Daisypath Anniversary tickers
又食"蟲"!!
連放3日假, 其實都冇特別野做... 在家hea到黃昏時份才去荃灣睇戲, 睇完戲逛了一會, 不過買了到他想要的東西! 可惜!
之後去了waraka吃dinner... 點了2個意粉, 特意點了一個沙律, 吃到底時, 他竟然......... 又發現有蟲了!! OMG! 又是沙律又是蟲!?? 早幾個星期在三亞時他才發現自己正在吃的沙律有蟲呢, 好嘔心 其實2次吃沙律時我都有在吃, 不過發現的人都是他, 吃中的人都是他呢, 真是很仔呀! sorry that i cant stop laughing =p 最後, 經理只送了廿幾蚊的coupon給我們, 也cancel了那沙律的單! 可能, 他近期會對沙律有陰影吧! 汗...

waraku, 吃過幾幾次了... 竟然都捉虫!

左上: 海鮮溫泉蛋意粉、右上: 火腿蛋沙律 (就係呢個沙律"捉虫"了!!)
左下: 茄子肉醬意粉、右下: 蕃茄火腿pizza (這兒的pizza皮脆餡令~ 好吃!!)
食店: Pasta De Waraku
地址: 荃灣楊屋道1號荃新天地上層地下41號舖


dinner完, 我嚷著要吃crepes, 點了香蕉朱古力雪糕芝士蛋糕口味的, 很飽咀很rich很好吃, 嘻嘻...

食店: Marion Crepes
地址: 荃灣楊屋道1號荃新天地地下G31號舖
識飲識食 | Comments:6 | Trackbacks:0 | 2011/04/30(土)
<愛情大龍鳳> (Just Go With It)

導演: 丹尼斯肯
主演: 阿當桑迪拿, 珍妮花雅麗絲頓, 妮歌潔曼, 布嘉蓮戴嘉

整形外科醫生丹尼 (阿當桑迪拿 飾),經常假扮已婚,讓女士們對他疏於防範之際,投懷送抱,不用擔心一夜風流之後「有手尾跟」。一天, 丹尼遇上超索女教師彭美拉 (布嘉蓮戴嘉 飾),更認定她是畢生至愛,打算修心養性,結束「扮婚」生涯,誰料彭美拉竟然無意中發現他的婚戒。為了保住跟彭美拉的戀情,丹尼哀求助手嘉芙蓮(珍妮花雅麗絲頓 飾)假扮他的前妻,演一齣分手好戲,好讓彭美拉釋除疑慮。誰料,謊言越滾越大,一趟夏威夷之旅,真相會否絕密公開?


上映了一後時間才去看~ 劇院沒什麼驚喜, 不過幾好笑, 尤其是adam sandler, 好好笑, 反而是Jennifer Aniston, 一向對她沒什麼感覺, 不過這次卻覺得ok, 哈哈! 最喜出望外的是nicol kidman的出現, 佢個角色好突出, 好攪笑... 很她平日高貴的形象完全不同! 好意外! 還要是客串呢 =p 基本上人物的對白好快, 套戲很多笑位, 成間戲院都很多人在笑 =p
電影大部分都是在hawaii取景, 都幾正... 唔知人生有機會去一次呢?!
劇集電影 | Comments:2 | Trackbacks:0 | 2011/04/30(土)
Happy Friday!!
雖然今個星期只番4日工, 不過都好似好難過咁既.... 好不容易等到星期五喇, 不過今日很忙, 8pm先收得工 :( 不過算, 因為明天起連放3日, 好開心好興奮!

收工後本來想跟他逛逛街, 不過時間已經晚了, 所以只是吃個飯, 因為他近日腸胃不是很好, 所以我們去了吃素食, 等位等了半小時, 成9pm才能開飯呢... 這間常素食的食物都不錯, 不似只吃素, 味道也不錯~ 吃完後他似乎舒服了點...

芋頭魚 (my favourite!)、士多啤梨骨 (真係似肉)、蔬菜三寶、菘露炒蛋白
食店: 常素食
地址: 旺角彌敦道639號雅蘭中心6樓食閣D舖


要說今日的新聞, 當然是英國威廉王子結婚的盛事! 可惜要上班不能看直播呢! 在英國殖民地時代長大, 對英國皇室始終有份莫名的情意結, 而且童話故事更是我所嚮往的!!
回家立即看新聞看片段, 呢d皇室的傳統好正呀! 成件事好romantic, 勁鍾意! 好掛住英國、好掛住倫敦、好掛住白金漢宮、好掛住西敏寺呢!
新王妃越睇越令, 真不錯~ 反而是威廉王子, 記得我以前中小學時的他好令仔的呢, 而家真係嚴重跌watt, 好浪費呢 >.< 婚禮在西敏寺舉行, 我真係覺得西敏寺好迫、好窄、好細, 哈哈哈!!

希望他們永遠幸福快樂! 也真替他們高興!

真係好掛住英國和倫敦呀.... 不知何時有機會再去呢...
識飲識食 | Comments:8 | Trackbacks:0 | 2011/04/29(金)
iphone壞了疑雲!?
每日回到家, iphone都只剩下30%左右的電量 所以平日我習慣回到家就叉電, 到第二朝早出門上班才"蚊"叉電線
今早還未起床的時候, 我還在用iphone上上網的, 梳洗完之後就一如以往地"蚊"叉電線, 把iphone放入袋就出門去!
行到去地鐵站時就打算拎iphone出來看看新聞, 點知按了很幾下制都不能開機!! 下.... 事呀? 我明明叉夠電的呀!! 但就總是開不到機! 明明在家時仍冇問題的呢...
在mtr上斷按制都不成, 心裡已在盤算如何處理它, 要拿去哪兒修理.....
回到公司, 什麼都沒做, 就立即行去找同事幫忙, 問她們借叉電線... 其中同事J就說她很有經驗, iphone常常死機! 她幫我叉電又幫我長按開關制, 沒多久iphone就著了, 顯示著apple的標誌..... 嘩... 那一刻超開心的, load左陣, 終於冇問題地run到去畫面了... 真是非常感謝同事J呢
iphone真係好cheap呀!! 不少用家都說成日壞... 好彩我今次冇事咋! 不過都嚇左成個鐘呢

晚上, 人事部終於打了電話給朋友! 一切終於塵埃落定, 就算放下心來... 等住朋友一個月後脫離地獄來上班..
今日也跟朋友們說起, 年尾的日本之旅去不成, 我們都應該來個韓國之旅吧 還未上班就來說旅行, 真是太過份了, 哈哈!
愛瘋手記 | Comments:8 | Trackbacks:0 | 2011/04/28(木)
interview...
工作了2年多, 雖然我也有多次in人的機會, 但真沒想到我也會有介紹朋友來自己公司的一日!
由上2週開始決定extend新同事的試用期, 到上週籌備叫朋友send cv, 再收到阿姐的指令要我幫手去in人!! 真係好緊張! 期間不斷text朋友最新的進展, 不但緊張介紹的朋友interview時o不ok, 還要擔心如果真是請了之後對方做野是否ok呢.... 一諗起就覺得好大責任了! 不過好彩之後隔左個easter holiday, 緊張的感覺都淡了不少, 哈哈!
今天是interview的日子, 首先上午in了第一個candidate, 之後突然被通知不用我去in第二位的朋友了, 真係好彩!! 不然大家都又緊張又尷尬! 仲可能影響表現! 哈哈!

同事S in完之後, 還未有即時告訴我揀哪一位, 真係緊張... 到下午4點幾先confirm請我的朋友!! 其實真係好險! 因為畢竟2位candidate也有優勝之處! 知道消息後當然是立即text朋友和打電話向她報喜啦! 恭喜你可以脫離地獄了! 沒想到可以與你成為同事, 而且整個事件, 只是短短的幾星期而已呢! 大家都未有太大的心理準備呀! 希望一切快點settle! 也希望另一位朋友都可以快d脫離地獄啦!!

今天收到ketu送給我的生日禮物! 是她親手做的信盞!! anmary, 小嘉和小透的禮物都是親手做的, 當然我的也不應例外啦, 哈哈哈!! 上面有用紙皮石砌成的"KAREN"字樣呢, 好有心思~ 是屬於我的啊* 我尤其喜歡底下那些粉紅色的石, 好令呢! 我知道你係邊度整啦, 因為幾個月前我們還一起去弄紙皮石相架呢.. 哈哈!! 信我就沒那麼多了, 不過我打算用它來放postcard呢, kekee*
另外還有一份ketu和小透一起送的小禮物, 是印滿唇印的廁紙 好得意! 死啦, 唔捨得用, 點算好!? 哈哈!

謝謝KETU送我的生日禮物!! 好令的信盞, 還有好令的生日咭!

右下那個是ketu和小透送我的唇印廁紙, 哈哈哈!
生活點滴 | Comments:4 | Trackbacks:0 | 2011/04/27(水)
Goodbye Easter Holiday!

這是我今年買來送給他的復活蛋! 不過他病了, 唔食得, 好慘...
轉眼就放完連續4日的復活節假期了! 洗唔洗咁快呀, 眨眼就冇左, 平時番工又唔見d時間過得咁快...
今個easter, 出去玩左3日, 今日整天都留在家休息上下網睇下youtube, 又訓下晏覺, 好寫意好relax!
hea左4日, 聽日就要番工了, 之前果3日我的思緒是完全脫離了公司! 今日間唔中都有諗下公司d煩野呢!! 真係... 番工係幾咁令人大壓力呢!
好彩的是, 明天已經是星期二了! 番多4日, 又可以放番3日了!! 咁諗個人會開心少少的!

話說今天的生日特輯已告一段落! 我特意整了這張圖, 順次序地紀錄了一下我今年吃過的10個蛋糕! 10個蛋糕, 是我呢廿幾年來吃得最多蛋糕的一年了 (可能是人生中最多的一年了, 我要記住這一刻!) 謝謝朋友們知我著緊生日, 所以都有特意安排! love u all*
今年的年紀, 雖然仍是廿幾歲仍是年輕, 但是真的覺得不再卜卜脆了!!!! 當然, 我有時候也很希望時光可以停留甚至可以倒流! 但其實我並不是怕老, 我亦很想知道將來的自己會如何, 路如何走下去, 感受人生... 更重要的是, 我深信明天會更好!! 做人最重要是抱著感恩和樂觀的心, 這是我的座右銘!
願在未來的人生中, 會繼續有您們各位錫我的人出現! 大家一起積極地展望美好將來啦!


多謝大家! thank you very much!
生活點滴 | Comments:6 | Trackbacks:0 | 2011/04/25(月)
誕生日慶祝第8擊 - Aberdeen之友*
轉眼已是第3日的復活節假期了, 真係快到呢 :( 晚上約了aberdeen之友, 食我今年2011年最後一餐的生日飯, 哈哈! 當然, 他理應也是座上客之一, 不過他在今早游完水之後突然不舒服, 更疑似發燒! 所以不能出席了... 好慘! 最後只剩我獨自赴約去!

吃得多西餐和日本野, 今次希望來一餐中菜的! 人不少, 所以就選擇了打邊邊, 不過要求高的我當然會揀一間特別的好吃的啦, 上網找找之後找了在大角咀的"靚煲皇"! 因為大家不識去, 所以約在朗豪坊集合, 之後再一起行去"靚煲皇" (我由屋企行去朗豪城比行去"靚煲皇"更遠呀! 真係為左接大家咋 =p)
今天出席的人有我, ariel, bill, try, jacky & ken共6人! 比jacky生日時全員到齊差很遠呢! 好可惡! 究竟點解上次大家咁俾面jacky先 (大家應該冇諗過, 只係巧合的, 哈哈) 今次想來這兒完全是因為想試這兒的招牌鍋底 - "靚煲皇"! 這個煲底勁大個呀! 一上枱超級amazing! 個煲勁多料! 大蜆, 蘿蔔, 甘筍, 蝦乾, 粟米, 魷魚乾, 豬骨.... 如果2個人吃的話, 再點個肥牛都夠了! 我們今次6個人所以可以點多一點東西! 這兒好適合一班人來呢, 大家都對這個"靚煲皇"很有興趣, 連平日不拍照的人都拿出電話來拍! 我果然沒有介紹錯吧!! 呵呵呵... 另外也點了很多東西! 好多野食好壯觀!

右上那個就是個鍋底"靚煲皇"了! 個煲勁多料! 大蜆, 蘿蔔, 甘筍, 蝦乾, 粟米, 魷魚乾, 豬骨.... 多到一開始就很難落食物下去! 湯頭好甜, 好味! 右下的是手切肥牛, 好吃!

看看我、ariel和jacky的照片來做比例! 這個鍋底真係好大架!! 真係勁多料, 好正!
另外點了珊瑚蚌、蝦滑、墨魚滑、駝鳥肉、四寶丸、生蠔、炸魚皮、柏葉、花膠..

ken, karen, 朱bill和未婚妻try姐...
鱔片、鵝腸、鯇魚、龍蝦丸、肥牛、豬潤、田雞、金

ken, 朱bill, try姐、ariel, karen & jacky... 終於記得在開飯前拍照 =p


席間大家說說笑笑, 說到擇偶條件 (硬是要把jacky推給ariel! 哈哈哈... 玩下姐, 唔好介意 =p) 也說到當年為什麼我們在london不肯花錢入西敏寺呢!? 還要是大家一致說不入! 汗... 是因為那時看得太多教堂所以沒feel嗎? 現在可後悔了 =p
由7點食到9點幾, 本來打算埋單啦, 低著頭弄著iphone等他們埋單, 一抬頭就見到我的生日蛋糕了, 嘩哈哈! 我今年第10個蛋糕呀! 其實我真係冇expect有蛋糕架, 因為今天是跟他們在朗豪坊集合一起去餐廳嘛, 他們又不識路, 所以應該不會一早買定+放定蛋糕! 雖然ken是獨自去餐廳的, 不過我從來都沒有懷疑過他! 大概是因為我不覺得ken會負責買蛋糕吧, 哈哈 (正常應該是估ariel負責買的嘛 =p) 本來我還打算提議吃完時間尚早明天又不用上班, 去食糖水呢!! 所以今次真是surprise到, 哈哈哈... 謝謝您們夾埋喇~
今年, 我還有生日禮物呢!! 是螢光粉紅包裝的朱古力和蛋糕店送的sesame street的碟子! 好得意! 得我有禮物咋, 謝謝大家! 所以今年, 我點都係贏你啦jacky yam! 嘩哈哈哈哈哈!!

2011年, 我的第10個生日蛋糕! 好強呀! 十全十美, perfect! 為我的生日畫下完美的句點!

支CANDLE好長... 螢光粉紅的好令! (我下個月要拎番黎俾朱bill用wor....) 今年, 我仲有生日禮物! kekee*

謝謝這班一起由HK出發、在aberdeen才真正認識、一起去過歐洲旅行的朋友! 幸好, 3年後的我們, 回到香港, 仍然是密密見! 真係難得!
食店: 靚煲皇
地址: 大角咀塘尾道25號周勝記商業大廈地下

謝謝大家啦, 下個月朱BILL生日再見啦, kaka!!

今次是2011年誕生日系列最後一撃lu (其實還有三亞之旅, 計埋應該有9擊才對 =p), 終於食曬所有生日飯... 吃了10個生日蛋糕! 呵呵呵... 今年生日算是告一段落! 多謝各位朋友的所以心思和用心... 我今年過得很開心, 下年再黎過! 哈哈哈!
節日慶祝 | Comments:12 | Trackbacks:0 | 2011/04/24(日)
2011年春天新版面!

雖然十分掛念北海道, 不過因為現在已進入春天了, 白色雪國已經outdate了! 所以還是趕快換番個春天新版面! 說到春天, 就立即想起日本的櫻花啦 記得去年在日本關西回來之後, 一直都很想很想換番個櫻花的版面, 不過之前唔arm時間, 又怕用得太短好快要換, 而且又好鍾意之前的版本, 所以都是捨棄了它! 直接在去年夏天換了沖繩的版面!
今年一於唔理三七二十一, 就算是短時間, 用番2-3個月都好! 我點都要換番個櫻花版本懷念一下 (加上見到小透已手快去轉了啦, 哈哈) 雖然是一年前的舊相, 但相信大家也會喜歡吧, 因為大家都愛日本都愛櫻花嘛, 對吧.... 嘻嘻!!
BG不是櫻花, 不過是同樣都是粉紅色的櫻桃! 都幾match丫... 反正我都是想要light一點的感覺!
另外info的照片也順道換了... 最近漂亮的相當然是三亞的啦, 不過藍天碧海似乎跟櫻花和櫻桃不太合襯, 所以還是找了張有生日蛋糕的相, 哈哈!
整體來說, 我對這個春天版面很滿意的..... 不知何時能再去日本賞櫻呢!???

不過, 相信這個櫻花版面也不能用太多, 畢竟春天只是短暫的! 到夏天時, 我會再換的, 夏天版本已經想好了, 當然是剛去完的三亞啦, 哈哈哈!
日記版面 | Comments:4 | Trackbacks:0 | 2011/04/24(日)
Sally JOY Yeung's Baptism~
琴日揼完骨, 今日個身很痛呀 >< 下午跟他去了看"3D肉蒲團", 看完後就去附近吃少少野, 我吃了碗弼咋, 冇胃口!
之後就去了紅磡聖母堂, 出席sally受洗儀式! 受洗對天主教徒而言, 就像是生命和重新一樣, 所以對sally來說今天是個大日子! 而我, betty, janet和tammy這幾個不是天主教徒的人, 還有sally其他朋友都一起出席了! 我覺得我地真係好俾面sally呀!

彌撒由8pm開始, 我們7點幾就到了, 幸好早一點到, 否則就沒得坐了! 彌撒跟中小學時的一樣, 都是頌經和唱聖詩, 因為以前中小學有教, 所以有些歌我們都識唱的呢, 哈哈! 身邊很多人都是教徒, 知道彌撒的流程如何, 我們幾個更像生手, 什麼都不懂/ 不做 lol
彌撒長2個多小時, 今天有60多人受洗呢... 因為我們坐得後, 所以有時sally走前去做些儀式時我們都看得不是很清楚呢 >< 不過sally感覺很開心的!

彌撒期間, 大家都點起了手中的燭火!

sally受洗了.. 願您平安!

恭喜sally喇! 大家出去拍照了....

禮成, 恭喜sally重新了啦.... 願您平安!

待至差不多11pm才離開, 之後去了附近的糖水店"芝麻豆"食糖水, 多謝sally埋單呢, 太客氣了, 哈哈! (雖然我地都真係幾俾面, 真係值得請的, 哈哈 =p)

大家的糖水, 我吃的是燉木瓜!
食店: 芝麻豆甜品屋
地址: 紅磡民泰街16號B地下


PS* 點解呢篇entry的title是"sally joy yeung baptism"? 因為joy是sally的聖名, 我們都笑稱sally以後要改名為sally joy囉! 哈哈哈!!
生活點滴 | Comments:2 | Trackbacks:0 | 2011/04/23(土)
<3D肉蒲團之極樂寶鑑> (3D Sex & Zen: Extreme Ecstasy)

導演: 孫立基
主演: 葉山豪, 藍燕, 原紗央莉, 周防雪子, 雷凱欣, 何超華

明代才子未央生(葉山豪 飾),自恃才高俊秀,認為人生苦短 …他邂逅了道學宿儒鐵扉道人的女兒鐵玉香(藍燕 飾),二人一見鍾情,郎才女貌,未央生隨即拜堂成親,入贅為婿。然而,玉香自幼受乃父道學濡染,端莊持重,不諳床弟之事。縱然彼此相愛,未央生亦始終為此大感遺憾…


近日的城中熱話當然是"3D肉蒲團", 想不到他一早說沒興趣看, 有興趣的反而是我! 不過都唔知同人睇的我, 只好拉他入戲院看, 哈哈! 不過$90張飛好貴呀!
成套戲制作其實都幾認真, 化妝和服裝都好令! 它說是色情電影, 其實不過都係露下點同借下位攪下姐... 其實套戲幾多笑位, 幾好笑... 不過3D場面不足, 而且3D果然是跟sex無關的, 飛出來的都是刀和子彈, 哈哈!
說回女優, 個人覺得最漂亮的是原紗央莉, 令女+身型好! 我覺得她好似JJ賈曉晨呀!! 第二是藍燕, 不過瘦了點, 其實她才是女主角, 樣子也不錯, 風頭全給雷凱欣蓋過了, 難怪會生氣.... 第三是香港代表雷凱欣, 角色不討好! 成套戲冇聽過佢把聲而且戲份少又沒有埋身肉博, 果然雷聲大雨點少! 難怪比人話"老點"! 哈哈... 最後是周防雪子, well, 我完全冇感覺 =p 男主角葉山豪嘛, 個人覺得角色不討好, 都係麻麻地 =p
不過還是那句, 電影不少部分都幾血腥幾暴力! 我真係只係想睇露點同埋身肉博咋... 攪錯! 哼哼哼! anyway, 香港的色情電影, 一看無防, 哈哈!
劇集電影 | Comments:6 | Trackbacks:0 | 2011/04/23(土)