Daisypath Anniversary tickers
開工大吉...
放左10日假 (上班以來最長的假期), 今天終於上班了... 本來都真是沒什麼mood, 不過知道今天阿姐放假, 所以都還好, 加上CNY大家都放假, 所以一開電腦都沒什麼, 最好就是6:30pm就收工了, 好彩...

今日一番公司, 枱上只放了2封director的利是, 遲了開工, 係會收少幾封利是的了 >.< 幸好最後陸陸續續都收到8封既... 今年公司都應該可以收到10封或以上既 (雖然公司咁多人, 不過會派的真係唔多 -__-|||| 而且數目又唔多) 看來今年的利是錢應該也是跟去年的差不多吧 (應該會多少少....)
下午, 還有醒獅在公司打鑼打鼓和採青, 又有財神派金幣..... 雖然其實年年都有, 不過都忍不住影下相 =P

醒獅, 打鑼打鼓好嘈 =P

今天在公司的收穫.....


好想出走去旅行, 雖然今日收工忍不住先買了本旅遊書, 不過都起碼要等半年先可以出發呢... 有排等..
生活點滴 | Comments:0 | Trackbacks:0 | 2012/01/31(火)
法式劇院蛋糕Opera Cake
去年他的生日, 我做了個史無前例、非常失敗的"香蕉朱古力蛋糕" (其實真係唔可以話係蛋糕tim, 都唔成型), 今年, 不容有失, 一定要成功! 不過又不想做太簡單的cheesecake、海棉蛋糕, 上網找找看, 就決定做opera cake了...
其實opera cake本身不難做的, 只是比較麻煩... 但我最害怕的, 是要把焗好的朱古力蛋糕切成薄薄的5片呢!! 我的刀工一向麻麻的嘛! 尤其我個蛋糕似乎不夠空氣, 不是很挺身 >.< 幸好切的時候也切得還好, 有3片都幾令仔, 只有2片隻角爛爛地不太完整 (汗)
5片蛋糕, 之後就是一層朱古力醬一層咖啡牛油忌廉, 最完做朱古力醬淋面, 再放入雪櫃冷卻就完成了! 甩模的時候還好, 沒有太影響外觀... decoration很簡單, 只有朱古力片和朱古力生日牌.... 也不錯吧!

朱古力海綿蛋糕製作中....

蛋糕出爐了! 還不錯吧... 之後要倒扣放涼才可甩模...

之後還要製作軟心朱古力醬和咖啡牛油忌廉

一層朱古力, 一層咖啡醬.... 層層疊...

大功告成.... 還有個足球型的蠟燭...

樣子不錯, 見到一層層layer, 我滿意收貨了....

Happy Birthday to u!!!


說不上大成功, 不過樣子還不錯吧, 起碼都叫層次分明 (雖然係有D亂, 但都早已預料到) 我自己都算幾滿意的... 希望您會喜歡! 祝您生日快樂, happy birthday and all the best =)

食譜來自這兒: LINK HERE
私房菜館 | Comments:6 | Trackbacks:0 | 2012/01/30(月)
<繼承大丈夫> (The Descendants)

導演: 阿歷山大比恩
主演: 佐治古尼, 莎蓮活麗, 艾美娜米娜

在風光明媚的渡假天堂夏威夷裡,一宗賽艇意外,令金牌律師麥京治(佐治古尼)黯然起來。與他相愛多年的妻子長期昏迷,醫生無藥可施,阿麥遂找來其最愛親朋,向他們宣佈妻子病情,同時又一改家事少理的形象,決心肩負起照顧兩名女兒重任。大女雅歷珊達(莎蓮活麗)反叛不羈,細女史歌迪(艾美娜米娜)腰心腰肺,阿麥生活得不到安寧而大為苦惱之際,同時更在雅歷珊達口中得悉一個被蒙蔽多年天大秘密──夜夜枕邊的老婆,竟然收埋了一個要好情夫,更想過離婚跟外遇遠走高飛!阿麥頓時晴天霹靂,「帽」被笠到落頸顏面全無,卻怎也無能為力;好一個大丈夫是時候向前望,繼承自己的親情與生活,以無窮勇氣,面對場場驚與喜交集的家庭大告解。


沒有高潮起伏, 不過卻透出淡淡的感覺~ 願大家都學會珍惜, 不要悔不當初呢...
劇集電影 | Comments:0 | Trackbacks:0 | 2012/01/30(月)
初七人日, 又去拜年!
今天年初七, 人日, 是眾人的生日~~ 先祝大家生日快樂喇 =)

晚上去了細姨西貢的家拜年, 年初二我媽那邊的親戚不齊人, 今天總算齊人了! 5家人都到齊... 其實我已經好幾年沒有去過這間豪宅了 (阿媽就成日去打牌), 所以其實都幾陌生, 但少少地點都有d印象既.... 間屋的確是很豪華的! 有3層的, 當然還有花園、地庫、天台、露台....

細姨的豪宅... 其實我都唔太有印象了...

我妹沒有去, 幸好還有我兩位表妹和一位表弟在... 12歲的表弟和我們一起玩wii, 好彩有得打機, 唔係一定悶死, 講真, 我是第一次玩wii sport囉, 真係好outdated =p
不過打機不是重點, 而是阿姨養了3隻狗, 一隻玩具貴婦、一隻金毛、一隻拉布拉多! 隻拉布拉多仲係armaarm新買, 得3個月.... 好乖好細隻... 其實我一向都幾鍾意狗的 (不過唔好叫我養叫我照顧, 好煩) 玩狗係幾正的 =p 而且, 我真係鍾意玩狗多過玩BB! 哈哈哈.... 平時沒什麼機會玩狗, 今日可以玩曬3隻唔同種的, 太好了! 一直覺得玩具貴婦好得意, 今天是第一次玩和掂咋... 金毛也是第一次掂, 真係好少可會掂咁大隻狗呢 =p 隻金毛成日好活躍又係度"heaheahea", 好攪笑...

個人覺得玩具貴婦最cute, 成隻公仔咁.... 呢隻4,5歲了...

呢隻金毛好嘈, 成日好興奮係度"heaheahea"... 1歲only...

呢隻拉布拉多最細, 得3個月... 好明顯仲係bb, 唔敢郁同周圍走的....


dinner是工人煮的, 有煲仔飯... 害! 也難怪, 其中一個工人, 可是做了10幾年的呢! 有錢人家當然還有很多酒飲, 我飲了紅酒 + 白酒 + sake.... 好彩冇事... 其實醉唔醉, 我真係覺得好睇心情... 只要個人放鬆曬盡情地飲, 係易醉好多的, 個人控制住自己, 係冇咁易醉的... 不然我今日怎麼會又紅又白都冇事丫...

家常便飯...

有酒飲... 也好! 我今日都想飲下酒...


今日的收穫, 有4封利是~~ 19封親戚的利是已經全部收齊曬... 暫時已過了2000蚊, 仲有公司同事少少利是, 加埋條數都應該跟去年差不多的...


PS* 部相機又神神地lor, 好無奈... 今天只能以iphone拍照... 浪漫曬!
節日慶祝 | Comments:0 | Trackbacks:0 | 2012/01/29(日)
Happy Birthday to Sally Kwan~
下午吃完high tea, 晚上就約了sally kwan在TST dinner, 請她食飯賀她birthday呢 =) 地點也是我選的, 在harbour city的AL MOLO吃意大利菜~ 本來訂了7:30pm, 不過我們7pm到都可以進去呢! 真不錯! 而且沒有趕我們走, so good!
其實個MENU好難睇, 睇得好辛苦! 因為有好多英文字都唔識! d食物名太"專有名詞"了! 哈哈! 好彩, 食物果然不錯, 我們點了個appetizer, 一個pasta一個pizza, 最後再加一個dessert夠了! 最好食是個red wine sauce的meat ravioli, 難得的非常juciy呢! 有驚喜, 好好吃...
而且我們還可以隔著玻璃, 看著維港景呢, 真美呢...

麵包好好吃...

頭盤是生牛肉carpaccio, pasta是好好吃好juicy的meat ravioli, pizza是parma ham & cheese的, 很好吃...
因為sally說不要蛋糕、不要蠟燭, 所以只簡單地點了一個DESSERT (其實我沒留意是什麼! 哈! 總之是有mousse, rassberry的啦 lol)

dinner後我們還點了一壺茶慢慢坐 =p

sally kwan & karen*


dinner後我們還點了一壺茶慢慢坐 =p 因為見外面有空位, 我們還調出去了外面的open area位置慢慢坐呢, 更有feel, 更能望到整個維港, 好正~~~ 旁邊還有暖爐呢 =) 幸好今天不是很凍, 如果是前幾天, 我們一定不會出來坐的, 哈哈!
我們談了八卦、工作, 還有自己的事~ 坐著就聊到11點幾先離開呢 =)

坐外面的感覺更好呢... 令景, 真係正 =)
食店: Al Molo Ristorante Italiano
地址: 尖沙咀廣東道17號海港城海運大廈G63

埋單時, sally kwan不讓我俾錢... 傻啦! 去年我生日, 她又請食飯, 還在我的指令我買埋成大個awlfully chocolate蛋糕! 今餐, 我點可以唔俾丫 XD 過3個月再請過我算吧啦, 哈哈!!

今天跟幾位朋友們談了很多~ 真高興... 感謝人生中有你們的相伴 =)
識飲識食 | Comments:0 | Trackbacks:0 | 2012/01/28(土)
High Tea @ Landmark~
Eva在英國回來了廿幾日, 雖然前2個星期見完面, 不過沒有好好交談過呢~ 所以趁著今天年初六, 約埋wallis下午一起去landmark high tea!! 一去landmark就覺得成件事好闊太, 好relax, 哈哈哈!
本來之前有想過去ritz carlton/ four seasons/ 文華的~ 不過wallis提議去landmark, 也好! 因為Le Salon De Thé de Joël Robuchon的high tea也是非常有名的嘛 =p high tea 3pm開始, 我們本打算2:30pm去排隊的, 不過2:30pm只有wallis準時到 =p 餐廳竟然很好地給我們位還可以先坐呢! 真係好好wor, 哈哈哈! 不過最重要係thank you wallis! 因為我和eva遲了10分鐘, sorry! 哈哈! 沒有wallis我們好可能要等位呢 =p
我們3個人點了個High Tea Set for 2, 再加了一杯飲品~~ 有鹹點和甜品, 鹹的妁有幾款三文治+鬆餅, 甜的有幾件小小的cake... 這兒的甜點果然好吃呢, cake又令又好吃, 真開心 =) 食物是很不錯, 不過環境是普通的, 不是太好坐, 尤其我們的位置, 有點像在走廊般的 @@

Le Salon De Thé de Joël Robuchon

上面的是咸點、下面的是甜點....

scones & 額外點的鵝肝芒果三文治~


我們談了很多, 各人的事都有... 已經2年了吧, 我們終於有機會可以三人一起在香港再聚了!!! 所以好開心! update了各人的近況~ 呢個世界, 都係"你睇我好, 我睇你好的", "家家有本難唸的經"~~ 這些年大家都經歷了不少, 大家都變了! 不過, 絕對是好轉變吧! 做人, 樂觀一點、開心一點, 絕對是一件好事! 說得對, 我是個樂觀的人 =) 係如wallis所說, 個人開心d, 好運自然跟住來吧!!! 我深信!!
PS* 不過我呢排真係好仔! 一坐低, 打算影相時, 我部相機又突然神左!!!! 個鏡頭有問題呢!! 畫面全白! 不過play相又ok的, 但就是影不到相!! 樹呀!!!!!!!!!! 好無奈... 當時的我非常冷靜, 沒有生氣、沒有著急, 只是很無奈! 我已經唔識做任何反應, 個天玩完我未呀 -_-|||| 拆了舊電出黎、再開機幾次都不行... 我也沒有辦法, 但我總覺得相機是一時失靈的, 之後再restart無數次, 我再click下d制, 它竟然又突然沒事呢!! 呆左... 真係多謝曬, 上天果然是錫我的, 我相信的!!! (不過我係應該check下部機的 >.<)

let's get start =)

wallis, karen & eva
食店: Le Salon De Thé de Joël Robuchon
地址: 中環輔道中12-16號置地廣場3樓315號舖

價錢我覺得幾合理... 起碼比樓下間cafe landmark平好多 (不過cafe landmark的環境好d開揚d既) 每人百幾蚊可以坐足3個鐘, 都reasonable既...

晚上大家都有約, 所以5點幾就走人了~ 反正我們之後有的是機會, 希望eva快點找到工作! 臨走前, 剛巧見到landmark的新年 (聖誕?!) display, 是法國的場景呢, 好令呀!! 有懷念的聖母院和凱旋門, 真係好懷念呀!

好令的paris display~

我和wallis都忍不住要拍照 =p
識飲識食 | Comments:6 | Trackbacks:0 | 2012/01/28(土)
<紅花坂上的海> (Kokurikozaka Kara)

導演 : 宮崎吾朗

今次是宮崎父子繼《地海傳說》後,相隔五年再度拍檔,父親宮崎 駿繼續負責劇本創作,而繪製手稿的工作則交由兒子吾朗負責。
少女松崎 海(長澤成美 聲演)每天都會在山上升起航海訊號旗,盼望可引領去向不明的父親回航…這個在山坡上經營民宿的女高中生,既然上學又要處理一群精靈趣怪的住客,每天都已經忙得不可開交,但因為一次偶遇,令她邂逅到學校的萬人迷──新聞社社長風間 俊(岡田准一 聲演),並雙雙捲入了課外活動大樓的熱血保衛戰﹗本來初戀正悄悄萌芽,卻因為海父親留下的秘密而快被摧毀?﹗年少輕狂的青春浪漫,就在這條盛放著紅花的山坡上展開﹗


之前沒有留意, 還以為是宮崎駿的電影呢! 但原來是他兒子宮崎吾朗的導演的~ 哈哈! 畫也是兒子負責的, 難怪一開場總覺得人物的動作有點生硬, 不是很流暢, 總覺得怪怪的 =p
這是套輕鬆的小品, 縱使男女主角的劇情十分老土誇張, 不過勝在有純情和青春搭夠! 男女主角的puppy love和初戀感覺真的很有feel, 不會老土, i like... 男主角很"可愛"! 好帥! like! 女主角各方面也傳統很優秀, 如其他宮崎駿電影中的女主角一樣!
最喜歡的是60年代的日本情懷, 小小古舊的店、昭和時代的校服、踏著單車上學的學生、手印的校刊、點火柴的爐頭.... 好正呢! 由龍貓開始, 喜歡宮崎駿就是喜歡他筆下的這份純樸的情懷呢~ 簡單的生活、簡單的人... 真令人羨慕呢! 但更令人羨慕的是, 60年代的日本街景和風景, 在現今2012年還存在呢, 我想起了九州的由布院, 雖然是有變化, 不過變化不大呢!
最後, 當然亦一如以往宮崎峻的電影, 歌曲都很好聽呢! "さよならの夏"很好聽! 聽聽下會令人哭出來呢!

anyway, 這是近年我最喜歡的宮崎駿作品.... 至少, 比起"崖上的波兒"、"千與千尋"、"哈爾移動城堡"... 我還是喜歡這套純樸小品! 看完, 我很溫暖很開心 =)
劇集電影 | Comments:2 | Trackbacks:0 | 2012/01/27(金)
年初五拜太歲...
年初五了, 感覺春節假期真的轉眼就過去了.... 下午去了黃大仙, 拜太歲啦... 黃大仙人是很多, 不過沒想像中多, 還好! 只用了一小時左右~ 拜了正殿之後就去拜太歲... 太歲殿是新建的, 而且要入場費的, 所以人很少..... 入到去就人專人教你怎樣做, 很簡單的...
今年虎年麻麻地, 所以就去拜了拜啦.... 希望龍年, 一切順風順水, 身體健康, 世界和平...

黃大仙祠

有十二生肖的像, 之前好似冇見過!?

好多善信, 好大煙....

只是一小時, 被煙得很害 @@
節日慶祝 | Comments:0 | Trackbacks:0 | 2012/01/27(金)
年初三。赤口
我諗我早兩日食得太多太雜了, 有少少食滯左, 今日個肚唔係太舒服 @@

今天已是年初三, 赤口容易有口角~ 不宜拜年.... 不過晚上打破傳統禁忌, 還是跟他一起外出了食個飯... 吃了放題, 好幾天沒有出過街, 外面真的很冷…

吃了很多... 飽~ 不過越食越凍...
食店: 串
地址: 油麻地彌敦道565-567號銀座廣地下1號舖


在寒風下相擁, 特別溫暖...

很多人明天就要開工大吉了, 不過我還有5天假 =P 雖然我都是沒事做的, 不過hea下都好既 lol
節日慶祝 | Comments:0 | Trackbacks:0 | 2012/01/25(水)
龍年大年初二~
大年初二, 又是親戚上來拜年... 不過今天來的是媽媽那邊的親戚, 舅父一家去了旅行、細姨一家不能來, 所以今天只有細舅父和大姨一家... 沒有任何我果輩的表弟妹來... 親戚們一來就拜利是, 之後就埋位打麻雀了, none of my business... 我和妹也各自回房hea喇! 所以今天像是普通的星期六, 親戚上來打麻雀一樣...
晚上的餸跟昨晚的大同少異, 不過就少了些鮑魚海鮮, 同埋得8個人食飯咋.... 唯一不同的是, 今晚有湯丸食! 由年廿九等到年初二, 終於食到 :)

年初二的晚飯, 得8個人...

不過有湯丸食, 團團圓圓~


今天的收穫, 只有4封利是咋.... 媽媽果邊的親戚仲爭4封~ (不過唔洗驚, 年年就算見唔到都一定收到了)


PS* 今年新年, 真係好凍呀!
節日慶祝 | Comments:2 | Trackbacks:0 | 2012/01/24(火)