, 少少野都做唔到….

蒜頭是jacky的代表作!

愛上CANDY CRUSH的人~ Haha


之後到ken表演開蠔時間, 這次我們7個人, 我又選了2款蠔, 一款是吃了很多次, $17隻的irish rock, 另一隻是大d, 貴少少的$20隻的法國Special Fine de Claire! Ken好勁呢, 第一次開蠔的ken, 看了video就好快手地開了14隻! 好easy似的, 厲害! 之後我就入去廚房用食水沖沖d蠔.....
然後bill & jacky就負責包parma ham with melon.... 今次的ham不是在taste買, 是在網上訂的! $68, 不過這西班牙紅豬後腿的油脂很豐厚, 一摸上手就知道係好野呢, haha!!
我們等了很久很久, 要準備的東西已經七七八八了! 不過ben還未來到呢! try姐就先煎d鵝肝給我們吃!! 正呀!!! 真係好幸福呢 >w<

ken開蠔, try姐煎鵝肝!

ben差不多到時, 我就開始煮risotto了! 這次也是買即食調好味的, 買了2款, 一款是four cheese, 我自己加了bacon; 另一款是白汁mushroom的, 我自己加了一包蜆肉! 2個risotto都勁多料, haha..
ben 8:30pm左右終於到了, 不過我們發現原來仲有勁多東西未煮呢! 我同try勁忙呀! 我煮risotto, try煎牛扒、鵝肝! 以為差不多成事, 突然想起原來仲有好多野未煮, 如雞扒, 仲有fish finger呢!! 汗... 那個fish finger太麻煩了, 我們決定9pm開左飯先~ haha!

GET READY~

大家也有幫手~ 很讚!


9pm, 我們終於開飯了!! 大家都戴上生日帽, 好開心呢! 先倒酒, 我們有紅酒白酒各2支, 白酒唔錯~ 不過紅酒好難飲 =p 今次的party food真係超級正, 有牛扒、香草煎雞上脾、蒜蓉蒸龍蝦、parma ham with melon、生蠔、potato & ham salad、risotto、鵝肝多士、三文魚刺身、海膽刺身!! 今次的食物, 很多都是跟以往不同的呢, 真係好正呀!
我覺得我們的廚藝真係好勁呀! 進步神速!!!! 當年在ABERDEEN, 完全沒有如此境界! 人大了, 真是越來越喜歡home party, 跟朋友們一起煮食, 一起耍樂, 最是自在 =)
不過開飯前, 一如以往, 要餵飽相機先 XD 再cheers番杯, 開飯了!

牛扒 (try煎得好好呀! medium rare! 正)、香草煎雞上脾 (有d生, ben再煎過)、蒜蓉蒸龍蝦 (勁多蒜蓉, 哈哈! 不過正)、parma ham with melon (ham好好吃)

生蠔 (irish rock & Special Fine de Claire)、potato & ham salad、mushroom & clams risotto、鵝肝多士 (try真係煎得超好! 我自問冇咁既水準)
\
三文魚刺身、海膽刺身 (勁大一片, 好奢侈! 正呀! 好鮮味!), four cheese risotto with bacon

超壯觀的場面! 正呀!!!

ken, try, bill, karen, ben, jacky & ariel

好味呀!!

自拍! 得我一個人清咋 XD


其實今次PARTY食物的份量控制得好好~ 所有東西都清了! 嘩哈哈~ 我覺得best dish of today是龍蝦! 我的risotto、try的牛扒、try的鵝肝多士、海膽刺身都有人投票呢!! 不過其實所以東西都好好吃, 否則都不會冇得剩啦 =p
之後try仲煎埋d fish finger出來, 再黎多round鵝肝多士!! 呵呵呵! 真係麻煩曬try呀!
dinner完我們3個女人來些girl's talk.... 真係.. haha! 幾精彩 =p ken都忍唔住要加入 XD

fish finger & 2nd round鵝肝多士!!

一直說說說~ 然後熄燈切birthday cake~ 1月是try & ben的生日月~ ariel買了haagen daz的chocolate生日蛋糕~ 有2個生日牌的呢~ 真不錯~ 大家唱生日歌~ 好開心~ 還有快要是演奏級的ariel彈birthday song呢~ 真sweet =p

happy birthday to ben & try~

ken, bill, try, ben, karen, jacky & ariel~~


是晚, 飲了很多酒wor, 白酒溝紅酒.... 飲到勁high醉曬~ 不過仲識趕尾班mtr回家, 其實我真係好唔捨得走呀 =p 大家盡訴心中情, hahaha~~
但我諗我真係半醉, 因為我勿忙得連外套、手錶、開蠔刀都唔記得拎lor, 好無奈 =_=||| 真係發緊夢!
生活點滴 | Comments:2 | Trackbacks:0 | 2013/01/26(土)
深圳、長沙出差 - DAY 2
9am先起身, 琴晚訓得都幾好 =) 沒有早餐吃, 10am出發去逛場, 又有司機駕架BMW來接我們, 正! haha~ 本來看天氣報告以為長沙好冷 (0-12度), 不過來到是還好, 應該有幾度吧! 比濟州暖一點~ 司機說之前長沙還下雪呢, 好彩(!?)我們來時天氣還好! 不過長沙的空氣實在太差了, 勁大霧還是煙霞! 我在酒店房看出窗外已看不到湘江的景色呢! 太離譜了... 之後很是沙塵滾滾 >.< so dirty! 有點像瀋陽似的!

有BMW專車接送, 嘩哈哈!

之後去了好幾個場做正經事! 然後又去吃了!去了司機介紹的"毛家飯店", 司機說什麼主席,我還以為他說什麼"主食"呢,哈哈!樓下入門的地方,還有個毛主席的像呢,哈哈!
這兒吃的是湘菜,即湖南菜。終於可吃到local一點的湘菜了,呵呵!最開心是試到湖南菜有名的臭豆腐!! 黑媽媽的, 樣子非常不討好! 不過好好味呢! 臭臭的~ 意大利人不吃, 我自己一人獨享了6件! 哈哈! 也有一碟辣炒雞雜, 也是我自己吃的 XD 來長沙, 也要吃點地道的辣菜色吧 XD 不過真係好辣, 辣得流眼水, 我還點了2支蘋果醋來解辣呢 =P

毛家飯店~

炒土豆絲, 餃子, 芥末豆, 蛋炒飯, 辣炒雞雜

傳說中的臭豆腐! 黑媽媽的~ HAHA!
食店: 毛家飯店
地址: 長沙市開福區沿江大道208號歐陸經典A座裙褸1-3樓


lunch完去埋最後一個場, 3pm意大利人就先去機場了, 因為他坐5:30pm的飛機! 而回hk的飛機只有一班, 是7:20pm的! 所以我還有很多時間剩呢! 2個小時, 夠我去2個景點啦, 嘩哈哈! 我叫司機載我去遊一下長沙市 XD
先去了橘子洲~ 橘子洲位於長沙市城的湘江之中,是一個狹長的洲~ 洲長約5000 米,最寬處不及400 米~ 是個天然的洲~ 也是世界上最大的內陸洲~

橘子洲現在是個大公園! 一大片草地的, 司機陪我一起行! 也可幫我拍照, 也好! 然後他告訴了我原來他不是司機, 是公司特登派他來陪我和意大利人的! 以前仲做過MM店的VM! 我都估到架喇, 因為他真的不似司機 XD 不過我們行了大半小時呢! 原來咁大咁遠的!!

橘子洲公園

一大片草地!

正!

仲有小橋流水~


然後橘子洲頭, 有一個少年毛主席的大雕像, 奇怪為什麼這兒有那麼多毛澤東的東西, 司機說原來毛澤東是湖南人!! 求學時期都是在長沙長大的呢!! 我真是孤陋寡聞 -_-|||| 仲記錯人家是河北省還是河南省人, 汗!
毛主席有一首《沁園春‧長沙》:“獨立寒秋,湘江北去,橘子洲頭,看萬山紅遍,層林盡染”,好像毛主席年輕時, 常常在湘江游水的 =p

少年毛主席大雕像


一場來到, 也要拍照~


之後回程時不想再行, 就付了RMB 20坐GOLF車回停車場~ 錢還是司機付的 =P 那時已經差不多4:30pm了, 我去埋最後一個景點 - 天心閣去! 這次我自己入去看看, 還自己付了RMB 32的入場費架~
天心闊是古城長沙的標志,是一座古香古色立於古城牆上的樓閣,昨晚看到的天心閣是亮著燈的! 我覺得有D似日本的大阪城和熊本城似的! kakaka!!

天心閣

行一段長樓梯先上到去

入場費RMB 32!

天心閣~

這個城, 其實跟日本的分別不大 XD


閣樓具有明清兩朝城樓風格,我用了10分鐘上了天心閣參觀~ 景觀就是跟平常的城差不多啦~~ 我自己上去拍拍照, 就走了~ 不算很漂亮, 但長沙這個地方應該不會再來, 所以來看看也是好的, 哈哈!
天心公園南端有一段長達220米的明代城牆,築建材料底部是長條麻石,上部是大青磚~ 還有大炮呢~

天心閣的景觀

除了顏色有點不同, 其實同日本的天守閣大同小異 XD

城牆, 大炮~


極速半小時看完了天心閣, 5pm我就出發去機場了! 路上很塞車, 不過還是6pm就到達機場了! 飛機是7:20pm才起飛, 時間綽綽有餘! 長沙機場很大, 往hk的是international terminal, 人很少的~
我搭的是KA, 沒有delay, 真好! 一個多小時, 8:45pm就回到hk了! 沒有checked baggage, 好快就走得人! 不用10pm我就回到家了~ 呵呵!

可以搭KA番HK, 真係正呀!

無啦啦又visit多左一個中國的城市, 也是好事吧! 而且, 飛埋呢轉長沙, 我的aisamiles已過31000分了!! 又可以plan換機票去日本了, 或者再儲夠5-60000去澳洲歐洲?哈哈哈! 反正最快果d mileage都2015年先到期呢 (但原來之前CX張AE卡送左1000 mileage比我~ 一早已過了300000分了 =p)
海外工幹 | Comments:2 | Trackbacks:0 | 2013/01/25(金)
深圳、長沙出差 - DAY 1
2013年頭一個月, 咁快就要出trip了!!! 之前做budget明明我只需一年出trip 2次的 =_=|||| 今次是去深圳和長沙, 主要是跟意大利人一起去.... 11am才上到深圳meet埋意大利人看店舖! 自己安排了司機車我們, 十分方便又乾淨又安全 XD
我們去了3個場, 午餐我們在俏江南吃川菜, 食物不錯的, 這我好像是第一次吃俏江南吧!??? 雖然是川菜, 不過我們點的東西都不是很辣的 =p 吃飯時望著世界之窗, HAHAHA~

對住世界之窗吃LUNCH =P

炒四季豆, 蒜泥白肉, 話梅小排骨, 上湯浸娃娃菜, 牛肉石窩炒飯, 山藥炒蝦仁
食店: 俏江南
地址: 深圳市南山區深南大道9028號益田假日廣場4樓


lunch完, 3pm左右, 我們就出發去機場了! 我們乘5:20pm的南方航空到長沙! 本來有人suggest我由深圳搭3小時的高鐵去長沙lor! 好彩最後都可以搭番飛機 *0* 我們在機場"偷電"charge iphone, 哈哈!
深圳去長沙只是1個小時左一點的航程~ 在機上nap了一nap就差不多下機了! 短途機真好! 飛機有bun供應, 不過我對國內航空的食物不敢恭維 =p

一個多小時的航程~

來到長沙, 已經6:30pm了! 我又安排了司機接送我們, 司機很年輕, 樣子不似司機! 而且..... 他還開了一架"寶馬"來接我們呢, 架車好乾淨, 正!
我是第一次來長沙的! 個機場好大wor, 長沙是湖南省省會, 都算係大城市!? 不過我對長沙印象一向麻麻, 因為聽說很dirty呢 -_-|||| 長沙本來一向都唔關我事的, 不過近來有變, 又比埋我, 真係多謝曬 =_=|||

第一次到長沙!

由機場去酒店, 要一小時呢! 想不到咁晏還會塞車 >.< 回到酒店已經8pm了! 我們今晚住的是"萬達文華大酒店"~ 5星級來的! 一到外面見到咁閃亮的外牆, 我們還不知道已經到了, 哈哈!
酒店一晚不便宜, 係跟意大利人一起來我先可以住咋! 酒店是我在AGODA自己找的, 價錢OK又不能失禮!! 上到房, 好令wor~ 房勁大間, 床是KING SIZE! bathroom是open的勁大, 有個超大的浴缸! 仲可以望到少少湘江的景色, 真不錯!

萬達文華大酒店

房間好大好令~ 好乾淨!


本來叫司機介紹我們晚飯的地方,不過時間不早了,所以我們最後就留在酒店用餐算了,也讓司機早點休息。
餐廳說是吃湘菜,不過粵菜也有,哈。我們點的東西都是清淡為主,不過也有點辣的東西, 畢竟一場來到長沙嘛~ 不過我們真的點了很多東西呢,吃剩差不多三分之一呢,汗!誰叫食物那麼大碟!好彩唔洗我俾錢 =P 我們還點了青島啤酒,輕鬆一下!其實中菜真係幾好食, 食得幾爽。

鵝肝翡翠卷 (好食! 但12件點食呀! 我已吃了4年), 辣炒豬肉 (好吃!), 青島啤酒

磨菇炒蝦仁, 菜肉包, 清炒西蘭花, 牛腩手工粉

我和同年的意大利人....
食店: 萬達文華大酒店中餐廳ZHEN
地址: 長沙市開福區湘江中路一段308號


食到10pm左右回房,上下網check email, 玩下candy crush, 1am就訓了。因為酒店環境好,張床又舒服,所以完全沒有害怕的感覺,仲訓得幾好Tim ;p
海外工幹 | Comments:0 | Trackbacks:0 | 2013/01/24(木)
Jelly's Birthday Dinner @ 避風塘
過2日jelly生日, 收工後去了cwb跟她dinner慶祝! 今次生日飯的地點好特別~ 我們選擇了去cwb的避風塘在船上吃海鮮! 其實早2個月tammy生日時已想去了, 不過早2星期前book位都打不通電話!!! 所以我們最後才去了吃西餐! 今次我們早了近3星期book, 電話終於有人聽了! 好期待呢!
我們在世貿等, 之後行去對面的避風塘, 不過找了很久才找到上船的地方!! 完全沒有指示呢, 而且打電話去又沒人接, 我們一度擔心計劃告吹呢! 好彩, 最後一直往前找, 都總算找對了地方呢!
來到才知道, 原來而家船仔冇得再像以前一樣開到海中心, 因為有建隧道工程呢 *0* 舊時的正式避風塘船仔, 只能靠近岸邊停泊, 我們知道時也呆了一呆呢, 哈哈! 因為我之前以為是會駛到海中心身的呢 =_=|||
不過, 我們還是在小型碼頭上船, 有個阿姐撐我們的船仔停泊在一艘大船旁, 那大船是個廚房, 旁邊用繩拖著好幾隻小船~ 那一艘艘的小船就是餐枱, 一船一枱客, 不錯! 而阿姐就是我們的waitress呢, haha~

搵多好耐, 終於上到船, 哈哈! 不過只是很近岸邊的!

跟旁邊的小船很近的呢!

在船上吃, 有風味!

大船是廚房!


船上直間不小~ mainly只得一張枱, 我們坐下來, 船不斷浪下浪下的呢, 又幾又特色風味wor, 哈哈 XD 我們點了個4餐, 基本上已有不少海鮮, 食物質素比想像中好~ 避風塘炒蟹、鴨瀨粉、蟶子都好吃呢! 不過最特別的當然是上船開餐啦, 搖下搖下咁食, 又幾得意既~ haha! 我們都影了不少相~ 不過略嫌近岸左少少啦, 我們在船上都能見到碼頭的, 汗! 好想可以好似以前咁, 船隻可駛出海中心呢!
另外, 船員的服務態度比想像中好很多, 有驚喜 =p

白灼蝦, 炒蜆, 白灼魷魚, 蒜茸蒸蟶子

豬肚, 韮菜花, 避風塘炒蟹、燒鴨瀨粉


開得飯喇~~~

自拍~ 要有在船上的效果 =p


我們吃了2小時左右, 之後還有tony wong的cake做生日蛋糕! 我們買了4小件~ 我一星期內吃了4餐生日飯呢!! 1月真係太多人生日了 XD tony wong的蛋糕好吃, 真不錯 =) happy birthday to jelly~ 認識了你近20年了呢, kakaka, 時間真係眨下眼就過喇 =p
最後剩下我們2船客, 船少了, 見到更多海呢~ 終於有多點在海上的感覺了~ 哈哈!!

TONY WONG的蛋糕~

happy birthday to JELLY =)

後面冇船lu~

上岸lu~
食店: 信記避風塘海鮮美食
地址: 銅鑼灣避風塘


回到家11點幾了! 我明天要出trip 2日呢, 唉, 好煩, 唔想去呀! 今次仲要去一個未曾去過的新城市, 我真的很累了 =(
識飲識食 | Comments:0 | Trackbacks:0 | 2013/01/23(水)