FC2ブログ
Daisypath Anniversary tickers
黑警
近來香港真係有好多怨氣
為防自己有太多負面情緒
我近日都盡量少看新聞
加上上星期去了旅行行開下真係件好事
不過呢兩日上水沙田單野真係好離譜
晚上看了很多網上直播
我真係嬲到要講粗口
屌你老母班死黑警真係癲鳩左呀!!!!!
係咁衝入商場好似癲狗係咁嚇人打人失晒控!
一路驅趕又一路包抄圍堵示威者
真係痴撚線呀!
好難接受政府仲可以支持黑警濫權, 坐視不理, 縱容包庇
我真係好嬲好氣憤!
當年雨傘我都仲忍到
覺得一竿竹唔可以打沉一條船
但今次送中我真係忍無可忍
請恕我真係冇辨法跟黑警做朋友
(雖然我都冇咩警察朋友)
亦請諒解我要仇視警察!
生活點滴 | Comments:0 | Trackbacks:0 | 2019/07/14(日)
沒有暴徙, 只有暴政!
平時我同老公鬧交, 我爆得最多, 最嬲既點通常都係:
我同佢講野仍唔回應係極度無禮貌既行為
做錯就要認, 扮冇野係極度不負責既行為
認錯都要認得有誠意, 唔係一句對唔住就大曬, 唔係一句對唔住對方就一定要接受
而家我地既政府, 就係用D咁既漠視、龜縮、無耻態度冷處理香港人
一副i dont fucking care的態度
因為你地全部都唔係我老細囉傻仔!
一個人究竟要幾咁絕望
先可以做出咁多係安逸環境下唔會做既事
先可以放棄自己既前途
先可以視死如歸
先可以放棄自己既生命
所謂既大人勸人佢地同佢地講後果, 佢地話佢地預左呀! 佢地話香港人冇得再割蓆,冇得再輸呀....
佢冇一句說話可以反駁到....
佢地唔係三歲細路仔, 我相信佢地十幾廿歲人, 大部分人既思想都好有文有路
只係佢地包袱冇我地咁大, 所以先訓身出黎, 義無反顧!
而且.....
我明點解佢地會咁嬲呀!
我明點解佢地會咁做呀!
因為我都同佢地既感受一樣呀!
果種絕望, 不甘心, 冇出路, 憤怒既感覺已經纏擾左我成個月
呢d係官迫民反呀!!!
如果在有民主既地方, 呢個仆街政府一早落左台喇!
我們讀歷史也好, 看連續劇也罷
從來都不會只看單一事件就妄下判斷, 更不會斷章取義單看表面
香港人
從來都沒有暴徙, 有的只是暴政!
生活點滴 | Comments:0 | Trackbacks:0 | 2019/07/02(火)
舊同事之蒸海鮮聚會
又是每隔幾個月一次的舊公司同事聚會, 又入左深山, 好彩有車接送咋 =P
大家6, 7點陸逐來到, 之後就準備開餐了... 今次gathering特別D, 有成12個人, 我只有一位未見過, 而更特別的是, 我們所有人的大姐都有來呢, 她是我們的department head既阿姐 (不是老闆), 基本上以前公司營運上所有野都係佢話事架喇... 雖然有大人物係度, 不過她早已是前老細了, 大家已不再怕她了 lol
今晚吃蒸海鮮, 叫左外賣勁方便又唔洗洗 (雖然一向有工人處理lol) 而且海鮮款式極多, 成十款呀真誇張, 又龍蝦又蟹又蟶子鮑魚等, 好新鮮超正.... 最後果啖粥鮮甜到呢... 下次我都要自己係屋企試下!
今晚可不便宜, 仲要由同事Y請客呢.... 因為她終於要請辭了呢 (其實唔知點解佢要請,但佢自己提出,大家當然欣然接受,哈)

今晚有人請食蒸海鮮! 超豐富!!!

蟹, 龍蝦, 鮑魚, 蟶子, 貴妃蚌, 花甲, 海蝦, 白鱔, 鮑魚, 扇貝.... 多到呢....

今晚有12個舊同事出現~ 仲有久違了的大姐, u好難得, HAHA...


Dinner完下場, 落咗去地庫繼續吹水繼續飲.... 可以在前老細個老細面前爆粗真係幾爽, haha... 因為大姐係度, 我地終於八到一些多年以後放在心底的謎底, 真心爽, 哈!
最後玩到凌晨3點4點先走人, as usual lol 今天不算飲料太多,不過回到家個人都真的x迷迷了 lol

仲有好耐冇同大家食過生日蛋糕了o..... 最後玩到凌晨3點4點先走人, as usual
生活點滴 | Comments:0 | Trackbacks:0 | 2019/06/29(土)
16年
2003年7月1日, 那年, 我中五畢業正值暑期期間,
我第一次嘗試把頭染髮紅, 第一次嘗試上街遊行
因為對廿三條太恐懼, 因為對言論自由所的限制太過惶恐
所以我和3位同學第一次熱血地上街遊行了!
沒想太多, 就是因為我堅信言論自由是我們與生倶來的權利
任誰都不能拿走
再者, 鄧小平承諾過一國兩制50年不變, 我信!
那年蘋果報道說:
"這是最光榮的時刻,這是最悲愴的時刻
他們為香港人的良心而感到自豪,他們為西沉而感到哀傷"....
那時候我們還懵懂的相信, 政府就會聽我們的, 只要站出來就可以獲得想要的結果...
結果, 那年遊行過去了, 政府的確撤回了廿三條, 但缺乏政治意識的我, 卻不知道那並不是政府回心轉意, 而是因為自由黨和改變立場, 政府不夠票通過而給自己的下台階而已以......
16年過去, 2019年, 我雖尚未是社會的中流砥柱, 但卻已是個社會中的半個老屎忽
我早已對社會不再惶恐不再陌生不再怯懦
亦早已了解中共、港共、立法會的政治遊戲 (可能我仲仍然未知這關係有幾咁複雜, 我只係知道乜野都係利益關係)
我知道了, 灰心了, 絕望了
這10多年來,我不是沒有再嘗試過走出來發聲,然而一切卻是多麼的令人氣餒,一切似乎也是徒勞無功的,
我灰心,我絕望,我氣餒了....
香港青年人, 謝謝您們這幾天再為香港站出來
讓我知道自己並不孤單
當年我初心跟你們一樣,很純粹, 沒任何雜質
我們都只是個愛香港愛自由的真。香港人
我們理應有權利, 在這片土地擁抱著我們的信念和核心價值一起繼續走下去
再次謝謝您們保護香港, 保衛我們的家!
讓我們一起守護著它不再受煎熬
願我們都能一起堅守初心繼續走下去!
天佑香港! sing hallelujah to the lord!
生活點滴 | Comments:0 | Trackbacks:0 | 2019/06/17(月)
香港需要你。不撤不散!
過去十幾年,雖然自己上過街好幾次,但我從來都冇乜呼籲過d朋友一起上街去.....
因為我一向認為每個人也有自己的立場,我不會干涉你的自由,而且我也不喜歡管他人的行動
但今次唔同呀,情況真係好惡劣好嚴峻
稍為有d良知既人都會為呢個本來只是係和平集會既事感到痛心和不忿
上星期日103萬人上街
傲慢的政府仍然漠視我們的訴求
當晚還即時回應硬推修例、周一如常二讀
如果唔係班年輕烈士走出黎,修訂已經通過左喇!
之後幾日林鄭走出來還是厚顔無恥地假腥腥
加上班仆街警察濫用暴力後仍然被讚天經地義
簡直人神共憤!天怒人怨!
班年輕人和平示威都被誣陷為暴動
你有冇睇過香港紀錄片呀!知唔知乜撚野係暴動呀!
我實在接受不到這樣一個黑白顛倒、指鹿為馬的扭曲政府
而家政府又出黎呃呃氹氹我地話暫緩修例喇
你當我地係柒頭呀!
我地係要撤回呀你老母!
撤回悪法之餘仲要撤回暴動的莫須有罪名
你識唔識聽廣東話呀屌!
大家別被這狡猾的政府再次蠱惑了
經過這些年的抗爭,我們還未醒覺嗎?
別再FF這是什麼階段的勝利了
這種技倆在香港歷史上總是老是常出現
一鼓作氣 再而衰 三而竭
還不把握好這次機會,我們的鬥志又會再次被政府的拖字訣給磨光了
繼而一個反身攻擊將我們擊倒
箭在弦上,我們已經沒退路了
一齊守護我地最愛既香港既價值
千其唔好輕易放棄我地應有既基本權利
我希望我廢up幾隻字可以令仍在十五十六仲諗緊聽日出唔出黎,或者覺得熱覺得懶既你可以回心轉意
懇請大家明天616一起再次站岀來
香港需要你
一個都不能少
不撤不散!
生活點滴 | Comments:0 | Trackbacks:0 | 2019/06/15(土)
問候
昨晚收到2位朋友的問候
一位正身在美加旅遊
一位剛回港
一句簡單的問候
已經令人倍感溫暖
我真的很慶幸幾年前認識到你們
我明白當人越擁有越多
就更難放棄一切無拘無束地發聲
是很可悲
但我懂
That’s give and take...
願在衡量各方面後,你可以找到適合自己的路
生活點滴 | Comments:0 | Trackbacks:0 | 2019/06/13(木)