Daisypath Anniversary tickers
Staff sample sale...
今日是公司Staff sample sale的日子... 其實公司一年在S/S和F/W都各有一次staff sale, 賣的都是舊貨而且很抵的! 今次的sample sale是exclusively for staff... 賣的都是較新款的sample, 所謂sample是給casting model穿和shooting用的... 今次的貨是比較新, 但款式不是很多而且重點是折扣不低呢! 大部分貨打折後都仍是很貴, 不能像之前般執執幾十蚊至百幾蚊的貨仔了 >< 不過我今日都執了對iBlues的鞋, 2折咋, 雖然不是很便宜但很喜歡, 值得的! 等過2個月的staff sale再執平野啦 =p

今天買了這對iBlues的高根涼鞋, HKD$3XX, 不是特別便宜, 但原價是HKD$17XX呢.... 2折架~~ 越看越喜歡, 好令呢 >w<

其實我這2天非常的忙而且非常的煩! 琴日8:15pm先收工... 今早一回到公司就開始忙了, 打了無數個電話, 煩到嘔 (雖然我仍在11am偷走上了樓上看staff sale, 哈哈哈) 這樣忙完全是因為南京事件... 終於, 事情終於見到一點曙光快將完結! 祈求9月3日一切順利!!

今晚終於可以早一點走, 和他去了佐敦吃了個快飯 (真的很快!) 吃的是越南野, 為我們的越南之旅先來個預演, 哈哈哈! 雖然環境很迫但食物挺不錯的~ 說真的, 我可以說是第一次正正式式的吃凍撈檬!!

左上: 蟹肉焗蛋金磚 (吃不出蟹出, 但味道還是不錯的); 右上: 蔗蝦 (好大支呀! 蝦膠彈牙而且不會太乾)
中下: 豬肉撈檬 (正好適合我今天沒胃口!); 右下: 椒鹽軟殼蟹
食店: 老趙越南餐廳
地址: 佐敦文苑街25-27號地下
識飲識食 | Comments:0 | Trackbacks:0 | 2010/08/31(火)
CUS Gathering**
琴日4點幾先訓呀... 今早11點就起床了! 不過還是很睏, 吃完lunch又再午睡了一會兒....

晚上約了大學的CUS同學仔gathering, 好久沒有試過這麼多人出來了! 我地CUS一屆得30幾人, 出席的人有我, angel, cindy小, cindy大, erica, eva poon, ingrid, isaac, martin, pinki, rainbow, raymond, siuping, yauling, yoland共15人.... 這次我攪手是我, 因為很久沒見面, 且見大家成人話約但從沒有人的起心肝約所以我就接了這job喇... 有一半人出席真係好俾面, 證明我真係約得幾好啦! 我真是應該轉行做PR啦.... 哈哈哈!!
我們去了TST的香港老飯店, 訂了張18人枱但最後只有15人到~ 好大張枱好正, 哈哈! 第一次來, 食物還好*

最好吃的是第一道菜 - 合桃燻蛋! 燻蛋是溏心的, 好正bor*****

未齊人前拍拍照.....

開飯喇...... 飲杯~~~~

raymond, yauling, eva poon, angel, rainbow, cindy, siuping, yoland, ingrid, karen, 大cin, martin, isaac, erica~
食店: 香港老飯店
地址: 尖沙咀彌敦道132號美麗華商場4樓F號舖


update了大家的工作和感情生活! 恭喜很久沒拍拖的人拍拖了 >w< 食完飯走了一半人, 下場只剩我, 大cin, eva poon, ingu, isaac, martin去了charlie brown cafe吹水.... 畢業了, 大家的話題都是環繞工作和...... 結婚!! 哈哈哈.... 我們這一屆, 短期內應該不會有人結婚.... 吧...=p raymond星期一就要去北京3年讀master了, 加油喇! 記住到北京要撒網呢, kakaka**

karen, 大cin, martin, raymond, ingrid, isaac @ charlie brown cafe!
食店: Charlie Brown Cafe
地址: 尖沙咀金馬倫道58-60號國鈀大廈地下至1樓

12月聖誕再見.... 希望可以BBQ啦...

其實我都好懷念大學的日子架.... 一起溝草, 一起爬GE屋頂, 一起MK, 一起虹橋, 一起芭蕉葉, 一起readings, 一起paper, 一起pk, 仲有一起唱K和飲酒............. 哈哈哈 (抄某人的xanga! LOL)
不過, 我們回憶中的芭蕉葉都已經執了, 再不能吃火焰雞了.... 有點不捨 :(
識飲識食 | Comments:7 | Trackbacks:0 | 2010/08/28(土)
2年了....
2年, 不過什麼愛的紀念日... 而是我在這公司工作了2年的日子!! 2年喇, 不知不覺就做了2年喇... 其實我是挺慶幸自己入了這公司, 畢竟我這2年真的學了很多, 且有很多機會! 但都2年了, 都差不多是時候吧~ 不過我點都會等埋新年的花紅的...

今日係公司好似打仗咁, 由一早回來水都未倒就開始工作, 那壇大"獲"野真係十分麻煩!! 幸好7點幾都能收工.... 晚上約了shirley在cwb dinner, 她8pm才收工, 幸好我從tst過來時間都總算差不多不用等~ 去了shirley介紹的泰國菜餐廳~ shirley都有地方介紹, 真是十分難得, 哈哈哈哈哈!! 食物幾好食環境都幾好呢~ 抵讚啵!
跟shirley有一陣子沒見 (其實應該只是個多月吧), 大家說個不停, 先是工作, 人工, 男朋友, 旅行等.... 之後不知道為什麼, 短期內(即係起碼幾年)都沒打算結婚的二人一起討論起姊妹來... 原來大家都已想好了姊妹list, 好攪笑 =p 另外這餐廳竟然有電視, 我也有一眼沒一眼的看"公主嫁到", 第一次睇! 哈哈哈~

黃咖哩雞; 炸蝦餅; 功夫炒飯 (食物很不錯哦, 還有免費野飲~)

shirley & karen**
食店: 泰式食
地址: 銅鑼灣記利佐治街1號金百利廣場8樓R3


dinner完行左陣, 大家都只是隨意的window shopping當然沒有下手買! 唯一俾錢的只是買了apollo的乳酪吃, shirley吃不到她的最愛西瓜味 哈哈... 我還是吃我的最愛芒果... 想不起我們上次一起吃apollo是什麼時候, 只記得apollo是初中時shirley介紹我吃的, 記得當年我們在葵芳吃買過來吃的! 沒有10年都起碼有8年了.... 太恐怖喇!
識飲識食 | Comments:2 | Trackbacks:0 | 2010/08/27(金)
好煩, 唔想做...
心情還未平復..... 在公司也有偷偷上網看新聞, 睇睇下竟然還有眼淚滴出來, 真眼淺...

諗住阿姐今日唔係度會好輕鬆, 加上最近又沒什麼麻煩到我的事... 怎料臨收工5點幾時接到一個電話給人追開店... 我們連圖都沒有, 真不知道怎樣開! 最麻煩係我們很多店都要在10.1前開, 而且重點是, 圖不是我控制的呀! 追我我也是問其他相關部門, 當然相關部門也不能回覆到我且也沒有確實的schedule... 令我又失信於人! 我真係好頂唔順公司內部的人, 彷彿與世隔絕的不同外界溝通, 活在自己的世界, 然後外面有什麼都要我硬食曬! 好煩.... 真係做得好氣餒! 永遠對外的東西, 包括財務, 推廣, 政務及牌照, 裝修, 突發事件都關我事... 如果只是協助的形式都算啦, 但不知道責任永遠都落在我們身上... 應管的部門反而問我們怎樣做而不是主動給予advise...

因為琴日被其他人打擾, 今日lunch我就同同事joiz撐枱腳.... 又是吃日本菜, TST有很多地道的日本菜, 質素都很不錯的... 人家剛進來說公司很多東都幾好, 其實我都覺既.... 不過我都做左2年喇, 真係悶同埋越來越覺得公司真係好煩..... 尤其是上述的內部問題, 唉.... 攞埋新年bonus真係要諗諗....

我吃了個吉列芝士雞扒定食.... 幾好食但好飽...
食店: 吉有屋
地址: 尖沙咀漆咸道南45-51號其士大廈地下D舖


悶悶不樂的情緒延續至放工, 去了3預定了iphone4... 但要等一個月才有貨, 完全不能令我有振奮的感覺.... 晚上都沒什麼mood且胃口食飯... 最後和他去了一壽司, 感覺輕量一點... 只是點了8碟咋... 少有!

三文魚x2, 帆立貝, 海膽, 彩虹卷, 油甘魚, 吞拿魚, 活海老
食店: 一壽司
地址: 尖沙咀金馬倫道48號地下


通常呢, 我沒有心情的時候通常都會想早d睡....
識飲識食 | Comments:6 | Trackbacks:0 | 2010/08/25(水)
同事生日哦~
今朝搭地鐵番工邊看免費報紙metro, 只是看文字也令人心痛睇到眼濕濕..... 回到公司繼續跟同事們議論紛紛, 連上海同事也知道事件, 真係好心up.... 希望倖存者忘掉傷痛; 不幸者一路走好....
今日board meeting, 所以高層開會還開到6點先出黎, 冇簧管冇人煩真係好爽! 明天更自由!

今日我隔黎位同事Joiz生日 (其實我之前一直沒有隔黎位長達幾個月, 曾經的隔黎位是公司的"太子"), lunch跟她慶生... 去了hokahoka... 其實我成日去hokahoka的, 對上一次黎係我sick leave前一日! 就是它疑似令我屙了一天! 哈哈哈.... 想不到咁快我又去喇!

這些是MM的同事.... 在我常常也會去的hokahoka =p

10次有7次都是食這個"hokahoka定食", 貪佢都有嘛! 刺身, 天婦羅, 玉子, 炸物.....
下面塊曲奇係我送俾bday girl的... 我覺得好得意, kakaka*
食店: Hokahoka
地址: 尖沙咀麼地道63號好時中心51-52號舖


妹妹從日本回來了.... 真係羨慕佢可以去日本一個月!! 亦令我很懷念在英國交流的日子...
識飲識食 | Comments:0 | Trackbacks:0 | 2010/08/24(火)
Rest in Peace....
今日狀態很差, 腦筋也不是很清晰
lunch前整個人都是未睡醒的
有點悶悶不樂, 也有點肚子不舒服, 好眼訓.... 誰叫昨晚3點多才睡
晚上放棄看新城演唱會, 還是回家陪陪家人吧
也好讓自己休息一下, 畢竟今天才星期一而已


回家看了馬尼拉康泰旅遊巴挾持直播很久! 剛看時架旅遊巴已經沒什麼動靜, 而且有報導話車上所有人質被殺, 真係好心寒同好唔開心... 再看看那班"特種部隊", 人地挾持左架車10個鐘啦, 佢地係地下都唔知做過d! 係度打玻璃同打門, 衝上車之後又衡落車, 但完全冇部署, 都唔知佢地做.....真係睇到好嬲!!!
7時多時看車上冇動靜, 加上有傳所有人質被殺, 所以那時候已心諗凶多吉少.... 怎料竟然有一陣煙, 然後車門有具屍體, 好驚!! 心諗係咪燒車呢..... 但之後竟有奇蹟出現, 竟然到2名人質自己行出來, 之後陸陸逐逐也有人質走出來和被抬出來! 真係好好好好感動! 睇到眼濕濕.... 好開心呀! 不過看到地上那班警察/ 救護員真係好嬲! 明明已經開了門且玻璃窗都爛曬, d人都唔知做仲慢手慢腳!! 完全覺得佢地浪費了勁多時間救人! 而且現場超級混亂!! 勁多途人, 連個太平門都比勁多人包圍阻住曬! sorry, 真係要講句都唔知d菲律賓人警察/ 救護員做!!

晚上再看報導才知道原來那陣什麼打窗打門同衡入車, 就是菲律賓當局的強攻.... 老實說, 那時我只見到一班人雞手鴨腳去打門打窗, 衡上車又立即衡番落車.... 拖拖拉拉都唔知搞! 不知所謂...
人地脅持左架車咁耐, 下午又放下人質, d人質又有飯盒食又有得入油, 仲有談判專家傾得好地地... 點解最後會攪成咁... 人地開條件, 唔可以乙水下佢呃住佢先??
點都好, 係好希望大家都平平安安! 希望傷者早日康復.... RIP....
生活點滴 | Comments:4 | Trackbacks:0 | 2010/08/23(月)
久違的Fancy2B聚*
本來個幾月前已經約齊人打算上Nana屋企探小王妹, 但有事改早了2個星期前就去了~ 但既然約左就唔好曬, 我們今天晚上繼續出來吃飯~~ 久違了的fancy2B聚會呢, 也是pegpeg期待了很久的girl's talk night, 因為席上2位媽媽今天都甩下BB單拖出席飯局呢.... 自nana, pegpeg, lala生了小孩之後這樣的gathering少了很多喇!
本來今天有9個人的, 但隨著日子一天一天臨近, 有些人甩底了, 最後只有我, 小嘉, ketu, anmary, pegpeg, lala, bonbon 7個... 去了TST的OWL.... 又是點了8人餐, 好飽食物都吃不完... 大家一坐低就說孟蘭節, 好驚 ><

冇味的麵包; 冇味的蛋花湯; 鴨胸沙律; 小食併盤; 法蘭克福腸薯容~

pizza x 2, risotto, spagetti, 焦糖布丁雪糕


ketu, 小豬, 小嘉, anmary, pegpeg, bonbon, lala @ OWL
食店: OWL Our Wonderland
地址: 尖沙咀金馬倫道5號太興廣場5樓


農曆七月, 早d番屋企好d!
識飲識食 | Comments:0 | Trackbacks:0 | 2010/08/22(日)
R.I.P.
婆婆昨晚走了
媽媽今早才告訴我, 她哭了
大概醫院昨晚打電話來時已經不在了
由婆婆入院到至今2個多星期
由2個星期前醫生說會隨時離開
婆婆已很堅強的支持了2個星期, 好另!!
雖然是有心理準備, 但心情仍是難過的
家人和親戚們理性都知道的, 所以算是平靜的
願婆婆一路走好, R.I.P.
生活點滴 | Comments:2 | Trackbacks:0 | 2010/08/22(日)
星期六...
星期六的早上仍是睡得不多, 起床就是上上網, 也順道找找旅遊資訊.... 雖然距離下個trip仲有一段時間, 不過有目標令人期待真是零捨不同! 越睇越令人興奮! 嘻嘻.... 過埋最難過的7, 8月之後, 有假放的9, 10, 11, 12月都會過得輕鬆不少吧....

等他收工之後一起在家lunch, 之後地看電視... 晚上才外出dinner... 明明是想吃日本菜不知道為什麼最後又去了elements.... 終於去了試下caffe habitu, 食物一般最令人心動的還是那杯latte (但點解冇latte art ><)

parma ham pizza; latte & iced hazelnut habbiccino; seafood risotto
食店: Caffe Habitu
地址: 尖沙咀柯士甸道西1號圓方(Elements)1樓1001號舖



at Kowloon station....
識飲識食 | Comments:0 | Trackbacks:0 | 2010/08/21(土)
終於又到星期五~
為了攪掂我的上海同事, 我一早9:30am就回公司打算早一點攪定, 怎料人家竟然上午不來上班! 很無奈!! 最後人家下午回來了, 自己去了HR遞信, 不用我出馬了! 幸好!! 有時D野船到橋到自然直, 都唔洗擔心咁多...
不過今日再次覺得上海公司真係好多是非, 好煩.... 小小一件事都可以傳得那麼快, 真是人言可畏! 小心小心! 職場真係好複雜!

LUNCH去了萬豚屋吃烏冬, 今天晚上又跟他去了自家烏冬.... 人家明明想吃壽司的 :( 其實自家烏冬真係麻麻地, 都係萬豚屋的好吃 :)

芝士豚肉卷; 蕃茄雞肉烏冬; 咖哩牛肉烏冬; 龍蝦沙律鱈魚蛋~
食店: 自家烏冬
地址: 大角咀海庭道18號奧海城商場二期高層地下UG50號舖


終於到星期五了, 好happy >w<
識飲識食 | Comments:4 | Trackbacks:0 | 2010/08/20(金)