FC2ブログ
Daisypath Anniversary tickers
8.18
今日其實好忙, 而且又下大雨
其實我份人真係好懶
我都唔想出去
但係, 掙扎到最後一刻
最後都仍然抵不住自己的良心出去了!
風雨不改
香港人加油!
我地一定會嬴, 一定!
香港足跡 | Comments:0 | Trackbacks:0 | 2019/08/18(日)
8.5三罷
我地只係想要返本來嘅香港
世事豈能盡如人意, 但求無愧於心....
大罷工有冇用冇人知, 但點都要盡一分力, 唔能夠愧對香港呢個家.....
8月5日, 忘記自私與利己
為香港將來, 體現無私與利他
今天在奧運站排著勁長龍, 但係啲人排隊好冷靜完全冇咕噪, 好感動好鼓舞!


今日係好曬而又唔記得帶遮, 但罷工並唔係為左瞓晏啲係屋企涼冷氣
我也去了離家最近的麥花臣球場.....
香港人加油!

香港足跡 | Comments:0 | Trackbacks:0 | 2019/08/05(月)
2019.7.21
大學在嶺南大學修讀文化研究
學科教我們要有批判性思考, 關心社會
year 1時第一次接觸香港運動
那年是WTO反世貿的熱話
那時候似懂非懂
身邊比較走在前的同學已經去反遷拆皇后碼頭、反囍帖街去絕食了
原來那時對社會的關心已植根在我心中了
反送中條例風波已歷時個幾月了, 其實又點會唔支力唔灰心
今日都諗過留係屋企涼冷氣輕鬆下
不過又真係唔甘心唔想放棄
加上學胡迪同埋巴斯光年話齋
要聽下自己內心把聲
而我內心把聲不斷同我講
堅持下去總會見到轉機
而且
唔理事情有幾困難 環境有幾亂
你都仲係我屋企
之前係 而家係 將來都係
#抬頭吧黑暗過會是晨曦 #不撒不散 #不割蓆 #721遊行
香港足跡 | Comments:0 | Trackbacks:0 | 2019/07/21(日)
2019.7.1
2019年6月
香港人共同渡過了最難捱的一個月
這些日子大家都傷心過,流涙過,痛心疾首過
大半個月過去了,情況還是沒有逆轉過
2019年7月1日
香港回歸22年
過去一星期,我到上海北京出差了4天
這十年工作生涯到國內出差不下數十次
但這次出差體驗很特別,
開心地吃喝玩樂過,但見着國內大城市發展一日千里實在覺得唏噓
獨自想了很多,亦從沒有這麼想家過
飛機着陸那一刻也特別覺得感動
因為我終於回到家了
自小從學校裡學到的是與非,在教科書上學習到的三權分立、一國兩制在這22年來逐步瓦解
我細個時睇嘅卡通片和漫畫,明明就灌輸了我任何時候都唔可以放棄心中嘅希望,團結一致就有勝利嘅可能
但這一刻,原來係可以咁心痛咁不甘心咁無助咁無奈又咁絕望
雖然唔知可以點做,唔知下一步點行
但係我真係唔想就咁就放棄呀....
除了上街、多發文、說一聲香港人加油
我就只能向上天祈禱
天佑香港
#香港人加油 #就算只得一個人都要繼續走下去 #wearehongkongers #熱血青年

香港足跡 | Comments:0 | Trackbacks:0 | 2019/07/01(月)
616再遊行。撒回惡法

我係一個鍾意吃喝玩樂,鍾意食好西又鍾意買名牌嘅中產80後
平時weekend我一係吃喝玩樂, 一係係屋企hea準備心情迎接blue Monday...
乜你估我又我好想係一個星期之後再次熱辣辣上街遊行同人迫咩! 唔該你唔好覺得我好得閒!本小姐大把朋友大把野做囉!
你個仆街奶共香港政府
你知唔知道過去呢一個星期
香港人有幾咁痛苦幾咁難過幾咁痛心
我罷工、金鐘中環聲援、日日留意住手機睇新聞,連我日日打開果隻game都冇乜點玩攞唔到分要多啲課金,返工做嘢又集中唔到精神
日日睇住啲新聞,我日日喺度喊,日日心入邊都好不甘,晚晚瞓唔到,日日精神衰弱
我係好嬲,好不甘,好委屈,好無助,好恐懼
係你喺度迫我同全港市民出嚟架,係你要搞到官逼民反
首先你褫奪我哋與生俱來嘅自由
仲要誣陷我哋係暴民
然後再惺惺作態支持暴力支持濫權
條條歪理當道理,仲當七百幾萬香港人係柒頭
屌你老母臭閪,我哋先係你嘅主人,係我哋出糧畀你㗎!唔係你個共產政府啊!你被人屌先叫做係天經地義呀!
呢幾個月以來,我好慶幸父母、妹妹同埋奶奶都有同一個政見沒有矛盾....
我唔覺得自己嘅憤世嫉俗有幾咁巴閉幾咁清高!
我慶幸原來我仍存有一點良知,原來我比自己想像中更熱愛這片土地,其實我根本就唔想走,點解呢個社會係都要逼我走呢......
我唔知今日遊行人數有幾多
但今日我哋香港人就話俾你知
我哋唔係沉默嘅大多數
唔該你擘大隻眼豎起對耳睇清楚聽清楚
香港人係叫你撤回修例、下台、撤回暴動的罪名
收皮啦你老母!
再者,你根本唔係我老母囉死臭閪!
因為虎毒不吃兒,我老母絕對唔會用催淚彈同埋布袋彈射呢啲咁暴力嘅方法對待無辜的我囉
我唔會接受你嘅虛偽致歉,今日先出嚟講埋呢啲濕鳩野邊個可以接受?
我求下你唔好再咁厚顏無恥快啲下台啦!唔好再影衰晒我地最熱愛嘅香港
無名烈仕,我們會替你繼續走下去!
U will never be forgotten!!!!!


經過呢幾年, 我雖仍然抱著和理非既心態
但問心, 面對如此險惡的政府
我真係好心灰意冷, 實在很難堅信和理非可以完全解決問題.....
我出黎遊行, 係因為知道"人生很多事都是徙勞無功的仍要做", 同埋"沒有做一些事令自己彼悔"
我以我的方向在抗爭
不過我好認同一句說話
你自己冇撚咗團火
就唔好喺度屌鳩人熱血!

香港足跡 | Comments:0 | Trackbacks:0 | 2019/06/16(日)
反送中。香港103萬人上街!
2003.7.1
中五畢業,那年因為政府強推廿三條,我和幾個同學第一次上街遊行

2012.9.7
9年後,因為反國教,下班之後我去了政府總部靜坐支持

2014.7.1
雙非B、爭學位、假普選、港視發牌、一國兩制白皮、吳亮星強行通過東北撥款,那年我第二次參加7.1遊行

2014.9.29-30
雨傘運動,仍記得9.28日跟家人在食buffet,在手機上見到警察向人民掟催淚彈實在太震驚,心情久未平伏
9.29日下了班,本已回到家中也忍不住要再出金鐘去支持,那夜金鐘的人民都把手機燈亮起來,那片燈海很美麗..... 可惜那年的真普選渴求, 仍然石沈大海

2019.6.9
這幾年,其實我真的很心灰意冷
彷彿一切都是徒勞無功的
但思前想後,今天仍然決定再上街
只為了做我認為是對的事
因為覺得有問題就應該要出聲
沈默只會被騎劫為不反對及接受
況且我實在不想放棄任何0.00001%有可能成功的機會
我要日後能理直氣壯的跟自己及下一代說: 無悔、無憾、我嘗試過、我爭取過
每次上街,我都會特別感動
今天我又再次見到漂亮的香港了
不只是因為我們有秩序、和平
而是一向沈默的人終於也像我一樣肯站出來
原來很多人也不是對政治有冷感
103萬人的確是個很龐大的數目
但我並不為此感到特別驕傲
反而更覺得可悲
因為人民的聲音再次被漠視
但縱使經過無數次的失望
我心底仍然存有那份盼望
星星之火可以燎原
就算我此生看不到,我也希望未來的香港人能見證到
看看歷史,哪有革命是一天就能爭取成功的呢!
現在未影響到你的
不代表將來不會影響到!
把握目前我們還有說不的機會和權利
守護我們心中的最後一片淨土
#星星之火可以燎原 #反送中 #反逃犯條款 #香港加油 #noextraditiontochina



香港足跡 | Comments:0 | Trackbacks:0 | 2019/06/09(日)