Daisypath Anniversary tickers
狗年大年初二 - Puppy New Year~
大年初二, 又可以訓到黃朝八晏, 好爽呀! 睡眠真的很重要哦! 這幾天繼續地和同事們在wechat搶紅包, 我地個group已經有成17人喇! 玩左幾日, 真係樂此不疲呢 =p 我balance已經有幾十蚊進帳了, 哈哈哈!
今天媽媽那邊的親戚去了我娘家拜年~ 不過我d表弟表今年大部分都不在HK, 表弟也是晚上才到, 媽媽阿姨他們又在打麻雀, 所以我都4點幾先上去坐坐, 食下糕, 睇下電視, 拜下年, 逗下利是~ 媽媽這邊的親戚仲要派利是比已出嫁的我架, haha!

下午去娘家坐坐, 又食左d年糕和蘿蔔糕芋頭糕 =p

6點左右就離開娘家, 然後去奶奶家食晚飯~ 年初二是老公的舊曆生日, 曾有想過買個蛋糕仔上去, 不過這2天實在吃得太多, 所以還是算了吧, haha!
前天才吃過餃子, 所以今天主打吃的是同樣來自北京的炸醬麵, 老公好喜歡吃的呢 =p 炸醬是在北京買的, 而麵更是奶奶親手由麵粉搓成再切的~ 真係好有heart呀! 仲有唔少配菜~ 真好吃呢~ 吃了那麼多年廣東的新年菜式, 可以吃吃北京傳統的餃子和炸醬麵也真是很不錯呢~ 調一下口味! 幸好我是什麼都吃的~ kaka! 今晚仲開左支Merlot紅酒, 不錯! 我蠻喜歡Merlot呢 =p
講真我奶奶真係幾好, 平時唔煩我地唔要求我地仲照顧周到, 次次上去食飯我地都坐在沙發等食食完就拍拍屁股走人, 真係算係咁! (大家都應該知道我平時有果句講果句架啦) 我算是好好彩了~
就這樣3個人一起吃著過年飯, 聊著, 說說北京的趣事, 也很有趣的呢~ 真慶幸我們和娘家和奶奶家都住得很近, 真的非常方便呢 =p

今晚主打食來自北京的炸醬麵~ d麵係奶奶自己造架!

仲有豆苗同少少餸菜

好大碗麵, 食得好飽~

年初二晚上到奶奶家, 三人一起開年!
節日慶祝 | Comments:0 | Trackbacks:0 | 2018/02/17(土)
狗年大年初一 - 汪汪汪!
又是大年初一了, 今年是狗年, 祝大家新年快樂, 身體健康, 花開富貴, 一帆風順, 大吉大利! 狗年汪汪汪 Puppy New Year

每年年初一, 都係在娘家跟爸爸那邊的親戚聚聚~ 由朝吃到晚~ 今年也不例外, 中午回到娘家, 跟親戚們開年! (對, 我們習慣在年初一就開年, 食得好豐富架!!) 一上到黎就差不多開飯了, haha!
年年必有既冬菇蠔豉, 臘味, 煮粉絲, 煮荀干等等..... 今年仲有魚肚海參煮鵝掌, 正! lunch已經開酒飲, 先飲紅酒啦~ 年年都係主打爸爸、姑丈和我飲得多~ 哈哈! 之後仲飲埋支舊酒 - Hennessy VSOP, 這支酒已經得番好少, 但已經有幾十年歷史, 係爺爺留下來的, 喝著每口也有他的味道., 說著他的往事, 說他喜歡飲酒! 爺爺已經走左十年喇, 我們仍然很想你呢! miss u so much!

臘味, 煮粉絲, 煮荀干, 魚肚海參煮鵝掌

蝦仁雞柳炒西芹, 炆豬手, 花膠煲雞湯, 燒鴨

要開夠兩張枱先夠放, haha!

好豐富既年初一開年飯 =p

中午未齊人, 食住先!


lunch完休息一下, 老公被人捉左去打麻雀鄧腳.... 之後又再食下年糕蘿蔔糕.... 然後我就派利是, 我今年d利是封都真係幾令, 影相好sharp呢! 正呀! 我對孖女表妹今年已經中五喇~ 正值花樣年華, fb上的朋友都仲係好認得佢地, haha!

下午又要食下年糕蘿蔔糕, 祝女麻女麻身體健康!

派利是比我果d未婚既後輩 =p

我的妹妹表妹堂妹~ 我d利是封真係好sharp呀! 正!


等齊人, 晚上姑媽一家都到齊人了~ 差不多9點幾先開飯呀! 晚上的dinner更豐富食得更豪, 哈哈! 過年嘛, 梗係要食好d! 晚上仲有生蠔、鮑魚、蝦、羊架............ 哈哈! 正呀! 梗係要影番張廿幾人既全家幅啦~
晚上繼續飲, 紅白的洋酒啦~ 飲埋果支爺爺既Hennessy~ haha~

蘿蔔魷魚魚蛋, 生蠔, 鮑魚生菜, 凍蝦, 生蝦, 羊架

晚上呢餐勁多海鮮呀! 好多好野食! 夠豪!

晚上終於齊人!


dinner完就仲有水果食~ 然後再跟女麻女麻拍拍照~ 娘家有大大盆蘭花和鮮花, 又有唔少裝飾, 影相真係唔錯~
祝大家新年快樂, 大吉大利, 身體健康, 狗年汪汪汪!

幾鍾意呢對獅子~ 我都想放一對在家呢~ haha!

女麻女麻和她的幾個子女~ 哈哈!

我們這一家~ 祝大家身體健康~
節日慶祝 | Comments:0 | Trackbacks:0 | 2018/02/16(金)
年三十 - 父母妹妹奶奶團年飯~
年三十喇, yeah! 今天early leave半日, 早上當然唔會做野啦! 繼續同同事搶紅包, 玩得瘋狂了, haha!
Lunch和同事去了OTE新開的”映水芙蓉”食, 食物幾精緻, 不過食物冇乜驚喜, 但多謝老細請客, 正式收爐!

收工後去左街市買餸, 回到家都已經4pm了..... 今年跟去年一樣, 也是在年三十晚招呼父母妹妹和奶奶上我們家吃團年飯~ 家人們晚上到, 奶奶準備了餃子, 涼菜和豬手, 我父母就買了三文魚刺身, 田螺, 燒鴨, 而我就整了蒸魚, 豆苗, 蜆煲, 焗蝦, 仲有解凍左既松葉蟹~ 食物真係超豐富呀!
開左2支酒, 俾人唔小心又打爆左我2隻杯, 就當是落地開花吧! 花開富貴哦~
一家人在家吃團年飯好熱鬧好溫馨, 飯後仲有湯丸, 一家人身體健康, 團團圓圓哦!

餃子, 松葉蟹, 蒸魚, 涼菜, 豆苗, 豬手

香草焗蝦, 焗田螺, 燒鴨, 蜆煲, 三文魚刺身

11個餸, 好豐富的年夜飯!

飲杯!

年三十晚的團年飯~ 一家人團團圓圓~

飯後仲有湯丸呀! 超飽~
節日慶祝 | Comments:0 | Trackbacks:0 | 2018/02/15(木)
年廿八 - 利是準備好了!
年廿八, 洗邋遢.... 一番公司就開始執自己個位, 掉左好多野! 好爽~ 哈哈! 我個位前所未有咁整潔! 冇mood工作, 大家都準備收爐了哦!

老公今日先係銀行唱左新銀紙~ 今年唱左5000蚊, 晚上回家就慢慢入利是~ 總共有百幾封, 唔知夠唔夠派呢!? 哈! 今年拎左公司超多利是封, 用淨的應該夠我地用幾年了, hahaha!! 我的策略是派曬d與"狗"相關的利是封吧, 否則下年就沒用了 =p
新年好忙, 忙住gathering~ 歡迎大家上黎我地堅企搵我拜年啊, 哈哈哈!

Mr & Mrs Ngai's laisee is ready!! 歡迎上黎拜年~

仲用淨咁多利是封, 可以用幾年, hahahaha!!
節日慶祝 | Comments:0 | Trackbacks:0 | 2018/02/13(火)
年廿五 - 新年前的Busy Weekend
年廿五了, 過年前的最後一個weekend, 呢2日難得都冇gathering, 正好可以做下私務, 都真係好忙架!
一早起身去做facial, 之後去剪頭髮再做treatment, 再去辦下年貨decorate下間屋已經一日喇......

今年既年花是媽媽幫我買的, 又是蝴蝶蘭, 今年買左兩大支, 粉紅色的, D紋好令呀, 好like! 今年呢棵大過舊年果棵, 三百幾蚊可以放成2個月, 好抵! 今年再買多左盆串串金放在鞋櫃呢~ 節日氣氛濃厚D~
揮春都係果D啦, 冇乜特別~ 今年繼續沒有全盒, (雖然曾經有一刻心動想買個LC花型瓷全盒), 繼續用番個high tea stand, 上面的糖果大部分都是在公司拿的, 是同事們的手信, hahaha!

今年家中有蝴蝶蘭和串串金~


今年的揮春, 有些是reuse的, 都是老樣子啦~

沒有全盒, 繼續high tea stand放糖果~ haha!!


利是封方面, 去年基本上已用曬結婚時整既"Karen & Ben"了~, 今年主打用公司的! 三年多了, 我地第一年有自己個場既利是封! 好感動! (公司其實有N款利是封, HK China個個場都唔同, 我真係拎左唔少) 而我地mkt真係design得幾型幾令, 好like! 派番自己場既利是封好代表到自己呢 =p 又是免費的, 真好呢! 今年拎左勁多利是封, 以防自己明年冇得拎都仍可以有得免費使用! hahaha!!
PS* 其實免費利是封, 將來老公應該都會繼續有得拎公司既, 只係冇咁令姐 =p

今年公司的利是封仍然漂亮! 我地team果款最令!
節日慶祝 | Comments:0 | Trackbacks:0 | 2018/02/10(土)
Boxing Day @ Tammy's New Home*
聖誕假期最後一天, 繼續相約朋友們吃喝玩樂玩到盡! 今晚就到去Tammy的新居house warming了~ 地區在粉嶺, 超遠呢!!! mtr入去真係幾辛苦, 但好彩有位坐咋! 我仲要坐坐下有少少腸抽筋, 唔係好舒服呢 >.< 好無奈.....
各自上tammy屋企, 辛苦曬jelly & rickey買埋餸入去, 我剛好唔舒服! 好彩一早冇預我買; 而jennifer嘛, 一個mom-to-be我們都不敢讓她太操勞啦, hahaha! 前陣子知道了, 真的很surprise呢! 沒想到她會是我們當中第一個當媽媽的人! 好開心~ 我們要升呢做auntie了! 明年christmas開始會有我們的下一代出現呢 >w< 生命真奇妙啊!
未開飯前要玩下jelly點名要玩既牛頭王! 好久沒玩過了~ haha! 我還是不錯的, haha!

Jelly指名要玩的牛頭王! 好耐無玩喇!!!

因為明天還要上班, 所以我們早點開始dinner, 今晚又是打邊爐, 四天內第二次了, haha! 又有唔少海鮮, 鱔、黃金蚌、脆肉鯇、桶蠔, 仲有好正既手切肥牛和竹笙!
是晚攜眷出席, 不過我老公冇黎, 因為佢話玩左幾日已經吃不消, 為免佢太操勞驚佢帶, 我決定由得佢, 我都唔想佢病住去旅行! 哈哈哈哈哈!
吃得好飽好飽! Merry Christmas my friends! 2018年再見喇!
Chris今日有揸車, 車埋我地番屋企, 好正呀!! thanks so much! 否則自己搭車番屋企真係幾慘 =p 加油! 番多3日工, 我就放長假了哦, 呵呵呵!

Karen, Tammy, Roger, Jennifer, Jelly & Rickey

d餸全部都係jelly & rickey買架~ 辛苦曬!!! 個竹笙好正!!!

四日打兩次邊爐, haha!

等埋Chris黎再影大合照!
節日慶祝 | Comments:0 | Trackbacks:0 | 2017/12/26(火)