Daisypath Anniversary tickers
Hong Kong Wine & Dine Festival*
早幾日聽同事說起, 西九那邊這幾天有什麼第2屆wine & dine festival 今日見冇做就去一趟走走囉~ 平時好日都不去一次西九海濱長廊, 想不到一連2個星期都去了一趟, 哈哈!
5點鐘才在九龍站搭shuttle bus去~~ 好多人呢.... 入場是免費的, 品酒和食物就個別收費~ 感覺很像西化的露天美食博覽, 和多了很多酒的counter =p

由旅遊發展局舉辦的"香港美酒佳餚巡禮"... 今年是第2屆!

本來打算入黎飲飲食食, 但其實d食物都唔平~ 正當我行埋一邊講電話的時候, 突然有個講國語的女人(應該是遊客吧)說自己還有很多token用不完, 於是就送了2個bonus pack給我們! 每個bonus pack內有2張品酒券及3張美食券 ($10@), 即係我們total有4張品酒券6張美食券... 價值成100蚊架, 嘩哈哈... 竟然無啦啦執到寶, lucky*

無啦啦有$100現金券, 慳番唔少~ kaka*

場內很多人, 食物以佐酒小食為主~~ 勁多酒, 不過我一點認識也沒有 =p 有場也有很多中式美食, 什麼鮑魚, 蝦, 帶子等, 不過還是西式小食最受歡迎, 大概因為易送酒吧..... 場內人人都拎著個酒杯, 拎著小食... 我覺得好似去左歐洲d market咁, 幾正 =p
本來我想食芝士的, 但大排長龍所以就放棄了... 行行下仲巧遇周事Joiz, 早上知道她會來, 想不到場內咁多人都遇到她2次, 哈哈!

巧遇同事Joiz~ 有好多芝士好多火腿好多酒!

再行行下見到十分吸引的毛豬風乾火腿, 油脂豐腴十分吸引, 忍不住就去排隊買了 , 一大碟$80.... 價值並不便利, 但這隻豬腿實在太好吃了, 單看樣子就知道, 油光四射! 入口甘甜咸香, 放入口慢慢"dap"勁正... 因為我們有免費券所以只是補了$20... 好抵食, kekee* 見有酒券, 也求求其其換了4杯紅酒白酒來喝... 配火腿一流 >w<
四圍走走, 之後還吃了angus牛肉串和鵝肝多士 ($60)... 其實幾好食, 不過牛肉串唔夠熱啊~~ 因為"溝"了4隻酒飲... 所以有少少wing, kaka*

超好食的火腿... 邊吃邊飲, 好梳乎....

angus牛肉串和鵝肝多士 ($60)... 好好食....

好漂亮的一對酒店~ 上個星期我們就是坐在這個位置的地板上吹水, 哈哈哈!

西九環境真好, 望到維港, 之後都可以再攪下這類大型的carnival.... 作為旅遊發展局舉辦的活動都算係咁, 在場也有很多遊客和外籍人士呢...
因為有免費券, 所以今天只是用了$80, 抵.... 否則應該要洗成$200.... 其實在場內吃完之後都唔夠飽 (要吃到飽應該好貴), 我們之後去了佐敦打冷, 哈哈哈...
香港足跡 | Comments:5 | Trackbacks:0 | 2010/10/31(日)
Poor Dinner @ 麗景酒店*
晚上約了eva poon, ingrid和少萍去了TST麗景酒店食buffet.... 為什麼這個聚會叫poor dinner???? 我也不知道, 反正名字是由最富有的ingrid在facebook改的.... 大概是是因為ingrid自己說要交好多稅, 我和某人說我們是窮人的關係因而得名吧, 哈哈....
其實本來想去mr. steak buffet的, 不過2星期前訂都full booking了, 所以訂了獲得不少好評的麗景酒店!
可能因為以為有人請食飯, 所以有人很早就到了, 還未人齊, "主角"還未到我們就先出去拿東西了 =p 主攻生蠔和很粗壯的阿拉斯加蟹腳... 仲有好好食的瑞士煎刮芝士Raclette, 好食到暈~ 而且仲有汽水任飲, 正! 可惜食得2個鐘... 唔夠時間慢慢嘆...

蠔有紐西蘭, 蘇格蘭和南非的... 紐西蘭的最甜.... 阿拉斯加蟹腳很粗壯, 好食...

上: 吃了半打蠔, 很多San Daniele火腿, 蠔杯, 阿拉斯加蟹腳, 榮螺
下: 三文魚, 吞拿魚, 八爪魚刺身, 六色焗蠔, 日式鮮蠔餅 (食唔到蠔wor)

上: 凱撒沙律, 熱葷不多, 最好吃的是羊架
下: 瑞士煎刮芝士Raclette (第一次食, 好好食! 出面d餐廳單點好貴的), strawberry pancake及其他甜點 (puff好吃)


因為邊吃邊說笑, 所以吃的時間不太充足! 說說笑笑, 一起話當年大學趣事, 真懷念year 1時某人的呻吟片段, 不知所謂的互咀, LCC的成立, LCC會長之爭, 還有其他同學的趣事, 真係少年無知好抵能, kaka.... 今日我跟鍾小姐異常合拍, 一起"喂"潘綺華小姐, 一起"嘩"一聲, 哈哈哈....
但要數今晚最精境的, 莫過於鍾小姐那句"唔夠你咁多風浪" (唔記得exact wordings添!), 潘小姐無奈回應一句"我忍你....", 夠絕! 我好鍾意, 哈哈哈!!

左: ingrid & karen; 右: 少萍 & ????????

ingrid, karen, 少萍 & ?????
(有人唔想露面, 但我又好想post合照wor... 所以我幫佢打格仔! 哈哈哈!)
食店: Cafe Express
地址: 尖沙咀赫道8A麗景酒店1樓

不眠王子coupon, 都幾抵食.... 可以再encore... 謝謝富豪ingrid埋單!! wish u all the best, add oil and we are always with u ga!! =)
世事無絕對, 我也越大越不相信永恆.... 點都好, 只好捉緊眼前所有, 擁抱現在!
識飲識食 | Comments:8 | Trackbacks:0 | 2010/10/30(土)
稅單....

第一次收到稅單.... 要交的稅, 遠俾我想像中少!! 嘩哈哈.... 果然是低收入人士, kaka*
生活點滴 | Comments:0 | Trackbacks:0 | 2010/10/30(土)
第一次買股票...
廿幾歲女, 我都係第一次買股票咋 前幾日抽左新股, 中左3手, 今日一開市就係咁係公司上網check住個價, 好似d C9咁, 哈哈哈... 完全冇心機工作, 哈哈! (明明又唔係好大筆錢都咁緊張, 仲唔係C9 =P)
下午開市冇幾耐就放左lu... 就咁就賺左近2千蚊... 真係好害, 根本就像無本生利, click幾個制就有錢收...... 呢個世界呢個社會真係好奇妙

認真的說, 我真係要學下投資學下買股票....... 除了新股, 遲d要長揸幾隻放長線釣大(少少的)魚 打工點發到達...
生活點滴 | Comments:6 | Trackbacks:0 | 2010/10/29(金)
新假期
早2日見到原來新假期連續幾期送北海道的free guide, 本來想買架... 但諗諗下都係send個sms問ingrid拎免費書~ kakakaka* 今日在公司收到ingrid寄來的包裹了, 謝謝.....!! 未來幾期可唔可以繼續寄免費書去我公司丫, hee* 我只要那本free guide都冇所謂架wor~~
u magazine最近都有得換北海道旅遊書.... 真係好想去北海道.... (其實日本仲有好多地方想去) 唔知下年有冇機會呢? (但北海道咁既價錢, 我寧願去澳洲或者東歐好過了!)


其實以前, 有時收工搭西鐵回家, 我有時都會在OK買本新假期or八卦雜誌看看的.... 但自從有了iphone之後, 我就很少買了~ 因為看雜誌都是為打發時間, 而家有iphone, 上網玩app都得, 都唔洗睇俾錢再雜誌睇啦 =p
書籍介紹 | Comments:4 | Trackbacks:0 | 2010/10/27(水)
廣州出差即日來回..
今朝8am就要起床! 8:30am出門口, 由紅磡乘9:24am的直通火車去廣州! 比平時番工更早去起床, 累 :( 今日同阿姐和同事S一些去廣州.... 很不幸地仲要同阿姐一齊坐2個鐘, 真係令我坐立不安, 哈哈!

往廣州的途中...

11:30am左右到達廣州... 其實上次來廣州都差不多2年前了, 一踏足廣州的感覺是..... 嘩!! 咁乾淨既!! 空氣很好沒什麼廢氣, 多化, 路面都新鋪了! 大概是因為亞運吧, 聽同事說政府花了很多錢美化城市...
第一站我們去太古匯開會, 之後還到那未建好的商場看看..... 現場還在興建中, 完成度大概80%吧, 希望我們的店明年中前可以開到... 煩

每次入工地都要戴安全帽架! 其實我都成日戴~ kaka*

lunch完就去天河城, 之後就友誼廣場和花園酒店! 勁行... 行了好多路! 看了很多自己的店 (好似講到d店係我既咁, 哈哈) 行到腳勁痛....
原本預今日7點左右會回到hk, 點知6:30pm先係廣州走得... 仲要已經冇直通車, 要搭去深圳再轉... 回到羅湖都8pm了, 回到家, 9點囉....

在回程的火車上, 睡著了...

上廣州都辛苦過上上海... 好累... 今晚12點幾就訓左...
海外工幹 | Comments:0 | Trackbacks:0 | 2010/10/27(水)
我的膝頭!
星期日行行下, 無啦啦唔小心PK... 右腳膝頭損了仲流血... 好痛!
到今日, 個傷口仲未結到焦!! 可能因為傷口正在關節位, 所以好難結焦 >< 而且仲有D流膿呢!! 好嘔心 ><
真係好無奈, 無啦啦飛來禍!! 我下個月仲要去越南旅行架! 咁大個傷心, 好番都有痕啦! 一時三刻都不能退色啦! 你叫我點著條裙露我膝頭出黎丫 :(
生活點滴 | Comments:2 | Trackbacks:0 | 2010/10/26(火)
from杜拜......
放工番到屋企, 見到枱面上有張由杜拜寄來的postcard!!! 原來是小透上2個星期在杜拜出trip時寄給我的呢!! 2隻駱駝在帆船酒店前的海灘, 好令呀! 真是很surprise收到小透的postcard呢 >w< 是不是你在那hea緊的4日中寄給我的呢? kekee* 謝謝您呀 ^w^
雖然很多人都說想去杜拜, 但杜拜這個地方我可是沒有想過去呢 (起碼近5年都不打算去, 未輪到佢, 哈哈哈!).... 杜拜對我來說是個陌生的國度~ 所以今次收到杜拜的postcard真係好正~ 朋友幫我去了我不打算去的地方, kekekee*

thank you小透~ u are so sweet, 真令人窩心 >w<

PS* 講起杜拜, 成日都諗李蘢怡首"夜遊杜拜"! 哈哈哈哈哈...
購物禮物 | Comments:6 | Trackbacks:0 | 2010/10/25(月)
出新糧了!!
我的新職位由10月1日起effective, 今日是10月出糧的大日子!! 放工特登check下個銀行戶口, 見到比平時出糧的amount多了不少, 真係好開心! 番工咁辛苦為呀? 咪就係為每個月出糧的這一天囉! 哈哈哈... 辛苦有回報不是必然的, 其實我都好珍惜而家份工!

適逢今日我的新咭片亦到手了 (舊的那盒連一半都未派完).... 又有錢又有新咭片, 終於實實在在的感覺到自己升職了! 呵呵.... 今日8點收工都抵 lol

200張, 做到走都派唔曬 :p
生活點滴 | Comments:4 | Trackbacks:0 | 2010/10/25(月)
暗中對話~~
下午和Ben, jelly, ho, jennifer, chris, tammy和tammy一行八人去了美孚的"暗中對話體驗館"玩.... 一人一支盲公竹, 入到場館媽媽的, 完全沒有光的, 伸手不見五指! 是個全完漆的世界! 一入到去, 就有導賞員帶我們行整個60分鐘的旅程~ 導賞員P是視障人士, 只有正常人的10%視力, 在漆的環境中其實我們大家都是無不同的..... 一開始在暗中真的有點恐懼, 怕撞到附近的東西, 所以大家都摸著牆走..... 我們先經過森林, 過橋, 坐船, 過馬路, 音樂廳, 在cafe買野... 在暗中用身體其他感官, 如耳朵, 手, 鼻去感受一切, 很好的體驗~ 幾好玩呢!
記得當年入uni玩ocamp時, 我也曾在旺角鬧市中戴起眼罩, 靠組員的指出行走, 也是一樣的道理... 閉起雙眼, 用心感受, 會感受到不一樣的世界 =)

tammy, gloria, chris, jennifer, ben, karen, ho & jelly, @ Dialogue in the dark

暗中對話~~~


玩完才6點多, 我們8人就坐上了chris架貨van"偷渡"去佐敦食飯了~~ 架貨van後面冇坐位架, 哈哈! 我在5個在後面坐在地下, 就像運人蛇一樣! 哈哈哈...

好似運人蛇... 哈哈哈...

晚上我們去了六榕仙館食齋... 原本想去大角咀大邊邊架, 但有人話熱氣所以就改去食齋了... 這間六榕仙館勁多人呀, 幸好我們有book枱咋, 但想改早一點都不可以 ><
吃了不少東西每人才70蚊咋... (雖然唔係好飽) 吃了很久沒吃的芋頭魚... 好好食呢 >w< 還吃了不少豆腐~ yummy*

左上: 齋滷味 (我最鍾意橙色的酸齋); 右上: 炸鮮奶
左下: 西湖豆腐羹 (好吃), 中下: 油"魚追"煲 (油"魚追"原來係炸冬); 右下: 素鵝

左上: 沙嗲粉絲什菜煲; 中上: 生炒糯米飯; 右上: 紅燒豆腐
左下: 芋頭魚 (炸得剛剛好, 好好食呀!!); 右下: 桂花炒素翅 (好正)
食店: 六榕仙館
地址: 佐敦佐敦道38號


食完飯時間還早, 我們就坐chris的車去了西九龍海濱長廊~ 我是第一次來的呢 (基本上要有車的人才會來!) 人少少的, 而且又面向維港景色, 景色好又舒服... 拍拖勝地啊! 而最重要的是沒有tst那邊海旁那麼臭, 哈哈!!
我們就坐在地上談著人生計劃, 食著薯片... 好開心... 感覺好年輕... 好似回到中學時一樣 :p

西九龍海濱長廊.... 我覺得好正!

圍著圈坐, kekekeee*

chris車我地番elements, 我搭一個站就到家了! 爽!!

PS* 今日行行下突然PK! 我個膝頭損曬又流血!! 好痛 :(
香港足跡 | Comments:2 | Trackbacks:0 | 2010/10/24(日)