Daisypath Anniversary tickers
告別2012
又走到了2012年最後一天了
公司今年竟然可以收5pm, 出奇的好
不過對我來說也沒什麼, 因為我都沒什麼事做
今天最大感覺是, 我又病了
晚上飲了感冒茶, 正當我認為自己要用苦茶迎接2013年的時候
正當我又要回想去年自己病得有多慘的時候
有朋友在fb上說"願2013年苦盡甘來!"
頓時茅塞頓開
這真的是雪中送炭的一句, 苦中一點甜...


在2012最後一天, 總要小小的地回顧一下2012
今年最開心的是剛剛過去的6人釜山濟州之旅
很開心、很感動、很幸福的一次紀念之旅
今年有很多變化
有以為變好了的、有工作的煩、有家人的健康....
連妹妹都說我有些壞脾氣改善了
記得去年師傅說過, 我的2012很辛苦
如果, 最苦已是如此,
我真的十分感恩
因為再苦, 我都已捱過了!
2013年, 我也有一些計劃
也許是對自己一種挑戰?
我也很期待那天快點來臨!
我願意相信
2013年, 沒有最好, 只有更好!
畢竟我們連所謂的"末日", 也一起走過了! 不是嗎 =p
也祝福大家
未來一年, 要和諧, 友愛, 快樂!
happy new year!!
生活點滴 | Comments:2 | Trackbacks:0 | 2012/12/31(月)
風雨交加, 狼狽萬分的西貢灣仔露營 - 下
昨晚橫風橫雨, 很吵! 加上想東想西, 整晚都睡不好! 每隔一小時都醒來! 真可憐! 早上6點幾就聽到外面有人聲了! 8點捱不住, 要起身出去toilet, 外面很很很凍呢! 那麼早, 已經有很多人起身活動起身煮野食了! 我們等到近10am先齊人起曬身梳洗好!
本來打算一早煮好早餐, 食埋野就快快走人! 但大家最後決定放棄堅持, 還是拆營喇喇聲走人! 實在太凍了, 什麼mood都沒有嘛... 臨走前都在營前拍下照, 去証明自己的存在 =p

拆營, 預備走了!

又要行番大半小時出去搭小巴, 幸好剛剛好有車呢! 坐了半小時回到西貢市中心, 因為冇食過野, 有少少暈暈地 >.<

goodbye灣仔營地!

在市中心, 暖多了! 大家吃埋lunch先散水! 去了吃泰國菜, 不錯, 不過我實在沒有胃口, 很反胃....


雖然今天wild camp很辛苦, 不過都總算是一個有趣的經驗!
最心痛的是他病了, 還說要來, 說什麼他不去我會失望
就算我失望冇得去, 就算去唔成, 都唔及你病了都要來唔開心啦
唉....

回家前還發生了意想不到的事! 點解會咁...
我覺得, 這2日真係好黑仔, 唉...

回家5pm, 倒頭大睡, 晚飯也于吃
大昏睡了14小時!
不過睡眠質素很差...
而且, 我凍親, 病了! 唉.... 跟去年尾一樣, 好邪!
香港足跡 | Comments:0 | Trackbacks:0 | 2012/12/30(日)
風雨交加, 狼狽萬分的西貢灣仔露營 - 上
2個月前, 已經約好了12月29、30日去露營! 不過JELLY &阿豪臨時有事, 最後只剩下我, ben, jennifer & chris 4個人去咋! 因為他病病地, 加上天氣冷, 我也實在沒什麼mood, 所以決定去近近地、不是很辛苦的西貢灣仔露營!

儘管天氣很差, 又凍又下雨, 我們還是如期2pm在西貢集合, 先去吃了大大件的pizza,之後去超市買埋其他用品……

勁大件的pizza, 2個人share一件就夠了!

之後4:30pm左右等埋chris到, 才搭小巴去灣仔營地! 這個營地是在上次我們去海下灣浮潛的附近, 落了車, 要行大半小時才到! 幸運的是此刻走路時沒有下雨呢! 下雨真係唔知點行… 也幸好路不是太難行! 越行近camp site, 就越有更多牛牛呢!

沿路景色不錯的, 望到海下灣的

終於到達灣仔營地喇!

一去到, 都近5pm了! 想不到天氣不好, 都有咁多人來露營呢! 我們霸了塊不錯的平地, 有樹陰可以檔下雨! 天氣不好, 我其實真的很冇mood! 趁未天黑, 我們先架起個8人營, 去過wild camp 3次, 次次都係用這個8人營呢!

起營!

我和fer, 在營內避風避雨 =p


Set好營, 天都昏昏暗暗了! 我和fer在營內休息、執野! 2個男人就在外面準備cook set和帳篷! 哈! 好不容易set好曬d野, 我們也在開始煮野食! 煮臘味飯和雞翼! 點知這時候下起大雨和大風來! 我和fer都打算在帳內避下, 點知煮煮下, 天氣實在太太太太太太差了! 我們都是轉個地方, 避避風頭才行! 汗!
於是我們移了去洗手間外的洗野處! 那兒有很多洗手盆、遠離洗手間、又有瓦遮頭的, 可以檔風檔雨! 這一夜, 我們就這樣站內了2小時來煮臘味飯、雞翼和打邊邊! 打邊邊有肥牛、豆苗、娃娃菜、芝士腸和菇~ 我們邊吃邊笑, 身邊不處還有近10隻牛行過, 情境真是太有趣了! 天氣越來越冷, 雖然我沒什麼胃口, 不過還是爭取多吃幾口來暖胃一下!

燒汁雞翼, 臘味飯

還有打邊邊~ 肥牛好好吃


因為天氣實在太冷了! 應該只有幾度, 所以我們原定了要吃的蕃薯糖水都沒煮來吃呢! 大家都冇mood又懶洗野, 汗!

10點幾回到個營, 我們3人都想睡了, 因為風雨交加, 我們都累壞了! 我沒心情得相也很少影! 根本不像平時的我….
只有fer還有興致, 想吃糖水想吹水, 哈哈!

我說, 有時做人真係唔需要過份堅持! 人一但放棄, 成個人會輕鬆好多的… 我們今次就是太堅持要來了 =p

晚上, 勁大風勁大雨, 我睡在睡袋中, 真係覺得好凍呢 T^T 風雨聲勁大聲, 真可怕, 好像會把個營都吹掉似的 (雖然話天跌落黎當被cum姐) 整晚在想東想西, 我完全睡不著呢, 好可憐 >.<
香港足跡 | Comments:2 | Trackbacks:0 | 2012/12/29(土)
近視加深了
之前戴了N年的眼鏡爛了! (可能戴了有7, 8年) 斷了一隻耳仔呢! 汗!! 戴唔到了, 今天終於去了配一副新的! 很普通的黑色粗框, 買了一副近年流行的大框 (大大地啦) 不過都係mainly在家戴的, 是但啦!
也很久沒驗眼了, 近1,2年配con因為想即拎所以都沒有驗.... 今天一驗, 噢, 我左右眼都375度了! 之前還以為自己散光呢, 汗!



因為種種原因, 加上近年對眼真係越來越乾! 我真係考慮緊想做激光一了百了呢.... 畢竟我都戴左con 10年了! d人話真係有quota的呢!
生活點滴 | Comments:0 | Trackbacks:0 | 2012/12/28(金)
Boxing Day~*
假期最後一天了! 今天是boxing day, 記得小時候, 真係會把禮物留到今天才拆呢! 今天的我當然沒有什麼禮物要拆啦! 要拆的早已拆了....
昨晚好好訓呢! 張床好舒服呢 >w< 如果將來張床有咁大咁舒服就好 =p 訓到11am先起身呢! 沖了杯咖啡飲, 應該是很不錯的咖啡, 不過我唔識欣賞, 哈哈!
起身後不久就要check-out了! 真係勁快就玩完, 鳴..... >.<

我唔識欣賞的咖啡, 哈哈!

臨走前要影番張相, 哈哈!


本來好想吃過all day breakfast或是egg benefit做brunch, relax和british一番.... 不過附近沒有呢! 最後去左"一粥麵", 成件事唔同曬 T^T

之後去左按摩!! 本來打算這2天找間不錯的massage做spa的呢! 不過真係好貴, 都係留番去東南亞地方時慢慢享受吧! 在韓國回來後一直都很累, 一直都想去, 但都留待今天和他一起去! 哈哈! 按了90分鐘, 很酸痛, 都很爽! 按完感覺鬆番少少 =)

最後去了shopping, 幸好有收穫.... 好想再買多件褸呢! 又是時候為個半月後的日本中部之旅準備了!

就這樣, 2天的聖誕假期就結束了! 幸好明天已是星期四, 番多2日又放! 現在, 大家還是一起期待2013年的到來吧 =)
節日慶祝 | Comments:0 | Trackbacks:0 | 2012/12/26(水)
Merry Christmas @ Novotel Citygate Hotel~
一開始本來計劃聖誕兩天假期跟他一起去珠海book間溫泉酒店hea番2日的, 不過太遲book, full左lu... 最後book左晚東涌Novotel Citygate Hotel一晚, 入東涌hea番2日~ 酒店價錢都好合理既~ 2年前我們去越南芽莊, 就是住novotel, have a very good experience, 所以他對novotel感覺和印象好好, 哈哈!

2pm入到東涌, 去food court食完野就去酒店check-in了! 聖誕假期, 人真的不少呢! 上了房, 房間有33 sqm, 不算很大, 不過很modern, 都幾令~ toilet是開放式的! 有點意外的是竟然沒有浴缸呢 -__-|||| 房間的view不錯, 很開揚, 望到360、大海和機場呢~~~

Novotel Citygate Hotel

view不錯的呢~~


看了一會兒TV的AVATAR~ 剛剛才說起這電影呢, 想不到立即就播了! 哈哈! 在房hea了一會, 之後落樓下的outlet逛逛, 不過什麼都看不中, d衫太"垃圾"了!
之後搭酒店的免費shuttle bus, 往機場去! 好像是第一次不是去旅行的身份而去機場呢! 感覺真奇怪! 最大的感覺, 是很想再去旅行呢 T^T 在T2見到早2星期我們出發的P counter, 真係好懷念呢, 好想再次encore >.< 好彩, 我仲有2個月又去日本了!! 哼哼!!

free shuttle bus去機場

機場的xmas decoration, 早2星期仲未有的呢!


買了晚上的imax飛看哈比人, 所以plan定來機場dinner~ 去了機場富豪酒店吃xmas meal~ 來到, 才想起原來幾年前大學畢業的annual dinner是在這兒舉行呢 =p
我們去了China Coast Bar & Grill, 上網看過食評不錯的呢! 主要是吃扒, 聖誕節都有得單點, 沒有坐地起價, 真好! 不過, 我們最後都是點了一個christmas set再加一個burger, 價錢和水準, 都好合理! 今晚客人不多, 也好! 我們也樂得清靜 =)
個christmas set有5=course, 好多野食! 味道食, 菜式都幾特別! 聖誕節, 都有應下節食下火雞, 個火雞卷好食! 火雞肉難得的肉嫩, 有驚喜! 單點的burger也好吃! 滿足的聖誕餐 =)

栗子西芹湯 (好飲! 有驚喜), 帶子大蝦

牛柳, 火雞卷, angus beef burger, christmas dessert platter~


Merry Christmas with you ^3^
食店: 華岸酒吧扒房 China Coast Bar & Grill
地址: 赤鱲角香港國際機場暢達路9號富豪機場酒店地下


dinner完, 8點幾, 行番去T2準備睇戲~ 未開場前去了機舖打機! 他在玩騎馬機, 他說好有童年回憶呢! 以前中學成日同D friend勁玩wor =p 不過我完全冇玩過, haha!

他很喜歡的騎馬機! HAHA~

第一次去機場睇imax, 哈哈!


睇完3小時的電影, 已經12點了.... 之後一起回酒店~ 好開心 :)
2012年的聖誕節就這樣渡過了!!! 我還是想說, 我今年真係冇咩聖誕的感覺! haha!
不過, 開心就得啦~ 祝大家也聖誕快樂 =)
節日慶祝 | Comments:2 | Trackbacks:0 | 2012/12/25(火)
<哈比人–不思議之旅> (The Hobbit: An Unexpected Journey)

導演 :彼德積遜
演員 :伊恩麥基倫, 馬田費曼, 李察阿米塔吉, 姬蒂白蘭芝, 伊恩霍姆, 基斯杜化李, 曉高韋榮, 伊力查活, 愛迪撒堅斯

《哈比人 – 不思議之旅》由金像大導彼德積遜執導,是改編自J.R.R.托爾金經典奇幻文學名著《哈比人歷險記》的《哈比人》電影三部曲的第一章。《哈比人》電影三部曲發生在《魔戒》故事60年前的中土大陸;講述哈比人比爾博巴金斯被迫捲入向巨龍史矛革宣戰,拯救孤山矮人王國的冒險之旅。在途中,他碰見巫師甘道夫,並發現自己加入了由傳奇戰士索林橡木盾帶領的十三矮人兵團。他們的旅程要深入荒野,橫越哥布林及半獸人、座狼與魔法師潛伏之地。 雖然他們的目的地是東面的孤山荒原,但他們必須先逃離哥布林隧道。在那裡,比爾博遇上了改變他一生的小妖精 – 咕嚕。 比爾博帶著咕嚕在一座地下湖泊的岸邊停靠,他不但找到對付敵人的機智和勇氣,還得到咕嚕的「寶物」魔戒…這枚平凡的金戒指潛藏著意想不到的魔力,它更連繫著整個中土大陸的命運。


不是lord of the ring的fans, 不過都對哈比人有興趣既~ haha! 看的是IMAX 3D版, D景真係好令!!! 尤其是精靈王國和那些雪山, 令到暈! 睇完真係好想去NEW ZEALAND!!
電影活像是Lord of the ring的翻版冒險故事, 都幾緊張刺激的~ 不過電影所有主角都再沒有令仔令女了! 哈哈!

3小時的3d imax看到令人雙眼好累呢! 想不到這樣也要分3集 =_=|||| 而final boss是一條噴火龍!??? 汗!
劇集電影 | Comments:2 | Trackbacks:0 | 2012/12/25(火)
*Christmas Eve 2012*
轉眼就來到平安夜了! 不過工還是要番的! 初時還以為今天放5pm, 但之後先知原來是21號和31號才放5pm呢! 今天還是如常放6pm -__-|||| 不過是但啦, 反正公司今天都沒什麼人, 很冷清, 電話少, email更少!
lunch跟同事們開christmas party, 食物點了美心的~ 每年都總有同事會親手整野食, 今年也有, 是綠茶蛋糕! 真不錯! 十幾個同事一齊開P, 終於有番少少聖誕氣氛! 哈哈!

PARTY FOOD

十幾個同事開PARTY~

開餐喇!


另一個重點環節, 就是拆secret angel的禮物了! 每年都弄出不少笑話 =p 大家拿了自己份禮物後, 就逐一拆了! 拆完之後就估是誰送的, 哈哈! 好好笑 lol 最好玩都係呢part XD
我今年抽到做男同事M的secret angel, 我買的禮物是手襪, 戴了都可以繼續用smart phone的呢, 見人家會去意大利出trip, 應該點都arm洗卦 =p 禮物是昨天才買的, 好彩都冇俾人hur俾人嫌棄姐, 哈哈! 我抽回來的是too cool for school的hand cream和body cleanser, 都係大路吃, 但可以接受~ 起碼唔係crabtree, 哈哈!
PS* 其實我真係唔太鍾意買禮物俾人! 好大壓力又好煩! 不過secret angel開禮物果刻幾好玩既 =p

大家拎好自己份禮物先!!

我送的禮物、我收的禮物 =)

大家拆好禮物了~~ yeah!! merry christmas!

仲有飯後甜點 - macaroon & godiva chocolate~~


christmas party玩到2:30pm先開工! 當然沒心機做野! 6pm即走, 他接了我收工! 今年的平安夜平安萬分, 什麼節目都沒有wor! 都是因為自己把所有focus都放在旅行上, haha! 連行去影下海港城的decoration都沒有興致, 哈哈! 這是不再是少女的表現嗎? 哈哈!!

收工後立即跟他去了電器店~ 我送了部samsung note II給他做聖誕 + 5週年紀念的禮物呢 (是我們的5週年, 不是歐遊5週年, HAHA!!) 他就正呢! 我就大出血破費了 >.< 不過你高興就好了! KEKEE*
在電器店攪了很久, 因為要過data呢! dinner很簡單的在沒有加價的caffe habitu吃而已~ 實在不想再花錢了~ haha~ 簡簡單單, 跟你一起過就好了 =)

簡單的christmas eve dinner~~

我送給他的聖誕+anniversary禮物呀! samsung note 2! 你就正啦 XD


跟他提議明年2013年考慮下一起在聖誕外遊! 去日本啦, 有xmas feel呀! haha! (歐洲唔洗喇, 死城, haha)
很早就回家了~ 明天後天再玩過了~ Merry Christmas~~
節日慶祝 | Comments:2 | Trackbacks:0 | 2012/12/24(月)
Bonbon's新居House Warming Christmas Party*
聖誕節真的快來了!! 一早約了fc2的大家, 今天要去bonbon的新居house warming呢! 加上可以慶祝christmas, 而bonbon又可以派帖呢~~

2:10pm約了bonbon, 小嘉, 小透, ketu在西鐵站等! 本以為自己會遲少少呢, 但點知又armarm好wor~ 反而有人更遲 =p 由西鐵站行去bonbon家10分鐘左右 (路已忘了, haha)
未上屋時, 已經覺得屋苑很不錯~ 好新淨而且密度低又幽靜~ 抵買呀 =p
bonbon的家很大呢~ 因為新入伙所以完全沒有雜物, 空間更大! haha~~ 裝修很多都是mr cloud的爸爸整的呢, 厲害!

bonbon的新居~

小朋友來之前, 我們玩了card name矮人掘金! 好玩呢! 我話曬都嬴左2次有3粒金架 =p 不過小朋友來了我們就要收檔了! 因為他們會"搗亂"呢 XD
hayley送了christmas card給我們, 有她自己寫的名字和一隻疑似怪獸呢! haha!! 好cute~ thank you very much!
之後LALA和NANA一家都來了, 4個小朋友玩得瘋了, 走來走去又叫來叫去~ 真是精力充沛呢! 厲害!

謝謝HAYLEY的christmas card呢~ 好warm~

玩得好開心的小朋友們...


我們趁有少少時間玩了幾場"牛頭王" =p 之後就差不多開飯了! 食物是壽司和mr cloud去拎的外賣pizza和意粉~ 都幾好食wor, 味道不是很大路那些! 而家幾抵! so good! 食物份量剛剛好, 唔洗驚食淨 =p 多謝mr cloud和bonbon請我們呢 :)

dinner有壽司, pizza和意粉等..

大合照~

開飯了~


食完飯抱了一會不會哭的hector仔影番幅相, 他的面珠圓了很多呢 =p 這個時候的bb最可愛了 =p 之後開始變惡魔 XD
之後dickson發表了他的"非常外父論", 好好笑!! hahaha!!! 不敢想像十幾年後點算好 XD

HECTOR仔和ETHAN~

小嘉, BONBON, KETU, HECTOR, 小豬~


BONBON差點忘記了做今天重要的事, 就是派帖了! HAHA~ 真係恭喜曬呢 =P 下個月, 期待你的婚禮哦 :)

恭喜曬mr cloud和bonbon~

趕9pm的shuttle bus去西鐵站, 但點知漏左野呢!! 麻煩bonbon出黎拎比我呢!! 你份人情我識做架喇, 哈哈哈!!

PS* 近2年, 覺得自己個樣同笑容少左份少女味, 不過亦多左幾分女人味wor! 哈哈哈! (其實係對比緊大學時, 即係都起碼成5年前喇! 事實上而家的我都唔可以叫做"少女" =p), 係就係有D懷念以前, 不過都沒有可惜既! 因為亦覺得自己好似越來越有味道, 是另一番韻味 =P 以前是天真無邪, 而家係輕熟有自信, 哈哈哈 (繼續讚自己 =p)
生活點滴 | Comments:6 | Trackbacks:0 | 2012/12/23(日)
Sandi's big day~
說好的了末日沒來臨! 恭喜我們都存活了.... 不過日子還是要過! life must go on..... 開始打釜山濟州的遊記了, 希望明天可以完成day 1啦!

晚上, 是disney舊同事sandi的大日子! 2012年有3位朋友結婚, 這次是2012年最後一個炸彈了~ haha~ 往後應該越多越多, 明年2013年, 目前已知道的有2位朋友會結婚擺酒的了 *0* 幸好昨天抽中了300蚊, 正好幫補一下, haha~~
7pm約了hidy, sharon & stanley在cwb皇室堡等~ 最後攪到7:30pm先齊人, 哈哈! sharon還未到, 我們就先進去霸位~ 我們坐在第11枱, 位置也ok呢~ kekee* 等齊人才出去影相呢 =p

我們坐第11枱~

在門口也要合照, haha!


時間尚早, 我們都有機會走出去跟新娘子影相呢, 呵呵! 我還有幸可以企係新娘子旁邊! yeah! 記得4年多前認識sandi時, 已有聽她說這位老公了! 很sweet的~ 今天共偕連理, 真替她高興! 恭喜曬sandi啊! 我們也送上祝福! 新婚快樂啊!

恭喜曬呀sandi =)

sharon, stanley, leif, sandi, karen & hidy~


8:30pm才正式開席, 首先播成長片段, 之後一對新人就march in進場了! 剛好我們的位置很不錯, 我又可以正面影到一對新人呢, kaka~
之後新人宣誓和簽紙, 就正式成為夫婦了! 之後更咀足1分鐘 =P 再來是切蛋糕和祝酒 =)

新人march in進場了~

咀足1分鐘 XD


餓了~ 開始上菜了~~~ 我們那圍有11人, 除了我們4個, 另外的都sandi爸爸的同事, 是一班中年人! stanely還跟人家搭訕, 好攪笑 XD
我們4人也有自娛, 不斷在自拍 =p 笑到肚痛~ 另外還談了很多男女之道, 總之男人就是怕麻煩, 女人就是要清清楚楚啦! 家家也有本難唸的經, 並勉之 =p BB果個真係死了! 好想嘔 XD

拍照自娛 =P

敬酒時間, 我又能捕捉到新娘子的正面, 因為sandi剛好企係我旁邊呢, WAHAHAHAHA!!

敬酒 =)

近11pm才散席~~ 當然趁著最後機會送上祝福! 因為人不多, 我們還能有一人一張單人相呢, 非常難得 =p sandi連埋婚紗穿了4套衫, 我都有近距離拍到照, 真不錯呢, kekee~~

每人都有單人照, yeah!!

還有紀念品~


見到朋友結婚, 進入人生新階段真的很高興 =) 希望sandi和leif執子之手, 與子偕老... 恭喜曬! >w<
生活點滴 | Comments:0 | Trackbacks:0 | 2012/12/22(土)