Daisypath Anniversary tickers
休息日
睡到12點幾, 然後lunch... 之後BT... 下午4點幾再沉睡至晚上7點幾! 好舒服

之前我一直以為電腦個喇叭壞左 今日我先知道.... 原來.... 我是插錯線了! 白痴

晚上在看上戶彩的日劇<Attention Please>! 不嬲對上戶彩感覺都麻麻~ 不過睇左1, 2集又覺得佢做得幾好! 即刻對佢好感加左 仲即刻bt埋佢上年果套<Attack No. 1>tim~ 另外還有木村的<HERO>特別篇都成功BT了
放心~ 感想我會待看完後再寫的了
生活點滴 | Comments:1 | Trackbacks:0 | 2006/07/22(土)
超人回歸
日日訓得果4, 5個鐘! 我覺得自己就黎死架喇! 今日好攰好眼訓, 琴日訓左4個鐘咋! 好辛苦! 今晚又去反, 不過冇理由有人約都唔出架嘛! 係咪

仆街啦! 老細今日諗住叫我一齊出去見客! 點知我冇著得formal d.... 好無奈 佢前幾日明明話唔洗我去架嘛! 琴日又唔講清楚! 痴線的! 今日仲係度話前日一早講左我著定先! 明明冇講! 雖然佢冇鬧我冇我面, 不過我都好嬲
當老細出左去見客既時候, 我偷偷地MSN, 就好似蕉咁講, 好似偷情好似偷食咁! 感覺好好!

放工後同eva和wallis去左朗豪坊~ 我終於跟keroro合照了! 很高興 我還跟superman和powerpuff girls合照 都只是我自己一個影, 她們都在無奈我
KERORO
powerpuff
with superman

在「魚米之家」dinner完9點就入場睇<Superman Returns>,我們坐第二行! 睇得好辛苦! 我條頸好攰!
基本上我都覺得套戲OK的~ 值得一看丫~ 超人好大隻好正! 我好想篤下佢真人, 一定好正! 沒有看過之前第一、二輯, 所以對之前發生都冇idea~ 不過我諗都get到d既! 最不明的就是5年前超人要走; 超人和女主角的關係.....

我覺得套戲得太少打boss的場面喇, 感情戲比較多! (我自己覺得沒所謂, 因為我不嬲都鍾意睇感情戲) 我都預左超人唔會同女主角開花結果架喇! 沒辦法! 誰叫他是超人, 世界的英雄! 雙方都知道彼此的心意, 就算不是在一起也沒關係! 近來認為「友達以上戀人未滿」的境界十分浪漫 (以觀眾的角度來看)
我覺得成套戲高潮反而是開頭超人拯救飛機和跟女主角再會那一段! 另外是知道女主角的兒子是超人的! 正! (雖然都估估地!)
「Why the world need Superman?」 如果可以, 我都想超人會在我身邊拯救我!


呢幅係小南親手畫的!!! 名字是「矢澤家族漫畫版」! 就算好多人都唔知我net friends d樣, 不過我相當大家一眼就知邊個係我! 我自己望都笑左一笑! 哈哈! 小南畫得很好! 我的神髓和小動作她都get到了~
轉載自: 小南の日記

我唔覺得自己有錯! 我對你失望透了! 因為今日, 我更加知道自己之前的想法是正確無誤的!
不打不快! 為什麼我不可以在自己的blog中暢所欲言!? 已經不是第一次了! 我好嬲
生活點滴 | Comments:11 | Trackbacks:0 | 2006/07/21(金)
遊書展 + 邊邊
我今日成7點先放工! 太過份喇! 呢d係咪就叫做剝削?

有點唔好意思地要philip在灣仔孤伶伶地等我 2個月(!?)冇見佢喇, 雖然平時都有msn, 不過面對面交談的感覺實在不一樣! 是更實在的感覺呢! 很高興可以見到他! 真的! 之前我預預地佢會放我飛機! 好彩最後都見到面! 哈哈! 其實我真係好掛住你架
本來今年都冇特別想去書展 不過一時興起就跟philip去吧~ 一去到, 比想像中少人! 本來我都好興奮地周圍睇書架, 奈何書太多, 人又多, 自己又攰, 我都冇心機睇! 雖然我的partner還是十分精神 基本上我都係focus on 日本 的書籍! 結果我買了本「走看日本名物」和幫妹妹買了本美術書籍! 臨走時.... 竟然發現到「食玩不思議」!! 本書係講日本食玩同扭旦的~ 大佬, 我呢D食玩大好的人怎忍得手! 敗了.....
至於我的同伴范凱智先生究竟買左d!? 算! 唔好提! 我已經唔想理佢
今天買的東西

我地行到10點關門都只係勉強地行左一個HALL, 其他HALL都冇去過! 好蝕底
之後我們很浪漫地(其實好熱同埋個海好臭!)搭船仔 去TST然後又去左金打邊邊! 其實我一D都唔想打! 上星期六先食完嘛! 食到想嘔 所以我今天的狀態不是很好! 根本不想吃邊邊食品 + 累! 不過為左見朋友, 為左見所見的人, 辛苦到死我都要出來跟你聚一聚
最後, 凌晨1點到達荔景~ 東涌線最後一班車! 幸好!!

死屎的! 我成個星期都冇番過屋企食飯! 明天又有約 屋企已經炸型喇! 點算!? 本來星期六又有約的, 不過好彩花花唔得, 我而家決定我星期六要全日留在家休息! 不是為了家人, 只是純粹地覺得有點累而已
生活點滴 | Comments:5 | Trackbacks:0 | 2006/07/20(木)
友人飯聚*
聞說朗豪坊內有很多KERORO的電影宣傳公仔! 呀..... 我又要去朗豪坊同keroro影相呀 不過keroro劇場版我應該唔會睇喇 因為keroro基本上是一套挺無聊的動畫 (雖然我都追左百幾集) 實在不值得花錢入戲院睇

放工後約了kelly, shirley, jelly & rryan去「火間土」dinner~ 5個人其實唔係叫左好多~ 不過「火間土」d野食不嬲都貴貴地 食完野jelly要求kelly教佢set頭, 我和shirley當然也要來參一腿 哈哈! 不過其實我不嬲都鍾意有留海多d~

左: 魚生飯 (魚生好鮮甜不過飯唔好食); 右: 白汁焗蟹肉飯

左: 白汁明太子冷烏冬 (sauce好味不過烏冬唔好); 右: 鹽燒三文魚

左: 豚肉pizza (好味不過好辣!); 右: 汁燒牛柳 (牛好好味, 不過sauce麻麻)

左: 芥辣八爪魚漬 (我喜歡八爪魚不過討厭芥辣); 右: 鵝肝壽司 (入口即溶的鵝肝!)
食店: 火間土
地址: 尖沙咀北京道1號8樓802舖

左: karen & jelly; 右: shirley & karen

左起: shirley, karen, kelly, jelly****


dinner完之後又去左「麻布茶房」吃甜品!

左: shirley's 草莓牛奶刨冰; 右: jelly & rryan's dessert (忘了名字)

左: karen's 巧克力聖代; 右: kelly's dessert (忘了名字)

死火! 我想洗錢買d野..........


看回過去的日記, 而家諗番, 呢一年黎我都冇做過一件後悔既事! 雖然有d事導致了不同的局面, 不過比我簡多次, 我仍然會跟之前的選擇一樣! 係人生中能坦蕩蕩地說一聲「我不後悔」其實是一件很幸福的事 我是個很幸福的人
識飲識食 | Comments:11 | Trackbacks:0 | 2006/07/19(水)
染髮*
琴日先話唔痛肚, 點知今朝就痛到醒左 8小時的睡眠幾乎還不足夠

臨出門口跟shirley MSN時被誘惑左去整頭髮 放工後搭地鐵好快就到達藍田~ 7點幾去到salon, 然後攪到10點先走得! 人太多了, 只得呆坐 晏晝有打算電直架, 不過諗諗下都係決定染同埋修一修頭髮算了 其實我一心諗住染番深色D個頭! 所以都係簡深啡危帶紅的colour~ 點知出到黎一d都唔深色, 其實同我之前差不多 係d頭髮而家係帶紅而唔係再帶黃! (我好唔鍾意帶黃, d頭髮好似好旱咁 )

在青衣城突然有人大叫「KAREN 」, 嚇一嚇, 以為係邊個啦, 原來係kenus 哈哈! 係青衣撞過好幾次LU的青衣人~ 等我下星期約大cin係青衣城來個晚飯先

唔該你唔好心軟! 唔該你記住我既說話! 唔好再縱果個女人!!!

乏味和我攝於7月15日地鐵上
生活點滴 | Comments:3 | Trackbacks:0 | 2006/07/18(火)
「妳其實可以找到更好的他」

繼「他其實沒那麼喜歡妳」之後, 我會努力把這本新作看完! 近年除了日本文化和清朝的書籍外, 最感興趣的就是這種兩性關係/ 心理的書籍! 後者比前兩種資料性的書籍容易消化多了! 又可以填補心靈上的空虛! 不錯~ 我發現自己真係唔多鍾意睇小說! (愛情小說除外!)

=======================================
妳絕不是個對瑕疵品放不了手的女人,
不管是一輛車、一雙鞋或是一段愛情。
拋開已走味的『雞肋』,才會有全新的開始,
因為,妳值得擁有更好的他!

如果妳的『前』男友曾犯了下列罪行,
我們嚴禁妳為他尋找任何藉口!
他背著妳搞劈腿,他瞧不起妳,他曾對妳說謊,
他不時放妳鴿子,他有暴力傾向,他曾在公開場合對妳吼叫,
他有女朋友,他有男朋友,他和妳的朋友胡搞,
他從來不珍惜妳這個史上無敵大美女……

認清『』之後的下一步,
就是妳能不能鼓起勇氣和他說拜拜!
可是如果我只是想給他一點教訓呢?可是如果他call我怎麼辦?
可是與其逼我開口,為什麼他不直接對我提分手呢?
可是萬一已經沒有更適合我的好男人,要怎麼辦?……

妳可能還在一堆『可是』中掙扎,但葛瑞哥夫妻可不想再看到女人深陷在愛情的泥沼中,浪費了大好的青春時光,因此特別公開戀愛療癒法則,提供七大指令,讓妳徹底脫胎換骨成為戀愛必勝專家,重新贏得亮麗美好的愛情生活!
=======================================
書籍介紹 | Comments:4 | Trackbacks:0 | 2006/07/18(火)
interview*
早上7點便要起床番LU! 仲早過平時番工! 好辛苦 9點番到department幫手interview, 其中一個interviewee入到黎, 我講唔到成句「同學, 係咪黎interview架!?」我已經忍唔到爆笑左出黎! 真抱歉! 笑死我 其他人都冇特別~ 奇怪人就有! 汗! 我們可沒有像去年steveo那樣地撩人傾計~ 雖然我很想! 我常望住d interviewee笑~ 可能會嚇親佢地! 哈哈哈! 今日又見到rainsta, 我問佢記唔記得上年interview果日見到我! 佢話記得去年佢地話我一定入架! kaka 唔知點解, 我預左入到溝草的都是GAP人! 汗

lunch同erica和eva跟一大班professors一齊去中菜廳食飯! 包括小良, eileen, 生哥, 聰頭, lisa + selina! 哈哈! cast強勁 連部長都敢怠慢, 對我地呢枱好好招呼
其實我都係第一次同小良講野 (之前只係interview講過) 期間因為我成日笑既關係, 小良話「咦! 呢個karen成日笑架wor!」 然後聰頭立即附和說 「係啦! 佢成日都係度笑! 攪到我成日覺得佢笑我! 成日以為自己有失禮! 以為自己冇拉褲鏈!」 真係笑死我地.... 哈哈哈哈哈!!! 小良仲好正經咁話男人人生肯定唔止一次試過冇拉褲鏈! haha
小良仲話我似楊千嬅 因為我地都成日笑! 哈哈哈~ 話說大家講起philo的筆試的題目, 我話我舊年都做過! 小良說「嘩咁你仲入到黎!」 然後我立即指住小良說「係你IN我架!」 哈哈! 今日突然對小良既印象幾好~ 之前仲以為佢好harsh

interview攪到5點幾, 之後同erica和eva出了元朗~ 一番冇開! 去到酒泉門口竟然要等! 呆左 原來7點前有特價時段! 入到去喪叫~ 好開心

炸蝦天婦羅; 炸餃子

芒果炸蝦天婦羅反卷; 燒鯖魚

蟹子沙律; 三文魚、吞拿魚沙律壽司

甜蝦刺身; 刺身拼盤


28日環遊世界開始 >< 幸好這次肚子沒痛!
識飲識食 | Comments:2 | Trackbacks:0 | 2006/07/17(月)
開會!
訓到一點半! 昏睡了12小時 感覺很好很感動! 好耐冇試過訓咁耐喇

6.00pm - 10.00pm開會 @ city u~ 今天的會議很快便完結了! mainly都係講check point的事宜..... 這個星期攪好埋ice-break既物資, 我地果組就可以幫手一齊傾埋check-point果邊d野喇

之後同eva, ingu, isaac 出了mk食dinner~ 左諗右諗還是去食日本野 說著說著, 說到人家打烊才無奈地被「迫」走!
順道在女人街確定了有印水紙賣~ 又一個task OK左~*


晚上飲左一包「寶」橙汁 好好飲! 起碼5, 6年冇飲過! 原來這個品牌還健在!

局內人: 我一早叫左你唔好咁戇居架啦! 唔該你睜開眼睇清楚 醒下啦!
識飲識食 | Comments:3 | Trackbacks:0 | 2006/07/16(日)
Pre-check point*
7點幾起身, 9點幾到中環! 然後同少萍, cat, cindy同 isaac 5個人搭巴士入我們的第一個目的地 - 赤柱! 上次黎赤柱應該已經係f5生日果年喇! 以前summer都會入去BBQ!

入到赤柱join埋ingrid, 之後我地一齊去懲教署博物館, 惠康, 赤柱大街, 赤柱廣場, 天后廟去視察環境! 本希望陽光普照的嘛 (怎料整天都是天陰陰的!) 加上要入赤柱, 所以我今日穿了裙子, 涼鞋和了背囊! 潘綺華話我今日好似遊客! 哈哈哈!
@ 懲教署博物館! 很喜歡這個徽章*
@ 赤枉廣場附近*
搭車出柴灣join埋raymond, 入了惠康, 街市, 大排檔和xx村! 之後再去西灣河join了「EVA 2人組」(今天新組合名:「乏s」), 辛苦左半日大家終於可以坐底食番個lunch (其實已經2點幾!) 上了體育館一心地打算book場! 怎知.... 8月10日竟然冇位.... 左攪右攪, 終於book了柴灣的場.... 幸好上天沒有斷我們的後路!
我們在吃燒雞翼!
之後出CWB, 我們去了維園, 10蚊店, 鵝頸橋, times square.... 今日竟然仲係sogo門口撞到表哥! 好攪笑! 最後我地去埋TST, 清真寺, 重慶大廈, 海港城.....
完了! 我們今天的行程終於完了! 那時已經是晚上9點了! 我們由早上9點開始活動至晚上9點! 足足12個鐘喇! 我對腳呀! 攰到死! 我對腳就黎斷喇! 好支力! 好彩仲淨番少少油麻地旺角既TASK未攪掂咋! 聽日唔洗再出黎pre! 好開心.... 不過晚上要開會 ><

之後一行八人去左金打邊邊! 勁叫野食, 不過又係食剩好多! 好過份! 點解次次打邊邊都係咁! 次次打完之後起碼一個月都唔想再打!
好多食物呀!!!

PS* 今天搭車搭左好多錢! 然後就是我對港島區完全唔熟路的! 汗!
生活點滴 | Comments:11 | Trackbacks:0 | 2006/07/15(土)
happy friday*
番左一個星期終於又到happy friday~ 好relax
為左氹自己歡喜, 放工後出了一趟TST, 終於的起了心肝買番對birkenstock拖鞋 之前見到有桃紅色同黃色勁開心~ 因為全線斷貨了! (早知上幾個月訂埋啦! 又多色又少d!) 不過今日去到先知道原來呢2隻色都斷碼了 好傷心! 最後我都係簡左好多人有既紅色.....

難得的三天假沒了! 星期六 - pre-check point; 星期日 - pre camp + 開會; 星期一 - 番department幫手interview


picture of today*
生活點滴 | Comments:7 | Trackbacks:0 | 2006/07/14(金)