Daisypath Anniversary tickers
Halloween dinner
今日halloween, 不過今年再次地什麼也沒做! 收工後跟他dinner, 因為他喉嚨痛, 所以吃少一點... 去了美麗華的grapps's! 店內竟然有halloween的decoration =p
我們只點了一個mussels和一個risotto~ 食物比想像中好吃呢! 滿足 =) 我好喜歡吃白汁mussels! 下次要encore自己再整呢! 抵好多!

白酒煮青口, 黑松露意大利飯!
食店: Grappa's Kimberley
地址: 尖沙咀金巴利道1號美麗華商場G41地舖


我真係好想shopping呀!!! 我想買好多好多衫....!!!
識飲識食 | Comments:0 | Trackbacks:0 | 2012/10/31(水)
免費午餐
lunch同客食飯, 去了royal garden hotel的"稻菊"! 其實之前已來過business lunch幾次, 基本上我每次都是點這兒的壽司天婦羅定食! 稻菊的天婦羅實在太好吃了! 是我吃過最好吃的天婦羅! 就連一個茄子或南瓜天婦羅都很甜很juicy! 一點也不油膩! 炸蝦、炸魚真係鮮甜萬分! very good! 吃得很滿足呢 :)

壽司天婦羅定食, HKD$300.... 因為今日比較casual, 我才可以用iphone拍到照!
食店: 稻菊日本餐廳
地址: 尖沙咀麼地道69號帝苑酒店1樓


晚上好凍啊... 我仲未ready換季呢!
識飲識食 | Comments:0 | Trackbacks:0 | 2012/10/30(火)
Staff Sale

今天公司有staff sale, 差點忘記了! lunch完才跟同事們一起上去看看有什麼好野, 基本上都沒什麼expectation的... 挑了一小時, 揀了一對鞋、兩件one piece.... 也不錯... 3個items只是400蚊....
有2個同事們很lucky, 竟然摷到個MM袋! 我尤其喜歡小的那個呢... 幾令~ 而且好抵LOR! 出trip、見客、去街都arm用! 真係羨慕呢!

6點幾同陪另一個同事上去睇, 本來都係hea下, 都已經關門了, 點知在cashier竟然見到有人放左果個我心儀的MM袋出來呢!! 我眼都突埋出黎, 個cashier同事好好人地俾左個袋我! 哈哈哈! 原來armarm有人唔要放番出黎, 我當然立即說要啦! 哈哈哈! 真係超級lucky, 從未試過在staff sale買到袋! 而且仲要size、款都ok! 呵呵呵! 呢個價錢, 真係買個no brand既皮袋都要架.....!!!
購物禮物 | Comments:0 | Trackbacks:0 | 2012/10/29(月)
Eva's Birthday Dinner~
行完山, 搭車出番TST, 吃eva的生日飯! 我們去吃韓燒, 今天很餓了, 可以吃很多肉, 很高興 lol 晚上少萍也join了我們, 我們先到, 在樓上的窗外看到她, 還偷拍了她, 哈哈哈!
5個人, 點了個三人餐, 再加了一點! 石頭飯、豬腩肉、牛肋骨好好吃哦!!! 累透的我們, 吃得很滿足! 不過飲前幾日一樣, 一做完運動, 吃到咁, 好吸引的, 哈哈哈! 我們還點了韓國米酒, ingrid和少萍說好難飲! 哈哈哈!
好久沒見過少萍了! 已經幾個月了!! 知道了她的好消息!! 恭喜曬呀!!!!! 期待去你的house warming party!! 還有大家都等被你炸, 哈哈哈!

雞肉, 牛舌, 牛肉, 牛肋骨, 豬腩肉

石頭飯, 生牛肉, 炒粉絲, 炒年糕

韓國米酒!!

cheers!!!


之後是吃生日蛋糕! 是由少萍在the one的HARLAN'S CAKE SHOP買的呢!! 一開盒大家都wow了一聲, 因為cake好令呀!!!!! 很特別! 味道是櫻桃白朱古力! 好好吃wor! 有驚喜, 初時不是很甜, 不過吃多了, 還是有點膩 =p 但5個人分剛好呢 =) 伴隨著我們的, 還是韓文生日歌和好hit的gangnam style! 好好笑, 哈哈哈!
好像好多年沒有跟eva woo一起慶祝生日了! 今年我一連請了你吃兩餐飯! 2013年, 雙倍奉還啊! hahaha!! happy birthday to eva again =)

好wow的harlan's cake shop蛋糕!

happy birthday to eva woo

wish u all the best =)
食店: 清進洞韓國餐廳
地址: 尖沙咀漆咸道南57-59號金馬倫中心1樓


下個月少萍生日見! yeah!
回到家, 好累! 明天仲要上班啊 >.<
識飲識食 | Comments:0 | Trackbacks:0 | 2012/10/28(日)
「東澳古道」行, 從東涌到大澳
前幾日去了東涌踩單車, 今天再戰東涌! 破紀錄地一星期來東涌兩次, 哈哈! 一早約了今天食eva woo的生日飯, 之後大家再加插了行山環節! 有我, eva woo, eva poon和ingrid, 本來少萍都來的, 不過她有人生大事要處理, 所以要晚上才一起dinner! eva的西班牙男友Alex, 還在他的兩個西班牙朋友都有一起來!
本來約了12pm東涌等, 不過差不多1pm才齊人 =__=||| 之後又搭38號巴士去逸東村出發找行山徑! 兜了一陣子才找到福逸樓旁邊的路徑起步!
我們今天, 會由東涌行去大澳, 約4個小時, 途經沙螺灣、散石灣、深石村、深屈... 路應該不難走的吧.... 一開始行時就見到侯王廟, 就是普通的廟一間, 不過我們也有進去拍拍照既~ ingrid一開始行, 就開傘, 唔知想點lor -__-||||

起步了, gogogo!

侯王廟

ingrid, karen & eva woo~


過了鐵橋沿諸水泥路行可達散頭... 這段路很平很易走的~ 沿路見到好多昆蟲!! 成隻手掌咁大的蜘蛛、草蜢、仲有好多蝴蝶呢! 全部都好大隻好amazing, 哈哈! 這段路還有一些廢屋、空廢的學校, 仲可近距離觀看飛機升降, 真係好近的呢!
沿路見到有沿著上360的路, 因為勁多樓梯, 所以看起來很可怕!!!

好天氣!

好多昆蟲啊!

昆坪360

第一次這樣的組合行山去, 正呀!


一直行到散頭村和沙螺灣一帶, 上面有個亭子, 可以望到機場飛機升降! 位置很應風, 好舒服! 我們也在此稍作休息, 吃三文治、壽司、飲水補充一下體力!

沙螺灣

eva woo, ingrid, karen & eva poon~~

稍作休息!


之後行行行, 其中有條長命斜, 是今早最辛苦的路!! 上到最高點, 大家都要在深石亭外小休一下! 再前行, 就到深屈了! 景色好令呢! 海灣淺灘寧靜幽美, 大家都要拍照一番~ 雖然經過士多, 但我們今天沒有吃餐蛋麵, 可能ingrid好可惜, 哈哈!

very nice view =)

低能地拉筋!!! eva woo的筋太硬了 XD

攀石!

eva woo, ingrid, eva poon, karen~

曬咸檸檬、曬香蕉!


過了深屈, 便是最後一小時的一段路, 雖然地面凹凸不平, 又是石屎路, 不過都好challenging好好玩呢! 雖然路是崎嶇的, 不過其實都唔難行既, 只是要聚精會神啦! 而且沿途可以欣賞附近一帶山丘! 好正呀! 回頭看, 見到自己剛才攀越過的幾個山頭, 幾個海灣, 實在很有滿足感 >w<

崎嶇的山路.... 這才是行山!

nice view

keep going!

後面是連綿的山丘!


行埋最後一段路, 大澳就在眼前了! 我們在山上看大澳, 好過癮呀! 最後, 我們用了4小時, 由東涌行到去大澳!!! 正常的時間, 沒有慢啊 XD

落山了!!

大澳在望!

eva woo, eva poon, karen & ingrid~


來到大澳5pm左右! 剛好4小時! 已經有幾年沒來大澳了, 還是沒什麼改變, 我們慢慢行去巴士總站, 沿路很多吃的東西! 餓了的我們, 也買了不少食物! 沙翁、燒魷魚..... 那麼炭火燒魷魚阿伯, 我對他很有印象! 彷彿幾年前來時也見過, haha! 吃了燒魷魚和黃花子! 黃花子好吃, 我很喜歡吃魚春呢!

到大澳了!

燒魷魚, 燒黃花子!

仲有燒海鮮好正! 不過冇食呀! 35蚊隻大蝦不便宜!


我們乘5:50pm的bus回東涌, 半小時路程索價20蚊, 好貴lor! 在車子我們都睡著了! 實在太累了呢! 不過今天的行山之旅總算很成功, 心滿意足了呢, 呵呵呵!

goodbye大澳!

又踩單車又行山! 我最近真係好健康! 下個活動! 番大陸3日2夜! 11月再見!
香港足跡 | Comments:4 | Trackbacks:0 | 2012/10/28(日)
Scottish Evening~
之前收到一個University of Aberdeen Alumni/ University of Aberdeen Hong Kong Association的email, 說今晚有在cwb的警官俱樂部都個Scottish Evening的活動! 有scottish music, bagpiping, ceilidh dance, 仲有haggis.... 竟然在香港都有university of aberdeen/ scottish的活動, 很有興趣呢! 不過因為費用要450蚊, 好貴呀! 所以只有我, BEN, JACKY, 還有細我們幾年的Jerry肯參加 =p

一入到個hall, 見到好多外國人, 不少都是穿著蘇格蘭裙的呢! 場內的人的年紀都很大, 有些還帶埋小朋友一起來~ 都是以前在univeristy of aberdeen留學回來的呢! 我們是00年代畢業的, 我們也跟了一些80年代, 90年代的畢業生呢! 那麼多年前都會去aberdeen留學, 真厲害!! 哈哈! 現在他們都是公司的老闆、總經理、AGM、vice president.... 看來university of aberdeen alumni的仕途也不錯, 哈哈!!
我們也在跟"老一輩"的畢業生說scotland, 說說scotland/ aberdeen/ glasgow/ edinburgh/ hillheads/ rive dee & river don/ union street.... 大家一起懷念下那時的生活, 真有趣 =p

Scottish Evening

7:30pm左右活動開始, 先有吹蘇格蘭的傳統風笛 (Bagpipes)的表演!!! 好懷念的服飾, 好懷念的樂聲啊... 記得第一個星期去aberdeen時, 也跟這些穿著蘇格蘭裙, 吹風笛的人拍過照呢 >w<

列隊...

highlands bagpipes~~~~~~~!!!!


之後有university of aberdeen現時的校長Dr. Diamond, 仲有前港督、university of aberdeen的校監 - Lord Wilson (衞奕信)致辭! 叫他做lord因為他可以是英國的不知道什麼爵士頭銜的呢, 哈哈! 原來衞奕信是from scotish的呢, 真係唔知道! 不過當年衞奕信1992年卸任, 當時只得幾歲的我什麼都不知道! 印象中的港督只有彭定康 XD 之前我連衞奕信是什麼樣子都不知道, 只知道香港有衞奕信徑 XD

衞奕信......!!

拍照自娛 =P


之後有蘇格蘭人出來跳CEILIDH, 蘇格蘭的傳統舞蹈! 好有趣, 好輕快的! 那時候我們在蘇格蘭都有見人跳, 不過自己可沒跳過呢~

CEILIDH

之後終於食得野喇, 食物是buffet形式~ 不過食用不是很多啦, 但都預左唔會有五星級酒店的食物啦~ 好彩都有一些凍海鮮, 感覺抵番少少, kaka!!
不過最開心的, 是有haggis食! haggis是蘇格蘭的國菜!!! 其實是羊雜碎, 將羊的胃掏空, 裡面塞進剁碎的羊內臟如心、肝、腎、肺、燕麥、洋蔥、和調味料等一起煮, 配薯容一起吃! 好味架!! 英國的特色食品不多, 不過haggis真是蘇格蘭的代表!! 今日最開心是可以吃到這個! 好開心今日仲有機會食到! 多懷念的味道, 我唔覺得"穌"架! 在Scotland, haggis一點也不貴, 1-2 pounds也買到!

普通的食物~ smoked salmon不錯!

haggis!!!!!!!!!!!!!!!!!!!!!!!!!!!!!!! 好開心仲有機會食到!

好似去飲咁 =)


之後ben幫人同衞奕信影相, 然後他說膽粗粗地同衞奕信講左2句野, 仲握了手! 他單人同衞奕信合照呢! 有見及此, 我們幾個蛋散都走埋過去影合照!! 嘩, 我都幾個同左衞奕信影相呀!! 勁!!! kakaka! 我都同左佢講一句野架, 就係話可唔可以一齊同佢影相!! 嘩哈哈!!!!! 大家都說影左相, 450蚊抵曬 XD
BEN就最勁, 因為佢可以單人同佢影, HAHA!

BEN單人同衞奕信影相!!

jerry, ben, karen, lord wilson, jacky >w<


之後是抽獎, 不過我們什麼都沒中! 其實拎番件aberdeen polo shirt都幾好呢 XD 之後又是dancing, d外國人好踴躍! 衞奕信都跳左好多! 80歲都仲跳紮紮! 勁! 我們留到11點左右就走了! scottish evening好像是年年都有的, 希望下年如果再來的話, 我們的aberdeen mates也一起來, 多d人來啦! 都幾好玩架~

跳左好耐..

紀念品, 有筆和alumni的pin~


i miss scotland! i miss the exchange life! 好懷念呀!
香港足跡 | Comments:2 | Trackbacks:0 | 2012/10/27(土)
Elyze機能再生*第二十三回*

如常上Elyze, 今次終於係朋友A做番~ 先做inbody, 體重多了0.3kg (0.66磅), 不過不過, 純脂肪竟然少了0.6kg (1.32磅)!!!! 嘩, 好勁呀! 成績好好呢!! 是因為前幾日踩左5小時單車消脂吧 XD 因為谷M, 所以有少少水腫, 身體水份多了不少! 而且肌肉也多了!! 9成都是因為踩完單車吧, 呵呵呵!! 做運動真係
個inbody話我ideally體重要減2kg, 脂肪要減4.8kg, 而肌肉要多2.8kg才是理想呢! 不過我好難達到lu, 最想碼今年都冇咩可能 XD

今日做accent ultra和IRS~ 做的是大腿內側的位置, 好多淋巴, 好"冤"痛 >.< 最後仲做左個mask定型, 都是敷大腿內側, 這是我第一次join plan時送的, 一次好似要550蚊.... 不過我對它的功效好有懷疑 @@ 真係定型到!?

個mask用水沖開d粉...

敷15分鐘....


朋友A下星期要調center了, 這次是我最後一次來朗豪坊店了.... 平時由家行過來真是好方便架! 著得好ugly去都冇所謂!
下次要去cwb了 =( 不過下次已經係我最後一次去做了! 因為我淨番最後一次treatment咋 >.<
總結, 這5個月, 體重減了7.3kg (16.06磅), 純脂肪減了6.1kg (13.42磅)!!! 真係好勁....不過看情況都係最後達唔到我2個月前希望減到的20磅lu.... 我最希望真係可以減多4磅左右, 不過算啦.... 有今日的成績, 我已經很滿意的了!
擊退脂肪 | Comments:6 | Trackbacks:0 | 2012/10/27(土)
Kitchen 65
晚上去左吃新加坡菜, 都不錯.... 不過辣蟹竟然要400幾蚊, 太貴了沒點 -__-||| 喇沙好吃, 印尼炒飯都好吃! 仲有薏米水, 好飲! 清熱祛濕最重要係可以減肥去水腫~ 哈哈!
之後提起新加坡, 大家都冇咩興趣去.... 還是覺得咁貴唔抵又冇咩好玩, universial又去過, 還是東南亞好 =p

喇沙, 薏米水, 巴東牛肉, 印尼炒飯~
食店: Kitchen 65
地址: 尖沙咀彌敦道132號美麗華商場2樓7號舖


是晚扭計要他送東西給我 =p 真好, 我已經在為我未來的2個旅行物飾衣服了 =)
識飲識食 | Comments:4 | Trackbacks:0 | 2012/10/25(木)
放假踩單車, 東涌至欣澳!
一早約了eva poon和ingrid今天去踩單車, 11:30am在東涌集合, 好彩我算近姐! 咁arm大家都搭埋同一班mtr, 不過大家不同站上, 人又多, 所以未去到總站都見不到大家 XD 因為大家的造型都跟平日的look不同, 所以大家在互相取笑, 真有趣 XD
最後來到東涌已12點了~ 搭巴士去逸東邨租單車, 加埋個籃65蚊一日, 價錢都合理既!

本來之前一開始是打算由東涌踩去迪欣湖, 不過單程已經要3個鐘, 即是來回要6小時! 以防不夠時間折返還車, 我們就打算只去到欣澳就算了 =p (其實我真係唔太識踩單車架! 好水皮的!) 單程約2-2.5小時~ 都唔易走.... 由於我只是早2年先識踩單車, 技術真係好麻麻, 所以我今日都係戰戰兢兢的.... 好驚炒車或者嚴重落後 >.<
一開始踩已要踩落隧道、過一兩條天橋, 仲要常常轉彎, 一開始踩的我真係冇能力踩, 一有斜路, 不論上落我都是落車推車, 汗..... D單車徑又勁窄, 技術水皮的我好危危乎, 哈哈哈! eva poon一路領先, ingrid在中間, 我當然是殿後!

我好柒地要推車上斜, 汗....

一路沿著單車徑, 20分鐘左右就到海邊了, 終於唔洗再踩d好窄的單車徑, 好開心!! 一見到海, 我們就落車拍拍照... 風景不錯呢, 仲見到360~ 雖然今日陽光普照, 不過都幾大霧呢, 也不清對面岸哦...

身後是昂坪360~

karen, ingrid and eva poon~


然後途經東涌碼頭, 一直踩, 上天橋, 經過映灣園, 再推車入條窄巷, 再行左陣又是一大片海景! 海又我們的左邊, 地鐵就在我們的右邊~~ 平時由欣澳去東涌就是見到這景色! 沿岸是石堤和長長的草, 還在陽光灑在面上, 好爽好正!

見到地鐵呀~

YEAH~~

仲有好心情拍照~


再踩..... 經過了一個燈塔, 我們來到一個地方, 因為前面沒路了, 我們要過對面繼續行呢! 首先推車落幾級樓梯, 之後去到天橋底, 還要邊推車邊"烏"低身走的呢!!! 好彩我比較矮, 不是行得很辛苦! eva可是行行下撞到個頭呢!
但好戲在後頭, 我們要推架單車上一個80度角的小斜坡, 之後走了過對面, 仲要把單車堆番落個80度角的斜坡!! 超攪笑! 真係好需要體力!! 好彩附近都有人幫下手, 否則自己一人真係唔可以上去or落去! 一見到條路, 我真係笑左, 我而家係咪玩緊越野單車!??? 我係beginner黎架咋 XD

要烏低身推車行....

咩料呀!!!!! 我係咪玩緊越野單車!!????


終於過左果條好難頂的大天橋, 之後是一條超級大直路, 終於可能盡情享受一下喇!! 好爽呀! 左邊又是海, 右邊是又地鐵!
停了一偷, 我一開始行, ingrid在後面, 我一起步, ingrid就大叫, 她單車甩左條鏈呢!! 嘗試過整但失敗, 幸好有好心人幫手反轉架車幫我地整咋, 如果唔係都唔知點算lu....
PS* 這時候, eva poon已自己一支箭咁走左去, 完全冇停低等我地 =__=|||| 都唔知去左邊! 未來一個小時我都只是跟ingrid在一起而已!
之後我們遠距離見到小濠灣車廠, 本來仲以為是欣澳站, 之後近看才知道是小濠灣車廠, 好失望! 哈哈! 這時, 我們已踩了近2小時了....

再之後就入隧道, 要行幾分鐘馬路, 本來我好驚, 但好彩其實都好少車, 唔可怕的 =p 這段路, 我仲自己嘗試落少少斜的斜路, 又冇事wor, 哈哈哈! 因為少車, 所以我才肯嘗試落斜, kaka!
然後經過最後的一條直路, 爽呀! 途中見到一條條木棟在海中, 好得意, 平時搭地鐵都會見到的呢~ 應該是人家養豪的地方吧~~

最後休息...

一條條木棟在海中心~~


最後一條直路, 一直踩到尾, 終於到欣澳喇! 我和ingrid用了2個半小時, 3:30pm終於到達欣澳站了, 很感動!! 之前跟eva poon電話, 她明明說在等我們, 之後才知道她行錯路, 在馬路上踩了好長的一段路!! 汗....!!!!! 知道時我和ingrid都在爆笑, 從未試過踩單車唔見左個friend, 笑死人!! 因為太累了, 我們2個都在欣澳拍照後自己食d野補充下體力先!
欣澳站其實什麼都沒有, 只外面是一個長長的海堤, 還有一小片草地的, 景色都唔錯架~~ 踩完單車, 坐在草地上小型地野餐都唔錯呢~ 我們身旁的人在吃parma ham tim啊!

yeah!! 終於到喇, 欣澳站!

長海堤, 還有小小的草地, 和2排高高的樹~

坐在草地上吃壽局, 好正啊!!


等了半小時左右, 姍姍來遲的eva終於到了!! 哈哈哈哈哈... 真係笑死人, 成件事實在太經典了!! 她還要是一開始走在最前頭的呢 -__-||||
休息多20分鐘左右, 吃吃喝喝, 拍拍照~ 我們於4:40pm再之起程出發了~ 這時太陽開始下山了, 陽光很舒服哦~

有壽司, 蝦餅, 百力枝!

relax一番!

走前影番張合照先~~


回程, 還是那樣踩.... 太陽開始下山了, 見到漂亮的夕陽! 好令! 之後又要擔擔抬抬那單車, 今次冇人幫了, 我們要2人合抬一架單車上上落落, 好彩都冇問題! 不過真係出左好多力 XD

夕陽無限好!

我們的水都不是很充足, 好彩回到東涌碼頭終於有得補給, 買左罐寶礦力!! 超級正呀!! 做完運動飲寶礦力真係超爽! 回到市區, 我們曾經走錯了一條小路, 上埋天橋! 好彩發現得早, 唔係又行好多冤枉路了 >.<
最終, 我們7pm前回到逸東邨! 用了2小時10分鐘左右! 哈哈哈!

令人感動的寶礦力 >w<

搭巴士回mtr, 在spaghetti house dinner, 好彩唔洗等位! 點了芝士火鍋, 蟹肉菠菜, pizza, 個waitress都話我地好勁點好多! 最後吃剩半個pizza, haha!

芝士火鍋, 蟹肉菠菜, pizza

終於dinner了!
食店: Spaghetti House
地址: 東涌達東路20號東薈城地下G20號舖


回到家10pm左右, 好累, 沖完涼就上床訓了.....
明天要上班, 星期日又去郊遊野, 真係驚個人散曬!! >.<
香港足跡 | Comments:4 | Trackbacks:0 | 2012/10/23(火)
番一日放一日
今個星期好正, 因為番一日放一日
今天雖然是monday, 不過卻是個happy monday =p 雖然近8點先收工, 不過也沒所謂!
這個星期有不少活動, 我都蠻期待的!
10月快過了, 11月打算請假1天
很快就12月, 很期待.... 我們的旅行啊!

收工後去了店舖揀衫, 今季揀左一件褸和一件one piece, 都幾滿意! 呵呵!
生活點滴 | Comments:0 | Trackbacks:0 | 2012/10/22(月)