Daisypath Anniversary tickers
年初五 - 開工大吉!
年初五要back to office了! 開工大吉! 希望今年賺多D, 做野輕鬆D! 長沙開場順利!
老細仲未開工, 所以大家都好free! 番到公司就立即同同事落太興吃個開年早餐, 因為早上最齊人 XD 之後派下利是, 又逗下利是咁.... 結左婚又未有小朋友既人真係慘, 係咁有出冇入, 唉....
之後同幾個同事賭下大細, 新年流流, 我贏左50蚊呀! 我有個同事仲嬴左百幾蚊! 聽講今年虎好旺, 又再次體現了! haha!

今日只在太興吃了開年早餐, hahaha!!

之後番公司賭下大細, 我贏左50蚊 XD


12點去左修眉之後就閃人了~ 嘩哈哈! 真係好鬼爽, 在HC shopping左一陣就去了做treatment lu.... 工作時間做私事真係好鬼爽架!
買埋餸番屋企再煮埋, 都係6:30pm就開得飯了, 呵呵呵! 今晚吃素!! 青瓜、蕃茄炒蛋、蒸豆腐~ 清爽點~

今晚吃素!! 青瓜、蕃茄炒蛋、蒸豆腐~
生活點滴 | Comments:2 | Trackbacks:0 | 2018/02/20(火)
Erica & Hanson's Wedding
今晚CUS既Erica大婚~ 搵左咁耐, 終於都等到你既真命天子出現, so happy for u~ 晚上我們CUS有10人出席, 自己坐一圍, 真係好熱鬧~ 我地已經到左呢個年紀, 婚禮最齊人, haha! (咁我地每年Christmas/ CNY, 都有10人左右出席既~ 算係咁啦 =P 而且我同好多人都小group出黎見面成日聚~ 所以我同好多CUS人都好fd架~ kaka)
我同eva poon最早到~ 趁冇咩人~ 我自己走上台影左相先~ haha! 恭喜曬ca姐 =p

Congratulations to Erica & Hanson~

星期天, erica當初仲話要早d開席開d散, 事實証明係唔得既, hahaha!! 都係點幾先march-in~ 睇住video, 當年仲係好清澀的我們既大學時代啊! 唔經唔覺已經畢業左10年! 時間真係快得太可怕了吧! 一對新人既speech令人以為佢地有左, 不過erica已經否認了, hahaha! (真的嗎?)
今日大家都飲到high high地~ 去人地wedding任飲真係好開心~ 好似唔洗錢咁, hahaha! 順手約埋CNY團拜了 =P
今年大學畢業10週年, 大家都興起說要再去個畢業10週年之旅! 我地由入uni 10週年講到而家喇~ 如今我們一半人都已成家立室、又做了父母, 交人似乎不是件易事呢.... 今次講到似層層咁, 即時夾定期, 搵埋機票schedule、酒店價! 希望真係成事啦! 非常期待! 3D2N又好、4D3N又好; 台灣、日本都冇所謂~ 成班人, 去邊都開心~ (但點都唔會再揀大陸lor) 希望今年2018去得成啦! 2018下半年, 一定要去得成! 不醉無歸!

March in了~ 最鍾意睇有自己份既video =p

新娘得閒行過黎同我地影相~ haha!

敬酒時間~ 我又抓到機會拍單人照 =p

we are table 20~ 大學同學們~

自拍自娛下先~

philip, eva poon, kenus, angel, karen, erica, hanson, eva woo, rainbow, ingrid, isaac, martin~


本來11pm已經差不多回到家了, 但老公d fd係我就到屋企打比我 (真係我老公個fd打比我, 唔係我老公打比我), 叫我再出黎下場... 因為佢地今晚都有個fd結婚, 佢地聽日請曬假.... 結果我就再打的出去了.... 飲到3點幾先閃人, 仲唔見左部olympus相機tim, 疑似漏左係的士, 好無奈 =_=||||

無啦啦同老公d fd去左下場再飲 =__=||||
生活點滴 | Comments:0 | Trackbacks:0 | 2018/01/28(日)
Mini Concert
この記事を閲覧するにはパスワードが必要です
パスワード入力
生活點滴 | コメント(-) | Trackbacks(-)| 2018/01/27(土)
Who Moved My Cheese?
to be or not the be, this is the question?
不過一切也言之尚早, 再看看吧!
見步行步啦!
生活點滴 | Comments:0 | Trackbacks:0 | 2018/01/22(月)
千呼萬喚, 終於收信了!

公司往年都是在christmas前會派salary review + bonus信的, 去年12月22日竟然冇得派, 聽講大老闆對升職有d疑問, 好無奈! 唔明點解最後一刻先問lor.... anyway, 放大假我講叫老細幫我開信send俾我.... 點知到我1月15日番工時仲未有, 真係好無奈.... 連續被騙2次.... 今天一早回公司, 終於收到這封左盼右盼的"大信封"了!!
其實我自年中知道自己有得升職, 今次咁concern封信, 係因為我好想知salary increment和bonus有多少呢!! 之前已經想過很多很多了! 結果是沒有失望的 (也沒有驚喜啦), 人工加左12%, expected既~ 而bonus也跟去年一樣是3.5個月!! 嘩哈哈! 仍然是有好大舊錢好開心! 工作一年咁辛苦為乜, 就係為舊bonus啦!
這次promotion, 我就是manager了! 我仕途既一大突破! 係開心既~ 明明在中學時代只打算做份hea工的我, 工作了10年, 其中9年也在打辛苦工, 唯一一份做了9個月的hea工還是自己覺得不適合而quit的..... 人生的際遇真奇妙, 邊估到10年後的我會如此"賣命"工作呢....

我覺得自己的仕途還算不錯, 不是說什麼高職位、賺什麼大錢啦, 只是這10年也算平步青雲吧, 這樣已是非常幸運的了.... 在這公司工作了3年半, 由O升SO, 再升AM到如今Manager, 升左3次真係好難得.... 在工作中也能遇到肯提拔自己的上司, 已是很幸運了!
(其實係我條team做manager真係冇咩特別, 我地全部都是under同一個老細~ 而且我地而家已經有6個manager + 6個officer grade同事, 所以真係冇咩階級架咋)

我唔鍾意亦唔多同朋友講工作, 平時gathering就是要求開心和忘憂, 通常公事都只會跟同事呻 (所以我地先咁多HH), 又或是在blog或fb post下文抒發啦..... 這些年工作其實真係好辛苦, OT到10點、收唔到工走唔到、出差時OT和體力勞動、office hour勁用腦、幫人執屎、攪關係、受老細氣、壓力大到訓唔好....... 真係有苦自己知!! 但起碼在酬金方面也算是合理, 我慶幸自己可以一分耕耘一分收穫! 已經好好彩了! 我不覺得自己搵得多, i'm just paid for what i have done..... 唔該計下我工時, 我離開公司都成日做公事囉....

今年5月左右會是我們project的一個重要里程碑! 踏入2018年, 我也在再次思考未來的去向, 是去是留, 人生規劃, 不知我最後又會如何抉擇, 人生又會出現什麼樣的機會和際遇呢..... 我自己都好想知道, 哈哈!
生活點滴 | Comments:0 | Trackbacks:0 | 2018/01/16(火)
北歐追光。我出發了!
4個月冇去旅行喇, 今年唔算去左好多旅行 (我總是覺得今個trip算是2018年的 lol) 不過一年去2次歐洲, 算係咁啦, 哈哈!
這次是我們拍拖10週年 + 結婚2週年的紀念之旅, 去冰島挪威14天, 好期待! 對呢2個地方都好陌生, 不熟悉, 事前功夫沒做太多, 去到才見步行步吧! 希望可以見到北極光啦, 如果今次睇唔到, 我一定要明年再去芬蘭瑞典! 哼哼哼!!!

還有2日就是2018年了, 對於新一年, 沒有太大的感覺, 只是感覺.... 噢, 又大一年了! 今年工作很忙, 由年頭忙到年尾, 都過得幾辛苦... 幸好還算是有回報的 (不過我仲未收到bonus信!!!!), 其實還是差不多啦, 跟前一年沒什麼大分別!
2018年, 除了身體健康、世界和平那些之外, 希望工作一切順利! 身邊越來越多父母級的朋友了, 自己年紀也不少, 雖然還不是很ready, 但明年內應該也可以認真想想了吧? 哈!
Happy New Year all!!! 2018年再見!
生活點滴 | Comments:0 | Trackbacks:0 | 2017/12/29(金)