Daisypath Anniversary tickers
高考放榜*
原來今日係AL放榜, 都係有人打黎問我文化研究收grade我先醒起! 一年前戰戰兢兢地從mr. nair(!?)手上領過成績單! 最喜歡的中化B了令我覺得好高興! 高興得忘了其他DDDE了的科目.... 拿著DDDE的成績, 放了3個LU的課程去band A, 心想就算是嶺南的philosophy我都會入! 因為我想好讀degree....
入不到大學也不是什麼世界未日! 去年7月7日放榜前夕我打了這一句說話來自我安慰! 哈哈哈! 會考, 高考.... 當年看得好重要! 一年後驀然回首便覺得不外如事! 咪又係考試一個! 唔需要睇得太重~ AL放榜的同學們~ 加油啊~ 不要灰心~*

我的眼睛是盲的, 我的觀察力是0, 我的敏感度是0! 白痴, 粗心大意!

再見阿根廷, 沒想到你竟然8強止步, 我是多麼的支持你! 我是多麼的討厭國

1996年小五新年 - 泰國
xxxx年xx新年 - 菲律賓
2001年中三新年 - 日本
2002年中四新年 - 韓國
2002年中四暑假 - 北京
2003年中五新年 - 馬來西亞
2004年中六新年 - 台灣
2006年大一新年 - 上海
to be cont.... more is coming.....
好想一年去一次旅行, 好想去日本, 好想去英國, 好想去法國, 好想去意大利, 好想去希臘, 好想衝出亞洲, 好想去好希望可以環遊世界
生活點滴 | Comments:4 | Trackbacks:0 | 2006/06/30(金)
新眼鏡!
這2個星期的清早, 不斷被手機來電嘈醒 起碼5次喇! 次次都響一下嘈醒我, 然後在我未來我及接聽時就CUT了線 睇番個來電仲要係"隱藏來電" 是被人惡作劇嗎!? 真可惡

噴嚏打個不停 頭仍是重, 鼻仍是癢! 不過我係果D唔病到死都唔會睇醫生既人 不是諱疾忌醫不是怕吃藥, 只是要花百多元去睇醫生我才不願意
如果病可以令到多D人關心自己, 我病左陣都願意! 我是認真的

炎熱的天氣, 猛烈的陽光, 作病的身子.... 我沒有敗給炎夏

配了副新眼鏡 仍是275度的左眼, 仍是300度的右眼, 仍是紅色的粗框, 仍是咸濕女秘書般的吳嘉詠
彷彿一切都沒變, 原來一切都變了....

一直都覺得「燈蛾撲火」好浪漫好淒美! 燈蛾為什麼會撲火? 不是因為牠們太愛火而為了接觸火而犧牲, 只是因為牠們被火吸引, 不知道火種有熱力會燒死牠們! 燈蛾不是明知會死仍肯去撲火, 只是牠們不知道後果而已.... 若果不知道後果, 人或許也會「任性」一點!

由於太好玩的關係, 我都決定要買番部WEBCAM

PS* 我真係好鍾意左邊info幅相, 我覺得影得我好令 望住幅笑得咁燦爛既相令我都覺得好開心好快樂 其實banner上面我咬住支飲管碌大對眼果幅我都好鍾意! 影到我好得意好精靈! 哈哈! 我是個自戀的人
生活點滴 | Comments:6 | Trackbacks:0 | 2006/06/29(木)
傷痕累累...
傷痕累累的電腦, 不知中了什麼毒, 不知window有什麼問題, 不知system 32發了什麼神經! 勉勉強強地用到IE用到MSN用到photoshop, 可是很多程式完全用不到! 連想轉番個resolution去1024 x 768都唔得.... 其實電腦已死了2個月, 但因為仍然用到我忽略了它一直存在的問題.... 現在也許是正視問題解決問題的時候了!
把電腦format似乎是唯一的辦法! 可是我不知該怎樣做! 只好先把自己電腦的檔案send去妹的電腦去...

身子好像好了一點, 不過頭仍有點重, 而且不斷地打噴嚏....

可唔可以唔好再用D咁曖昧的字眼.... 受不了....
愛情小說少女漫畫裡的女主角跟自己不喜歡的人拍拖, 這種感覺我幾乎也有一點了解! 女人, 說穿了還不是想有人錫有人對你好! 哪怕那個人不是自己喜歡的! 不過, 我(應該)不會這樣吧! 我的宗旨是寧缺勿濫....
生活點滴 | Comments:7 | Trackbacks:0 | 2006/06/28(水)
病嗎?
死! 我真係作病! 好辛苦 頭重重頭暈暈喉嚨好乾! 可能係作感冒, 可能係喉嚨發炎 啪左粒PANADOL然後久久地沉睡不起
某程度上我都sure自己係唔舒服架喇! 不過晚上我仍是不怕死地食雪條

The 3rd Round Hostel Admission List Announcement will be postponed to late-August 2006.
激死! SSC點做野架!!!!!! 仲未有result! 仲要遲2個月! 有冇攪錯

終於用到自己部腦上到網! 好感動! 熟悉的keyboard, 熟識的photoshop, 熟悉的顏色

branda從英國回來了 感覺是失驚無神地回來了! 我都比佢嚇左一嚇....

世界盃, 法國 3:1大勝西班牙 呀.... 我冇諗過西班牙會byebye的! (雖然我都幾鍾意施丹和巴夫斯) 之前睇法國又唔覺得佢地打得好...
巴西大勝是意料中事! 想不到巴西下場又對宿敵法國! 8強既result出曬喇! 要等幾日先再有波睇...
生活點滴 | Comments:5 | Trackbacks:0 | 2006/06/27(火)
不太舒服!
我覺得自己有d唔舒服! 今日訓左好多都仲好攰! 頭又暈! 晚上個肚又唔舒服 補習時都集中不了...

明明話今日會知道hall的3rd round announcement! 點知都係未有result! 緊張去打番SSC問, 她們說遲D會update網頁! 點知夜晚仲未有結果! 聽日我會打多次電話問SSC!! 真麻煩 好想知自己住唔住到HALL呀...

或者好多野真係會隨著時間改變! 我覺得自己對好多野既心態已經唔同左!

由於金錢問題 我地應該唔會去澳門喇! 等8月盡力一煲好過! 哈哈
生活點滴 | Comments:0 | Trackbacks:0 | 2006/06/26(月)
睇波~*
琴晚10點訓, 今日.... 訓到下午1點! 好爽 足足訓左15個鐘! 不過一起身我個身好攰 尤其是條頸! 我完全覺得係果架過山車攪到我咁

下午我在努力地整相同打我琴日篇水蛇春咁長既日記 真係打左幾個鐘!
順便轉左info幅相~ 幾夏天幾陽光~ 我係咪好陽光少女呢 kaka*

晚上同betty和crystal去「麗都」打邊邊兼睇英格蘭對厄瓜多爾~~ 不過我發現同一時間打邊邊同睇波係一件好難既事! 因為我只掛住食野而沒多看球賽 下半場先認真多少少去睇! 點解英格蘭場場都踢得咁差!?? 真係對佢好失望 前幾日我才說覺得林柏特幾好(因為幾令仔), 今日我真係覺得佢好好好好屎波呀! 究竟佢識唔識踢波架 雖然碧咸果球入得好正, 不過都係靠罰球食糊令我有點失望..... 8強.... 我諗英格蘭係時候byebye架喇
今晚食左好多野! 真係飽到想嘔 回到家都差不多3點! 很支力! 我在巴士上睡死了! 下車時頭是暈暈的...
生活點滴 | Comments:0 | Trackbacks:0 | 2006/06/25(日)
海洋公園遊*
電話至清晨6點幾! 天光了! 其實我果陣一d都唔眼訓! 只不過我知道2個鐘後就要起身我就覺得好有壓力! 知道你是知道我近排有野煩才打來開解下我! 多謝你....

然後早上8點半鬧鐘響了! 感覺是一閉上眼睛再開眼就8.30am了! 好眼訓! 仲要去海洋公園呢d勞動力咁大既地方! 突然覺得好驚! 好驚自己會暴斃/ 中暑/ 暈倒!
去到金鐘巴士站時真係見到咁多人真係嚇死我呀! 好彩都唔係等左好耐車咋! 話咁快, 我, eva和wallis就到達海洋公園! 我上次來已經是f.5的時候了~

我和eva都穿了短褲和「」了背囊~ 我們都像小朋友似的! 而wallis死都要個側袋 + 打扮成熟! 我們都叫她「媽咪」/ 「wallis姨」! 哈哈! 笑死我地!
今天的天氣是十分之「好」! 猛烈的陽光 + 炎熱的天氣! 我快要曬溶了! 好辛苦!
基本上我是個不怕 + 喜歡玩機動遊戲! 因此我一早打算什麼都玩! 可是eva和wallis都比較膽小, 於是每玩一個遊戲前我都會說起碼5次「玩啦! 真係唔驚架!」! 汗!!

我們先去了玩「太空摩天輪」! 上去玩的只有我和eva! wallis話驚頭暈! -_-|||| 不錯玩, 不會怕, 我喜歡玩有360反轉再反轉的遊戲! kee*
在玩機動遊戲的時候~ 我忘了精神上身體上累的感覺! 我滿身都是power! 哈哈!

之後玩急流, 沒什麼好怕! 只是我被迫坐了船頭! 被水弄得濕透了! 尤其是我對腳!!
再來是「越礦飛車」, 哈哈! 好想玩! 幾驚eva和wallis又縮沙! 好彩最後佢2個都上左去玩! 由於我不怕的關係, 我再次地跟3年前一樣地要自己一個人坐! 我覺得好攪笑! 哈哈! 唔知點解「越礦飛車」比我印象中冇咁驚既... 印象中我3年前玩時有7個驚! 今日我玩既時候得番4個驚! 有冇攪錯! 有d失望! 由於我全程都打開著眼的關係, 我仲有叻咁望到個相機頭鏡頭! 於是我好有型咁對全鏡頭舉起手地「V」和大笑! 哈哈哈~ 好叻女!

睇完好鬼悶冷氣又唔夠既海洋館我們又去玩了! 好涼快既「飛千鞦韆」之後就是「過山車」! 排隊到最後一刻W小姐話好驚唔玩... 好無奈! 我不嬲都唔鍾意玩海洋公園個過山車! 次次都撞到我個頭好痛! 玩完之後, 我條頸好痛! ><
之後wallis已經覺得有d唔舒服, 我同eva丟下了她自己去了玩「飛鷹」和「跳樓機」! 海洋公園的跳樓機我都未玩過! 上次黎冇人陪我玩, 再之前黎就冇開... 今次終於都有機會! 排隊時eva不斷說「係咪真係要玩呀!?」, 我都有d驚佢最後會走人! 不過我已經諗定就算我一個人都會玩的! 哈哈! 最後eva都冇縮沙! 不過呢個跳樓機又令我失望! 驚既指數係2! 就連係我最高點等佢唔知幾時跌我都唔太驚! 然後離心力左2秒就完了!

講起跳樓機, 韓國果個跳樓機真係幾驚! 好鬼高好鬼大! 當時我仲要係係夜晚玩, 不斷咁轉住上到頂! 到頂仲要轉幾個圈先停! 係頂等佢跌果刻真係幾驚! 不過驚得果幾秒就到地了! 個離心力真係幾辛苦! 驚既指數係7! 不過感覺幾正! 哈哈!
最後join番wallis一齊去玩埋個海盜船! 唔知點解佢同我印象中既感覺又唔同左! 驚既指數係0! 有冇攪錯!! 我不斷地遷高手大叫和大笑~ 我發現自己玩機動遊戲時一定會大叫和大笑的! 叫是因為可以high d, 而笑則是自己都唔知點解! 總之我就忍唔到啦! kaka...

玩過咁多樣機動遊戲! 最驚到係韓國果個唔知洗衣機! 不斷360度地自轉和公轉! 仲要夜晚玩! 個人好拋好似跌落海咁! 真係幾驚! 驚既指數係8!
我覺得我既刺激既機動遊戲癮已經出曬黎! 下次去旅行時我會繼續挑戰其他正野! kaka!

玩完曬機動遊戲去後睇埋鯊魚同埋新建的水母館! 排左勁耐隊睇果幾隻水母! 好鬼無聊! >< 搭纜車落山, 支力死了! 今天出了很多汗! 感覺自己好污糟好臭!!!!! 唔鍾意... 最後我們去埋動感影院就將我們今天的行程結束了! 我很累啊!

之後千辛萬苦出番mk, 我們去了金太郎dinner~ 我不斷地吃三文魚呢! 吃的時候我已經太累了! 都沒什麼說話! 感覺自己真的很髒很臭! eva還有提議過去唱K去睇波! 如果我琴日唔係訓左2個鐘我一定奉陪到底!
回到家只是9點幾, 我立即沖涼! 10點不到我便衝上床睡了!

it's a MIRACLE that i havent 暴斃/ 中暑/ 暈倒 after i visit the ocean park with a 2-hour sleep!
香港足跡 | Comments:12 | Trackbacks:0 | 2006/06/24(土)
focus group*
琴晚攪yr 2 timetable攪到5.00am! sem 2我要take 18 credits, 而且sem 2係勁少CUS course開! 所以我真係冇得簡! 好慘... 好多野根本唔想讀
早上又是被sms和電話吵醒, 不斷有人叫我幫佢reg.科! 上年如是, 今年如是... 我相信下年都好大機會係
11點鬧鐘響, 起身開電腦打算reg科, 但一望電腦...... 下!! 11.40am!??????????? (我是11點鐘開始可以reg.)點解會咁架!??? 個鐘慢左40 mins!? 有冇咁arm 真係激死!
sem 1本來想星期五有day off! 點知個死人CUS 203 TUT.我只reg.到星期五的時間! 我想星期三架.... 沒了!! sem 1沒day off了! 唔開心... 希望開學時仲有得轉啦 然後到reg. sem 2, GEB本來reg.唔到life & death的! 攪到我琴晚個plan亂曬! 好彩我睇實個網, 一有人放GEB 222我就立即reg.了! 哈哈哈 最後sem 2都如我琴晚心水reg.曬我plan定既野~ 都幾好彩 不過sem 2 18 credits, 太辛苦了

然後下午同carman出左MK~ 因為今日我地2個要幫一間marketing公司做research 我們是他們的focus group, 他們會研究和分析我們對運動用品的看法和意見 這個活動(!?)十分好, 只係做少少野同好短既時間就賺到很不錯的「人工」 其實出既力真係唔多, 好似我琴日先做果份類似paper的物體都花唔到我幾多時間! 哈哈....
因為carman是marketing的學生所以佢先識到呢間firm咋~ 而家間公司keep左我record, 希望佢地遲d有野做可以再搵我~ 等我賺留少少錢都好! 哈哈
其實marketing呢個行業都幾好! 要了解消費者的心態其實都幾有趣! 之前都有諗過係呢個industry發展 但又會諗文化研究系係呢行會唔會好難發展! 不過經過今日, 我發現兩者其實都有d關係! 譬如一個廣告咁, marketing會想知道怎樣去attract consumer同個consumer點睇個廣告; 而文研就會分析個廣告producer想表達d同埋consumer接收到d.... 或許, marketing呢個行業都可以係我將來既選擇之一 今日又有得著, 幾開心
在朗豪坊時突然有人拍我! 原來係阿蕉呢! 估唔到咁快又見到佢~

完左個research之後同carman行左一陣~ 中途談了很多中學時的事! 的而且確, 都咁耐啦, 好多人好多事都可以放底! 好多野都冇話鍾唔鍾意憎唔憎! 有時睇番以前, 真係會覺得自己細個唔識諗! 好傻!
好難得先搵到個地方坐底食dinner 咁arm crystal又打電話比我 佢又咁arm係tst, 於是我地就等埋佢一齊上cafe傾計飲野 本來想去睇波的, 但已經過了30分鐘 + 很多人.... 於是便放棄了....
星期日吧! 我們去邊打邊邊邊睇英格蘭對厄瓜多爾! 哈哈

本來聽日係我期待已久, 去nana屋企開大食會的大日子 可是nana在9.02pm打比我話佢發燒所以要取消明天的約會! 不要緊, 下次啦! 身體要緊~ take care啊nana
由於明天突然空了, 於是我便立即打電話比eva和wallis說不如聽日去海洋公園 9.24pm我們已經決定明天會去了! 哈哈! 十分期待~~
(ps* 其實我地都唔係即慶的! 之前打算星期日去, 但wallis幾2日話唔得所以暫時擱置住先!)
生活點滴 | Comments:2 | Trackbacks:0 | 2006/06/23(金)
開會....
清晨6點幾先訓.. 今朝9點就已經比sms嘈醒! 之後不斷好慘 11點幾迫著起床~ 努力地打埋聽日要交比人果份有關marketing既野...

補完習然後去了city開會, from 7.00pm - 10.30pm 唔知我地個ocamp會攪成點呢.... 成晚冇食過野, 開完會, 同eva, erica, isaac 同潘綺華5個人11點幾先去南山村dinner (宵夜) 餓死我 我覺得我呢排十分之操心大意, 成日都整跌野倒瀉野! 上次同sally佢地出去我已經唔小心倒瀉水整到佢 點知今日隻手一勾, 又倒瀉水整到isaac... 然後個老闆即刻衝埋黎幫我地整番乾張枱! 佢好gap咁話自己好似龍門咁撲出黎救枱! 然後我又立即好gap咁同佢講"咁你係咪荷蘭隊!?" (因為個老闆係身穿一件好sharp的橙色衫!) 講完之後, 我都覺得自己真係好白痴好爛好無聊
isaac講野講得太快, 錯將「生哥聰頭」講成「聰哥生頭」! 真係笑到我肚痛
由於我又在為食物拍照 臨走的時候老闆問我地係咪做功課! 佢以為我係記者! 哈哈哈


識飲識食 | Comments:2 | Trackbacks:0 | 2006/06/22(木)
麻煩!
wallis劉韻婷小姐的問題! 攪到我地25號星期日的活動要改期 唔開心.... 佢仲串我地話驚我嬲, 其實我冇野wor! 做d人成日都話驚我嬲驚我燥底 可能我既脾氣實在太差, 所以大家都好怕我 點算.... 我唔想咁....

而家25號晚11點應該會去打邊邊~ 我要睇英格蘭對厄瓜多爾 哈哈! 英格蘭隨時出局 (我估佢入唔到8強啦!) 所以我要睇曬佢餘下既場數

一個偶然的機會, 又被當場棒喝了一下 或者, 我都係時候清醒下喇....
生活點滴 | Comments:0 | Trackbacks:0 | 2006/06/21(水)