FC2ブログ
Daisypath Anniversary tickers
9月版聚*
臨出門口前睇埋菜菜子主演的<螢火蟲之墓>! 那是為了大戰終六十年而拍成的特別篇! n年前被高畑勳拍成動畫我已經好鍾意 (即係<再見螢火蟲>) 不過日劇版又冇我想像中咁好 ><

下午是我們9月的版聚, 出席的人有我, anmary, cassidy, ketu, nana, 小嘉, 小積, 果子! 今次出來是為了見長駐北京工作的anmary呢! 她趁著假期回港都跟我們見面真的好抵錫!
我們去了和庭, 大家都談了很多! 一個很快樂的下午~* 其實我都唔係好驚既, 係灰姐! -__-|||| 其實, 我想我是不會改變自己的打扮, 因為我十分喜歡! 不過.... 粗魯和爛口的性格, 也許我也會盡量收斂一下! kaka~*
諗起小嘉前晚在cbox說的「發乎情止乎禮」! 好攪笑! 大家都surprise嗎!? 汗!
希望明天去北海道的nana一路順風吧!

果子, 小積, 我, anmary

cassidy, ketu, nana, 小嘉, 果子, 小積, 我, anmary


晚上無無聊睇左陣<勁歌季選>! 阿嬌真係肥得好離譜!!! 之前明明覺得佢幾令架!
是劉華的fans太多? 還是劉華的fans叫得太大聲!? 點解次次出場都咁震撼!? *0*
生活點滴 | Comments:6 | Trackbacks:0 | 2006/09/30(土)
DAY OFF*
昨日3點就睡了! 幾乎一天比一天早! 大家的身體和身邊的人都開始有微言了嗎
早上10.14am手機有震! 竟然是上緊堂的ketu sms叫我起身 呆左! 好彩我果陣已經醒左只係係張床度"典"緊! 如果唔係無啦啦比佢嘈醒都幾慘! 哈哈
(PS* 我要把ketu的惡行公諸於世 )

今年, 我的房間彷彿成了大家的揭腳處! 當我在床上攤屍甚至訓緊覺的時候, 很多時都會有人打電話來說"karen你係唔係hall呀? 我可唔可以上黎你度?"..... 不過咁樣幾好, 因為今年唔係人人有hall住, 我的房間能為大家提供服務都幾唔錯!
好似琴日eva就上左黎訓晏覺, 今日wallis又上左黎sip時間 然後同佢食tea! 她無啦啦話我條眉個形好似唔同左 靈機一動, 我便叫她幫我修眉! 哈哈哈

本來晚上約好了eva和wallis晚飯補祝生日..... 可惜昨晚wallis電話來說今晚突然要開會 期待左好耐晚上的聚會! 不是想吃飯, 而是真的想chat真的想見你啊
我們3人立即拿schedule出來改期, 可是大家的schedule都好full呢!! 希望下星期真的可以約到一日出來啦 好彩今日都同wallis見左面食左野談了天!

晚上同betty去左元朗又食日本野! 她是第一次去呢! 又吃了不少! 不過今日唔post相喇, 因為我都係果d食物! 不過今日去左比較少食既牛舌, 好正!
不知不覺去跟betty在屈臣氏大出血! 汗!

cassidy話琴晚夢見我! 佢夢見佢係我hall同我換床單! 汗死


小虎我愛你! ^3^ 好想啜你一啖!!
生活點滴 | Comments:9 | Trackbacks:0 | 2006/09/29(金)
聽不到!
宛如<女王的教室>般的LCC堂! 之後是3小時的gender.... 連續5小時, 好想死!
我覺得今個sem自己唔會點走堂! kc和游靜果2科都是每星期3小時tutorial形式的lecture! 走不得! 在LCC女王的權威下我不會無啦啦走堂! (不過我已一早決定今個sem要走2-3堂LCC! 我會用曬d quota!) 陳清橋, 雖然唔知佢up, 不過仍未有走的打算! (不過我諗我遲d會走下lecture的!)

晚上6.30本來打算跟eva去聽ILP talk的! 點知我地6.50pm先去到! full了... 無奈! 等左咁耐先有話full! 激氣! 下星期再去聽吧!
算了吧, 反正我們肚也餓了! 那就提早出去屯市我們常去的餐廳吃晚飯! 吃談了很多!! 只消一載.... 變化萬千, 了解更深, 期望不同, 後悔不少, 看得更清, 明白更多, 相處困難, 日漸驅, 歷歷在目, 反思良多, 信任艱難, 感慨萬分, 無奈驚訝!!!!! 唉.....


牛肉煮蛋定食

鹽燒三文魚

嶺南有過百隻貓, 牠就是最出名的貓"小虎"! 牠通常會躺在HALL F對出的石椅上! 我常常也會用手去摸牠的頭和身體! 牠習慣了被人撫摸所以都不會怕人! 每次我順著牠的毛去撫摸牠牠都只是靜靜的讓我掃, 又或是懶洋洋的把頭仰高待我去替牠抓癢!
可愛的小虎, 每次見到你我都好好撫摸你的! 我也會試著替你拍多一點漂亮的照!


晚上在pegpeg那邊cbox~ 哈哈! 互相作伴!? that's a good point! 我一直都覺得係! 哈!
大家都很關心我! 謝謝你們~^^

發現了幾個smartone的朋友們! 晚上好無聊地send了sms給ketu, pegpeg和pigbon! 同ketu最無聊, 我們邊msn邊sms了10幾回! 大汗!
識飲識食 | Comments:9 | Trackbacks:0 | 2006/09/28(木)
tutorial!
上ILP, 比想像中好又不悶! 我有幾個位都感動得眼濕濕, 然後終於忍唔住, 一滴眼淚終於滴左落黎! 好彩冇人見到! 如果唔係一定好ODD! 我就說, 我是個超眼淺的人!

2堂清橋的tutorial! 212 tut.坐在潘綺華對面! 她在表演魔術給我們看! 再加上佢果d死人gap到爆既表情, 頂唔順, 笑到死! 突然懷念起去了markus tut的情景! 忍笑忍得好辛苦! tut之後又是開會....

繼續CBOX熱! 晚上很熱鬧, 有我, ketu, nana, pegpeg, pigbon, 小嘉, 小透, 蚊子! 好熱鬧! 好過癮係係我blog chat緊既時候ketu的男朋友MR. 小丑突然出現! 嘩哈哈! 笑死左! 最好笑係佢不是出現在ketu的blog上而是我的blog上! kaka!


大家振定D! 我冇整過頭髮! 只係今朝我洗完頭係度玩d頭髮再整各種造型姐! 哈哈! 我呢個樣係咪勁狂野勁wet妹!? 逃...........@@
生活點滴 | Comments:13 | Trackbacks:0 | 2006/09/27(水)
與蕉的飯局!
話說昨晚在我blog中的cbox大戰之後, 很多人都apply了他們的! 包括果子, 椒, nana, ketu, 小比, julie, 小嘉, 小透! 我是熱潮的帶起者嗎? 好似好勁咁! 嘩哈哈! (什麼嘛, 其實人家pegpeg和pigbon一早已有啦!)

下午跟大家飲茶的時候我們在談論著食物! 不過今天的主題不是食物的味道, 而是食物的英文名稱! soya bean curd, cereal, starfruit, lunch meat, cabbage, lettuce, grapefruit, squid, cucumber, shrimp, spinach, pepper.... 呢d英文食物名我都識唔少架! 我記得以前細個既時候我已經好鍾意睇有食物圖既中英文對照既圖 + 字典! (原來我細個已經對食物好有興趣! 哈哈!)
喇喇喇, 我唔係淨係識得食架! 我都知道牛柏葉是色的, 是牛的隔膜! 我都知道煮熟左既動/ 植物係來自食物既邊個部分既! 由細個開始我已經好鍾意跟媽媽去街市架喇! 我覺得見到咁多好fresh既食物好開心!

上完2堂好辛苦唔知講緊既清橋之後, 立即跟我已那個已畢業的經媽阿蕉在元朗匯合! 她特登入元朗同我食飯呢! 好好~ 我們又去酒泉食日本野呢! 哈哈!
1個多月沒有見阿蕉, 她剪了頭髮呢! 感覺是年輕了很多! 我覺得幾good呀!
我們談了很多! 愛情方面, 我真係要係呢2年讀緊書時搵番個男人; 朋友方面, 一段關係也是要相方付出的, 若果一直都只得一方在付出, 那就算了吧! 我會選擇放手; 工作問題, 辦公室政治好恐怖; 金錢問題, 我都想入下幾手股票轉手賺下錢!!!!!!
我們由7點幾談到差不多11點才走人呢! 下次見面應該是11月吧! 期待你們回來行畢業禮! 我會跟你們影相呢! (我未試過同朋友影畢業相! 好新奇!)

晚上回到hall, 又是msg board至凌晨2點! 不過....... 我手多多delte左100幾個msg呀! shit! 唔開心呀!

酒泉post過無數次相! 唔介紹喇! 三文魚壽司

吞拿魚沙律壽司! 整得好好味! 好新鮮, 紫菜脆卜卜的

蟹子肥牛炒飯! 第一次食, 不過十分麻麻!

芝士餃子

香草燒羊架! 一直想食, 不過身邊的朋友唔食羊所以冇叫過! 呢度整得好好味呀! 酥酥地, 又有香草味! 羊肉又很嫩口! 正到暈! 不過得2舊太少喇! 唔夠喉!

我和蕉

我和蕉again
識飲識食 | Comments:13 | Trackbacks:0 | 2006/09/26(火)
表情符號
昨日攪msg board攪到清晨6點 我真係顛顛地架! 今朝早左少少起身, 特登睇埋KC堂要睇的<蒙面騎士>! 今次係我開左學差不多一個月以來第一次看曬D readings


這是我今晚的dinner! 今天終於冇約, 好似係我今年第一日自己係hall叮野食! 久違了的叮叮又幾好食wor! 哈哈~ 希望唔好咁快好似舊年咁食公仔麵咁食到想嘔啦! 汗!
今個星期由明天到星期六都已經full schedule了! 下個星期有3天也約了朋友! 好忙呢!

msg board真係幾好玩! 我覺得有d似回到以前勁追bbs的日子 下午已經有不少人來留言, 晚上仲勁同小透和小嘉在玩! 連潛水良久的小椒都有浮番出黎同我地玩呢! 哈哈! 好開心 高峰期一分鐘有4, 5個msg的呢! 一日咋, 已經有成140個POST! 每分每刻在留意住個msg board又令我諗番起閃閃星呢! 好懷念!
今天在為msgboard找些可愛的表情符號! 可是在網上逛了很久逛到頭暈暈仍是找不到! 鳴.... 大家有好介紹記住話我知呀! 我想要好似pegpeg既洋蔥頭或者pigbon既柑仔呢! 我不要普通的smilies呢
PS* 洋蔥頭的表情得號真係好cute! 用住先啦我!
生活點滴 | Comments:11 | Trackbacks:0 | 2006/09/25(月)
message board!

見到pegpeg同pigbon都有個cbox的message board, 我也心動的apply了一個! 雖然fc2的blog有comment私功能, 但msg board就是不一樣! comment是回應每篇日記的, 但msg board就像談一樣, 正如我當年的"戀蝶小村"BBS一樣 XD
希望有了msg board大家會多些留言給我吧! 哈哈~ 明天我會找些可愛的smilies的了! kaka*
PS* (msg board在左手邊的column呢! 快留言啊!)

2006年9月25日 5:14am的小豬字
生活點滴 | Comments:11 | Trackbacks:0 | 2006/09/25(月)
<美女か野獸>

福山雅治與松嶋菜菜子2003年主演的<美女か野獸>! 想睇左好耐, 原因很簡單, 因為我實在很喜歡福山雅治! 好man, 令仔到暈! 而且笑起來又有些爆牙好cute! 可惜的是... 他演過的日劇少之有少! <同一屋簷下>便是我最喜歡的日劇之一! (另一套是<神啊! 請給我多點時間>, 真係集集喊! 顛架!) 小學的時已經得喜歡<同>中的二佬柏木雅也! 直至到今時今日那情意結還在呢!
近年福山雅治已經沒有再拍劇地專心做唱片, 害我想多看他幾面都不能 T^T 不過他的歌曲我也是挺喜歡的! 尤其喜歡他的<櫻板>和<虹>! 之前的寶礦力廣告我也很喜歡! KAKA*

說回<美女か野獸>, 可能之前是一直打算看CAST的, 因此對這劇的劇情也沒有太大的期望! 可是它比我想像中更新呢! 第一次感受到菜菜子的魅力! 由她飾演的女上司鷹宮真的確很charm呢! (第一套看她的劇是<魔女之條件>! 那時對她完全沒有感覺!)
劇情方面, 由2位主角第一次相遇時我都估到他們是舊相好來的了! 福山雅治的眼神很古怪! 哈哈! 9年又三個月沒見~ 難道曾喜歡過的人真的軟容易重點愛火的嗎?
基本上我唔鍾意睇女人強過男人既劇! 但呢套野雖然菜菜子是上司, 而且又是東大和哈佛畢業的高材生, 可是福山雅治卻在處理實際問題上卻技高一籌! 雖然他平時是一副浪子沒所謂的樣子, 可是做起事來卻也比任何人認真和放心! 我喜歡這樣的男主角!

劇中菜菜子曾2次知道了她信任的人的醜聞! 第一次是她母校校長; 第二次是她父親的貪污事件! 父親問菜菜子她最重要的是什麼, 菜菜子雖然眼泛淚光但仍眼神堅毅的回答說"我的意志"... 看這幾幕時又是2行眼淚! 菜菜子個角色真係做得好好, 抵佢憑此劇拿了第36屆「日劇學院賞」女主角!
其實這劇的愛情線都只是點到即止, 竟然要到最後一話才有kiss的場面.... 什麼嘛! 我覺得福山雅治同菜菜子好襯呢! 沒有再深入地描寫愛情真係好"side"!

這故事是圍繞電視台的新聞部! 之前看過相關題材的就只有<新聞女郎>, 可能那是以報導員的角度出發, 而<美女か野獸>則是以一個新聞部的製作人 + 新聞部的成員的角度出發, 所以2者也是很不同的東西!
越來越覺得所謂的新聞是很假的東西! 我們看到的"新聞", 都是經由其他人的"西"選過才報導出來的! 有很多時我們根本都冇法得知! 雖然常常說什麼新聞自己, 但其實這回事根本不存在! 我相信很多關係到很多大人物利益的新聞, 就算傳媒知道了還是不會報導出來! 現實中, 又有幾多個菜菜子幾多個福山雅治可以不畏強權呢!!

看日劇我還是喜歡自己一個坐在電腦前看! 因為自己一個睇會睇得好投入, 日劇10套有8套我都會睇到喊的! 唔係眼濕濕果隻, 係真係2行眼淚留埋鼻水喊到出聲果隻! 汗!
劇集電影 | Comments:10 | Trackbacks:0 | 2006/09/25(月)
新居大公開!
新居的裝修已經攪掂了! 現在就欠清理和傢俬就可入伙了! 入了沙田看傢俱~ 廳的先不說, 我房的床和書櫃已經看好了! 燈亦有心水的, 書枱用舊的, 窗簾應該上大陸做, 那就只剩下衣櫃還未看中! 10月尾應該可以入伙了! 挺期待的!

我就是我的睡房~ 當然是粉紅色的牆紙啦! 因為打通了2間房, 所以間房有2對門! 一對門有痴埋牆紙~

牆紙是玫瑰花來的! 襯埋我在泰國買的玫瑰花燈一定好令! kaka*

從我房望出去的view~ 這是.... 避風塘吧! 雖然都係望海~ 但果然是盈翠的view比較好!

向下望便見到停車場! 果然是盈翠的view比較好! 盈翠是望會所的呢!

大廳中多得離譜的燈製! -_-||||

這便是大廳, 感覺好白!

樓梯的轉角位~^^


晚上跟婆婆那邊的親戚們食飯~ 快要中秋節了! 下星期應該會跟女麻女麻那邊的吃吧!

全家幅@酒樓

好野! 有人請食飯!! 嘩哈哈!! 我都想請你地架! 不過我冇資格之嘛! ka*
生活點滴 | Comments:33 | Trackbacks:0 | 2006/09/24(日)
我喜歡自己!
我覺得好多人都誤解我! 雖然我平時成日口口聲聲都話覺得自己令, 不過..... 我都係用把口講下姐! 我當然知道/ 明白/ 承認比我令100倍1000倍的大有人在啦!
我不嬲都覺得自己皮膚唔好 + 眼睛太小 + 雙眼皮不balance + 嘴巴太大........ 架啦! 我鍾意自己是因為覺得自己令!? 唔好傻啦! 我還未膚淺到這個地步! 我鍾意自己同我個樣冇關係lor! 無論美與醜; 肥或瘦; 高或矮; 聰明或單蠢; 勇敢或膽小; 好脾氣與否; 心地好與壞, 我都鍾意自己! 我都覺得/ 知道自己有很多不好的地方及缺點! 但我不認為這會影響我對自己的喜愛程度! 自己我優點和缺點我也會接受! 對左自己20年點會唔鍾意自己呀! 這是我呀! 真正一輩子「與我常在」!

如果一個人連自己都不喜歡自己, 我覺得那是一件很可憐很可悲的事!
雜項記事 | Comments:15 | Trackbacks:0 | 2006/09/24(日)