Daisypath Anniversary tickers
中秋節快樂!
第二天假期, 中秋節正日, 父母跟親戚北上了廣東省旅行, 中午他來了我家一起lunch, 之後去了睇戲, 晚上就外出吃飯, 簡簡單單, 是是但但地去了太子吃潮州菜... ok啦... dinner完就跟他分別了, 我去我的下場 =p


跟往年中秋節一樣, 晚上dinner完, 跟rosians們去了土瓜灣的公園一起賞月玩燈籠蠟燭~ 一如以往, 有些人家裡要做節, 所以10:00pm左右大家才陸陸續續的集合... 先在超市買飲品, 之後就去公園霸個令位了~ 今年也是大家都到齊呢! (雖然有人整晚離開了很久lor! -__-|||)
我今年的特意買的燈籠, 是玻璃紙的粉紅色蝴蝶! 點了蠟燭放在裡面, 好令呢!! 2008年的兔仔、2010年的楊桃、2011年的金魚、2012年的蝴蝶.... 下年, 都唔知買咩好了, 哈哈哈!

我的蝴蝶令燈籠~

好令, 贏曬 XD

大家都要拿起燈籠拍照 =P 每年必做!


11:30pm公園關門了, 我們就去了旁邊的休憩處繼續玩, 今年我們燒了很多蠟燭呢!! 是去年用剩的! 仲有勁多, 真誇張, 哈哈哈! 今年燒的蠟, 超厚超多呢!!
勁點蠟燭, 吃吃喝喝, 吹吹水, 仲有在身上掛上螢光棒, 是我們每年的指定動作! 我也吃了今年第一口月餅, 是不知道什麼酒店的迷你班蘭月餅 =p 我本人其實對月餅沒什麼好感, 吃不到也不會可惜, 家裡的月餅我都沒有掂過呢 =p

仲有必備的螢光棒~

今年燒的蠟, 好厚好重呀!

月光好顆好亮呢, 祝大家中秋節快樂 =)


今年, 我們玩到2am, 比去年早, 因為去年無啦啦下大雨, 我們避雨了好一會呢 =p 今年好彩, 頂多只是毛毛雨了一會而已! 之後我們就打的回家了...
sally很快就要去英國了! 份工能等人真係好! 2個月後見吧~ 想起英國都夠懷念了! 我都好想快d可以take a break, 出外停一下散心放放假呢!! 這是我的短期目標呀! 加油!
節日慶祝 | Comments:0 | Trackbacks:0 | 2012/09/30(日)
<賤熊30> (TED)

導演 :薛夫麥克法蘭
演員 :麥克華堡, 美娜古妮絲, 基奧雲尼列比斯

每人小時候總會有隻啤啤熊,你細個有冇希望過隻熊仔有生命,又同你食飯瞓覺讀書遊戲,度過人生每一刻呢?《賤熊30》絕對能夠令你夢想成真!呢隻可愛又賤格嘅啤啤熊泰迪不單識行識走識講嘢,仲有多種神奇功能:當你行雷驚驚嘅時候,佢會同你一齊唱行雷歌鬧爆雷神;如果你嫌愛驅命長,佢可以渣車載你返工;佢會同你研究溝女心得,開P、食煙、隊草、劈酒佢瓣瓣掂,唔高興時仲會發老皮同你開戰……咁正嘅啤啤熊去邊度搵?


我小時候沒有teddy bear, 也沒有心愛的毛公仔, 所以不算很有投入感 =p 個故事的前設幾有趣, 因為全世界都知道有這隻有生命的teddy bear的存在 =p 不過呢隻teddy食煙飲酒又溝女的, 好攪笑 =p 如果講多d佢同男主角的友情會更好呢 =p 說真的, 沒想像中好看 (因為假teddy其實好煩 =p) 不過輕輕鬆鬆一看也不錯的, 但不用expect太多...
劇集電影 | Comments:0 | Trackbacks:0 | 2012/09/30(日)
雙倍稅金

上星期他說收到稅單! 他說數字很驚人, 我唯有安慰他就搵得多交得多啦... 今天就到我收到稅單, 打開時也有點緊張! 因為今年人工加了呢!
一打開信封, 嘩, 成筆稅金足足比去年多了一個double *0* 太過份了, 又不見我人工doublue >.< 幸好, 就算是double了, 金額仍在我可接受的範圍, 也低於我expect的, 也好了!
稅要交多一半, 我就唯有安慰自己, 都係搵得多先比得多姐 =p
生活點滴 | Comments:0 | Trackbacks:0 | 2012/09/30(日)
Wallis' Birthday Party @ my home*
上個月已約了eva和wallis上來我家home party, 不過因為有事, 所以改約了9月~ 剛好是wallis的生日月, 所以她的生日dinner就去了我家來個home party~ 真開心, 很期待!
一早已上網在食品店訂了刺身、生蠔和凍肉, 今天下午就有人上門送貨, 一直很想試這些凍肉店, 而家連去都唔洗去, 上網訂就得了, 真係超方便, 很讚呢! 而且食物比超市平好多呢, 真係好抵! 基本上食物已ready好!
因此我們約了4pm才在商場超市等, 只買了些醬料和飲品就ok可以直接上樓了...

食物有: 雞翼餃子, 三文魚刺身, 虎蝦刺身, 生蠔Irish Rock半打, 紐西蘭西冷, 麵包蟹

回到家5pm, 我們就坐在sofa吹吹水, 吹到6pm才去準備食物! 還有就是佈置家啦, 我有條birthday的banner呢, haha! 因為有很多食物都是刺身, 所以不需花很長時間就可以了呢! 最麻煩的是開蠔!! 送蠔來不包開蠔的呢, 所以要我們自己開呢! 不過我們都不懂也未試過, 最後由eva操刀, 邊看youtube邊學, 最後成功把半打生蠔開了, 真係好勁呢!! 叻女 =p
我和wallis就在調泰式刺身蝦的sauce, 用蒜粒、魚露、青檸、糖、指天椒調成的, 都很成功, 不過辣左少少, 哈哈!
再來就是煎牛扒和煎明太子雞翼, 之後就開得飯了! 她們兩位都勁肚餓呢 XD

大家都有份出力整野食呢...

$17隻的irish rock! 好抵食~ d蠔係eva開架! 好勁, 要比個讚你呢 =p

泰式刺身蝦 (個汁好吃就成功的了, YUMMY)、麵包蟹 (好多羔, 78蚊隻, 超抵! 平出面一半呀!)

煎西冷 (煎得熟左D tim), 三文魚刺身, 明太子雞翼餃子


因為是birthday party, 所以我特意買了一set winnie the pooh的生日set, 有生日帽和吹吹的東西, haha!! 大家整個dinner都戴著帽, 感覺真係年輕左二十年呢, 我們都很有童真呢, 真係開心~ kakaka*
今天的party, 除了wallis生日, 還有我們的相識7週年紀念! (我們是7年前, 2005年8/9月時認識 =p) 哈哈! 對呢, 7年前的我們, 才剛剛入uni住在一起呢! (我們不是特意去記的, 只是因為某個原因找以前的blog entry看, 順便見到的, haha)

年輕了二十年的我們... 很有童真, so happy!!

吹!

home party玩得真開心 =)

let's start! 終於食得~~~ 好多野食, 正呀!!!

cheers, happy bday to wallis and our相識7週年紀念!


食物令人非常滿意呢!! 好好吃, 以後有朋友上黎屋企開party, 我都會再幫襯呢間食品公司~ kekee* 雖然wallis昨天腸胃炎, 不過我們都還是把食物吃得八八九九, 只剩下3隻雞翼呢! 好厲害呢!
dinner完繼續回沙發吹水! 研究自工作後自己肥了多少, 哈哈哈 還有大學的事、大學的人 XD 之後就吃生日cake, 是我在simply life買的呢! wallis想不到有surprise吧~ kekee* 因為怕3個人吃不完一整個cake, 所以只買了2件, mixed berries tart & banana toffee tart.... d cake好令呢! 而且都好好吃哦... 雖然是2件cake, 不過還是有蠟燭、生日歌和許願的呢 XD Happy birthday to wallis~ wish u all the best!

happy birthday to wallis~~~ all the best =)

karen, wallis, eva...


下個月, eva生日再見~ love u gals~ kekee*
娘家派對 | Comments:2 | Trackbacks:0 | 2012/09/29(土)
Elyze機能再生*第十九回*
上星期體重重了, 今個星期再做inbody, 好彩, 體重輕番0.3kg (0.66磅)! 是歷史新低呢, 呵呵! 不過, 純脂肪竟然重左0.3kg (0.66磅)! 我覺得好奇怪呢, 無啦啦純脂肪又會重左既, 我明明沒什麼變化架嘛 >.< 不行, 未來一星期還需繼續努力, 少吃些!!

今天又是做accent ultra, 做大脾, 因為好多淋巴位, 所以好"冤"痛呢 >.< 痛得我係咁大叫呢!

accent ultra~

做完treatment, 去左玩elyze fb的新遊戲~ 玩完有粒綠色的swaroski水晶防塵珠呢~ 不錯哦~ 立即插了在電話上, 都幾令丫 =p 最近都有東西送, 真不錯呢~ kekee*

swaroski水晶防塵珠~

總結, 這4個多月, 我的體重下降了7.6kg (16.72磅), 純脂肪落左5.1kg (11.22磅)... 其實近1, 2個月進度麻麻地, 可能已進入了平台期!? 我真係好想在完treatment前, 體重再減多5-6磅呢!!! 要加油呀!!

PS* 上星期送果支bioderma卸妝真係好好用呢, 一d都唔立~ 好清潔! 真不錯呢! 遲d用完我麵想買番支大的呢~
擊退脂肪 | Comments:2 | Trackbacks:0 | 2012/09/29(土)
終於放長假了!
捱埋今日, 終於可以好難得地連放4日了! 等左好耐了... YEAH!! 10月好多假, 應該幾易過呢! 哈哈!
收工後跟他去了花園街揀燈籠~ 近這幾年我年年都有買個特別燈籠給自己呢! 今年買什麼? 過幾日就知, HAHA!

之後去了吃燒肉放題, 他很想吃放題呢, 他吃了很多, 我就吃得不多.... 食物QUALITY都不錯~

食店: 宮崎日式燒肉店
地址: 旺角彌敦道625號雅蘭中心二期地庫A舖


然後去左睇相機, 因為已confirm左12月去旅行, 所以就很有意欲買番部單反呢! 哈... 看了心儀的650D, 試了長鏡同短鏡... 基本上各大店舖都係公價啦, 都係諗下先, 因為真係幾貴..... 年尾, 我實在很多錢要花呢 >.<
識飲識食 | Comments:8 | Trackbacks:0 | 2012/09/28(金)
釜山濟州團初次開會!
昨天已confirm了12月的釜山濟州之旅, 昨晚大家都立即手腳地, 約了今天晚上上來我家聚在一起開會 (雖然少左個 =p), 喇喇聲係咁二地plan下行程, 因為要定釜山濟州來回機票呢!
7:30pm在我我樓下集合, 之後一齊上我家~ 吃的是我工人煮的菜! 無啦啦weekday都有朋友上來我家dinner, 好少有 XD

平日都有fd上黎開飯! haha

市面上濟州旅遊書非常非常少! 幸好去年去seoul時用的那本閃閃令旅遊書都有小半本是介紹釜山濟州的, 都可以頂一頂住先~ 大概看了看釜山和濟州的景點, plan一plan哪日去哪些地方... 然後, 就立即付錢買釜山濟州的來回機票了, 50分鐘的機程, 只需HK500, 都幾抵, 因為有discount和early bird, HAHA!

終於, confirm好曬所有機票, yeah!

暫時schedule如下:
DAY 1 - 凌晨: HK -> Busan、黃昏: busan -> jeju
DAY 2 - jeju
DAY 3 - jeju
DAY 4 - jeju
DAY 5 - 早上: jeju -> busan、晚上: busan -> hk

之後仲要book租車, 還有book hostel和plan行程呢! 還有3個月不到哦, hehee... 現階段應該找多些釜山濟州的資料呢! 真係好少呀, 大家都唔熟 @@
娘家派對 | Comments:0 | Trackbacks:0 | 2012/09/25(火)
歐遊5週年, 再戰釜山濟州!!!

其實幾個月前, 我們就是說要來個釜山濟州之旅的, 之後check過大韓覺得貴.... 所以就定了只去濟州島, 鎖定了KA的package! 不過KA也煩, 不是天天有機, 而且有些朋友只剩3天假, 所以日子很難就!
早幾個星期的某一天, 我們本來終於定好了11月某個期, 不過幾小時後突然有人說11月不能請假, 我當日的心情簡直是由天堂跌了落谷底!!! 大家只好定在12月, 不過12月的package還未出來呢, 最快也要10月中才有吧, 而且12月又可能會加價.... 所以大家都有點lost, 一直都未能很confirm!
上星期, 我再check下可去釜山轉機的air busan, 咦, 香港釜山來回 + 釜山濟州來回的價錢又唔貴wor, 辛苦D凌晨機去, 超級晚機返 (KA是中午機走) 計埋有成5個whole day, 時間比KA多很多! 而且價錢差不多, 我們還可以去埋釜山轉一轉呢, 非常不錯...
上星期攪呀攪, 跟大家勁whatsapp!! 等到今日下午, 終於所有朋友都confrim左d假喇!!!! 晚上一回到家, 我就立即上網買機票!! 終於, 香港來回釜山的機票confirm左俾埋錢, 我們的釜山濟州之旅將會成行了! yeah yeah yeah!!
不過我們現在只是book了香港釜山的來回機票, 來回釜山濟州的機票和hostel還未book呢.... 不過釜山濟州有很多航班, 應該冇問題的 (只是50分鐘的航程)~ hostel也可以慢慢揀, 畢竟還有近3個月呢~~~
PS* 其實我仲未offically請假的, 哈哈!


2007年12月遊歐洲四國, 5年後, 2012年12月我們將會再戰釜出濟州!!!! 我真係好開心好感動! 想不到, 我們5年後竟然真係可以成行呢!!! 上次有我, ben, ariel, bill & jacky 5個, 今次再多左ken來個6人之旅, yeah! 超級期待這次的旅行呢!! 食我最愛的海鮮, 又可以睇景同跟一班friend去旅行! im really so happy! love u guys!!
(上面張圖少左ken, haha, 唔好意思! XD)

PS* 有人在濟州要請食飯呀 XD
生活點滴 | Comments:10 | Trackbacks:0 | 2012/09/24(月)
妹妹生日飯
妹妹前幾日生日, 咁快就廿幾歲了.... 一家人去了吃日本放題.... 爸爸在報紙上見到介紹的, 食物不錯呢, 刺身幾新鮮、炸蠔好吃、燒海老好吃... 其實食物都很不錯, 以MK的質素來說, 算很不錯呢! 爸爸還誇口讚餐廳是他揀的在認叻 XD
最後, 正如妹妹說, 刺身食得多真係好想嘔 XD 哈哈哈!! 我們一家四口都吃得很飽很飽.... 我這個減肥的人, 為左你破戒呀吳小姐!! >.<

刺身, 炸蠔和燒蝦最好吃!
食店: 和田日本料理
地址: 旺角彌敦道593-601號創興廣場5樓


dinner之後仲有個生日蛋糕! 真係飽到上心口! 蛋糕是東海堂白雪雪那個cheesecake, 意外地好好吃呢! 有驚喜! 比朱古力那款好吃很多! 不過低調的妹妹說不要影相wor =p
祝你生日快樂啦, be happy~ take everything easy and no need to be too serious XD
識飲識食 | Comments:0 | Trackbacks:0 | 2012/09/23(日)
2012年夏天新版面

很久沒有更新過日記版面了, 上次已經是2011年的櫻花版面! 通常改版, 都是因為剛去完旅行啦! 雖然香港的夏天已經快完結了, 近日已有秋涼的感覺了... 不過剛去完宿霧的我, 一於很少理, 趁著今天剛打完5日遊記, 就用那麼美麗, 清澈的沙灘作為背景啦~ Keke* 整個blog的感覺很清新吧~
BG又是用了花, 本想再找summer一點的, 不過還未找到合心水的, 用住先, 不排除之後會再更架! 那些框還是粉紅色的, 好似唔多襯既, 不過我還是不捨得捨棄我最愛的粉紅色! 哈哈!
2012年summer版面, 就咁先啦... 冬天時再換吧! 如果今年沒有下一個旅行, 我點都仲可以用去年首爾的落雪相既, 哈哈! (touch wood)

PS* 有想過改個blog的名稱, 不過用了7年, 不捨得... 俾下再扮下少女先啦... 過多幾年, 我自己都應該都頂唔順的了 XD
日記版面 | Comments:4 | Trackbacks:0 | 2012/09/23(日)