Daisypath Anniversary tickers
Lunch @ Shangri-la Hotel
今日跟同事S和同事J去了九龍香格里拉酒店的意大利餐廳Angelini食個豐富的lunch, appetizer + main dish + desset要$258 + 10%的呢! 為什麼我們無啦啦食得咁豪?! 因為有公司有”部門活動經費”囉, 每個同事每年有$200的budget, 給部門間同事做聯誼活動! 今天3月31日是這個financial year可claim錢的最後一天了, 所以我們就決定趕及在今天吃掉它 (往年一直都忘記了, 未用過囉!)
通常就算跟客lunch, 都是去royal garden hotel的, Shangri-la hotel反而少去呢~ 餐廳環境不錯, 入到去有大大塊落去玻璃對住維港的, 今天天氣不錯, 沒煙霞, 所以景色挺清呢~ 不過可惜窗口位已full了…
Lunch其實是semi-buffet, 有任食的antipasto、main dish和甜點~ antipasto好好食呀, 有生牛肉刺身、煙三文魚、cheese、greek salad、ham、tomato & mozzarella等冷盤, 主菜我就點了牛仔肉, 不錯~~

Angelini @ Shangri-la hotel

任食的頭盤, 有生牛肉刺身、煙三文魚、cheese、greek salad、ham、tomato & mozzarella等! 好吃~

我的main dish是牛肉仔, 很嫩~ 甜點是"西西里特色芝士脆卷"~ 同事的是自家製雪糕和焗梨~

同事S和同事J~
食店: Angelini
地址: 尖沙咀麼地道64號九龍香格里拉大酒店閣樓

今天真是忙裡偷閑喇, kaka* 無啦啦有餐好的食, 又relax了差不多個個鐘, 食到差不多2:30pm才回公司, 無簧管, 呵呵呵…. 我們都說如果下午不用回公司就正喇 =p

PS* 終於捱到3月最後一天喇, 呵呵! 不過今個月因為買了相機, 所以用了好多錢呢... 不能怎麼儲了 :(
識飲識食 | Comments:4 | Trackbacks:0 | 2011/03/31(木)
人民幣戶口
下午跟大家說起買些人民幣投資
本來打算晚上回家上網買啦
點被告知原來買人民幣原來要要開人民幣戶口...!??
下!! 有冇攪錯呀...
咁鬼煩呀!!
早兩年幾時, 我新開個銀行戶口... 但只得儲蓄功能!!
到半年前想買股票左右, 我先被告知要開左個綜合戶口
到今日, 我都係想買下人民幣姐
點知又要我開個人民幣戶口... 真係好煩囉 =__=||||
無啦啦又要找個lunch唔食飯去申請...
攪得黎又要擔誤我一陣子才買得
我最討厭想做的事不能立即做的了!!! 好無奈好煩呀...!!! 嗚....
PS* 可能係我孤陋寡聞, 今天先知要開人民幣戶口! 不過真係好煩... 好似每做不同的銀行服務都要申請咁既...

說起錢... 真係好想學下買股票
不過都唔知買好
d錢放曬入銀行我真係覺得好浪費...
不過自己又唔識打理... 又冇人有advise冇人教路 (最後可能都係問番同事吧)
想學, 也無從入手...
真係好迷惘, 好煩... 唉...
(其實我都講左好耐, 但真不知點下手.... sigh)
生活點滴 | Comments:10 | Trackbacks:0 | 2011/03/30(水)
YOGA
放工後去了上yoga~ 是晚上8:45的堂... 回到家吃完晚飯就差不多要下樓去了! 8:45pm的堂, 我8:25pm才下樓呢! 真是太方便了! 下次再晚個5分鐘都可以, 哈哈哈!
今天又是上stress & release的堂, 不過course是完全不同的呢... 大概是平日晚上, 所以人不少, 只有20人左右, 而且還有2個導師呢, 給到我們的指導更多, 幾乎每個動作都有人會指正我們, 真好!!
這堂跟前幾天的完全不同, 在昏暗的燈光下, 動作主要都是躺著做的, 主要是鬆弛腰部和腿的筋骨... 今天幾輕鬆, 最高興是腰鬆了 >w<
其實我這個月費, 今個星期可能任上3堂的, 不過我怕我時間不容許, 我暫時打算是每星期上2堂的, 應該ok吧... 一日星期六, 一日就平日的晚上... 之前都擔心平日放工後上堂會辛苦, 不過今天就完全不會, 上堂是輕鬆的, 而且5分鐘就到達場地, 實在太方便了, 我真是沒有選擇錯呢 =p

PS* 仍然沉醉在加薪的快樂中! 嘻嘻.... 新的工資當然是在下份糧才有啦! 不過幸好4月底應該也很快到了吧, 又清明、又放大假、又easter, 呵呵呵...
生活點滴 | Comments:0 | Trackbacks:0 | 2011/03/29(火)
Disneyland buddies RE-U!
今個星期, 公司很多人在清假, 其實阿姐這個星期都放假, 不過實在太多野做有時不能走開, 所以這幾天下午她還是會回來... 我公司的人都很盡責, 不少同事(不只是manager grade)有時就算放AL都會番一番公司架! 病假也不多人請... 其實, 這種風氣我覺得幾好 :)
不過今日公司最大的消息, 是收到salary review的信了!! 人工升幅都ok既, 不過也是expected的... 我由去年這個時候第一次加人工, 到今日剛好一年, 我只能說, 我這一年人工的幅都算係咁!
另一消息是... 嘩, 我阿姐又升職喇, 由AGM升做general manager了!! 記憶中她做了AGM才不夠3年!! 真係升得好快! (不過她要負責的東西是多了啦) 我以後直接under GM了, 好似自己都升左呢咁, hahaha!!

晚上跟以前做disneyland part-time的舊同事食飯... 嘩, 不經不覺我們都差不多有一年沒見了吧!! 完全唔覺呢!終於我們全部人都grad曬開始做野了, 工作之後大家難約啦 :p 今天出席的有我, hidy, kari, sandi, sharon, stanley和sharon 6個, chloe臨時有事來不到呢 ><
我們去了諾士佛臺的香辣屋, 泰國野不錯吃, 不過這店很多東西都沒有! 生蝦竟然要預訂! 汗...
席間大家說說笑笑, 好開心呢! 真係懷念以前在disney打工的日子, 人工不錯又冇壓力, 全部年輕人, 開工時吹水, 收工去宵夜, 正呀!!
今天, 我們說的是以前, 現在的工作和感情狀況! 由剛認識時聽她說喜歡某男生而今日已變成了她男友的hidy、常被大家取笑的kari、好爆和爽直的sandi、斯斯文文的sharon、沉默是金然後會突然爆肚的stanley, 你們實在太可愛了, 哈哈哈! 太喜歡你們了 :)

香辣屋, a touch of spice

左上: 豬肉生菜包、右上: 海鮮柚子沙律
下: 小食併盤 (米紙卷、串燒、春卷、蝦餅.... 我冇食過蝦餅囉!)

左上: 炭燒豬頸肉、右上: 麵包咖哩雞 (好得意....)
左下: 泰式冬陰功、右下: 炒粉絲

一枱的泰國菜 >w<

全女班: hidy, kari, karen, sandi, sharon

大合照: stanley, hidy, kari, karen, sandi, sharon (難得未食野前記得合照, 哈)
食店: 香辣屋
地址: 尖沙咀諾士佛臺10號1樓

因為明天還要上班, 所以10pm左右就走了... 下次再約如星期五or weekends啦... 如果weekend, 我都想番大陸or去澳門呢, 好開心呀, kekee*

PS* 今天整天在忙, 就算收到信都沒來得切反應... 回到家終於靜下來想想, 雖然加薪是expected的%, 不過點都好, 加左薪之後, 每個月儲多少少錢, 都係好開心既 =)
識飲識食 | Comments:0 | Trackbacks:0 | 2011/03/28(月)
Facebook game - Cooking Mama
昨天在facebook見到有人在玩cooking mama, 心內也有點奇怪! 八卦入去一看, 嘩, 原來cooking mama真的推出了facebook版呢! 好surprise, 真害呢!
喜歡cooking mama系列的我當然立即玩玩啦~ 因為是用mouse操控吧, 所以菜色都是比較簡單一點的, 不是很繁複的~ 而且食物一開始不像NDS版本般可以全煮, 有些食物是要升呢才可以玩的!
另外有不同的是, 這個FB版本是在經營一間餐廳, 所以自選recipe, 又可以visit朋友的餐廳以得到更多的錢去買食材和用品、"體力"去煮食、"exp"去升呢..... 總之這是個結合了cooking mama和restaurant city的遊戲啦~ 都幾好玩, kekee*

facebook的version叫cooking mama - friends' cafe!

廚房也像NDS版一樣, 可以更換廚房用品的~ 不過這個要用錢買的~

熟口熟面的煮食方法啊!

食物有grilled cheese, sphagetti, scrambled eggs, tea...., 還有fruit salad, cookies, bacon, chicken noodle soup.....等等

目前我的friendlist中只是幾個朋友在玩咋~~ 有興趣的朋友也快點加入一起玩啦 =)
電腦玩意 | Comments:0 | Trackbacks:0 | 2011/03/27(日)
充實的一天..
我嘛, 平時weekend最少都要出一日街的, 尤其是星期六啦! 不過今天沒有任何約會... 見今日地, 我也安排了一些活動給自己..
其實一直都想學瑜伽, 主要原因是工作了這2年多來, 因為日日對住電腦, 真是覺得自己的筋骨差了很多, 關節也不好, 成日周身酸痛 (見我成日話要去按摩就知道了吧)... 情況真係幾令人擔心... 所以伸一直希望做下yoga舒長下筋骨... 二來可以減肥同令身體線條更好啦...

今天下午就去了奧海城的waterfall life yoga試堂, 個半鐘... 上的是很basic的"stress & release"... 很多拉筋的動作! 感覺良好!! 比我想像中更好! 我平日雖然沒有運動, 但幸好身體的柔軟道還算不錯! 動作都不會很吃力~ 一個導師教廿幾人左右, 都ok, 也有特別指正我做得不好的地方!
做完個半鐘之後, 成個人真係鬆左d, 比按摩完的感覺更好呢.... 其實之前我已經問定了價錢, 今日才過來試堂的! 上完堂, 都想繼續玩, 所以.... 就join了 (其實都係一早預左join的了) 一星期可能玩3堂, 我覺得價錢幾合理...
(PS* yoga嘛, 而家都有不少負面新聞, 我都有少少擔心! 不過呢間life yoga我都在奧海城見佢開左好幾年, 應該ok吧... 而且我有玩開yoga的同事S前陣子也join了在康怡的分店.... 應該OK卦)

做完yoga, 之後就回家hea了一會, 再到附近的salon電負離子 + 染髮 因為頭髮常常都"hill"起好討厭, 所以就去了負離子 (雖然其實我明明是留緊長d頭髮, 想去電微攣的) 另外頭頂的頭髮已經生了出來起碼4吋了, 髮尾又啡又黃很難看... 所以就髮了深啡, 都幾好看 (雖然相信髮尾的黃好快又會跑出來了...
本來今日仲想埋做facial架, 但整完頭髮都9點幾lu.... 唯有遲些才去啦! 真是充實的一天! 滿足!

坐了3小時呀!
生活點滴 | Comments:10 | Trackbacks:0 | 2011/03/26(土)
<我與妻子的1778個故事> (1,778 Stories of Me and My Wife)

主演: 草剛, 竹内結子

故事改编自日本科幻小說家眉村卓及其患癌妻子間的真實故事。

在朔太郎悉心照顧之下,節子曾經可短暫離開醫院。兩人把為將來退休而準備的儲蓄,用作北海道旅遊之用,享受美麗寧靜的片刻。節子儘管面對生命倒數,但在賺回來的5個春夏秋冬裡,生活卻比以前更開心愜意。電影公司為此特別製作4款以春、夏、秋、冬為主題的海報,讓觀眾感受這份傲視人間冷暖的真愛奇蹟。


沒有想像中好看... 一開始頭20分鐘都沒有配樂, 好靜, 而後段有點悶.... 如果節奏快一點, 短番半小時應該會更好~
好久沒見過竹内結子了, 演戲是不錯的 (雖然她不是我是杯茶 =p) 也是一如以往很有少婦的感覺, 哈哈! 看過草剛的演出不多 (印象中只有"日本沉沒"和"我的生存之道"), 今次這個角色算是幾討愛, 幾可愛 =p
劇集電影 | Comments:2 | Trackbacks:0 | 2011/03/25(金)
.....
我現在講,是想現在有人聽,
下一刻,已沒有mood講lu,也不想再講了。
嗚.... :(
生活點滴 | Comments:0 | Trackbacks:0 | 2011/03/24(木)
與"組媽"的聚會~
又係7點幾先收得工! 沉夕了一陣子, 晚上終於有約~ 舒緩一下工作的壓力平衡一下, 哈哈! (我要求好低架咋, 有得玩我就好開心的了 ;p)
約會的對象是大學時期hall ocamp的2位組媽, 阿蕉和Annie~ 其實阿蕉我間唔中, 幾個月都會約一約的~ Annie就真的有一陣子沒見過了 (畢業後?) 不過前陣子我們在地鐵上有遇到啦~ 哈哈! 不過雖然跟Annie雖然久沒見, 不過都沒什麼生外, 因為我都有從阿蕉的口中聽到她的消息嘛, 而且也有fb嘛 =p
我們去了美麗華新開的caffe habitu~ 食物很不錯呢~ 比elements那間好很多呢! (elements那間像delifrance那類的快餐, 這兒的較像有水準的食物) 第一次吃eggs benedict! 好好吃哦...
她們兩個比我大2年, 我們說著工作的事、結婚的事、生仔的事~ 畢竟她們都比我更接近適婚年齡嘛, 哈哈哈...

Caffe Habitu的裝潢~ 不錯的, 幾relax~

左上: 煙三文魚菠菜pizza (這個好好吃啊, 皮也薄很脆的);
左下: eggs benedict (第一次吃啊, 一直都很想試的~ 在english muffin上加上poached egg, 再加上煙肉和荷蘭醬~ 吃的時候蛋黃汁和加荷蘭醬流到下面的muffin上,極度美味! 推介!)
右上: carbonara (通常都會好吃的)、右下: caramel Habiccino

左:、Limone (檸檬蛋白撻)、右: chocolate snowball (朱古力雪球)

Annie, 阿蕉 & Karen @ Caffe HABITU~
食店: caffè HABITU
地址: 尖沙咀彌敦道132號美麗華商場B1017號舖

不過這兒10pm就關門了.... 很早呢 *0* 今晚談得挺愉快的, 我們下次再一齊出過黎啦, keekee*
PS* annie還是叫我"小豬"的~ 哈哈哈....
識飲識食 | Comments:0 | Trackbacks:0 | 2011/03/23(水)
工作.....
這個星期又忙了, 好多麻煩事, 這兩天都7點幾才收工
這個2011年的開頭開得不太好, 尤其是工作上的事...
先是過年前的麻煩case,
再來是上星期某高層離職後, 我們部門竟要接手某個燙手山芋
好大壓力, 好煩, 真係想死...
還有是上星期同事T提出辭職走了,
公司其實真是暗湧處處...
我這些"聰明人", 當然是"事不關己, 己不勞心"
幸好自己部門的人都算幾好
而且阿姐都好關照.... 再次又是時候想想自己的career path
究竟我在離開這公司前, 還想拿到什麼呢...
世事真係好奇妙... 之前明明冇諗過自己會咁多機會接觸大陸market的

身心疲累, 真係好需要放下假
放工還要找旅行的資料...
好希望4月快點快點來...
我的三亞之旅, 我的復活節....
i need a rest! both mentally & physically...
人生暫時實在沒什麼大目標, 用來支持著自己今天過得快快樂樂的,
就是旅行, 和跟朋友們的聚會....
這樣才能透透氣呀.....!!!

發完牢騷, 講番d正常d既野
別看我這個樣子, 其實我都好喜歡吃沙律的
今天晚上家裡沒人, 沒有叫工人煮飯
我自己買了個煙三文魚薯仔沙律做晚餐
家裡沒人, 獨自沉思, 大滿足!
生活點滴 | Comments:4 | Trackbacks:0 | 2011/03/22(火)