FC2ブログ
Daisypath Anniversary tickers
Happy Birthday to my HUBBY*
今天是老公生日的大日子, 本來我打算請半天假的, 但老公都唔請假, 而且我們的dinner又book了在中環而且很晚才吃, 所以最後都沒請假呢.... 算是準時下班, 但我們book了8:45pm才dinner, 所以sip下時間就去了灣仔做foot massage, 之後才搭叮叮回中環吃晚飯...

今年老公想食法國菜的tasting menu, 沒有找酒店, 而是去了挺有名的fine dining VEA~ 這兒餐面積不大, 大家都是吃同一個menu, 都是chef指定的菜式.... 我們坐在高椅前, 看著open kitchen的廚師們在準備食物, 係幾正既~ 首先上的是test tube形的濕紙巾, 令我想去數年前我在中環吃的某頓生日飯, 也是吃法國菜, 只有tasting menu的Liberty Private Works, 不過那餐廳已經結業了, 我還覺得很可惜呢.... 之後再上網找找, 才知道VEA的主廚Vicky Cheng就是我們在2015年時吃過那家LPW的主廚, 他是在美國米芝蓮餐廳待過的呢~ 難怪我上網找這店時已經覺得很有親切感, 有似層相識的感覺! 不過我覺得今晚在VEA的experience當4年前我們在LPW的更好呢! 食物更好吃, 好難得!
10道菜, 每一道的擺盤都勁令, 每一碟都好像art piece! 美得像個藝術品似的, 我喜歡吃法國菜就是這個原因! 主菜開始前, 就先上snacks, 都是savoury selections.... 我最喜歡的是那個咸魚味的蝴蝶酥, 主題是林子祥的"咸魚白菜也好好味", 這是chef最喜歡的一首歌. 上枱時有music box播著"咸魚白菜也好好味"的音樂. 然後盒上有2塊蝴蝶酥, 還有2卷小字條, 入面寫著"有了你開心D, 乜都稱心滿意, 咸魚白菜也好好味", 還有英文版, 真係幾特別.... 好impress亦覺得很warm!

今年生日飯沒去酒店, 選了去吃法國菜的VEA!

一開始是SNACKS - savoury selections~ 第一道是芝士配cavier toast, 第二道是煙薰Quail Egg, 在鳥巢中似的!


咸魚味的蝴蝶酥好正, 仲有菜乾好甜! 成件事真係好"有了你開心D, 乜都稱心滿意, 咸魚白菜也好好味...."


上菜有點慢, 然後主菜們終於上了! chef擅長把local touch/ local elements放入french cuisine中, 每道菜雖然很法式, 但亦很有chinsese/ canton的味道和精髓, 真係好難得! 我最喜歡的是那sea cucumber, 即是海參, 入面釀了泥蟹, 個汁係好濃郁既中式蟹黃加薑蔥汁, 再噴上22年的花雕酒, 成件事真係好好食!!! 好impressive! 另外drunken piegon都好好吃, 我好鍾意食乳鴿....
不過最感動人心的是主菜kagoshima和牛飯, 和牛是以生牛肉的方式上枱, 這個dish的精髓是"飯.", 亦是HK人最重要的主食! Waiteris們還在介紹飯是什麼, 我真係覺得好感動.... french cuisne再加上local的ingredients/ dishes, 成件事真係好正 >w<

上: MANTIS SHRIMP - smoked cauliflower, uni, pistachio (很清新的前菜, 不過我還是覺得瀨尿蝦還是不夠鮮味, 龍蝦會更好?!)
下: RABBIT FISH - kohlrabi, plankton, “congee” (很有泥鯭粥的感覺, 很local touch!, 魚煎得好脆身, 好吃!)

ROASTED SEA CUCUMBER - female mud crab, ginger, 22yrs hua diao wine (呢個係signature dish! 海參內釀著當造的泥蟹, 很鮮味! 再加上濃厚的蟹黃薑蔥汁, 好正!)

TAIYOURAN EGG - crispy daikon, scallion, black truffle (PLW最有名的是那個流心蛋, 不過這蛋我不是很喜歡, 蛋是好吃, 不過我不喜歡甜甜的滷水汁呢!)

DRUNKEN PIGEON - salt and pepper tofu, goji berry, bean curd (我喜歡乳鴿)

來主菜之前先來個嘉應子+sobert, 好refresh, 好正! 好驚喜!

KAGOSHIMA WAGYU - fox nut, xo chili jam, fried rice (和牛生牛肉片, 再加茄子和xo牆飯, 飯還可以添加的, 好local touch, 好正!

上這個main dish的時候, waiters還故意介紹了飯, 成件事我覺得好正! this is HK!

酒量不好的老公, 點了個cocktail pairing, 不是大路的味道, 很impressive!

喜歡酒精的我, 則點了個wine pairing, 7杯小小的紅白酒, 喝得好爽呢!


咸點吃完了, 之後就是desserts, 先來2款desserts, 第一款是很特別的strawberrries, 都是來自日本的, 每人可以選2款, 我揀了一紅一白的, 成個experience真係好正, 你會覺得比貴d錢都值! 因為除左有得食, 仲有得睇show, 好正! 之後的apple tatin就冇咁精彩了 -o
book枱時一早order定是老公生日, 所以我們有extra的birthday dessert呢, 是乳豬全體呢....!!! 說笑了, 這是waiter的joking,.... 這只是個乳豬形態的雪糕! 不過入面是麥精味的呢...... 真係好local touch!!! 正呀!!! 我從小都不喜歡維他奶, 就喜歡麥精, 真是太巧妙了吧 >w<
親愛的老公, 生日快樂! 轉眼我們已在一起11個年頭了., 結婚3年, 也沒什麼大起大落..... thank you for loving me! 我有很多不完美的地方, 願你能繼續包容, Happy Birthday Hubby!! love u so much! 願我們能有更多無數的生辰一起一同慶祝, 願我們能一起走過未來數十年! love u!!! all the best!

上: JAPANESE STRAWBERRY - Brillat-Savarin, fermented rice wine, yuzu
下: APPLE TATIN - hawthron, dried longan, caramel

麥精味的乳豬全體, 好正呀! 太cute了吧 >w< so surprise!!!

Happy birthday hubby! thank you for loving me! i love u too!

MIGNARDISES sweet selections
食店: VEA Restaurant and Lounge
地址: 中環威靈頓街198號The Wellington 29至30樓
戀愛記事 | Comments:2 | Trackbacks:0 | 2019/01/30(水)
年廿九 + Happy Valentine’s Day
年廿九, 今日番工真係超級疏乎呀! 番到公司先落樓下同同事食早餐啦~ 點知知道老細今日下午先番, 之後我就決定番屋企附近的超市買餸, 準備定今晚既晚餐 (今日情人節呀大佬! 我本來打算office hour在citysuper買的), 走黎走去, 仲買左幾件新衫過新年tim, haha!
lunch番tst同老細和同事去皇子飯店食lunch, 我地5個升職的同事請呀! 又灌湯餃又鮑魚餃, 呢餐真係唔平, 仲貴過食buffer~ 不過大家吃得高興就行了~ 多謝各位同事過去一年既支持! 開年飯再食過!
lunch留番到公司, 收到email聽日放半日, 呵呵呵! 實在冇心工作, 同d同事係wechat玩搶紅包, 哈哈! 之後又落去樓下買相機, 成日無所事事, 心已收爐了呀!

準時收工, 今日情人節呀! 已經好多年沒有出街慶祝, 但2個人, 係屋企煮餐好d晚餐算是常識吧~ 哈哈! 好簡單地只係煎左塊和牛和羊架, 其他刺身和豆腐沙律都唔洗煮既, 好方便! Happy Valentine's Day my hubby 二人情人節, 在家煮飯仔才是王道呢! 搵個借口來慶祝下食好少少, haha! 飲sparkling wine最興奮!
親愛的老公, 情人節快樂哦~ love u!!

香草羊架, 豆腐配三文魚子牛油果, 刺身併盤, 和牛~

our V-Day cake!

Our Valentine's Day homemade dinner with sparkling wine!

豐富既晚餐, 情人節快樂!

Happy Valentine's Day my hubby!
戀愛記事 | Comments:0 | Trackbacks:0 | 2018/02/14(水)
Happy Birthday to my HUBBY~
今天是老公生日的大日子, 本來我今天要出差, 不過自己arrange下, 聽日先上辛苦d啦~ 幸好明天才是event沒有overlap個期 =p
我地都冇拎假, 一如以往只是出去食餐好架啦~ 老公話想食扒, 城中的有名扒房, 其中一家我還未試過的就是intercon的STEAKHOUSE~ 很快就拍板了~

STEAKHOUSE的環境還好, 不是太formal, 我還覺得有點casual呢 =p 我們的位置不錯, 對住窗邊有海景~ 食物方便其實款式不算太多, 牛扒我們都喜歡rib eye, 所以點了一份16oz的U.S.D.A. Prime Beef, 每人share 8oz很足夠了~ 其他前菜就點了crab cake, beef steak tartar和lobster bisque~ 除了crab cake麻麻地之外 (蟹味不夠, 唔夠熱, 有d油), 其他都不錯! steak tartar吃得出那牛柳肉很優質呢~ 牛本身的味好好! 龍蝦湯一般水準啦~ 沒什麼驚喜..... 最後的rib eye好好食! 不多肥又很嫩! 但牛味濃郁, 是最出色的一道菜! 有驚喜! 如果下次再來, 我只會來這兒吃steak =p
值得一提的是, 這是的signature是有好多款鹽、好多款刀選擇! 這個gimmick才拍拍照是不錯的~ haha! 不過我覺得呢度d service真係一般, 上菜很慢, 不是一道接一道菜的上, 中間的gip period好長呢.....

THE STEAK HOUSE winebar + grill

beef steak tartar (tenderloin, d牛味好出, 好食), crab cake (麻麻地), lobster bisque (龍蝦味濃郁, 再上甘香的白蘭地, 正! )

食紅肉當然飲紅酒~

好多款鹽、好多款刀選擇!

16oz rib-eye steak (U.S.D.A. Prime Beef)

我地個位對住窗邊的海景~ 不錯~


一早order了這兒signature的Chocolate Fondant cake做birthday cake~ 真係超大個lor, 好lava呀~ 雖然是蠻好吃, 不過2個人真係冇可能食得曬lor, 汗! 只吃了一半, 好浪費啊 >.<
祝我親愛的老公生日快樂~ 多謝你10年來都咁就我咁錫我, 結婚之後大家好似仲和諧過以前, haha! 我都好愛你架~ Love u* Happy Birthday Dear!

Chocolate Fondant, 超大個lor! 唔會食得曬!

Happy Birthday to Ben~ love u! thanks for loving me!
食店: THE STEAK HOUSE winebar + grill
地址: 尖沙咀梳士巴利道18號香港洲際酒店地庫


(冇左部olympus, 我今日帶左部單反去影相, haha! 好彩間餐廳其實都唔係好high, 唔會odd lol)
戀愛記事 | Comments:2 | Trackbacks:0 | 2018/01/30(火)
♥Our 9.5 & 1.5 Wedding Anniversary♥
轉眼香港已回歸20週年, 仲記得20年前係阿姨屋企睇住電視直播的畫面! 咁就20年了, 時間真係快得可怕! 香港人也發了20年的惡夢, 尤其這10年, 社會太可怕了! 你懂的!
很慶幸自己出生在1997年之前, 可以有機會生活在殖民香港, 見到香港那最美好的時光! 很希望未來的香港, 會恢復過去的光輝! (機會應該很少了吧)

7.1, 是我們9年半的紀念日, 明天又是我們結婚1.5週年紀念, 本來想明天才慶祝的, 不過明天要去遊船河, 所以就揀今日啦, 反正我們的拍拖和結婚紀念日都係只差一天而已 =P
想去食餐好既但又唔想花費太多, 畢竟我地個英法之旅先係主角, 而且都係半年既紀念姐~ 哈! 所以今次決定食fine dining既lunch, 價錢起碼平一半丫嘛~ 本來我想去一家酒店西餐廳的, 不過老公就想食日本野, 最後揀左係ICC 101/F的田舍家, 我地都係琴晚先book位架咋 =p
之前去過Ritz-Carlton 100樓, 101/F的景觀都係差不多啦, 好正的HK美景, 真係好令~ 同TST睇個view完全唔同架....

位於ICC 101/F的田舍家~

係101樓腑覽香港, 香港其實真係好令

we love HK~


睇左個menu, 我點了個很豐富的特選懷石料理; 而老公就點海鮮鐵板燒套餐.... 超多野食! 有咁既美景, 咁既fine dining都唔算好貴姐~ 日本菜就是精緻, 見住d瓷器和色彩繽紛的食材就已經覺得非常吸引了~ 好令呀!
食物份量都不少. 好豐富! 我個set有齊曬刺身、茶壺湯、燒物、天婦羅、鐵板燒.... 正呀! 最好食的是鐵板牛肉薄燒卷! 吃鐵板燒我很喜歡這道菜呢, 好滿足!

特選懷石料理的前菜, 好令! 好似去左日本溫泉酒店咁!

上: 老公的刺身; 下: 我的刺身

上: 我的燒三文魚; 下: 我的海鮮茶壺湯

上: 我的天婦羅; 下: 我的鐵板美國牛肉薄燒卷

老公的大蝦、帆立貝、三文魚鐵板燒! 好吃!!

老公個set仲有炒飯和炒什菜~

nice lunch!!!


最後還有dessert, 不過只是個樣子很普通的chocolate cake~ 昨天book枱時只說明了我們是celebrate 9.5 anniversary, 所以waiter都有在碟上寫上字架, 不過寫得好核突, hahaha!!! 好似小朋友寫既字, 唔似fine dining呢....汗! 不過只是9.5年的慶祝, 算啦~ 都冇咩要求 =p 只求在個平淡日子中找一些特別日期慶祝而已 =p 多謝老公一直都對我咁好 (一時時啦, haha), love u too!
原來我們半年後就一起10年了! 只是個很長很有意義的數字呢! 我正在考慮1月的trip要不要改去一些更exciting的地方呢!! kekee!!

最後的dessert, 都有寫上9.5 anniversary的字架~ 不過好ugly! hahaha!!

Happy 9.5 & 1.5 Wedding Anniversary! thanks bubby throughout the years!
食店: 田舍家
地址: 尖沙咀柯士甸道西1號環球貿易廣場(ICC)101樓A舖
戀愛記事 | Comments:0 | Trackbacks:0 | 2017/07/01(土)
Happy Valentine's Day
今天情人節, 其實一向都冇咩慶祝既~ 去年唔洗番工, 我們在娘家自己煮飯仔, 今年第一年在自己家過情人節! 今天要番工, 都冇咩選擇, 由老公下廚, 哈哈哈!
是晚menu, 和牛意粉, 西蘭花, 焗羊架, 生蠔, 不錯不錯! 老公仲在studio拎左d decoration回來, 有I LOVE U balloons + 假玫瑰 (reuse去年的), 哈哈哈~ 都有d情趣啦~ kekee! 情人節, 一向都沒什麼要求, 二人在家一起吃好一回, 就夠了 =p
最重要既係, 情人節我唔洗買、唔洗煮、唔洗洗 ❤️ 我個老公值得100分 (個分數係only exclusive for today, hahaha) Happy Valentine's Day!!!

和牛意粉, 西蘭花, 焗羊架, 生蠔

our dinner tonight~

都有少少decoration架~ I LOVE U balloons + 假玫瑰!

Happy Valentine's Day


上年情人節既尾聲, 我fb status話9成朋友都係屋企煮飯仔過情人節...
今年情人節既尾聲, 我想講.......
原來我地已經到左呢個年紀, fb 4成朋友都話今年同佢地既little valentine一起過得好幸福....
唔知下年又會講d咩呢...
戀愛記事 | Comments:0 | Trackbacks:0 | 2017/02/14(火)
❤️Happy Birthday to my Dearest Hubby @ 大年初三❤️
年初三, 今天是老公生日的大日子, 留在港過生日, 也沒有什麼特別的節目, 只是下午去了看電影... 我們好像很久沒一起看過電影了 =p 如今有了自己的家, 很多時候都很懶不想外出, 哈!

老公今年三十而立, 是個特別的日子呢! 加上又是假日, 真是很想好好地吃一餐豐富的! 一早想好要了找家酒店餐廳吃那些幾個courses的set menu~ 本來有想過去Ritz-Carton的天龍軒吃8個course的中菜, 不過老公之後又說想吃西餐, 所以short-list了Gaddi's, Caprice, Amber, Tosca和Petrus等, 都是有degustation menu的餐廳~ 我有事前上網一一看過menu, 其實價錢差不多, 有些是6、有些是8 courses~ 最後都是揀了在Landmark Mandarin Oriental的Amber~ 因為menu似乎最吸引, 而且我們都未去過置地文華東方這酒店呢 =p

Amber是家米芝蓮二星餐廳, 餐廳比想像中小, 裝潢是很modern的style~ 不錯! 不過枱同枱中間都算幾空曠很有空間感,幾有私密度~ 而且我們的table剛好是張圓大枱, 我們二人都可以坐sofa, 坐得好舒服! 而且waiters們的服務也很好呢! 也很有耐心幫我們拍照~ 照片難得地都拍得很不錯呢~ 冇震、夠sharp、又影到餐廳環境~
menu方面基本上不用想, 我就是為了這兒的degustation menu而來的呢 =p 在座的其他食客也是點這個set的呢~

Amber @ Landmark Mandarin Oriental Hotel

開了一個decanter的紅酒配美食, 好飲! 之後接著還有餐廳提供的complimentary甜酸苦辣幾個small bites以喚醒味蕾~


個degustation menu有9個courses, 未上第一個course就已經提供complimentary甜酸苦辣幾個small bites以喚醒味蕾~ 款款都好令呢!
吃了不少appetitzer, 之後終於上第一個course了! starter都有幾款, 碟碟都擺盤得好似art piece咁, 好正!!! 每一道菜一上枱我們都立即拍照, 很impressive的菜色呢! 我就是喜歡吃french cusine, 那些一上枱看不出是什麼食物來, 只覺得是件色彩藝術品~ 不只是味覺、還有視覺享受呢!
聽完waiter的介紹後一嚐, 每次都會有驚喜呢! 這些味道、食物的混搭都是廚師別出心裁的創作和研究, 很amazing! 雖然法國菜貴, 不過真是值得的! 人越大吃得越大, 感覺食物都是差不多烹調方式和味道, 真是很需要這些創新的料理來再次打開自己的味覺呢!
appetizer方面, 我覺得第1道的"ebisu oyster"、第2道的"wild buri"和第5道的"duck foie gras"都很有驚喜, 好好食!!! 真係好幸福呀!

上: 1st course - ebisu oyster (coagulated at 70c with sake leese lemon, granny smith & salicornia 日式酒糟'焗'法國生蠔配檸檬青蘋果啫哩及鹽角草)
食評: 這道很好吃! 隻蠔是熟的, 不過因為是慢煮所以texture仍是生的, 但味道完全沒腥味呢! 很cripsy, 配埋個青蘋果薄冰和咸咸的酒糟, 很refreshing!
下: 2nd course - wild buri (belly as a tartare, dorsal fillet sliced with celtus & heirloom turnips, dashi of the head, sudachi citrus & bannou negi infused extra virgin olive oil 野生片鰤魚蓋魚腩粒配蘿蔔佐昆布醋汁)
食評: 鰤魚片味道濃郁夠甘香, 配個海鮮汁簡直是神來之筆呢!

3rd course - kohlrabi (cooked in lime juice & manni olive oil, aka uni & schrenki caviar 青檸汁、橄欖慢煮大頭菜配以日本赤海膽及魚子醬)
食評: 這是Amber的signature dish, 赤海膽和魚子醬都好吃, 不過我對大菜頭麻麻, 如果可以換別的更好!

4th course - hokkaido diver scallop (seared with lime caviar, ‘umami’ sabayon, crispy ‘camargue’ red rice, dried seafood & salicornia 北海道香煎鮮干貝、海帶泡沫醬汁、紅米風乾海鮮脆片)
食評: 個汁、周邊的脆脆很咸香, 配埋肉質豐厚且鮮甜的帶子增加了多重口感, 如果帶子再嫩多一點會更好

5th course - duck foie gras (poached in mushroom tea with charred japanese shitake, pickled enoki & black garlic 水煮鴨肝配焦烤日本香菇、醃金菇、黑蒜及蘑菇茶)
食評: 個水煮鴨肝真係超級嫩骨, 但鴨肝味道仍然濃郁又有脆邊, 配上蘑菇清湯少了份油膩感! 大推!!

6th course - miyazaki wagyu beef (strip loin; barbecued with dulse & red cabbage slaw, horseradish & pepper berry emulsion 宮崎和牛配海帶、捲心菜、辣根及草莓醬汁)
食評: 主菜可選sea bass式宮崎和牛~ 不過我們都點了牛~ 哈! medium rare的宮崎和牛, 油脂充足很有牛香, 煎封了的邊位突顯了牛肉的焦香

好吃的和牛! yummy yummy

支red wine都唔錯!


吃完了6道咸食, 仲有cheese platter (我轉了個apple sorbet) 和2道dessert呢! 一向都不怎樣愛吃甜食, 不過總愛在dinner完點一下, 因為dessert才是一個完整dinner的perfect finishing呢 =p 2道dessert都不太甜, 可以解去之前7道菜的油膩感, 非常refreshing呢! 大讚!
之後還奉上coffee or tea~ 我們各自點了earl grey和jasmine tea去解膩.... 最後還有非常有誠意的petit four, 包括朱古力、鳥結糖、果tart、green apple sorbet.... 真是非常完美的一餐~ everything is so nice!

上: 7th course - french unpasteurized cheeses (matured by bernard antony 法國農夫芝士)
食評: 他點了cheese platter, 有我喜歡的臭芝士, goat cheese和blue cheese, 不過老公唔鍾意 lol
下: french apple sorbet with apple
食評: 怕點2個cheese太漏, 所以我轉了個apple sorbet~ 真是個正確的選擇! sorbet甜甜酸酸的可以解去芝士的膩

上: 8th course - tasmanian cherries (marinated with tirmut pepper, cherry meringue, sorbet of greek yogurt & hibiscus granite)
食評: d tasmanian cherries超甜呀! 很有果香~ 配埋d蛋白脆脆和cream, 很match味道不單調
下: 9th course - kacinkoa 85% chocolate (ganache, fisherman’s friend dust, peppermint & white chocolate sorbet 特濃朱古力配薄荷及白朱古力雪葩)
食評: 最後一道甜點有薄荷朱古力, 清清味蕾, 真是個perfect finishing =)

仲有很精緻的petite four和tea or tea..... 我們點了earl grey和jasmine tea去解膩


生日又點少得蛋糕呢! booking時餐廳早就問了是否有什麼慶祝, 說了老公生日後, 餐廳還會在最後上完petit four後奉上一個mini chocolate cake, 是一整個而非一件的呢! 上面還有happy birthday的朱古力生日牌~ 很精緻哦! waiter主動幫我們拍照, 也問我們蛋糕想即場食還是帶走, 因為太飽了, 我們決定外帶.... 即是這個mini cake我們只在餐廳拍拍照而已, 哈哈!
Happy 30th Birthday to my Dearest Hubby! 2017年是特別又重要的一年, 終於三十而立了 (你就好啦, 今年先30 lol) 很高興又榮幸在你1/3的人生中有我的存在~ 時間真的太快了呢!
30歲對男人也是別有意義的吧, 不再是男孩, 成家了, 希望你工作順利, 夢想成真! (對, 我知道你其中一個願望是令我每天快樂~~ add oil to provide me with unlimited love and money for travel, gourmet & shopping, hahaha lol)
Love, love and I love u, muah! love u till the world ends >3<

仲有個extra的birthday cake! complimentary的呢! 很精緻!

Happy Birthday to my Dearest Hubby


A remarkable year for hubby in 2017~ i love u till the world ends, muah >3<
食店: Amber
地址: 中環皇后大道中15號置地文華東方酒店7樓


這餐birthday dinner很貴呢! 是這麼多年來我們 (我也是) 吃過最貴的一餐! 不過整體感覺都很不錯, 是個很好的experience, 都值得一試的! 我們吃了2個半小時 =p
加上我們每年的wedding anniversary都會外遊 (我自己妄想而已 lol), 如今一起住也少了出街食飯, 所以就只有大家的birthday才有機會食餐好的~ 一年1, 2次, 無所謂啦 lol 同埋好快就到我生日架喇, 我下次要試其他正野丫, 想去Caprice或Gaddi's哦, kaka!!
吃過好幾間餐廳的tasting menu, 我覺得Hugo's的食物、環境、服務和價錢都很值得一試 (不過menu好像是6 courses, 平d都正常既), 另外最impressive的是第一次食的liberty private works, 雖然坐得唔太舒服不過性價比高呢 (可惜間餐廳執左lu, 冇得再去了)....

父母今晚去西班牙+葡萄牙旅行11日! 我都想去呢.... 希望他們在歐洲可以買個袋俾我, kakaka!!
戀愛記事 | Comments:0 | Trackbacks:0 | 2017/01/30(月)