Daisypath Anniversary tickers
大閘蟹宴 + Hangover
常常說要去同事V的娘家BBQ, 早2日又再提起, 加上今日是同事S last day, 所以就臨時約了今天收工後一起去! 趁在大閘蟹季節收爐前最後一擊!
收工6:30pm即走人, 同事V的司機載我們過去~ 不過同事S因為是last day, 所以今晚要留守到8pm呢, 要自己打的上來, 哈哈! 因為是臨時約, 所以只得我們部門5位同事+同事J 6人而已~ 同事V也叫了她的朋友上來~

同事V娘家在飛鵝山, 這個地方實在太少來了! 不過其實成日都好想上黎睇日出, 如果有車就好啦! 同事V的娘家絕對是層豪宅啦! 幾千呎, 又有好幾層, 大家都睇到嘩嘩聲! 哈哈哈!! 分好多個角落, 大廳、幾個中/西式的飯廳 (個中式飯廳成個酒樓包箱lor!! 哈哈哈!)、酒窖、酒吧枱、勁似名媛望族那鍾卓萬的書房~ 十分豪華! 裝修真誇張 XD 不過最有趣的都是他們家勁多相架, D相勁攪笑, 哈哈哈.... 我們一度質疑同事V整容 XD

豪華大宅

個書房最正! 勁似鍾卓萬的書房 XD 仲有個好over的中式餐桌


參觀完冷靜後, 在等同事S來之前, 我們先坐下來喝喝酒, 喝的是同事V爸爸的以色列酒莊所醸的酒, 多架勢 XD 餓了, 就吃了同事S的散水餅, 是在hotel icon - GREEN買的cupcakes, 好食wor =) 說到的話題有屎尿屁, very ugly, haha!

餐前酒....

飲杯酒, 食年cake先~~


等到8:30pm終於齊人lu~ 終於開飯了! 大閘蟹是今天的main dish!!! 本來我只是說吃2隻, 但最後我吃了4隻呢, 嘩哈哈! 好像從未試過一次吃4隻那麼多! 不過可能近季尾了, 所以唔算多羔呢, 而且羔不是很黃啊 >.< 所以才想吃4隻補一下 XD 大閘蟹, 我今年都有吃過10幾隻既, 下年再見了!
晚餐還有生炒糯米飯、雞翼、菜、生磨杏汁湯丸! 好多都係同事v爸爸特意準備的! 順德人煮餸真係勁呀! 10點幾11點, 同事v的父母也回來了~ 平日聽他們的攪笑事多了, 今天又有機會同場, 真攪笑 XD

張枱勁似酒樓, 好浮誇 =P

大閘蟹呀!!!!!!!!!

生炒糯米飯、雞翼、菜、生磨杏汁湯丸

我食左4隻, 食埋呢隻, 今年收爐了!!


dinner完我們移出了花園繼續飲! 由12點吹水至3點幾... 同事V發表了很多工作的偉論, 好好笑 (雖然平時已經聽夠了 =P) 不過我一向都好appreciate佢對大家的關懷 (雖然唔關我事, 我是局外人 XD)
其實我今晚真係飲左好多, 白酒可能有10杯, 25%的Limoncello都飲左小半樽7, 8杯lor~ 不過由於控制住自己的情況 + 飲得慢d, 所以冇醉wor =p

事發現場~ 飲完lu...

凌晨時份, 大家又有點餓了! 摷了點薯片來吃 (但好像過期了!) 還想煮公仔麵架, 不過又是過了期一年的! -__-|||| 同事V明天一早還要飛, 所以她老公來了接她, 順道車了我們到彩虹! 我們各自打的回家~ 我永遠都跟同事J同路, 所以可以分擔一點的士錢, 哈!

凌晨時份, 肚餓.... 有人死都要煮過了期的公仔麵!

回到家4am, 仲識除con卸妝除衫先訓, 尚算清醒 XD
生活點滴 | Comments:2 | Trackbacks:0 | 2012/11/30(金)
發掘新餐廳
在TST工作了4年多, 再加上晚上也常約朋友在TST飯聚, 所以其實很多餐廳都試過~ 不過食肆實在層出不窮、關一間又開番間, 所以都仲係有很多新選擇! 今晚又跟他發掘了間新的, 在加拿芬廣場的日本餐廳, 看似不錯呢! 店舖有不少日本人, 裝潢也不錯~ 食物都好吃! 見到旁邊還有2間同集團的食肆, 下次也可試試呢!

燒鯖魚、串燒 (帆立貝、牛柳、牛舌、大蔥雞肉)、鵝肝石頭飯
食店: 響 Hibiki
地址: 尖沙咀加拿芬道20號加拿芬廣場2樓


呢個世界, 從來冇話冇左邊個唔得..... 每個人都不應該不把自己放得太大放得太重要!
就算你有多厲害, 還是敵不過全世界, 所以做人都係謙虛D好....

終於兌換了韓圜 , 比去年聖誕時升了不少呢! 不過我兌換果少少錢, 就算啦, 哼哼!
我還是留意住d yen 比較實在!!
識飲識食 | Comments:0 | Trackbacks:0 | 2012/11/29(木)
Ariel's Bday Dinner @ Bill's home~
在city u影完畢業相, 我們就上了朱bill的家開ariel的生日party! ken不能來呢, 所以只有我, ariel, ben, bill & jacky 5個! 上年ariel生日也是在bill的家攪的呢! 哈哈!
在taste買了少少東西, 勁多人排隊! 痴線架! 行左好多路, 搭左好耐車先上到朱bill遠在天邊的家! 我們都累死了啊!!! 回到去差不多7pm, 將軍澳真係好遠lor!
這次party的食物, 又是上網order的! 主要以海鮮為主! 蠔、mussels、三文魚、帶子、蟹、羊架、牛柳粒, 呵呵! 是我上星期order的, 今早才送貨到bill家呢! 好新鮮架~ 另外, 仲有bill家私伙的鵝肝呢, 嘩哈哈!!

這次的食物! 蠔、mussels、三文魚、帶子、蟹、羊架、牛柳粒…

我們近7pm先開始煮野食呀! 之前以為沒什麼要弄很快就KO曬D野, 點知個羊架攪左好耐! 羊架成rack咁, 本來好想成rack焗架, 因為會嫩d juicy d~ 不過驚焗2個鐘都唔熟, 所以都係決定切好一件件先焗! Bill幫我把羊切好, 之後我用自己帶來的pepper and herbs來醃肉~ 攪掂好就放入焗爐焗, 個焗爐仲放左係食飯枱度焗tim…. 焗左成個鐘, 亦因為要等佢熟, 其他野我們要慢慢做 -_-|||| 不過好彩都好成功! 好味道! 另外還有幾件冇位入爐, 沒有時間再焗, 我就快手快腳地把它們煎熟了, 哈哈哈!!

準備切羊架!

入爐喇!


另一個大工程, 就是要自己開蠔了! 今次是由ben負責的, 蠔刀是我由家裡帶過來的, 哈哈! 今次訂的蠔都是法國蠔來的, 因為近排當造呢! 分別有$20/隻的fine de claire和$22/隻的KYS Marine~ 你出面食起碼要$40/隻呢! 我們每人各一隻, 即是ben要開一打蠔呢, 哈哈! 雖然這是他的第一次, 但都很成功啦~~ 看來開蠔都唔係好難姐 =p 今次的蠔幾肥美, 比上次$17/隻的irish rock好食好多! 果然一分錢一分貨~ 不過我們竟然忘記了買檸檬! 哈哈~

ben開左一打蠔呀! 勁!

之後我煮埋我拿手的白汁藍青口, jacky終於有幫手洗青口, bill幫我切左半個洋蔥, 佢好感動, 勁喊 XD 快快手地KO左個藍青口, look nice!
再來就煎鵝肝! 我幾年前煎過一次的, 今次都係先在2邊撲生粉, 之後大火煎, 不過因此鋪左鍚紙係底, 所以好難煎…. 個鵝肝越煎越多油, 好恐怖! 哈哈! 不過我好失敗, 竟然唔記得落鹽lor!!! 汗…. 好彩鵝肝味濃, 沒鹽都可以….

煎鵝肝和牛柳粒~

攪左個幾兩個鐘, 終於食得喇!! 8:30pm左右先開得飯 =p 食物鋪到滿枱都係, 好正! 大家都拿起手機相機拍照! 仲開左2支bill家私伙的白酒, 正呀! 去bill屋企痴飲痴食真係好 XD
我們又買了生日party的帽, 又開生日party了, 真係好興奮! 今次買的好簡單, 是淨色閃的~ 本來想買mickey mouse的, 不過得4頂唔夠分呢 =__=|||
餓死了的我們終於有飯食了! 辛苦了2小時終於大家都能坐下來一起吃, yeah~~ 好開心 =)

香草焗羊架, 黑椒牛柳粒, 香煎鵝肝, 白汁藍青口

麵包蟹, 三文魚刺身, 生蠔一打, 帶子刺身

朱bill私伙提供的白酒2支 (應該係佢老婆try姐主動提供 XD)

CHEERS!!

好豐富呀! 我們都是good chef!

Karen, ben, bill, jacky & ariel~ CHEERS!


飲飽食醉, 正呀! 大家都吃得很滿足吧~~~ yeah! 我係大廚黎架! 飲左酒, 大家都high high地 XD bill老婆try姐都放工回家了, 我們開了第2支玫瑰酒6個人繼續飲 =p bill家真係, 次次來都有無限美酒供應!
我們邊看try & bill結婚時的video, 邊在video中尋找自己的身影, 得勁少呢, 哈哈! 睇d玩新郎片段, 好攪笑~
之後, 沒有怎樣幫手煮野的ariel和jacky入左廚房洗碗, jacky is the master of洗碗 =p bill和ben就在很high的打機, 跳曬舞, 顛左咁, funny gesture!!!

呢支rosa好好飲!

Ariel, karen, jacky, ben & bill 5個當年是歐洲之旅的members呢!!

各自各玩, 洗碗, 打機!


之後趁ariel入了toilet, 我們立即拿了蛋糕出來, 熄定燈、點定蠟燭, 一等ariel出來我們就一起唱生日歌了! So happy =)
今年已經是我們第6年一起慶祝ariel生日了, 勁 XD 近年都是home party, 玩得特別瘋狂呢, 哈哈!
Happy birthday and wish u all the best! 釜山濟州, 再玩過 =p

happy birthday to ariel~

Wish u all the best*

Jacky, ariel, bill, try, ben & karen~


11:30pm走人, 我再去了cwb下場繼續飲…. 3個人開左3支白酒, 不過因為是在外面, 我人是比較清醒的, 仲識照顧人tim , haha!! 飲到3點幾就打的回家了….
生活點滴 | Comments:4 | Trackbacks:0 | 2012/11/24(土)
恭喜Ariel Master畢業了!
11月是ariel生日, 一早約了aberdeen之友於今日跟她慶祝! 剛好ariel master又剛剛畢業了! 今天我們下午就先一起去city u跟她影master畢業相! haha... 我都係第一次同朋友影master畢業相咋, kaka! 為隆重其事, 我, ben, bill, jacky & ken還特意買了紮花來恭賀呢! 花是由JACKY買的向日葵 (ken說是菊花! 汗)
我們先在city u的canteen吃番個下午茶~ 久未踏入過校園了, 感覺很young, 哈哈! (雖然我跟city沒關係 XD)

食tea先~

之後就去左城大廣場影相! 之前有friend在city grad時也來過拍照的~ 我今天還特意帶了部單反來影相的呢! 一來是要在旅行前預習啦! 二來是也想照片漂亮一點啦! ariel還帶了腳架來呢! 所以可以set機拍合照呢!! 我們今天的組合, 正正是3星期後出發去韓國的組合呢! 我們都說set機是在為過幾個星期的旅行做準備和練習! kaka*

自己係度玩, 哈哈!

恭喜ariel master畢業! 勁呀!

仲係度玩弄隻畢業hello kitty公仔 XD

大合照~

大機自拍....揸機果個好易OUT FOCUS wor =p


之後去了d園林流水的地方拍照~ 我沒來過這裡呢~ 原來city也有這個地方! 哈哈! 有點像LU的山山水水和園林景色wor =p
我們都在拍照如娛, 好開心! 哈哈哈~

有水池~

有亭

擺曬post lol

繼續玩弄隻kitty, 哈哈!

jacky買的向日葵!


最後回到city的正門拍照! 好多人呢... 又有under grad又有post grad的吧~ 最後要拋畢業帽, 我就練習用tv mode快拍.... 都算ok! 還有又把kitty拋起, 我想它今天會髒了很多呢! haha!!
我對讀書沒有興趣! 所以如非必需, 真係完全唔會再讀書了! 對於喜歡讀書的人, 我雖然不理解, 不過也會欣賞有想進修的心的人 =p 如無意外我應該不會再會機會著畢業袍的了, 所以可以再跟朋友拍拍畢業袍的照片, 也蠻有趣的啦~

去正門再影!

ken, karen, ben, ariel, jacky & bill~

又玩kitty, 同埋要拋畢竟帽啦!


今天拍的照片蠻不錯的! 有進步! 拍到很多我們很開心的照片! 仲影左好多snapshot! 要keep住呢!! 3個星期, 去濟州繼續影!!!
生活點滴 | Comments:2 | Trackbacks:0 | 2012/11/24(土)
Birthday Dinner with Tammy~
這星期特別忙! 好煩! 沒有7pm都不能下班, 唉呀... 今晚約了jelly, jennifer和tammy在灣仔吃tammy的生日飯! 我近7:30pm先收得工呢 >.<
我們去了星街吃西班牙菜, 一去到餐廳門外另左, 因為勁多人在排隊! 不過都是那些老外在等happy hour喝酒吧! 本來上個月tammy已說要吃避風塘, 是真的在船上吃那種! 不過我和jelly上星期開始打去訂枱, 但都沒有接電話呢! 太可惡了!!! 我好想試呢!! 唯有等2個月後jelly生日再去試, 哈哈哈哈哈!!

1公升的sangria~~~~

cheers!!!!


waiter有跟我們介紹一下menu, 不過有點煩... 哈! 亦常說tapas比較細碟, 我們都不怎麼show他 =p jelly說我改變了, 畢竟我也有說"會唔會太多呀!?"這句話, 哈哈~~ 以前我一定是起哄說多點一些啦 (雖然今天也不是點得很少 =p)
食物比想像中好吃的, 最好吃的是seafood paella啦! 好多海鮮, 好鮮味! 好吃呢!!

grilled squid salad, mussels with frites, calms

grilled pork belly, grilled salmon, seafood paella

開飯了!


席間我們說起結婚形式和姊妹的事! 旅行結婚的定義、是否擺酒、做伴娘的經驗等.... 年近三十, 就是會討論這些東西! 而且還非常哄動! 哈哈!
我也正式開口說將來我結婚, 一定找她們當姊妹~ 哈哈! 而MC人選, 就是大家也覺得很合適, 只有當時人否認的jelly! 哈哈哈.... 她一聽到好無奈說自己唔掂 XD 不過論年資同論性格, 你是最合適的了, 走唔甩架喇 XD 不過她說如果真的堅持, 她也會做的, 我的朋友真係好sweet >w< 那就給你幾年時間準備啦~ 哈哈!!
再次澄清, 我真的沒有打算要明年結婚啦! 哈哈哈哈哈!!!

最後是吃CAKE, 在餐廳點了chocolate cake和cheese cake! 還有蠟燭的, 真好! happy birthday to tammy~ wish u all the best :) 我可是請了你兩餐飯架 XD

HAPPY BIRTHDAY TO TAMMY~

love u gals :)

JELLY, TAMMY, JENNIFER & KAREN~
食店: 1/5 Nuevo
地址: 灣仔星街9號地下

12月, wild camp見!! 哈哈哈!! 亦很期待呢! 快快一起想點點啦!

男人老狗, 竟然那麼38, 真係好難頂wor.... 現時局面很複雜, 不過請不要把我拖下水 >.<
識飲識食 | Comments:0 | Trackbacks:0 | 2012/11/23(金)
Elyze機能再生*介紹朋友篇*
雖然已經做完曬所有treatment, 不過今天收工後還是再次上了Elyze! 因為介紹了”朋友”上去做free treatment呢, 而我也陪著! 那麼熱心是因為最近Elyze有promotion, 我只要於11月30日前介紹1個朋友上去試做, 我做有$2500自選療程呢! 嘩哈哈! 勁高興!


朋友A向我的”朋友”講解, 也分享了我的成功個案! 睇番自己成個file, 真係好有成功感! (雖然我仲好有空間減多10磅呢!)
之後就做treatment了! 做的是RF circulation, “朋友”血液循環好麻麻呢, 好難先上到溫度!
之後攪到10pm, 朋友A也沒怎樣sell我們 =)

之後會再安排我的free treatment~ 其實我真係好想再減多7-8磅呀! 亦有心動再減, 不過真係唔想再花錢, 唉.... 之後才想吧! 現在, 做了free treatment再算啦! 呵呵! 有$2500架, 雖然唔多, 不過對已用曬所有treatment的我幫忙好多呢, 好開心, kaka*

為了感謝"朋友", 所以請了她dinner! 因為已經10pm了, 很多食肆都關門了~ 所以只選了和民~ 屈就下啦~ 哈哈! 跟朋友談了很多, 真高興! 我, 會繼續努力做得更好的!! =)
擊退脂肪 | Comments:0 | Trackbacks:0 | 2012/11/22(木)
Sandi派帖了!
好耐冇見過disney part time的舊同事了, 今天收工後就去了跟大家dinner~ 有我, hidy, sandi, sharon & stanley~ 大家覺得cwb最方便, 我就suggest去hysan place的新餐廳試試看~ 選了wired café~ 我只是上網找的呢! 這兒竟然有沖繩的"塔可飯" (taco rice), 即是有免治牛肉、煎蛋、沙律菜、墨西哥taco醬和芝士碎! 記得2009年在沖繩時吃也覺得蠻不錯的, 幾有特色! 想不到在hk也能吃到 =) 每人飲埋一杯50蚊的野飲, 埋單都係150蚊@,幾抵wor! 食物都好吃有點新鮮感~ 不錯不錯!

明太子意大利麵, 香草沙律火腿披薩, 奶油焗薯條, 沖繩塔可飯, 咖哩蛋包飯~

還有一人一杯特飲, 及餐廳送的chocolate brownie


是晚還說了些投資的東西, 雖然大部分人都不識投資, 但還真是不想白白把儲蓄放在銀行呢, 哈哈! 不過, 今次gathering的重點, 就是sandi派帖了!! 她下個月就結婚了, 真是恭喜曬! 記得多年前在disney做part time時, 她已經說想跟現在的男朋友在一起, 做少奶奶呢! Sandi比我還小一年, 那麼年輕就結婚呢! 真厲害 XD 所以我們還說了很多求婚、一起住、婚禮籌備工作的事呢~ 哈哈!!

恭喜曬sandi!! 真替你高興 :)

karen, sharon, stanley, hidy and sandi~~
食店: WIRED CAFE
地址: 銅鑼灣軒尼詩道500號希慎廣場14樓1403-04號舖


下個月見啦! 我地會早D到架喇 =P
識飲識食 | Comments:0 | Trackbacks:0 | 2012/11/21(水)
Get Ready for 日本中部!
今天有新同事番工, Well.... 且看後事如何吧! 我自己都夠忙了, 沒心思管其他人! 哼哼...

收工後跟小透去了charlie brown cafe傾明年2月的日本中部之旅的行程! 由7:30pm坐到10:30pm, 由行程傾到羽絨、gip、褸、頸巾.... 哈哈! 還有3個月, 是時候要plan定初步行程plan定路線, 要計下車錢同埋book定酒店了呢!
本來對日本中部認識不深的, 地理位置沒什麼概念的, 看了旅遊書才有d sense~ 如無意外今次應該會住2晚高山市! 住民宿... 有簡單的溫泉浸~ 之後再去埋日本三大名泉之一的下呂溫泉! 即是連續3晚都有溫泉浸, 一定好爽! kaka! 初步計劃的行程如下, 非常初步, 仲有好多野要fine tune呢.... 因為冬天封山, 所以冇得去立山黑部呢, 真可惜! 等我將來再去關西時一起再去吧, 哈哈!
日本中部的車費好貴, 所以應該都要兌好多yen... 幸好去年有20000yen用剩幫補少少! 近來d yen跌至半年新低, 希望繼續跌啦!

DAY 1: 香港-> 名古屋
DAY 2: 名古屋-> 高山
DAY 3: 高山-> 白川鄉-> 高山
DAY 4: 高山-> 奧飛驒新穗高-> 下呂溫泉
DAY 5: 下呂溫泉-> 金澤
DAY 6: 金澤-> 福井-> 名古屋
DAY 7: 名古屋-> 香港


burger, carbonara.....

旅遊書幫手! 都係閃閃令最好用!!
食店: Charlie Brown Cafe
地址: 尖沙咀金馬倫道58-60號國鈀大廈地下至1樓


今天找了卡數, 又交了兩期的稅款, 今個月又唔洗儲錢了 :(
識飲識食 | Comments:0 | Trackbacks:0 | 2012/11/19(月)
試新機@塔門~
買左部650D成個星期喇, 趁著今天星期天, 就跟他去郊外試機練習! 地點選了一直都很想去的”塔門”!
塔門近西貢, 不過行政地區卻是屬於大埔區! 去塔門的路非常轉折! 從家出發, 我要先搭小巴去鑽石山地鐵站, 之後再搭一個多小時的62R號巴士才到西貢黃石碼頭! 去黃石碼頭架車超遠 *0* 我們近2pm才到達呢!

到達黃石碼頭lu~

本來上網睇, 去塔門的街渡一小時一班的, 但去到碼頭原來有不少”非法”的船仔, 湊夠數就可以載人過去塔門了! 船程只是10分鐘, 每人二十蚊, 比街渡貴幾蚊, 不過快15分鐘, 值得啦! 今天凍凍地, 有些人坐了在船頭, d風吹到個頭亂曬, 好攪笑 =p

預備上船~

坐10分鐘船往塔門去! Yeah~


今天天氣非常麻麻, 又沒有藍天, 本來有想過今天要不要取消行程的, 因為去郊外拍照, 畢竟都想有好天氣架嘛~ 但我們一下船, 竟然有幾道陽光灑下來呢! 仲有少少藍天, 原本覺得很涼的我們, 立即覺得很溫暖! 呵呵~~ 最開心是有幾條陽光呢 (雖然很弱), 但雲那麼厚, 有一點點陽光透出來已經很滿足了~

來到塔門了~ 竟然有陽光呢!

一下船就聞到一陣咸魚味, 哈哈! 再往前走, 就有些賣海味的地方, 魚干、蝦干、螺頭等…. 還有些食肆, 什麼馳名的海膽炒飯、炸墨魚丸等~ 其實幾似大澳架! 不過攤檔、食肆比大澳少很多啦!
沿途仲經過每個離島都會有的”天后廟”, 不過我們沒有進去啦~

好多魚干、蝦干~ 我見到呢d野會覺得好興奮的~ 哈!

天后廟


聽說行畢塔門全部要3小時, 但我很HEA的, 因為今天的主要目的是拍照, 不是很山, 所以我們只打算去那大草地就夠了! 哈哈! 行了15分鐘左右, 就見到塔門的signature – 一大片草地了!! 真係好大片呢! 而且真是綠色的哦! 真是綠草如欣, 很難得, 正呀! 那片草地是在高地的, 可以遠望到整個不知道什麼灣~ 我覺得有d似我下個月快將會去, 在濟洲島上的涉地可支呢, 哈哈哈!

好大片草地呀! 好正呀!!

呢片草地真係好令, 都係我近年去郊遊見過最令的大自然美景之一! 正呀! 不過草地雖大, 但人也勁多呢, 哈哈! 地上有好多人在wild camp呢, 令我也好期待下個月跟大家wild camp去, 哈哈哈!
我和他隨意找了個位置坐下來, 就這樣對住個海, 坐在草地上吃帶來的壽司醫肚, 真係正! 這麼漂亮的環境, picnic真係一流呢~

nice view =)

對住個海食sushi, 哈哈!

好正!


食完野, 補充番d體力, 就拿部機出來拍拍照~ 只看個mon都覺得d相好sharp呢, 有層次感, 顏色和線條都是, 正啊! 因為我們都是初哥, 所以影得一般啦, 唔pro架, 有不少都對焦對得麻麻地 =p 而且今天沒陽光真係好可惜, so cloudy >.< 如果有陽光一直好正, 好想有藍天呢! 希望12月去旅行時, 一定要好天氣呀!!!
另外我在學習用大機自拍! 嘩哈哈... 不過真係好有難道, 咁重, 手震呀! 哈哈...

個feel幾正! 不過佢對錯焦wor =_=||||

大機都自拍到~ 哈!

yeah~ 大地在我腳下 lol

有人揸機

訓地...... 好扮野 XD

跳! YEAH.... 一take ok!


hea玩左一陣, 我們就繼續行, 行行下見到隻牛在路上呢!! 嘩, 隻牛仲有角架! 佢個肚勁大呢! 初時以為隻牛大肚, 但之後見另外幾隻都係咁, 不知為什麼!
大家見到那些流浪牛都好興奮呢! 我們也要跟牛牛拍照~ 那些牛牛不理我們, 照在吃地上的草, 哈哈哈!

3大隻流浪牛呀!!! 在吃草, 好正!

拉著牛拍照~

在另一邊拍過去~


之後我們就行去"疊石"那邊~ 是塔門的景點, 就是兩舊大石疊在一起啦, 哈哈! 像個"呂"字一樣~ 應該是以前不知道怎樣weathering而成的吧 =p
山上還有很多椅子給途人們休憩, 環境很優美的呢~

在山上看山下!

休息一會~

像個"呂"字的疊石!


我們沒有行畢全程, 再好了一處大草地, hea下, 飲下野, 就番歸了.... 一點也不辛苦, 好輕鬆 =) 回程時都見到好多流浪牛! 有D wild camp完的人還用麵包來餵牠們呢! 牠們把條脷都伸出來了, 紫色的, very ugly >.<

老人與海 XD

嘆下先!

回程時都見到好多流浪牛!

途經天后廟, 都是那樣子啦 =p


4點半回到近碼頭的食肆~ 我們也來個early dinner! 吃吃塔門馳名的海膽炒飯, 炸墨魚丸, 無冰凍奶茶~ 那海膽炒飯竟然索價70蚊, 嘩, 真係好貴! 不過一上枱我又覺得ok wor, 因為樣子很討好! 而且也吃得出和聞得到海膽味呢, 很難得! 好食wor! 炸墨魚丸, 無冰凍奶茶都好吃, 真有點喜出望外!

塔門馳名的海膽炒飯, 炸墨魚丸, 無冰凍奶茶~
食店: 新有記
地址: 西貢塔門海傍街


極速以半小時不到的時間吃完early dinner, 之後就趕搭5pm的街渡回黃石碼頭了~ 街渡是合法的, 船大好多, 每位14蚊, 不過就因為會停一停高流灣, 所以時間更久呢! 而且架船比非法的快艇開得慢好多 =_=|||

搭街渡回黃石碼頭lu....

回到黃石碼頭5:30pm左右, 去巴士站排隊搭車回鑽石山~ 旁邊的BBQ site又有流浪牛呢! 有人在用燒好的牛扒引牠們, 牠們真的想食呢!! OMG!! 上網找找近日大熱的食肉牛, 原來真是在黃石碼頭呢! 汗!!

近來大熱, 會食肉的變種牛呀!!!

搭62R回鑽石山地鐵站, 個幾鐘, 大家都好好訓, 成車好靜, 哈哈哈 lol 在荷里活廣場逛了會, 不過什麼收穫都沒有就回家了, 我有好多東西要準備for travel呢 >.<

回家看看相, 發現不少相都out focus左, 尤其不是我揸機的那些 =__=|||| 要快快加緊訓練!! 仲有唔夠一個月就去濟洲架喇!! 下星期, 再試過, 哼哼!!

晚上跟d friend一起看大學時的相, 真係笑到肚痛! 太低B了… 不過都好傷心, 因為以前D皮膚好好多 T^T 晚上喇喇聲努力D, 敷番塊mask急救下, 哈哈!
香港足跡 | Comments:0 | Trackbacks:0 | 2012/11/18(日)
《夢遺中國》 by 樹影私房戲
趕下場, 就是要去油麻地的"塔冷通心靈書舍"看isaac的drama... isaac早2年已經全職教學生drama了, 自己做埋老闆tim! 勁呀! 今次的drama是小型的, 不是在個正式的場地~ 不過近距離接觸, 又幾平易近人既~ 今晚都有三四十人的。
一開始先有個工作坊, 主持人是isaac~ 大家圍圈坐, isaac說著話, 叫大家畫"理想國"的畫... 大家坐著lecture的櫈、大家圍圈坐, 呢個感覺..... 真係好似以前大學時一起上tutorial的情景呢! 哈哈哈! 真係懷念 =p
我, eva x 2, ingrid畫的畫都是相類似的, 都是大自然為主, 山山水水, 有音樂 etc... 只有少萍畫隨意門, 果然有內涵 lol
之後Isaac總結和歸類一下我們的畫,真係好似上tut, haha!

好似以前上tut呀,哈哈

我們的"理想國"~ haha. 都好似丫。

之後正式睇drama, 劇名是"夢遺中國", isaac是編劇~ salome是配樂, 有些曲是她自己作的呢!好arm feel!我的大學同學真係好有talent, 多材多藝, 好厲害!唔似我淨係識食同玩 XD
個Drama個多小時,題目是好hit的國教和中國情,劇本深入淺出。好易接受又不會太over令人覺得太heavy, 不會令人覺得國情太heavy承受不到,仲幾又樂趣,isaac好野。其中一位飾演嫲嫲的演員我覺得做得最好,幾入戲~
總之比想像中好,bravo

劇中有6位演員

演出中

10點幾完show, isaac說自己第一次100%落手寫劇本的呢!之後有分享。最後等Isaac and Salome忙完之後才一起吹吹水,拍照。

我地仲係好年輕, 好低能, 哈哈哈!! isaac加油 =p

=========================================
《夢遺中國》
樹影 戲劇教育 主辦 & 普普文化平台 協辦
蕭若悉 (Isaac Siu) 編劇

故事簡介﹕
《夢遺中國》(I Left my Heart in China)概念來自電影《快樂的謊言》(Good bye Lenin)。老嫲嫲和爸爸,一個退休老師,一個現職老師﹔一個走過文革、看見升國旗真的會流淚的老愛國,一個從八九六四開始堅持批判地愛國的民主派。一場意外,二人昏迷多年,孫女一直守侯在旁。

...流傳多時的世界末日,真的到來,是殞石。不過,老嫲嫲和爸爸卻先後醒來。孫女不忍二人剛醒來便要面對世界末日,便想出討好老愛國和民主派的連串謊言,去解釋種種末日景象。世界只剩一星期,青春、熱血、夢想,以及一段段未正視過的記憶,卻重訪這兩代人。

如果,末日真的只是一粒外來的殞石,掉下來,時間就終止在他們的夢幻中國夢裡,你說多簡單和痛快﹖

「理想國」演前互動工作坊﹕
觀眾以簡單繪畫、身體語言,創作心目中理想國,一起從新發現「國」究竟是甚麼

編導及工作坊主持﹕ 蕭俊傑 (Isaac/若悉)
現場演奏﹕ 蕭綺淳 (Salome Siu)
演員﹕ 馮勵賢 (Fly Fung)、林會壇(Jason Lam)、鄺穎怡(Gladys Kwong)、蕭綺淳、陳毓毅
生活點滴 | Comments:4 | Trackbacks:0 | 2012/11/17(土)