FC2ブログ
Daisypath Anniversary tickers
Superfood - 藜麥Quinoa
前陣子認識了藜麥 (Quinoa)這Superfood~ 藜麥不含膽固醇及麩質, 低鈉、低脂、低升糖值、低熱量, 又有齊人體九種必需氨基酸~ 含豐富蛋白質~ 它的口感像是有口感的飯, 但它是植物種子, 不算是穀物呢! 最好係份量少少已經夠飽肚~ 藜麥可用來做risotto當飯食, 也可以做沙律....
近排想吃得健康點, 便買了來試試~ 樓下的超市沒有三色的, 我就買了一包白一包紅的自己溝啦.... 上網找了不少recipe改良下適合自己的口味, 主要都是配蔬菜、生果、yogurt、魚或雞.... 有時食沙律淨蔬果真係唔夠飽夜d忍唔住要食野, 而家加左藜麥真係有飽腹感好多! 而且我整左幾款菜式都真心覺得好好食呢, haha!

藜麥是superfood呢~ 我得覺得幾好食呢!

Quinoa with Chicken, Mushroom and Asparagus (呢個超好食, 煮到好似risotto咁既味, 煮過的紫洋蔥好甜! 淨係落左salt & pepper同少少油咋)

Quinoa with Herbs Baked Salmon Fillet (呢個係用食淨既雞肉藜麥黎配焗香草三文魚, 舊魚焗得剛剛好, 好滑~ 成件事好多protein, 哈哈)

Quinoa with Greek Yogurt, Peach and Maple Syrup (藜麥配yogurt也是不錯的~ 加了水蜜桃和楓糖漿)

Asparagus, Tuna, Tomato, Avocado and Quinoa Salad (呢個係warm salad, 大愛牛油果, 仲落左好多露筍好多green~ 只由了salt, pepper, olive oil & vinegar來調味咋)
私房菜館 | Comments:0 | Trackbacks:0 | 2018/09/02(日)
Hot Pot @ Home
本來想著今天出去食餐好既, 不過外面下著一陣又一陣的大雨好討厭, 所以就放棄了..... 反正我下午外出了一會, 回家時就順道去街市買餸, 今晚回家打邊爐啦!
只是二人火鍋, 食物份量和種類也沒買太多, 只買了肥牛、炸魚皮、蝦滑、雲吞、脆鯇片、豬紅~ 本來想買半斤大蜆, 不過在海鮮檔見到開了邊的龍蝦非常吸引, 忍唔住手買左! 加埋在家已有的廣島蠔、蟹腳、菜, 我們吃了一頓豐富的火鍋! 最好吃的當然是龍蝦, 很新鮮, 好多羔! 超正! 下次要買來蒜蓉蒸呢! yummy!

龍蝦, 廣島蠔, 蟹腳, 雲吞, 脆鯇片, 肥牛

豐富的火鍋配料, 我地有吃剩唔少架~
私房菜館 | Comments:0 | Trackbacks:0 | 2018/07/14(土)
端午節食鮑魚
佢地琴晚又睇到4, 5點先閃, 又有人係度訓過夜..... 不過我近中午起身時Joe已經閃人了~
琴日訓得夠, 終於補充好體力..... 好好多了! 今天雖是星期一係是端午節有假放呢, 真開心~ 我覺得我幾好彩, 呢2個月notice period有好幾日紅日, 好爽! 而且我last day前仲去成3個旅行 (okinawa, bkk, kansai), 真係好鬼串呀! haha!
今天端午節唔食糉, 晚上清清地食菜和豆角, 仲豪少少開番罐鮑魚啦, 好食呀! kekee!
私房菜館 | Comments:0 | Trackbacks:0 | 2018/06/17(日)
自家製雞煲
年廿六, 凍冰冰, 睇完戲, 自家製個雞煲黎嘆下~ 材料好豐富, 除了雞, 還有冬菇、雲耳、金針、豆卜、雪耳、芹菜、莞茜、指天椒..... 非常惹味! 不過醬汁我主要是下了蠔油、辣椒醬..... 下次一定要再把雞煎得更香, 還要下更多"麻"的味道~ 始終還是麻辣雞煲更吸引呢, 哈哈!
私房菜館 | Comments:0 | Trackbacks:0 | 2018/02/11(日)
冬天在家打邊爐
冬天已經來了, 涼涼地, 星期天二人窩在家裡, 我就是想打邊爐呀! 昨晚就已經想好了, 哈! 真係為食! Chistmas期間中, 已約了2個hot pot gathering呢, 哈哈哈!
上午出左佐敦, 之後去油麻地街市買埋餸, 自己一個人又買又拎又煮, 岀錢又岀力~ 我唔係淨係對朋友先有心既, 我對老公都好好! 只係啲人睇野淨係睇到表面姐~ well, 我只係鍾意得閒就讚下自己, 我先唔會介意人地既目光 =p
上次BBQ完仲有少少丸和腸仔食淨, 湯底只是用湯包, 沙嗲+麻辣味的, 夠過癮! 打邊爐要食肥牛和海鮮才夠爽! 我都買左蝦、鮑魚仔、貴妃蚌各4隻, 仲有脆肉鯇! 蔬菜方面有我最愛的豆苗和萵荀! 冬天二人在家打邊爐才是王道呢, 早d開飯, 真係好鬼正呀!

冬天二人在家打邊爐才是王道呢!!! 好鬼正!
私房菜館 | Comments:0 | Trackbacks:0 | 2017/11/26(日)
泡菜豆腐鍋
第一次在家試整泡菜豆腐鍋, 仲落左D帶子粒架, 不錯不錯~ 可以再encore, 簡單易整! 下次要整泡菜豬肉鍋*


同事去左西藏, send左唔少相黎, 好靚! 近年都見好多人去西藏, 我都好想去, 好想係生B之前去一次! 人家說見到青藏高原會感動到流淚.....
私房菜館 | Comments:0 | Trackbacks:0 | 2017/09/24(日)