Daisypath Anniversary tickers
show @ 中大

上完今個sem最後一堂生哥tut, 再去左麥噹噹嘆左一個豐富既早晨全餐之後就出發去中大出show...
無奈地book唔到車, 仲要自己貼錢打的去.... 兩架的士total 用左400幾蚊... -_-||| 去到中大竟然沒人理! 連SU都唔搵D人黎同我地溝通下! 我唔係唔開心冇人睇! main point係覺得自己比人鄙視緊! 我地走埋去同D學生宣傳時他們簡直是一臉不耐煩的樣子! 得罪d講句, 我對呢間學都幾反感....

番到嶺南上完聰頭tut就去永安開始攪埋個fashion show, 我們打扮成工傷的worker! 哈哈... 不過可能因為太夜先開始, 所以都係得番溝草人番睇番.....

番hall 做ISALL, 估唔到做個vocab task竟然做左3個鐘! 無奈... 晚上同wallis去左買宵夜! 好開心呀! 今日終於食到久違了的蠔餅! 好幸福!
生活點滴 | Comments:1 | Trackbacks:0 | 2005/11/30(水)
不知死活!
唔知事! 因為琴日吃了2餐MK!? 點解我琴晚會不斷咁屙!? 訓得果個幾鐘就要起身去一去廁所! 完全訓得唔好!! 入左LU之後這種情況我試過幾次喇! 事!? 我身體明明好好架嘛!!

上narrating HK睇人家present自己的作品! 再次覺得自己的creative work是在hea做!

做完fashion show rehearsal 本想去吃宵夜的! 久違了的蠔餅!! 去到竟發現小販檔都冇開!!! 激死我喇! 唔開心.... 最後只好去OK吃些速食....
完全不知死活! 琴晚屙到死下死下的我今天晚上還要吃雪糕和凍飲!
生活點滴 | Comments:6 | Trackbacks:0 | 2005/11/29(火)
Good show @ LINGNAN

今日終於都到在LU做drama~ 果然是嶺南! 氣氛最好, 觀眾最好, feedback最好, 反應最好, 場地最好, 我們表現最好!!! 好開心... 大家真係比平時表現得好好多~^w^

好開心完左show之後仲有好多同學(不只是溝草同學仔!)肯坐底同我地一齊傾WTO和關於drama的事! 雖然我對WTO的認識不多, 所以沒什麼發言, 但見到大家都咁熱心討論都真係好開心! 起碼我知道嶺南人對呢D事唔係咁冷感的!
生活點滴 | Comments:0 | Trackbacks:0 | 2005/11/28(月)
被salome TAG了!
最近在看的電視:沒有! Paradise kiss和keroro算不算!?
最近在聽的音樂:Reira Starring Yuna Ito - Endless story
最近在吃的東西:日本菜,蠔餅
最近關心的話題:fashion & beauty, christmas
最近常去的地方:shopping mall
最近最想做的事:大出血式的shopping
最近常想的人:沒有特別
最近身體情況:良好
最近理財狀況:貧窮線
對朋友最想說的話:好想你們!
對自己最想說的話:work hard play work! Keep fit!
想一個減肥的良方:少吃
記憶中做過最瘋狂的事情之一 : 爬GE屋頂
喜歡K歌的程度:8/10
最喜歡吃的食物:蟹,乳鴿,蠔餅,炸蠔
不吃的幾樣食物:西芹,茄子,青椒
最想去的地方:日本
看到馬路上誰覺得最惡心:嘔吐物
最想要的禮物:錢,有心思的
心目中的伴侶是怎樣的一個人:好人,細心體貼浪漫
你現在還單身嗎?如果是,準備什麼時候找一個?是!隨時也READY!
如果養寵物會養什麼,起名字叫做什麼:狗-woowoo
如果只剩下一天的時間,你會做什麼?:見曬所有朋友
最多的時候,你能一心幾用地做事情?:一件
誰是對你最最重要的人?:自己
來世如果給你充分的自由,你會想做什麼職業?:老闆
如果你有曾經的戀人,你現在最想對他說什麼?如果沒有,那你想對將來的戀人說什麼?:冇!
What would you do if you got depression?:買野,食野
您認為一個人的過去重要嗎?:重要經驗是由過去的經歷累積的
直至這一刻你最後悔的是甚麼?:從未對一件事出盡全力
有沒有戀愛目標?:結婚
學業/事業, 愛情, 友情, 其他(請註明), 哪一樣你會放在第一位?:親/愛/友/學業
如果給你一個機會回到過去,你想做甚麼?為什麼?:小學中學時active D,因為中學的自己很摺
你會煮甚麼東西?:公仔麵,菜,蛋,沙律
你現在(曾經)的夢想是甚麼?:富婆
你怎樣看自己?:好笑的人
你最大的缺點/優點是甚麼?:缺點~懶,沒創意;優點~傻,蠢
如果讓你選擇,你想住在哪個國家?:日本
如果讓你選擇,你會選擇隱形還是飛還是可以變大變小?點解?:隱形,整蠱人
我(SALOME)對你好嗎?為什麼?:好~ 常支持我們!
這一刻你最想誰?:ST ROSE朋友們
if God grants u an opportunity to exchange one of your gift given by Him (talent, or anything good) for anything else, will u exchange? if yes, what would u give up and what would u like to have?:咁長的問題!我選擇答”NO”
你相信命運嗎?:信… 覺得好多野係整定
對上那次哭是何時?:con day!?
何時是最美的時光?:form3
除了男/女朋友外還想親誰呢?:twins表妹
你覺得我怎樣?:好施文!
覺得自己marry之前會有幾多個bf/gf?:1-2!?
遊戲測驗 | Comments:1 | Trackbacks:0 | 2005/11/28(月)
AKAI長大了!!!

嘩.... 今天, akai 的mero度終於過了1000! 佢又變身了!! 哈哈~~ 頭頂長出一排花花~ 好cute! 我而家好鍾意佢丫~ kaka~ 唔知佢仲會唔會再"長大"呢!?
覺得自己好幸運~ 當初akai 變色變了自己最愛的粉紅色~ 而家再進化又生花花咁kawaii 咁少女~~ 呵呵... 見過咁多隻都係最鍾意自己果隻! 呢d咁隨機既野竟然比到d好野我!? lucky~*

對了~ 前幾日看雜誌有介紹meromero呢! 哈哈~ 11月先黎介紹~ 我呢個走在潮流尖端既人當初7月就開始養啦~ kaka...
寵物成長 | Comments:3 | Trackbacks:0 | 2005/11/27(日)
family day
琴晚12點就訓左! 今日竟然1點幾先起身! 足足訓左13個鐘! 好爽!!
追看番keroro和paradise kiss動畫... parakiss的劇情真係同漫畫的差不多! 不過就是表達不到矢澤愛式的攪笑位.... 好可惜! 而且配音怪怪的! 最頂佢唔順就係d Q版人物! -_-||| 攪到parakiss cheap曬咁!

同屋企人出左荃灣買野, 神左幾個月既手機終於比sharp SX313取代左, 好開心~ 同埋又買左張tinker bell 的被連床單拎番hall....

晚上去左潮樓食飯, 久違了的潮式蠔仔粥和大閘蟹! 心~* 今年第一次吃大閘蟹呢! 記得去年我起碼吃了7,8次!! 這陣子都沒機會跟家人食飯, 當然吃不到.... T^T
這個星期的三,四,五,六,日都外出吃了很多好東西! 超幸福哦!! 不過肥了很多就是了! T^T

回到hall 都已經12點幾, 之後又排drama排到凌晨3點幾! 明天會在嶺南出show! 主場哦! 各位同學, 我們要加油呀!
生活點滴 | Comments:0 | Trackbacks:0 | 2005/11/27(日)
街show@西洋菜街

上完un know番房執左陣野就出車出MK西洋菜街, 左度右度地在行人專用區set好位~ 便同好戲量間場地演出!
第一次在行人專用區演出, 不可以說是好玩, 而是感覺有些特別!演出時的確吸引了不少人圍觀! 我們共演出了2次, 高興的是第2次時我們是有進步的!

出完show之後同ingrid和philip去了食dinner! 對! 又是我們3個這個組合! 再次地喪食! 每人一個set dinner再加5個小食! 食到傻左!!
dinner完再同ingrid行街街, 見ingrid勁買野攪到我都按耐不住買左條牛仔裙~ 好開心~*
生活點滴 | Comments:0 | Trackbacks:0 | 2005/11/26(土)
再戰TST!!!

上完LCE就同erica 2個女人出了TST正正式式地行街街! (琴日其實唔算!) 從來都覺得行街係2個女人最開心最買到野既...

吃了lunch便開始行動, 其實都唔係好開心! 因為買左好少野! 圍巾 X 1條; 尖頭高根鞋 X 1對; 耳環 X 2對; 化妝護膚用品 X 很多! 我最想買的衫褲裙boot都買不到! 嗚.... 雖然唔係買左好多野, 但今日都洗左好多錢! especially在化妝護膚用品方面! T^T

行到9點幾就去麻布茶坊食dinner! 再去甜蜜蜜食甜品! 好開心呢2日食左好多好野~^^

因為要趕番LU練drama, 無奈地要搭西鐵! 好無奈因為我地2個都冇買全日通! 又蝕左7蚊! 激死左! 琴日買左又搭唔到, 今日唔買又要搭! 我頂!
識飲識食 | Comments:5 | Trackbacks:0 | 2005/11/25(金)
出了TST~*

好開心可以訓到12點先起身! 6.30pm上完堂LCE即刻搭車出TST join ingrid和philip! 很久都沒出過TST~ 很興奮! KEKEE~*
好開心見到海運已經裝飾了! 很美! 每年都很美! christmas is coming~ YEAH! kaka~

出到去行左一陣街街, 嗚.... 什麼也買不到 T^T 不過我深信聽日一定大有收穫的! 哼!

本來我今晚出來全是為了一嚐重慶的WAKAS咖哩的! 奈何今日得3個人太少了, 商議之後我們便轉移陣地去了和民! 3個人叫左10碟野咁喪食! 仲要清曬台! 好癲!! 不過真係好好好好開心! 我覺得個燒羊架好好好味丫! 仲有我鍾意的廣島燒餅和焗芝士年糕... 雖然今日都買唔到, 不過我都覺得自己今日好好好好幸福!

我們12.15am到達美孚mtr station, 無奈地, 用左$20買西鐵全日通的我們都趕不到西鐵尾班車! 十萬個無奈! 蝕左成7蚊呀!! 氣死我了! 最後只好搭67X回LU....
識飲識食 | Comments:5 | Trackbacks:0 | 2005/11/24(木)
Good show @ POLY U
上完八半生哥即刻坐車去大角咀拎道具出POLY U.... 第一次到U出show~ 其實不太緊張! 因為根本唔識人, 諗住踩完場走人都冇人識/知! 哈哈~ (點知今日竟然撞到janet~*)

其實我覺得今日大家做得幾好丫... 好彩阿seph琴晚幫我地執執d排位咋! 今日成個flow真係smooth好多~^^
雖然唔太多人睇! 可能係我地太少椅啦, 所以攪到有d人都係企左係度睇一陣就走左....
next show @ LU! 自己地頭, 真係要good show! 下次齊人D我們會做得更好!

回LU的那段車程我們5個都睡死了... 很累...

晚上同蕉媽和annie嗎去左景峰食煲仔飯! 第一次去呢~* 3個女人整晚都是圍繞女生話題! 再夜d又同埋4個組爸組媽去食宵夜~ 有人請! 哈哈.... (不過因為太晏!?所以冇蠔餅! 鳴....) 其實我都幾鍾意我的組爸組媽的~ kaka~* 我鍾意同d大過我既人傾計....

攪錯! 凌晨3點番到房發現ICQ神左!? 我的pro 2003a啊! 不捨得!! 我唔想要醜醜的icq 5呀!!
生活點滴 | Comments:2 | Trackbacks:0 | 2005/11/23(水)