Daisypath Anniversary tickers
りぼん60週年 - ご近所物語扭旦~
早前上網見到有娛樂金魚眼 (Nakayoshi 60週年)、果醬少年 (Ribon 60週年)的扭旦, 已經在想會唔會有近所物語的, 點知真係有呢, 真係好開心! 終於可以買d近所物語既精品了! 沒想到還有機會再出呢, 好開心, 畢竟它也不是一套很火熱的動漫呢!
在信和兜了一圈都不見, 要問sales才有, 終於買到了~ 為紀念ribon 60週年而出的扭旦, 一set 5隻, 有曬4大主丑實果子, 勤勤, 茉莉子 & 勇介呢~ 當年看動畫真係覺得實果子好乞人憎架, kaka! 反而好喜歡茉莉子 & 勇介這一對歡喜冤家 =p 勤勤就唔洗講啦, 太體貼了, 想起留里子入醫院那段真係好感動呢 >w<

りぼん60週年 - ご近所物語扭旦~

實果子, 勤勤, 茉莉子, 勇介和happy berry, 頭4個都是我最喜歡的角色 >w<


有人想買這set來送給我當生日禮物, 但俾我自己折足先登買左, 唔好意思啦~ 哈哈!!
玩具珍藏 | Comments:5 | Trackbacks:0 | 2015/03/16(月)
SailorMoon水晶球扭蛋

經過扭旦區, 見到有Sailormoon新扭旦, 是小小的水晶球來的呢! 好令, 忍唔住抽左個一試, 第一個先抽是Juipter的, fine.... 之後再抽, 嘩.... 竟然是S版的那聖杯呢!! 好正好開心.... 諗住再抽多個就收手, 因為得Jupiter和聖杯放係度唔夠壯觀, 點知一抽, 又係jupiter, 攪錯呀 >.< 最後唯有多抽一個, 最後一個, 竟然抽到chibimoon的那pink sugar attack的權杖!! 成set最特別、最令、最想要的就是聖杯和chibimoon的 (因為四個守衛神的只是不同色而已) , 竟然抽中左這2個, 真係好lucky啊, 呵呵呵! (雖然浪費了$24重覆了一個)
這些小小的水晶球要自己入水的, 洞很小所以都不易入~ 不過加了水, 入面的心心和星星閃片會飄起的呢~

就這樣, 今天剛增值好的octopus就已經沒錢剩了, haha!
玩具珍藏 | Comments:0 | Trackbacks:0 | 2014/11/22(土)
Sailor Moon Figure Gathering for Girls 1& 2~

Sailormoon 20週年, 實在太多精品了! 又有動畫, 作為一個超級美戰迷, 我真係覺得好幸福啊 >w< 近幾個月都買了很多SM的figures呢! kaka~ 繼上次的那一set 6個的Megahouse Petit Chara Series (btw, 我仲未買第2彈外部太陽系戰士tim!), 今次又有一套2彈的Q版公仔到手! 其實這兒有2 set共8個! sailormoon x 2, mercury, mars, jupiter, venus, luna, artemis.... 她們都是剛變完身的pose呢! (另一個moon就是說"月にかわっておしおきよ"的pose) 今次特別一點的是luna & artemis!? 好大隻, 唔arm比例, 而且樣子少有地都幾討好既, haha!
雖然都是Q版, 不過上次那set是矮d的, 這一set d人就高d長d修長d~ 唔同架, haha~ 其實這一set我沒有太留意, 也是他送我的, thanks so much >w<
目前已有2 set SM的Q版figures, 買埋外部太陽系戰士那set應該要收下手..... figures可以買, 但可能不要再買Q版?? 除非再出特別的characters啦! (如Princess Serenity, Prince Endymion, Black Lady, Mistress 9, Luna人形, 阿瑪遜四重奏, Starlights... etc)
其實20週年的商部大部分都是初代/ R版的! 我很想出多D SuperS甚至Stars版的products呢!!!! 因為我真的非常少後代的products on hand啊!
月にかわっておしおきよ
玩具珍藏 | Comments:0 | Trackbacks:0 | 2014/09/11(木)
禮俠幪面俠!??

得閒睇下扭旦機有D咩新款 (其實我主要是想抽sailormoon的), sailormoon就見不到, 竟然見到禮俠幪面俠, 仲要係一set 5個禮俠幪面俠!!! (雖然這一set其實我之前在公網上見過) 我心諗, 下..... 禮俠幪面俠!? 你自己出一set!? 憑咩!? 月野兔/ 其他戰士都未自己出一set 5個啦! 汗!!! 而且, 真的有人會抽、喜歡你嗎!?
PS* no offense, 其實我唔係討厭禮俠幪面俠架 =p 我鍾意睇usagi & mamoru的羅曼蒂克的~ 哈哈!

話雖如此, 我見一個只是$16, 所以都抽了一個.... haha!! 其中一個禮俠幪面俠是倒掛的! 令我想起super s版第138集中的禮俠幪面俠就曾這樣出場, 當年聽中文配音, 禮俠幪面俠扮那妖魔說"盪呀盪呀盪呀hey.....", 真係次次聽到笑爆嘴 XD 攪笑的是我和妹妹今日說起都好記得呢幕呢, 嘩哈哈!
玩具珍藏 | Comments:6 | Trackbacks:0 | 2014/09/05(金)
美少女戰士Sailormoon - Megahouse Petit Chara Series *第一彈*

Sailormoon二十週年, 除左有新動畫sailormoon crystal, 仲有好多好多周邊商品, 真係好開心呀! 雖然目前我都未買過什麼, 不過其實我一直都密切留意住公網有推出什麼商品, 打算睇arm就下手~
(其實10年前SM出真人版時, 動畫也順勢推出了一些新商品, 我也買了好一些 =P)
今年真的推出了很多變身器、匙扣的商品, 不過我個人來說, 是獨愛figure之類的人型商品! 還要是可以stand的~ 變身器那些不買也OK, 不過人型公仔, 還要是一set的, 我真係好難抗拒!
大半年前已見到megahouse會出Q版的公司, 覺得勁cute一定要入手, 1月推出的商品, 我是在7月逛信和時才第一次見到真品 =p 不過當時還未即時下手, 之後一直念念不忘! 早前他自己去信和買了, 今天送了給我呢, 嘩哈哈... thank you so much ^3^

這set是第一彈, 有Moon, Mercury, Mars, Jupiter, Venus和taxedo kamen 6個 (moon & venus還有小小的luna & artemis附送!) 真係超級可愛呢!! 呢set真係好靚! 而且我好鍾意一set齊人的fugure啊!!! 一系列咁齊曬出黎真係超正呀! 這個set, 最特別的其實是taxedo kaman, 因為真係好少周邊有佢份的呢, 今次有佢真係好難得, 我都幾滿意! haha!! 這第一彈有分set A和B, 我的這套A是雙眼都開的, 而set B是俏皮一點的單眼 (動作也有點不同)~ 給我自己揀, 也是會買這套set A的, haha!
Megahouse Petit Chara Series已出了第二彈, 在網上已有得賣喇! 那set我也會入手呢! 因為那set是super sailormoon, super chibimoon, uranus, neptune , pluto and saturn的呢!!!!! 要知道外部太陽系那四個戰士的商品, 我真是沒什麼呢!! 非常難得! 所以是志在必得的啦! 哼哼!
第三彈遲些也會推出, 是內部戰士的校服版~ 這套嘛, 我就要想想了 =p
玩具珍藏 | Comments:2 | Trackbacks:0 | 2014/08/15(金)
★我的近所物語珍藏★
這幾天見到果子因為娘家要搬所以要執野, 又在FB post了很多以前的漫畫和周邊! 真係好懷念十多年前的中三至中五左右的閃閃星年代 =p
見到果子掉左好多枕頭書ribon同cookie好多漫畫, 我都好心痛呢! 哈哈! 中學年代的我真係好迷好迷動漫! 真係勁買周邊, 成日行信和!
其實近所物語算是我的最愛漫畫, 我真係好鍾意佢story! (sailormoon是小學生時代的, 是另一份感情! 真正陪我長大的! 有機會再談!) 看動畫時是在小五, 已經好鍾意, 仲錄曬VCR不凵翻睇! 不過看漫畫時是在中三呢! 那時候近所已經完左幾年喇, 我先睇番, 哈哈! 跟住走左去果子個網rainbow express度, 做左閃閃星民, 很前衛地在10幾年前已經上網識朋友! 哈! 那時候先知有paradise kiss和NANA! 由於我實在太愛近所, 所以當年我一直都對paradise kiss更有興趣 =p

由中三開始, 睇完近所漫畫, 我就愛上左矢澤愛! 日日在網絡世界上閃閃星吹水, 真係好攪笑 =P 而在現實世界中的我, 就成日流信和一帶, 勁買周邊! 由於我實在太愛近所, 所以我買了它不少周邊! 當年中三時, 其實近所動畫亦已完左好幾年, 所以仍然有它的玩具在HK賣實在很難得! 而且近所在HK並不是很hit的呢! 畢竟, 它是在ATV播的 =P
我昨天都特意找找我有什麼近所的周邊~ kaka! 我都真係有不少近所周邊架! 咁都入到手真係好好彩! 以下這堆東西都是在我中學時代買的! 很多都是在信和中心買的呢! 好多都要幾百蚊, 我都唔知點解我咁有錢既?! *0*

這是近所的立體畫! 我還記得它是我第一盒買的近所周邊, 亦是我的最愛! 依稀記得它應該200幾蚊! 還記得把它帶回家, 立即拆開來砌, 一幅幅咁貼上去的, 那感悸動真係好刺激! 這幅畫我放左出黎十幾年, 還是很喜歡, 連盒都唔捨得掉! 不過有d褪色了 >.<

近所物語立體畫~

呢個通訊器又是我的另一最愛! 是動畫中才有的東西! 由勤勤發明的! 當年見到akindo成員一人一個好似walky talkie咁, 超正呀! 入到手真係好開心! 我仲記得見過happy berry和勤勤馬騮的通訊器, 呢set又係超想要, 不過好貴的呢!

akindo通訊器~

呢盒野, 後期d先入手, 8800yen!? 我記得呢盒係最貴的周邊, 500幾600蚊架! 好大盒, 最貴的一盒周邊~ 不過其實我冇開黎玩過~ 因為唔捨得! 其實它是個印刷機, 可以印d簡單線條的近所圖案!
而它的造型在近所物語出現過的呢! 請留意OP~ 哈哈!

近所印刷機~

呢個其實都唔係好知係咩, 都是買黎收藏, 應該係百幾蚊左右~ 都係冇用過~ 應該係整相, 可以用顏色來畫勤勤和實果子~

呢個唔太知係咩 =P 純收藏!

這個電子手帳又係好貴! 要500幾蚊左右! 根本唔識日文的我, 其實都冇咩用! 亦沒怎麼用過, 都係純收藏 =P

電子手帳~

呢盒係穿珠仔, 很早入手的! 都要百幾蚊! 有開過, 但冇穿過, 理由同樣是唔捨得! 哈哈! 不過我都幾鍾意佢個膠盒架 =p

穿珠仔 + 膠盒~

呢盒應該係最後一盒入手的近所周邊! 應該是中六、七買的了! 應該是在荃灣入手的, 百幾蚊~ 好像是和小椒一起買的~ 百幾蚊, 好似可愛和隻貓小黑玩, 不過當然, 我又是沒怎麼開封過 =p

另一部手帳~

除左周邊, 我仲有3隻近所的公仔架! 首先是茉莉子~ 小學睇動畫時, 唔知點解真係好鍾意茉莉子~ 哈哈! 果陣仲唔鍾意實果子tim =p 因為佢一開始真係唔討好 + 好煩 + 把聲好難聽 XD 可能係咁令我喜歡左茉莉子? 而且佢對勤勤幾好呀 =P 我好記得茉莉子和勤勤在遊樂場那集, 茉莉子向他"表白"那段對話呢~
另外還有小小的須藤恐龍, 是近所的吉祥物! (又可以trace back聖學園天使) 細細隻唔係好貴~ 我好喜意它那衰衰的眼睛, 真係好似須藤晃呀! 哈哈 (雖然當年看近所, 還不認識須藤晃, haha)~ 最後是那隻麻衣的兔仔公仔.... 這不是我買的, 是有一次我去買信和買近所周邊時, 店主送我的呢! 呵呵! (當然要送我啦! 我幫襯了那麼多!)
不過有d可惜冇買到實果子和勤勤的公仔呢!! (雖然我好像沒見過)

連公仔都有幾隻 =p

這個近所垃圾桶是翻版啦~ 所以沒有錫住用 XD 今天還在使用中, 哈哈!

老翻近所垃圾桶

最後我仲有隻近所CD, 其實近所好多歌都好聽~ OP隻"ヒロイン"一聽就好熱血, 宍戶留美唱的真係好實果子style =p 其他歌如實果子和勤勤唱的"思いっきりピクニック日和"我都好like呢~ so cute! 哈哈! 宍戶留美把聲真係好得, 仲有山口勝平聲演勤勤真係perfect呢 =p

近所物語的CD~

其實我仲好想要實果子的手提衣車、縫紉盒呢! (以前上網見過, 真係有出架) 如果而家有機會見到, 我可能都會買架 =P 其實日版的周邊玩具不算很多 (不過我仲有盒百變小姬子的東西 =P 有機會再分享! 哈哈!) 因為我中五左右就開始迷扭蛋, 冇咁值錢冇咁貴價 =P 周邊玩具唯獨是買了很多近所的啦~ 因為那是我的最愛! sailormoon以前小學都曾有過城堡、變手棒! 不過中學時已經掉曬lu! 好可惜!
以上呢堆野我真係唔捨得掉亦唔會掉, 因為都是我自己買的... 哈哈哈! 我連朋友近日想丟掉SAILORMOON卡都肯接收, 何況呢D周邊玩具呢, 哈哈哈!
玩具珍藏 | Comments:4 | Trackbacks:0 | 2014/03/03(月)